ജില്ലയിലെ ഓരോ നിയമസഭാ മണ്ഡലങ്ങളിലേക്കുമുള്ള വോട്ടിംഗ് യന്ത്രങ്ങള്‍ ഏതെന്ന് തീരുമാനിക്കുന്ന ആദ്യ ഘട്ട റാന്‍ഡമൈസേഷന്‍ ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ എം. അഞ്ജന നിര്‍വഹിച്ചു. രാഷ്ട്രീയ പാര്‍ട്ടികളുടെ പ്രതിനിധികളുടെയും റിട്ടേണിംഗ് ഓഫീസര്‍മാരുടെയും സാന്നിധ്യത്തിലായിരുന്നു നടപടി. തിരഞ്ഞെടുപ്പ് ഡെപ്യൂട്ടി കളക്ടര്‍ എസ്.എല്‍. സജികുമാറും സന്നിഹിതനായിരുന്നു.

===================

കോട്ടയം ജില്ലയില്‍  168 പേര്‍ക്ക് കൂടി കോവിഡ് സ്ഥിരീകരിച്ചു. 167 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്ത് നിന്നെത്തിയ ഒരാൾ രോഗബാധിതനായി.  പുതിയതായി  3526 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 70 പുരുഷന്‍മാരും 82 സ്ത്രീകളും 16 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 32 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

263 പേര്‍ രോഗമുക്തരായി. 2112 പേരാണ് നിലവില്‍ ചികിത്സയിലുള്ളത്.  ഇതുവരെ ആകെ 81730 പേര്‍ കോവിഡ് ബാധിതരായി.  79423 പേര്‍ രോഗമുക്തി നേടി. ജില്ലയില്‍ ആകെ  10858 പേര്‍ ക്വാറന്റയിനില്‍ കഴിയുന്നുണ്ട്.

ജില്ലയിൽ നാളെ(മാര്‍ച്ച് 15) മുതല്‍ എല്ലാ പഞ്ചായത്തുകളിലെയും മുനിസിപ്പാലിറ്റികളിലെയും ആരോഗ്യകേന്ദ്രങ്ങളിൽ കോവിഡ് വാക്സിന്‍ വിതരണം ചെയ്യുമെന്ന് ജില്ലാ കളക്ടര്‍ എം. അഞ്ജന  അറിയിച്ചു.60 വയസിനു മുകളിലുള്ള എല്ലാവർക്കും വാക്സിൻ വിതരണം അതിവേഗം പൂർത്തിയാക്കുന്നതിനുള്ള നടപടികളുടെ ഭാഗമായാണ് ഈ ക്രമീകരണം.

ആരോഗ്യ കേന്ദ്രങ്ങൾക്കു പുറമെ തെരഞ്ഞെടുക്കപ്പെട്ട പൊതു സ്ഥാപനങ്ങളിലും  16  സ്വകാര്യ ആശുപത്രികളിലും പ്രതിരോധ കുത്തിവയ്പ്പ് ലഭ്യമാകും. വാക്സിൻ ലഭിക്കുന്ന കേന്ദ്രങ്ങളുടെ വിശദാംശങ്ങൾ രജിസ്ട്രേഷന്‍ വേളയില്‍ പോർട്ടലിൽനിന്ന്  അറിയാൻ കഴിയും. 

ജില്ലയിൽ ജനുവരി 16ന് ആരംഭിച്ച കോവിഡ് വാക്സിനേഷൻ ഒരു ലക്ഷം ഡോസ് പിന്നിട്ടു.രണ്ടാം ഡോസ് ഉൾപ്പെടെ 1,15,412  ഡോസ് വാക്സിനാണ് ഇതുവരെ വിതരണം ചെയ്തത്. ആകെ 94433 പേർ  സ്വീകരിച്ചു.  ഇതിൽ  90394  പേർ കോവിഷീൽഡും 4039 പേർ കോവാക്സിനുമാണ് സ്വീകരിച്ചത്.  

ആദ്യഘട്ടത്തിൽ ആരോഗ്യപ്രവർത്തകർ, കോവിഡ് മുന്നണി പ്രവർത്തകർ, തെരഞ്ഞെടുപ്പ് ഉദ്യോഗസ്ഥർ എന്നിവർക്കും രണ്ടാം ഘട്ടത്തിൽ മുൻഗണനാ വിഭാഗങ്ങളില്‍ പെട്ട പൊതുജനങ്ങൾക്കുമാണ് വാക്സിൻ നൽകിയത്. 

----
കോവിഡ് മുന്‍നിര പ്രവര്‍ത്തകരായി പരഗണിക്കപ്പെടുന്ന റവന്യു, പോലീസ്, തദ്ദേശസ്വയംഭരണ വകുപ്പുകളിലെയും കേന്ദ്ര സേനാ വിഭാഗങ്ങളിലെയും ജീവനക്കാര്‍ക്കായുള്ള  രണ്ടാം ഡോസ്‌ കോവാക്സിൻ വിതരണം മാര്‍ച്ച് 16, 19 തീയതികളിൽ തെരഞ്ഞെടുത്ത 24 കേന്ദ്രങ്ങളിൽ നടക്കുമെന്ന് ജില്ലാ കളക്ടർ എം അഞ്ജന അറിയിച്ചു.  ഈ  കേന്ദ്രങ്ങളിൽ മാര്‍ച്ച് 16നും 19നും മറ്റാര്‍ക്കും വാക്സിന്‍ വിതരണം ഉണ്ടായിരിക്കില്ല.

നിയമസഭാ തിരഞ്ഞെടുപ്പില്‍ പ്രചാരണച്ചിലവുമായി ബന്ധപ്പെട്ട് കേന്ദ്ര തിരഞ്ഞെടുപ്പ് കമ്മീഷന്‍ പുറപ്പെടുവിച്ചിട്ടുള്ള മാര്‍ഗനിര്‍ദേശങ്ങള്‍ കര്‍ശനമായി പാലിക്കുവാന്‍ രാഷ്ട്രീയ പാര്‍ട്ടികളും സ്ഥാനാര്‍ത്ഥികളും ശ്രദ്ധിക്കണമെന്ന് കേന്ദ്ര തിരഞ്ഞെടുപ്പ് കമ്മീഷന്‍ നിയോഗിച്ച ചിലവ് നിരീക്ഷകര്‍ നിര്‍ദേശിച്ചു. ചിലവുകള്‍ കൃത്യമായി കണ്ടെത്താനും സ്ഥാനാര്‍ത്ഥികളുടെ കണക്കുകളില്‍ ഉള്‍പ്പെടുത്താനും ജില്ലയിലെ നിരീക്ഷണ സംവിധാനം ജാഗ്രത പുലര്‍ത്തണമെന്നും അവര്‍ പറഞ്ഞു. 

===================

കോട്ടയം ജില്ലയില്‍  161 പേര്‍ക്ക് കൂടി കോവിഡ് സ്ഥിരീകരിച്ചു. 156 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്.  ഇതില്‍ ഒരു ആരോഗ്യപ്രവര്‍ത്തകനും ഉള്‍പ്പെടുന്നു. സംസ്ഥാനത്തിനു പുറത്ത് നിന്നെത്തിയ അഞ്ചു പേര്‍ രോഗബാധിതരായി.  പുതിയതായി  3662 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 73 പുരുഷന്‍മാരും 74 സ്ത്രീകളും 14 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 27 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

കേരളത്തില്‍ ഞായറാഴ്ച 1792 പേര്‍ക്ക് കോവിഡ്-19 സ്ഥിരീകരിച്ചു. കോഴിക്കോട് 288, കൊല്ലം 188, കോട്ടയം 161, തിരുവനന്തപുരം 161, കണ്ണൂര്‍ 151, മലപ്പുറം 151, പത്തനംതിട്ട 137, എറണാകുളം 132, ആലപ്പുഴ 112, തൃശൂര്‍ 108, കാസര്‍ഗോഡ് 65, ഇടുക്കി 59, വയനാട് 40, പാലക്കാട് 39 എന്നിങ്ങനേയാണ് ജില്ലകളില്‍ രോഗ ബാധ സ്ഥിരീകരിച്ചത്.

സ്‌കോള്‍ കേരള -മുഖേന 2020-22 ബാച്ചിലേക്കുള്ള ഒന്നാം വര്‍ഷ ഹയര്‍ സെക്കണ്ടറി, വി.എച്ച്.എസ്.ഇ അഡീഷണല്‍ മാത്തമാറ്റിക്‌സ്  കോഴ്‌സുകള്‍ക്ക് മാര്‍ച്ച് 20 വരെ രജിസ്റ്റര്‍ ചെയ്യാം. ഒന്നാം വര്‍ഷ ഹയര്‍ സെക്കണ്ടറി കോഴ്സുകള്‍ക്ക് പ്രവേശനം വേണ്ടവര്‍ എല്ലാ രേഖകള്‍ സഹിതം സ്‌കോള്‍ കേരളയുടെ ബന്ധപ്പെട്ട ജില്ലാ ഓഫീസില്‍ രജിസ്ട്രേഷന്‍   നടത്തണം. വി. എച്ച്. എസ്. ഇ. അഡീഷണല്‍ മാത്തമാറ്റിക്‌സ് കോഴ്‌സിന് പ്രവേശനം നേടാനുള്ളവര്‍ www.scolekerala.org മുഖേന ഓണ്‍ലൈനായി രജിസ്റ്റര്‍ ചെയ്യണം.

നിയമസഭ തിരഞ്ഞെടുപ്പിന്റെ പ്രവര്‍ത്തനം ഏകോപിപ്പിക്കാന്‍ വാര്‍ റൂമായി കളക്‌ട്രേറ്റിലെ ജില്ലാ തെരഞ്ഞെടുപ്പ്  വിഭാഗം ഓഫീസ്.  തെരഞ്ഞെടുപ്പ് പ്രഖ്യാപനം മുതല്‍ ജില്ലാ കളക്ടര്‍ ഡോ.അദീല അബ്ദുളളയുടെ നേതൃത്വത്തിലുളള ഉദ്യോഗസ്ഥ സംഘം അഹോരാത്രം തിരഞ്ഞെടുപ്പു ജോലിയിലാണ്്.