ബേപ്പൂര്‍ നടുവട്ടം കേരള സര്‍ക്കാര്‍ ക്ഷീര പരിശീലന കേന്ദ്രത്തില്‍ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലെ ക്ഷീര കര്‍ഷകര്‍ക്കായി മാര്‍ച്ച് 15ന് രാവിലെ 0.30 മുതല്‍ 12.30 വരെ  ശാസ്ത്രീയ പശു പരിപാലനം എന്ന  വിഷയത്തില്‍  ഓണ്‍ലൈനായി ക്ലാസ് സംഘടിപ്പിക്കും. താല്‍പ്പര്യമുള്ള ക്ഷീരകര്‍ഷകര്‍ dtckkdonlinetrg@gmail.com എന്ന ഇ-മെയില്‍ മുഖേന പേരും ഫോണ്‍ നമ്പറും  മാര്‍ച്ച്  13നകം രജിസ്റ്റര്‍ ചെയ്യണം. 

കാസര്‍കോട്  ജനറല്‍ ആശുപത്രിയിലെ    ഉപയോഗശൂന്യമായ   ഉപകരണങ്ങള്‍ മാര്‍ച്ച് 25ന് ഉച്ചയ്ക്ക് 12 ന്  ആശുപത്രി പരിസരത്ത് ലേലം ചെയ്യും. ക്വട്ടേഷനുകള്‍  മാര്‍ച്ച് 24 ന് രാവിലെ 11 വരെ സ്വീകരിക്കും. ഫോണ്‍:  04994 230080  

രോഗമുക്തി 519

ജില്ലയില്‍ ഇന്ന് 341 പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു.ഒന്‍പത് പേരുടെ ഉറവിടം വ്യക്തമല്ല. സമ്പര്‍ക്കം വഴി 332 പേര്‍ക്കാണ് രോഗം ബാധിച്ചത്. 6306 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 519 പേര്‍ കൂടി രോഗമുക്തിനേടി ആശുപത്രി വിട്ടു.

ഉറവിടം വ്യക്തമല്ലാത്തവര്‍ -   9

തെരഞ്ഞെടുപ്പിനോടനുബന്ധിച്ച് ജില്ലയിലെ ഐടി നോഡല്‍ ഉദ്യോഗസ്ഥര്‍ക്കും മാസ്റ്റര്‍ ട്രെയിനര്‍മാര്‍ക്കുമായി പരിശീലനം സംഘടിപ്പിച്ചു. കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ 57 ഉദ്യോഗസ്ഥര്‍ പങ്കെടുത്തു. സുവിത, എന്‍കോര്‍ (എനാബ്ലിംഗ് കമ്യൂണിക്കേഷന്‍ ഓണ്‍ റിയല്‍ ടൈം എന്‍വിറോണ്‍മെന്റ്) എന്നീ രണ്ട് ഇലക്ഷന്‍ ആപ്പുകളെ കുറിച്ചാണ് ക്ലാസ് നല്‍കിയത്. 

കോഴിക്കോട് ഗവ. വനിത ഐ,.ടി.ഐയില്‍ ഇന്‍സ്റ്റിറ്റ്യൂട്ട് മാനേജ്മെന്റ് കമ്മിറ്റിയുടെ നേതൃത്വത്തില്‍ നടത്തുന്ന നൈപുണ്യ കോഴ്സിന്റെ ഓഫീസിലേക്ക് ഓഫീസ് സ്റ്റാഫിനെ ആവശ്യമുണ്ട്. ബിരുദവും, കമ്പ്യൂട്ടര്‍ പരിജ്ഞാനവും ഉളള യുവതികള്‍ക്ക് അപേക്ഷിക്കാം. കൂടുതല്‍ വിവരങ്ങള്‍ക്ക് 7510481819.

കോഴിക്കോട് ജില്ലയിലെ മണ്ണൂര്‍ - മൂക്കത്തുകടവ് റോഡിന്റെ അറ്റകുറ്റപ്പണികളും കള്‍വര്‍ട്ടിന്റെ പുനര്‍ നിര്‍മ്മാണവും ആരംഭിക്കുന്നതിന്റെ ഭാഗമായി ഇന്ന് (മാര്‍ച്ച് 11) മുതല്‍ പ്രവൃത്തി തീരുന്നതുവരെ ഈ റോഡിലൂടെയുളള വാഹന ഗതാഗതം പൂര്‍ണ്ണമായും നിരോധിച്ചു. വാഹനങ്ങള്‍ കോട്ടക്കടവ് ബ്രിഡ്ജ് അപ്രോച്ച് റോഡ്, കടലുണ്ടി - ചെട്ടിയാര്‍മാട് റോഡ് വഴി തിരിഞ്ഞു പോകണം.

കോഴിക്കോട് ജില്ലയിലെ പുതിയങ്ങാടി - ഉളേള്യരി - കുറ്റ്യാടി - ചൊവ്വ റോഡില്‍ (പാവങ്ങാട് മുതല്‍ പുറക്കാട്ടിരി പാലം വരെ) നവീകരണ പ്രവൃത്തി  നടക്കുന്നതിനാല്‍ ഇന്ന് (മാര്‍ച്ച് 11)മുതല്‍ പ്രവൃത്തി തീരുന്നതുവരെ  ഗതാഗതം നിയന്ത്രിച്ചു.
  കുറ്റ്യാടി -ഉളേള്യരി, കൊയിലാണ്ടി ഭാഗത്ത് നിന്നും അമ്പലപ്പടി വഴി കോഴിക്കോട് ഭാഗത്തേക്ക് പോകേണ്ട വാഹനങ്ങള്‍ പൂളാടിക്കുന്ന് ജംഗ്ഷനില്‍ നിന്നും എന്‍ എച്ച് ലൂടെ മലാപ്പറമ്പ് വഴി പോവണമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു.