കോഴിക്കോട് ജില്ലയിലെ ബേപ്പൂര്‍ നടുവട്ടത്തുള്ള സര്‍ക്കാര്‍ ക്ഷീര പരിശീലന കേന്ദ്രത്തില്‍ ക്ഷീരകര്‍ഷകര്‍ക്കായി പരിശീലന പരിപാടി സംഘടിപ്പിക്കുന്നു. മാര്‍ച്ച് 15 ന് രാവിലെ 10.30 മുതല്‍ 12.30 വരെ ശാസ്ത്രീയ പശു പരിപാലനം എന്ന വിഷയത്തിലാണ് ഓണ്‍ലൈന്‍ ക്ലാസ് നടത്തുന്നത്. ക്ലാസില്‍ പങ്കെടുക്കാന്‍ താത്പര്യമുള്ളവര്‍ dtckkdonlinetrg@gmail.com എന്ന ഇ-മെയില്‍ മുഖേന മാര്‍ച്ച് 13 ന് മുമ്പായി പേരും, ഫോണ്‍ നമ്പറും രജിസ്റ്റര്‍ ചെയ്യണം.

പനമരം ബ്ലോക്കിലെ സഞ്ചരിക്കുന്ന മൃഗാശുപത്രി സേവനം ബ്ലോക്ക് പരിധിയിലെ ഗ്രാമ പഞ്ചായത്തുകളില്‍ വിവിധ ദിവസങ്ങളില്‍ ലഭിക്കും.  രാവിലെ 10 മുതല്‍ 5 വരെയാണ്  സേവനം ലഭ്യമാവുക. പനമരം പഞ്ചായത്തില്‍ മാര്‍ച്ച് 13 വരെയുളള ദിവസങ്ങള്‍ക്ക് പുറമെ  29 മുതല്‍ 31 വരെയുളള ദിവസങ്ങളിലും സേവനം ലഭിക്കും.  മുള്ളന്‍കൊല്ലി പഞ്ചായത്തില്‍ 15 മുതല്‍ 17 വരെയും, പുല്‍പ്പള്ളി പഞ്ചായത്തില്‍ 18 മുതല്‍ 20 വരെയും, പൂതാടി പഞ്ചായത്തില്‍ 22 മുതല്‍ 24 വരെയും, കണിയാമ്പറ്റ പഞ്ചായത്തില്‍ 25 മുതല്‍ 27 വരെയും സേവനം ലഭിക്കും. ക്ഷീര കര്‍ഷകര്‍ക്ക് ക്ഷീര സംഘങ്ങള്‍ മുഖേന ഡ്യൂട്ടി ഡോക്ടറുമായി ബന്ധപ്പെടാം. 9495478744, 9074520868

നിയമസഭാ തിരഞ്ഞെടുപ്പിനോടനുബന്ധിച്ച്  ചെലവ് നിരീക്ഷണ സ്‌ക്വാഡുകളില്‍ ഉള്‍പ്പെട്ട ഉദ്യോഗസ്ഥര്‍ക്ക് പരിശീലനം നല്‍കി. വോട്ടര്‍മാരെ സ്വാധീനിക്കാനുള്ള ശ്രമങ്ങള്‍ കണ്ടെത്തി തടയല്‍, ദൃശ്യ,ശ്രവ്യ, അച്ചടി മാധ്യമങ്ങള്‍,   സോഷ്യല്‍ മീഡിയ എന്നിവയില്‍ വരുന്ന പെയ്ഡ് ന്യൂസ് ഉള്‍പ്പെടെയുള്ളവ നിരീക്ഷിക്കല്‍, മണ്ഡലങ്ങളിലെ ഫ്ളൈയിങ് സ്‌ക്വാഡുകളുടെ പ്രവര്‍ത്തനം, സ്റ്റാറ്റിക് സര്‍വയലന്‍സ്, വീഡിയോ സര്‍വയലന്‍സ് എന്നീ മേഖലകളിലാണ് പരിശീലനം നല്‍കിയത്.

· പരിശീലനം മാര്‍ച്ച് 13 മുതല്‍ 19 വരെ

അഞ്ചാംപീടിക- പുതുശ്ശേരി- കാഞ്ഞിരങ്ങാട് റോഡില്‍ ടാറിംഗ് പ്രവൃത്തികള്‍ നടക്കുന്നതിനാല്‍ ഗതാഗതം താല്‍ക്കാലികമായി നിരോധിച്ചു. പുതുശ്ശേരി നിന്നും മാനന്തവാടിക്ക് പോകുന്ന വാഹനങ്ങള്‍ കുളത്താട വഴിയും മൂളിത്തോട് നിന്നും പുതുശ്ശേരിക്ക് പോകുന്ന വാഹനങ്ങള്‍ തേറ്റമല- കാഞ്ഞിരങ്ങാട് വഴിയും പോകണമെന്ന് അസിസ്റ്റന്റ് എഞ്ചിനിയര്‍ അറിയിച്ചു.

 കാഴ്ച പരിമിതിയുള്ള ഭിന്നശേഷിക്കാരായ കുട്ടികള്‍ക്ക്  കൈത്താങ്ങായി ശബ്ദ പാഠങ്ങളുടെ അവതരണമൊരുക്കി സമഗ്ര ശിക്ഷാ കേരള. ഒന്നു മുതല്‍ പത്തുവരെ ക്ലാസ്സുകളിലെ വിദ്യാര്‍ഥികള്‍ക്കായാണ് ശബ്ദപാഠം തയ്യാറാക്കുക. സാങ്കേതികവിദ്യകളുടെ അകമ്പടിയോടെ ശബ്ദസാന്നിധ്യത്തിന്റെ സാദ്ധ്യതകളെ പരമാവധി പ്രയോജനപ്പെടുത്തുന്ന ഈ പാഠാനുഭവമൊരുക്കുന്നതിനായി സമഗ്ര ശിക്ഷയുടെ ആഭിമുഖ്യത്തില്‍ സ്‌പെഷ്യല്‍ എജുക്കേറ്റര്‍മാര്‍, ബി ആര്‍ സി പരിശീലകര്‍, സി ആര്‍ സി കോ-ഓര്‍ഡിനേറ്റര്‍മാര്‍ എന്നിവര്‍ക്കായുള്ള ദ്വിദിന ജില്ലാതല ശില്പശാല ചെര്‍ക്കള മാര്‍ത്തോമ ഹൈസ്‌കൂളില്‍ ആരംഭിച്ചു.

. 248 പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (10.03.21) 63 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 248 പേര്‍ രോഗമുക്തി നേടി. 62 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 27517 ആയി. 26413 പേര്‍ ഇതുവരെ രോഗമുക്തരായി. നിലവില്‍ 908 പേരാണ് ചികിത്സയിലുള്ളത്. ഇവരില്‍ 828 പേര്‍ വീടുകളിലാണ് ഐസൊലേഷനില്‍ കഴിയുന്നത്.

*രോഗം സ്ഥിരീകരിച്ചവര്‍*

. 77 പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (11.03.21) 35 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ആര്‍. രേണുക അറിയിച്ചു. 77 പേര്‍ രോഗമുക്തി നേടി. 34 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 

രണ്ടു പേരുടെ സമ്പർക്ക ഉറവിടം ലഭ്യമല്ല. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 27552 ആയി. 26490 പേര്‍ ഇതുവരെ രോഗമുക്തരായി. നിലവില്‍ 867 പേരാണ് ചികിത്സയിലുള്ളത്. ഇവരില്‍ 813 പേര്‍ വീടുകളിലാണ് ഐസൊലേഷനില്‍ കഴിയുന്നത്.

*രോഗം സ്ഥിരീകരിച്ചവര്‍*