മലപ്പുറം ജില്ലാ രജിസ്ട്രാര്‍ (ജനറല്‍) താനൂര്‍ നിയമസഭാ മണ്ഡലത്തിന്റെ വരണാധികാരിയായതിനാല്‍ ഇനിയൊരറിയിപ്പുണ്ടാകുന്നതുവരെ സൊസൈറ്റി രജിസ്‌ട്രേഷന്‍ ഉണ്ടായിരിക്കുന്നതല്ല.

നിയമസഭാ തെരഞ്ഞെടുപ്പുമായി ബന്ധപ്പെട്ട് പ്രവര്‍ത്തിക്കുന്ന ബൂത്ത് ലെവല്‍ ഓഫീസര്‍മാര്‍ക്ക് തെരഞ്ഞെടുപ്പ് ജോലികള്‍ തടസമില്ലാതെ നിര്‍വഹിക്കുന്നതിന് തെരഞ്ഞെടുപ്പ് സംബന്ധമായ ജോലികള്‍ക്ക് തടസമാകുന്ന രീതിയില്‍ മറ്റ് ഔദ്യോഗിക ചുമതലകള്‍ നല്‍കരുതെന്ന് ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാകലക്ടര്‍ അറിയിച്ചു.

നിയമസഭ തെരഞ്ഞെടുപ്പില്‍ മാതൃകപെരുമാറ്റച്ചട്ട ലംഘനം സംബന്ധിച്ച് ജില്ലയില്‍ ഇതുവരെ ലഭിച്ചത് 13 പരാതികള്‍. ആന്റി ഡീഫേസ്മെന്റ് സ്‌ക്വാഡിന് പൊതുജനങ്ങളില്‍ നിന്ന് ആറ് പരാതികളും വിവിധ വകുപ്പുകള്‍ മുഖേന ഏഴ് പരാതികളുമാണ് ലഭിച്ചത്. തുടര്‍ നടപടികള്‍ക്കായി പരാതികള്‍ ബന്ധപ്പെട്ട സെക്രട്ടറിമാര്‍ക്ക് കൈമാറിയതായി നോഡല്‍ ഓഫീസറായ എ.ഡി.എം ഡോ.എം.സി റെജില്‍ പറഞ്ഞു. മാതൃകപെരുമാറ്റചട്ടം ലംഘിച്ച് പ്രചാരണ സാമഗ്രികള്‍ സ്ഥാപിച്ചതുമായി ബന്ധപ്പെട്ട പരാതികളാണ് പ്രധാനമായും പൊതുജനങ്ങളില്‍ നിന്നുണ്ടായത്. അതേസമയം തദ്ദേശ സ്വയം ഭരണ സ്ഥാപനങ്ങള്‍ക്ക് കീഴില്‍ നിര്‍മാണ പ്രവൃത്തികള്‍ തുടരാന്‍ അനുമതി തേടിയുള്ള അപേക്ഷകളും ലഭിച്ചു.

ജില്ലയിലെ മൂന്ന് നിയോജകമണ്ഡലങ്ങളിലെ വോട്ടിങ് സമയം രാവിലെ  ഏഴ് മുതല്‍ വൈകീട്ട് ആറ് വരെയായിരിക്കും. ഏറനാട്, നിലമ്പൂര്‍, വണ്ടൂര്‍(എസ്.സി) മണ്ഡലങ്ങളിലെ വോട്ടിങ് സമയമാണ് വൈകീട്ട് ആറ് വരെയാക്കിയത്. സംസ്ഥാനത്ത് ഈ മൂന്ന് മണ്ഡലങ്ങള്‍ കൂടാതെ വയനാട് ജില്ലയിലെ മാനന്തവാടി (എസ്.ടി), സുല്‍ത്താന്‍ ബത്തേരി (എസ്.ടി), കല്‍പ്പറ്റ, പാലക്കാട് ജില്ലയിലെ കോങ്ങാട് (എസ്.സി), മണ്ണാര്‍ക്കാട്, മലമ്പുഴ തുടങ്ങിയ ആറ് മണ്ഡലങ്ങളിലെ വോട്ടിങ് സമയവും രാവിലെ ഏഴ് മുതല്‍ വൈകീട്ട് ആറുവരെയാണ്. സംസ്ഥാനത്തെ ബാക്കി നിയമസഭാ മണ്ഡലങ്ങളിലേക്കുള്ള വോട്ടിങ് സമയം രാവിലെ ഏഴ് മുതല്‍ വൈകീട്ട് ഏഴുവരെയാണ്.

സംസ്ഥാനത്തെ നിയമസഭയിലേക്കും മലപ്പുറം ലോക്‌സഭാ മണ്ഡലത്തിലെ ഉപതെരഞ്ഞെടുപ്പിനുമുള്ള വിജ്ഞാപനം തെരഞ്ഞെടുപ്പ് കമ്മീഷന്‍ പുറപ്പെടുവിച്ചു. മലപ്പുറം ലോക്‌സഭാ ഉപതെരഞ്ഞെടുപ്പിനുള്ള വിജ്ഞാപനം ജില്ലാ തെരഞ്ഞെടുപ്പ് ഉദ്യോഗസ്ഥനായ ജില്ലാകലക്ടര്‍ കെ.ഗോപാലകൃഷ്ണന്‍ കലക്ടറേറ്റിലെ നോട്ടീസ് ബോര്‍ഡില്‍ പതിച്ചു. നിയമസഭാ തെരഞ്ഞെടുപ്പ് വിജ്ഞാപനം റിട്ടേണിങ് ഓഫീസര്‍മാര്‍ അതത് ഓഫീസ് നോട്ടീസ് ബോര്‍ഡിലും പതിച്ചു. വിജ്ഞാപനമായതോടെ സ്ഥാനാര്‍ഥികള്‍ക്ക് നാമനിര്‍ദ്ദേശ പത്രിക നല്‍കാം.

ഇന്ന് ആലപ്പുഴ ജില്ലയിൽ  97പേർക്ക് കോവിഡ് സ്ഥിരീകരിച്ചു .ഒരാൾ  മറ്റ് സംസ്ഥാനങ്ങളിൽ  നിന്നും   എത്തിയതാണ് . 96പേർക്ക് സമ്പർക്കത്തിലൂടെയാണ് രോഗം ബാധിച്ചത്  .253പേരുടെ പരിശോധനാഫലം നെഗറ്റീവായി. ആകെ 77678പേർ രോഗ മുക്തരായി.2432പേർ ചികിത്സയിൽ ഉണ്ട്.

ആലപ്പുഴ:  വൃദ്ധസദനങ്ങളിലെ അന്തേവാസികള്‍ക്ക് കോവിഡ് വാക്സിന്‍ നല്‍കുന്നതിന് രൂപീകരിച്ച മൊബൈല്‍ വാക്സിനേഷന്‍ ടീം മാര്‍ച്ച് 13 ന് പുന്നപ്ര സൗത്തിലെ സെന്റ്ജോസഫ്സ് പുവര്‍ഹോമിലെത്തി അന്തേവാസികള്‍ക്ക് വാക്സിന്‍ നല്‍കുമെന്ന് ഡി.എം.ഓ അറിയിച്ചു.  
ആദ്യ ഡോസ് കോവാക്‌സിൻ സ്വീകരിച്ച കോവിഡ് മുന്നണിപ്പോരാളികളായ പോലീസ്, റവന്യൂ തദ്ദേശ സ്വയംഭരണ സ്ഥാപനങ്ങളിലെ ജീവനക്കാർ എന്നിവർ 28 ദിവസം പൂർത്തിയാക്കിയവർക്ക് രണ്ടാമത്തെ ഡോസ് മാർച്ച് 16 മുതൽ ആദ്യ ഡോസ് സ്വീകരിച്ച സ്ഥാപനങ്ങളിൽ എത്തിച്ചേർന്ന് എടുക്കേണ്ടതാണ്.

ആലപ്പുഴ: നിയമസഭാ തിരഞ്ഞെടുപ്പില്‍ പത്രിക സമര്‍പ്പിക്കേണ്ട ആദ്യ ദിനത്തില്‍ ജില്ലയില്‍ ആരും പത്രിക നല്‍കിയില്ല. നാമനിര്‍ദ്ദേശ പത്രിക സമര്‍പ്പിക്കാനുള്ള അവസാന തീയതി മാര്‍ച്ച് 19 ആണ്.