ഉത്തരവ് സ്വീകരിക്കാന്‍ സ്ഥാപനങ്ങള്‍ അവധി ദിവസങ്ങളിലും പ്രവര്‍ത്തിക്കണം

നിയമസഭാ തിരഞ്ഞെടുപ്പ് ജോലിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് നിയമന ഉത്തരവുകള്‍ ഇന്ന്(മാര്‍ച്ച് 12) വിതരണം ചെയ്തു തുടങ്ങും. ബുധനാഴ്ച്ച ആദ്യ ഘട്ട റാന്‍ഡമൈസേഷനിലുടെ തിരഞ്ഞെടുക്കപ്പെട്ട 13492 പേര്‍ക്കുള്ള നിയമന ഉത്തരവുകള്‍ ഇന്നലെ(മാര്‍ച്ച് 11) അതത് വില്ലേജ് ഓഫീസുകളില്‍ എത്തി ഇന്നു മുതല്‍ ഓരോ ഉദ്യോഗസ്ഥര്‍ക്കും സ്ഥാപനങ്ങളില്‍ ഉത്തരവ് ലഭ്യമാക്കും. 

------
നിയമസഭാ തിരഞ്ഞെടുപ്പിന്‍റെ നടപടിക്രമങ്ങള്‍ക്ക്  വില്ലേജ് തലത്തില്‍  മേല്‍നോട്ടം വഹിക്കുന്നത്   218 സെക്ടര്‍ ഓഫീസര്‍മാര്‍. ഒൻപത് നിയമസഭാ മണ്ഡലങ്ങളില്‍ 181 സെക്ടറുകളിലായാണ് സെക്ടര്‍ ഓഫീസര്‍മാരെയും അസിസ്റ്റന്‍റ് സെക്ടര്‍ ഓഫീസര്‍മാരെയും ജില്ലാ തിരഞ്ഞെടുപ്പ് ഓഫീസറായ ജില്ലാ കളക്ടര്‍ നിയോഗിച്ചിട്ടുള്ളത്. 

പാലാ - 30, കടുത്തുരുത്തി - 28, വൈക്കം, ചങ്ങനാശേരി , ഏറ്റുമാനൂർ -21 വീതം, കോട്ടയം - 20, പുതുപ്പള്ളി -22,   കാഞ്ഞിരപ്പള്ളി - 26 , പൂഞ്ഞാർ _ 29 എന്നിങ്ങനെയാണ് വിവിധ നിയോജക മണ്ഡലങ്ങളിലെ സെക്ടര്‍ ഓഫീസർമാരുടെ കണക്ക്. 

നിയമസഭാ തിരഞ്ഞെടുപ്പിൽ വോട്ട് ചെയ്യാനെത്തുന്ന സമ്മതിദായകർ തിരിച്ചറിയൽ രേഖയായി ചുവടെ പറയുന്നവയില്‍ ഏതെങ്കിലും ഹാജരാക്കിയാല്‍ മതിയാകും.

?കേന്ദ്ര തിരഞ്ഞെടുപ്പ് കമ്മീഷൻ നൽകിയിട്ടുള്ള തിരിച്ചറിയൽ കാർഡ് 

?പാസ്‌പോർട്ട്

?ഡ്രൈവിംഗ് ലൈസൻസ്

?പാൻ കാർഡ്

?ആധാർ കാർഡ്

?കേന്ദ്ര- സംസ്ഥാന  സർക്കാർ വകുപ്പുകൾ, പൊതു മേഖലാ സ്ഥാപനങ്ങൾ, പൊതു മേഖലാ കമ്പനികൾ എന്നിവ ജീവക്കാർക്ക് നൽകിയിട്ടുള്ള സർവ്വീസ് തിരിച്ചറിയൽ രേഖ

?കേന്ദ്ര തൊഴിൽ മന്ത്രാലയത്തിൻ്റെ വിവിധ പദ്ധതികളുടെ ഭാഗമായി അനുവദിച്ച സ്മാർട്ട് കാർഡ്

?ആരോഗ്യ ഇൻഷുറൻസ് സ്മാർട്ട് കാർഡ്

നിയമസഭാ തിരഞ്ഞെടുപ്പിനോടനുബന്ധിച്ച് ഇ - തിരിച്ചറിയൽ കാർഡ് മൊബൈൽ ഫോണില്‍ ഡൗൺലോഡ് ചെയ്യുന്ന വിധം വോട്ടര്‍മാര്‍ക്ക് വിശദീകരിക്കുന്നതിന് വില്ലേജ് ഓഫീസുകളില്‍ ക്രമീകരണം ഏര്‍പ്പെടുത്തിയതായി  കോട്ടയം തഹസിൽദാർ അറിയിച്ചു. ഇതിനായി   ഇന്നും നാളെയും (മാർച്ച് 13,14) ഓഫീസ് പ്രവർത്തന സമയത്ത് വില്ലേജ് ഓഫീസുകളിൽ എത്തിയാല്‍ മതിയാകും.

സംസ്ഥാന വിവരാവകാശ കമ്മീഷണർ അഡ്വ. എച്ച്. രാജീവൻ മാര്‍ച്ച് 15ന് കോട്ടയം റസ്റ്റ് ഹൗസിൽ നടത്താനിരുന്ന ഹിയറിംഗ്  മാറ്റിവെച്ചു. പുതിയ ഹിയറിംഗ് തീയതി പിന്നീട് അറിയിക്കും.

-------------------
നിയമസഭാ തിരഞ്ഞെടുപ്പു പ്രചാരണവുമായി ബന്ധപ്പെട്ട് രാഷ്ട്രീയ പാര്‍ട്ടികളും സ്ഥാനാര്‍ഥികളും സംഘടനകളും വ്യക്തികളും ഇലക്ട്രോണിക് മാധ്യമങ്ങളില്‍ നല്‍കുന്ന പരസ്യങ്ങള്‍ക്ക് തിരഞ്ഞെടുപ്പ് വിഭാഗത്തിന്‍റെ അംഗീകാരം നേടേണ്ടതുണ്ട്. ജില്ലാതല മീഡിയ സര്‍ട്ടിഫിക്കേഷന്‍ ആന്‍റ് മോണിട്ടറിംഗ് കമ്മിറ്റി(എം.സി.എം.സി)യാണ് പരസ്യങ്ങള്‍ പരിശോധിച്ച് അംഗീകാരം നല്‍കുന്നത്. 

നിയമസഭാ തിരഞ്ഞെടുപ്പിന്റെ പോളിംഗ് ജോലിക്ക് ജീവനക്കാരെ നിയോഗിച്ചുകൊണ്ടുള്ള ഉത്തരവ് കൈപ്പറ്റുന്നതിനും വിതരണം ചെയ്യുന്നതിനുമായി ജില്ലയിലെ വിദ്യാഭ്യാസ സ്ഥാപനങ്ങള്‍ ഉള്‍പ്പെടെയുള്ള എല്ലാ സര്‍ക്കാര്‍ ഓഫീസുകളും ഇന്നും നാളെയും(മാര്‍ച്ച് 13, 14)  തുറന്നു പ്രവര്‍ത്തിക്കണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ല കളക്ടര്‍ ഉത്തരവിട്ടു.

----
കോട്ടയം ടൗണില്‍ ബേക്കര്‍ ജംഗ്ഷന്‍ മുതല്‍ ചാലുകുന്ന് വരെ  റോഡിന്‍റെ പുനരുദ്ധാരണ ജോലികള്‍ നടക്കുന്നതിനാല്‍ ഇന്നു(മാര്‍ച്ച് 13) മുതല്‍ ഇതു വഴിയുള്ള വാഹന ഗതാഗതത്തിന് തടസം നേരിടുന്നതാണെന്ന് പൊതുമരാമത്ത് വകുപ്പ് റോഡ് വിഭാഗം എക്‌സിക്യുട്ടീവ് എന്‍ജിനീയര്‍ അറിയിച്ചു. 

ബേക്കര്‍ ജംഗ്ഷനില്‍നിന്നും കുമരകം ഭാഗത്തേക്ക് പോകേണ്ട വാഹനങ്ങള്‍ തിരുനക്കര മൈതാനം ചുറ്റി ക്ഷേത്രം-കാരാപ്പുഴ-തിരുവാതുക്കല്‍-ഇല്ലിക്കല്‍ വഴി കുമരകത്തേക്ക് പോകേണ്ടതാണ്. മടക്കയാത്രയും ഇതുവഴിയായിരിക്കണം. 

===================

കോട്ടയം ജില്ലയില്‍  127 പേര്‍ക്കുകൂടി കോവിഡ് സ്ഥിരീകരിച്ചു. 124 പേര്‍ക്കും സമ്പര്‍ക്കം മുഖേനയാണ് വൈറസ് ബാധിച്ചത്. ഇതില്‍ ഒരു ആരോഗ്യ പ്രവര്‍ത്തകയും ഉള്‍പ്പെടുന്നു.   സംസ്ഥാനത്തിനു പുറത്ത് നിന്നെത്തിയ മൂന്ന് പേര്‍ രോഗബാധിതരായി. പുതിയതായി  3298 പരിശോധനാഫലങ്ങളാണ് ലഭിച്ചത്. 

രോഗം ബാധിച്ചവരില്‍ 66 പുരുഷന്‍മാരും 46 സ്ത്രീകളും 15 കുട്ടികളും ഉള്‍പ്പെടുന്നു. 60 വയസിനു മുകളിലുള്ള 22 പേര്‍ക്ക് കോവിഡ് സ്ഥിരീകരിച്ചിട്ടുണ്ട്.

നിയമസഭ തിരഞ്ഞെടുപ്പിനുള്ള നാമനിർദേശ പത്രിക സമർപ്പണത്തിന്‍റെ  ആദ്യ ദിനമായ ഇന്നലെ (മാർച്ച് 12) കോട്ടയം ജില്ലയില്‍ ഒരു സ്ഥാനാര്‍ഥി  പത്രിക നല്‍കി. കോട്ടയം നിയമസഭാ  മണ്ഡലത്തില്‍ മത്സരിക്കുന്നതിനായി എസ്.യു.സി.ഐ സ്ഥാനാര്‍ഥിയായ റമീസ് ഷഹസാദ്  ആണ് വരണാധികാരിയായ പുഞ്ച സ്പെഷ്യല്‍ ഓഫീസര്‍ എം. വേണുഗോപാല്‍ മുമ്പാകെ പത്രിക സമർപ്പിച്ചത്.