മലപ്പുറം ലോക്‌സഭാ ഉപതെരഞ്ഞെടുപ്പിലേക്കുള്ള ഇലക്‌ട്രോണിക് വോട്ടിങ് മെഷീനുകള്‍ ഇന്ന് (മാര്‍ച്ച് 16) രാവിലെ ഒന്‍പത് മുതല്‍ കലക്ടറേറ്റിലെ സ്‌ട്രോങ് റൂമില്‍ നിന്ന് വിതരണം ചെയ്യും. ബന്ധപ്പെട്ട ഉദ്യോഗസ്ഥര്‍ ഏറ്റുവാങ്ങി അതത് മണ്ഡലങ്ങളിലെ സ്‌ട്രോങ് റൂമിലേക്ക് മാറ്റും. നിയമസഭാ തെരഞ്ഞെടുപ്പിലേക്കുള്ള മെഷീനുകള്‍ നാളെ (മാര്‍ച്ച് 17) രാവിലെ ഒന്‍പതിന് മലപ്പുറം ഗവ. കോളജിലെ സ്‌ട്രോങ് റൂമില്‍ നിന്ന് വിതരണം ചെയ്യും.

ഹാജരാകാത്ത വോട്ടര്‍മാര്‍ക്കുള്ള പോസ്റ്റല്‍ ബാലറ്റ് സൗകര്യം പ്രയോജനപ്പെടുത്താന്‍ ആഗ്രഹിക്കുന്ന വോട്ടര്‍മാരെ  ബോധവത്കരിക്കുന്നതിന്  ജില്ലാ തെരഞ്ഞെടുപ്പ് വിഭാഗം  {ഹസ്വ ചിത്രം തയ്യാറാക്കി. 80 വയസിനു മുകളില്‍  പ്രായമുള്ളവര്‍, ഭിന്നശേഷിക്കാര്‍, കോവിഡ്19 പോസിറ്റീവ് ആയവര്‍, ക്വാറന്റൈനില്‍ കഴിയുന്നവര്‍ എന്നിങ്ങനെയുള്ളവര്‍ക്കാണ് പോസ്റ്റല്‍ ബാലറ്റ് സൗകര്യം ലഭ്യമാക്കുന്നത്.

മലപ്പുറം കലക്ടറേറ്റിലെ ഔദ്യോഗിക വാഹനമായ കെ.എല്‍.10.എ.ആര്‍ 8888   നമ്പര്‍ ബൊലെറോ വാഹനത്തിന് പഴയ ടയര്‍ മാറ്റി പുതിയത് സ്ഥാപിക്കുന്നതിന് അംഗീകൃത ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഡെപ്യൂട്ടി    കലക്ടര്‍ (ജനറല്‍), കലക്ടറേറ്റ്, സിവില്‍ സ്റ്റേഷന്‍, മലപ്പുറം എന്ന വിലാസത്തില്‍ മാര്‍ച്ച് 17ന് വൈകീട്ട് മൂന്നിനകം സമര്‍പ്പിക്കണം.

ജില്ലാ സ്‌പോര്‍ട്‌സ് കൗണ്‍സിലിന്റെ  ആഭിമുഖ്യത്തില്‍ ജില്ലയിലെ പത്ത് കേന്ദ്രങ്ങളിലായി നടത്തിയ 'സ്‌പോര്‍ട്‌സ് ടാലന്റ് ഹണ്ട്' ന്റെ ജില്ലാതല ക്യാമ്പ് – മലപ്പുറം ജില്ലാ സ്‌പോര്‍ട്‌സ് കോംപ്ലക്‌സ് ആന്‍ഡ് ഫുട്‌ബോള്‍ അക്കാദമിയില്‍ നടക്കും. തെരഞ്ഞടുത്ത 100 കായിക താരങ്ങള്‍ക്ക്  ഒരാഴ്ച  നീണ്ടു നില്‍ക്കുന്ന ക്യാമ്പിന്റെ ഉദ്ഘാടനം  മാര്‍ച്ച് 16 ന് രാവിലെ എട്ടിന് ഇന്റര്‍നാഷണല്‍ ഫുട്‌ബോളര്‍ യു. ഷറഫലി നിര്‍വഹിക്കും. ജില്ലാ സ്‌പോര്‍ട്‌സ് കൗണ്‍സില്‍ ഭാരവാഹികളും സ്‌പോര്‍ട്‌സ് കൗണ്‍സില്‍ അംഗങ്ങളും മറ്റ് കായിക താരങ്ങളും  പങ്കെടുക്കും.

നാമനിര്‍ദേശ പത്രികാ സമര്‍പ്പണത്തിന് നാല് ദിവസം കൂടി മാത്രം അവശേഷിക്കുമ്പോള്‍ നിയമസഭാ  തെരഞ്ഞെടുപ്പില്‍ സ്ഥാനാര്‍ഥിയാകാനുള്ള പ്രധാന യോഗ്യതകളും അയോഗ്യതകളും പരിശോധിക്കാം.

യോഗ്യതകള്‍

· നാമനിര്‍ദേശ പത്രികകളുടെ സൂക്ഷ്മപരിശോധന നടക്കുന്ന ദിവസം സ്ഥാനാര്‍ഥിയുടെ വയസ്സ് 25 വയസ്സില്‍ കുറയരുത്.

നിയമസഭ/ മലപ്പുറം ലോകസഭ മണ്ഡലത്തിലേക്കായി നടക്കുന്ന തെരഞ്ഞെടുപ്പിനോടനുബന്ധിച്ച് ജില്ലയില്‍ ഇതുവരെ പൊതുസ്ഥലങ്ങളില്‍ നിന്ന് 24,067 പ്രചരണ സാമഗ്രികളും സ്വകാര്യ സ്ഥലങ്ങളില്‍ നിന്ന് 333 പ്രചരണ സാമഗ്രികളും ആന്റി ഡീഫേസ്‌മെന്റ് സ്‌ക്വാഡ് നീക്കം ചെയ്തു. പൊതുയിടങ്ങളില്‍ നിന്ന് 269 ചുമരെഴുത്തുകളും 15,587 പോസ്റ്ററുകളും 3,844 ബാനറുകളുമാണ് നീക്കം ചെയ്തത്. 4,367 കൊടികളും നീക്കം ചെയ്തിട്ടുണ്ട്. ഒമ്പത് കേസുകളും രജിസ്റ്റര്‍ ചെയ്തിട്ടുണ്ട്. 10 ചുമരെഴുത്തുകളും 187 പോസ്റ്ററുകളും 121 ബാനറുകളും 98 കൊടികളുമാണ് സ്വകാര്യ സ്ഥലങ്ങളില്‍ കണ്ടെത്തിയിരിക്കുന്നത്.

നിയമസഭാ തെരഞ്ഞെടുപ്പിന് ജില്ലയില്‍ തിങ്കളാഴ്ച ആരും നാമനിര്‍ദേശ പത്രിക സമര്‍പ്പിച്ചില്ല. ജില്ലയില്‍ ഇതുവരെ പത്രികകള്‍ ഒന്നും സമര്‍പ്പിച്ചിട്ടില്ല. മാര്‍ച്ച് 19 വൈകീട്ട് മൂന്ന് മണി വരെ പത്രിക നല്‍കാം. 20ന് സൂക്ഷ്മ പരിശോധന നടക്കും. 22 വരെ പിന്‍വലിക്കാം.

നിയമസഭാ, മലപ്പുറം ലോക്‌സഭാ ഉപതെരഞ്ഞെടുപ്പിന്റെ നാമനിര്‍ദേശ പത്രികാ സമര്‍പ്പണത്തിന്റെ രണ്ടാം ദിനം( മാര്‍ച്ച് 15) ജില്ലയില്‍ ലഭിച്ചത് രണ്ട് പത്രികകള്‍. തവനൂര്‍, തിരൂരങ്ങാടി നിയമസഭാ മണ്ഡലങ്ങളിലായി ഓരോ സ്ഥാനാര്‍ത്ഥി വീതം നാമനിര്‍ദേശ പത്രിക സമര്‍പ്പിച്ചു. തവനൂര്‍ നിയമസഭാ മണ്ഡലത്തില്‍ എല്‍.ഡി.എഫ്  സ്വതന്ത്ര സ്ഥാനാര്‍ത്ഥി ഡോ.കെ.ടി ജലീല്‍ വരണാധികാരി പ്രിന്‍സിപ്പല്‍ കൃഷി ഓഫീസര്‍ ആര്‍. ശ്രീരേഖയ്ക്കും തിരൂരങ്ങാടി മണ്ഡലത്തില്‍ സ്വതന്ത്ര സ്ഥാനാര്‍ത്ഥി അബ്ദു റഹീം നഹ വരണാധികാരി ഡെപ്യൂട്ടി കലക്ടര്‍ (എല്‍.എ) പി.പി ശാലിനിയ്ക്ക് മുമ്പാകെയുമാണ് നാമനിര്‍ദേശ പത്രിക സമര്‍പ്പിച്ചത്.

നേരിട്ടുള്ള സമ്പര്‍ക്കത്തിലൂടെ 120 പേര്‍ക്ക്
ഉറവിടമറിയാതെ നാല് പേര്‍ക്ക്
രോഗബാധിതരായി ചികിത്സയില്‍ 1,978 പേര്‍
ആകെ നിരീക്ഷണത്തിലുള്ളത് 16,691 പേര്‍

മലപ്പുറം ജില്ലയില്‍ തിങ്കളാഴ്ച (മാര്‍ച്ച് 15) 124 പേര്‍ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതില്‍ 120 പേര്‍ക്കും നേരിട്ടുള്ള സമ്പര്‍ക്കത്തിലൂടെയാണ് രോഗബാധ. നാല് പേര്‍ക്ക് രോഗബാധയുണ്ടായതിന്റെ ഉറവിടം വ്യക്തമല്ല. ഇതിനൊപ്പം 171 പേര്‍ തിങ്കളാഴ്ച ജില്ലയില്‍ രോഗമുക്തരായി. ഇതോടെ ജില്ലയില്‍ വിദഗ്ധ ചികിത്സക്ക് ശേഷം രോഗമുക്തരായവരുടെ എണ്ണം 1,18,375 ആയി.