ജില്ലയില്‍ തിരഞ്ഞടുപ്പ് പ്രവര്‍ത്തനങ്ങള്‍ക്കും പ്രചാരണത്തിനുമായി വിവിധ രാഷ്ട്രീയ കക്ഷികള്‍ ചിലവാക്കുന്ന തുക തിരഞ്ഞെടുപ്പ് ചട്ടങ്ങള്‍ക്ക് വിധേയമാണോ എന്ന് നിരീക്ഷിക്കാന്‍ കാര്യക്ഷമമായ പ്രവര്‍ത്തനമാണ് നടത്തുന്നതെന്ന് ജില്ലാ തിരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ബി. അബ്ദുല്‍ നാസര്‍. തിരഞ്ഞെടുപ്പ് ചിലവു സംബന്ധിച്ച് വിലയിരുത്താന്‍ ജില്ലയിലെത്തിയ കേന്ദ്ര തിരഞ്ഞെടുപ്പ് ചിലവ് വിഭാഗം നിരീക്ഷകരായ ഷിബങ്കദാസ് ബിശ്വാസ്, അക്തര്‍ ഹുസൈന്‍ അന്‍സാരി, ഉമാകാന്ത് ദ്രുപതി എന്നിവരുമായി ആശയവിനിമയം നടത്തുകയായിരുന്നു അദ്ദേഹം.

മാര്‍ച്ച് മാസത്തെ ഭക്ഷ്യകിറ്റ് വിതരണം ഇന്നലെ(മാര്‍ച്ച് 12) തുടങ്ങി. ഫെബ്രുവരിയിലേത് തുടരുമെന്നും ജില്ലാ സപ്ലൈ ഓഫീസര്‍ അറിയിച്ചു.
(പി.ആര്‍.കെ നമ്പര്‍.643/2021)
 

പോളിംഗ് ജോലിക്ക് പരിഗണിക്കപ്പെടുന്ന ജീവനക്കാരുള്ള സ്ഥാപനങ്ങളില്‍ നിയമന ഉത്തരവ് കൈമാറുന്നതിനായി അവധി ദിവസങ്ങളായ ഇന്നും (മാര്‍ച്ച് 13) നാളെയും (മാര്‍ച്ച് 14) പ്രവര്‍ത്തിക്കണമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ ബി. അബ്ദുല്‍ നാസര്‍ നിര്‍ദേശിച്ചു. ഉദ്യോഗസ്ഥര്‍ക്കുള്ള പരിശീലനം മാര്‍ച്ച് 15 മുതല്‍ ജില്ലയിലെ 23 കേന്ദ്രങ്ങളിലായി തുടങ്ങും. ഓരോ മണ്ഡലത്തിലും രണ്ടു വീതം കേന്ദ്രങ്ങളില്‍ രണ്ടു സെഷനിലാണ് ക്ലാസ്സുകള്‍. എല്ലാ ജീവനക്കാര്‍ക്കും ഉത്തരവ് ലഭിക്കുന്നു എന്ന് മേലുദ്യോഗസ്ഥര്‍ ഉറപ്പാക്കണം.

കുണ്ടറ വിളംബരത്തിന്റെ നാട്ടില്‍ സ്വാതന്ത്ര്യ സമരകാലഘട്ടത്തിന്റെ ആവേശ കാഴ്ചകളൊരുക്കി ചിത്രപ്രദര്‍ശനം. സ്വാതന്ത്ര്യത്തിന്റെ 75-ാം വാര്‍ഷികാഘോഷത്തോടനുബന്ധിച്ച് ഇളമ്പള്ളൂര്‍ ഗുരുദേവ ഓഡിറ്റോറിയത്തില്‍ സംഘടിപ്പിച്ച അമൃതമഹോത്സവത്തിലാണ് സ്വാതന്ത്ര്യ സമരത്തിന്റെ വിവിധ ഏടുകള്‍ ചിത്രപ്രദര്‍ശനത്തിലൂടെ മുന്നിലെത്തിയത്.

കേരളത്തിൽ വെള്ളിയാഴ്ച 1780 പേർക്ക് കോവിഡ്-19 സ്ഥിരീകരിച്ചു. കോഴിക്കോട് 265, മലപ്പുറം 205, തൃശൂർ 197, തിരുവനന്തപുരം 165, എറണാകുളം 154, കൊല്ലം 153, കണ്ണൂർ 131, കോട്ടയം 127, ആലപ്പുഴ 97, പത്തനംതിട്ട 76, പാലക്കാട് 67, കാസർഗോഡ് 66, വയനാട് 41, ഇടുക്കി 36 എന്നിങ്ങനെയാണ് ജില്ലകളിൽ രോഗബാധ സ്ഥിരീകരിച്ചത്.

സംസ്ഥാന കർഷക കടാശ്വാസ കമ്മീഷൻ 15ന് കോട്ടയം പി.ഡബ്ല്യൂ.ഡി. റെസ്റ്റ് ഹൗസിൽ നടത്താനിരുന്ന സിറ്റിംഗ് മാറ്റിവെച്ചു. പുതുക്കിയ തിയതി പിന്നീട് അറിയിക്കും.
പി.എൻ.എക്സ്.1177/2021

പൂജപ്പുര സ്ത്രീകളുടെയും കുട്ടികളുടെയും ആയുർവേദ ആശുപത്രിയിലെ സ്ത്രീരോഗ വിഭാഗത്തിൽ തിങ്കൾ മുതൽ ശനിവരെ രാവിലെ എട്ട് മുതൽ 12.30 വരെ സ്ത്രീകളിലെ അസ്ഥിസ്രാവം അവസ്ഥയ്ക്ക് ഗവേഷണാടിസ്ഥാനത്തിൽ സൗജന്യ ചികിത്സ ലഭിക്കും. ഫോൺ: 9446061894.
പി.എൻ.എക്സ്.1176/2021

സംസ്ഥാന വിവരാവകാശ കമ്മീഷണർ അഡ്വ. എച്ച്. രാജീവൻ 15ന് കോട്ടയം റസ്റ്റ് ഹൗസിൽ നടത്താനിരുന്ന ഹിയറിംഗ് തെരഞ്ഞെടുപ്പ് പ്രഖ്യാപിച്ച സാഹചര്യത്തിൽ മാറ്റിവെച്ചു. പുതുക്കിയ ഹിയറിംഗ് തിയതി പിന്നീട് അറിയിക്കും.
പി.എൻ.എക്സ്.1175/2021

നിയമസഭാ തെരഞ്ഞെടുപ്പില്‍ പത്തനംതിട്ട ജില്ലയിലെ വിവിധ മണ്ഡലങ്ങളില്‍ കേന്ദ്ര തെരഞ്ഞെടുപ്പ് കമ്മീഷന്‍ നിരീക്ഷകരെ നിയോഗിച്ചു. പൊതു നിരീക്ഷകരായി ഐ.എ.എസ് ഉദ്യോഗസ്ഥരും ചിലവ് നിരീക്ഷകരായി ഐ.ആര്‍.എസ് ഉദ്യോഗസ്ഥരുമാണ് സേവനമനുഷ്ഠിക്കുക. ജില്ലയ്ക്ക് പൊതുവായി ഐ.പി.എസ് കാരനായ ഒരു പോലീസ് നിരീക്ഷകനും ഒരു ചിലവ് നിരീക്ഷകനുമാണുള്ളത്.

നിരീക്ഷകരുടെ പേരുവിവരം ചുവടെ

പൊതു നിരീക്ഷകര്‍: സുരേഷ് കുമാര്‍ വഷിഷ്ട്:-തിരുവല്ല, ആറന്മുള, അടൂര്‍ നിയോജക മണ്ഡലങ്ങളിലെ പൊതുനിരീക്ഷകന്‍. 1998 ബാച്ച് ഐ.എ.എസ് ഉദ്യോഗസ്ഥനാണ്.

നിയമസഭ തെരഞ്ഞെടുപ്പുമായി ബന്ധപ്പെട്ട് പോളിംഗ് ഡ്യൂട്ടിക്ക് നിയമിച്ച ജീവനക്കാരുടെ നിയമന ഉത്തരവ് കൈപ്പറ്റുന്നതിനായി ജില്ലയിലെ എല്ലാ സര്‍ക്കാര്‍ ഓഫീസുകള്‍/ സ്‌കൂളുകള്‍/ ബാങ്കുകള്‍ എന്നിവ ഇന്നും നാളെയും(മാര്‍ച്ച് 13, 14) തുറന്നു പ്രവര്‍ത്തിക്കുമെന്ന് പത്തനംതിട്ട ജില്ലാ ഇലക്ഷന്‍ ഡെപ്യൂട്ടി കളക്ടര്‍ അറിയിച്ചു.