നിയമസഭാ തെരഞ്ഞെടുപ്പിന്റെ ഭാഗമായുള്ള ചെലവ് നിരീക്ഷകര്‍ ചുമതലയേറ്റു. പയ്യന്നൂര്‍, കല്ല്യാശ്ശേരി, തളിപ്പറമ്പ് മണ്ഡലങ്ങളുടെ ചുമതലയുള്ള മേഘ ഭാര്‍ഗ്ഗവ, ഇരിക്കൂര്‍, അഴീക്കോട്, കണ്ണൂര്‍, ധര്‍മ്മടം എന്നിവയുടെ ചുമതല വഹിക്കുന്ന ബീരേന്ദ്രകുമാര്‍, തലശ്ശേരി, കൂത്തുപറമ്പ്, മട്ടന്നൂര്‍, പേരാവൂര്‍ മണ്ഡലങ്ങളില്‍ സുധന്‍ഷു ശേഖര്‍ ഗൗതം എന്നിവരാണ് ചുമതലയേറ്റത്. ജില്ലാ കലക്ടര്‍ ടി വി സുഭാഷുമായി നിരീക്ഷകര്‍ കൂടിക്കാഴ്ച നടത്തി. തുടര്‍ന്ന് വിവിധ വകുപ്പ് തലവന്‍മാരുമായി ചര്‍ച്ച നടത്തുകയും അസിസ്റ്റന്റ എക്‌സ്‌പെന്‍ഡിച്ചര്‍ ഒബ്‌സര്‍മാരുടെ യോഗം ചേരുകയും ചെയ്തു

നിയമസഭാ തെരഞ്ഞെടുപ്പിന്റെ ഭാഗമായി വിവിധ മാധ്യമങ്ങളില്‍ സ്ഥാനാര്‍ഥികളും പാര്‍ട്ടികളും നല്‍കുന്ന പരസ്യങ്ങള്‍ക്കുള്ള നിരക്കുകള്‍ ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ പ്രസിദ്ധീകരിച്ചു. ദിനപ്പത്രങ്ങള്‍, ടിവി ചാനലുകള്‍, കേബിള്‍ ടിവി, എഫ്എം റേഡിയോകള്‍ എന്നിവയില്‍ പരസ്യം നല്‍കുന്നതിനുള്ള റേറ്റ് ചാര്‍ട്ടാണ് പ്രസിദ്ധീകരിച്ചത്. 21 ദിനപത്രങ്ങള്‍, പ്രാദേശിക ചാനലുകള്‍ ഉള്‍പ്പെടെയുള്ള 31 ടെലിവിഷന്‍ ചാനലുകള്‍, മൂന്ന് എഫ്എം റേഡിയോകള്‍ എന്നിവ ഇതില്‍ ഉള്‍പ്പെടുന്നു. പത്രങ്ങള്‍ക്ക് കോളം നിരക്കിലും ചാനലുകള്‍ക്ക് പ്രൈം ടൈം സമയത്തെ അടിസ്ഥാനമാക്കിയുമാണ് പരസ്യ നിരക്കുകള്‍.

നിയമസഭാ തെരഞ്ഞെടുപ്പ് പ്രചാരണത്തിന്റെ ഭാഗമായി ടെലിവിഷന്‍ ചാനലുകള്‍, കേബിള്‍ നെറ്റ്വര്‍ക്കുകള്‍, സ്വകാര്യ എഫ്എം ചാനലുകള്‍ ഉള്‍പ്പെടെയുള്ള റേഡിയോകള്‍, സിനിമാ തിയറ്ററുകള്‍, മൊബൈല്‍ എല്‍ ഇ ഡികള്‍, സമൂഹ മാധ്യമങ്ങള്‍ എന്നിവയില്‍ നല്‍കുന്ന പരസ്യങ്ങള്‍ അംഗീകാരത്തിനായി സമര്‍പ്പിക്കുമ്പോള്‍ അപേക്ഷ പ്രത്യേക ഫോര്‍മാറ്റില്‍ തന്നെ നല്‍കണമെന്ന് മീഡിയ സര്‍ട്ടിഫിക്കേഷന്‍ ആന്റ് മോണിറ്ററിംഗ് കമ്മിറ്റി (എംസിഎംസി) ചെയര്‍മാന്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു.

ടെലിവിഷന്‍, റേഡിയോ, മറ്റ് ഇലക്ടോണിക്  മാധ്യമങ്ങള്‍, സമൂഹ മാധ്യമങ്ങള്‍ എന്നിവയില്‍ നല്‍കുന്ന രാഷ്ട്രീയ പരസ്യങ്ങള്‍ക്ക്  അംഗീകാരം നല്‍കുന്നതിനും പെയ്ഡ് ന്യൂസ് നിരീക്ഷിക്കുന്നതിനുമായുള്ള മീഡിയ സര്‍ട്ടിഫിക്കേഷന്‍ ആന്റ് മോണിറ്ററിംഗ് കമ്മിറ്റി (എംസിഎംസി)സെല്ലിന്റെയും ഇലക്ഷന്‍ മീഡിയ സെല്ലിന്റെയും ഉദ്ഘാടനം ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് നിര്‍വഹിച്ചു.

ജില്ലയില്‍ വെള്ളിയാഴ്ച  131 പേര്‍ക്ക് കൂടി കൊവിഡ് പോസിറ്റീവ് ആയി. സമ്പര്‍ക്കത്തിലൂടെ 118 പേര്‍ക്കും, ഇതരസംസ്ഥാനത്ത് നിന്നെത്തിയ അഞ്ച് പേർക്കും വിദേശത്തു നിന്നെത്തിയ അഞ്ച് പേര്‍ക്കും, മൂന്ന് ആരോഗ്യ പ്രവര്‍ത്തകർക്കുമാണ് കൊവിഡ് സ്ഥിരീകരിച്ചത്.

സമ്പര്‍ക്കം മൂലം:

ജില്ലയില്‍ 100ലധികം കേന്ദ്രങ്ങളിലായി കോവിഡ് വാക്‌സിനേഷന്‍ പുരോഗമിക്കുന്നതായി ജില്ലാ മെഡിക്കല്‍ ഓഫീസര്‍ ഡോ.കെ.സക്കീന അറിയിച്ചു. ആരോഗ്യ പ്രവര്‍ത്തകര്‍, കോവിഡ് മുന്നണി പ്രവര്‍ത്തകരായ പൊലീസ്, ഇതര സേനാവിഭാഗങ്ങള്‍, റവന്യൂ, തദ്ദേശ സ്വയംഭരണ സ്ഥാപനങ്ങളിലെ ജീവനക്കാര്‍, പോളിങ് ഉദ്യോഗസ്ഥര്‍, 60 വയസ് കഴിഞ്ഞവര്‍, 45 നും 60 നും ഇടയില്‍ പ്രായമുള്ള ഇതര രോഗങ്ങള്‍ ഉള്ളവര്‍ തുടങ്ങിയവര്‍ക്കാണ് ഇപ്പോള്‍ കോവിഡ് വാക്‌സിനേഷന്‍ നല്‍കിക്കൊണ്ടിരിക്കുന്നത്.
 

നിയമസഭാ- മലപ്പുറം ലോക്‌സഭാ മണ്ഡലത്തിലെ ഉപതെരഞ്ഞെടുപ്പുമായി ബന്ധപ്പെട്ട് ജില്ലയിലെ ഒരുക്കങ്ങള്‍ വിലയിരുത്തുന്നതിനും ഉദ്യോഗസ്ഥര്‍ക്ക് ആവശ്യമായ നിര്‍ദേശങ്ങള്‍ നല്‍കുന്നതിനുമായി ജില്ലാകലക്ടര്‍ കെ.ഗോപാലകൃഷ്ണന്റെ അധ്യക്ഷതയില്‍ വരണാധികാരികളുടെയും നോഡല്‍ ഓഫീസര്‍മാരുടെയും യോഗം ചേര്‍ന്നു. തെരഞ്ഞെടുപ്പിന്റെ എല്ലാ ഘട്ടങ്ങളിലും കോവിഡ് മാര്‍ഗനിര്‍ദേശങ്ങളും മാതൃകാപെരുമാറ്റച്ചട്ടങ്ങളും  പാലിക്കുന്നുണ്ടെന്ന് ഉറപ്പുവരുത്താന്‍ ജില്ലാകലക്ടര്‍ നിര്‍ദേശം നല്‍കി.

നേരിട്ടുള്ള സമ്പര്‍ക്കത്തിലൂടെ 194
ഉറവിടമറിയാതെ ആറ് പേര്‍ക്ക്
രോഗബാധിതരായി ചികിത്സയില്‍ 2,111 പേര്‍
ആകെ നിരീക്ഷണത്തിലുള്ളത് 17,178 പേര്‍

അരീക്കോട് ഗവ.ഐ.ടി.ഐയില്‍ ഇന്‍സ്റ്റിറ്റ്യൂട്ട് മാനേജ്‌മെന്റ് കമ്മിറ്റിയുടെ ആഭിമുഖ്യത്തില്‍ നടത്തുന്ന നൈപുണ്യ കോഴ്‌സിന്റെ ഓഫീസിലേക്ക് സ്റ്റാഫിനെ നിയമിക്കുന്നു. ബിരുദവും കമ്പ്യൂട്ടര്‍ പരിജ്ഞാനവുമുളള യുവതികള്‍ക്ക് അപേക്ഷിക്കാം. ഫോണ്‍: 7510481819.

മാര്‍ച്ചിലെ  സൗജന്യ ഭക്ഷ്യകിറ്റ് വിതരണം ആരംഭിച്ചിട്ടുണ്ട്. ഫെബ്രുവരിയിലെ കിറ്റ് വിതരണം തുടരുന്നതായിരിക്കുമെന്നും  ജില്ലാ സപ്ലൈ ഓഫീസര്‍ അറിയിച്ചു.