മാതൃകാ പെരുമാറ്റച്ചട്ടം അനുസരിച്ച് ക്ഷേത്രങ്ങള്‍, പള്ളികള്‍, ചര്‍ച്ചുകള്‍ മറ്റ് ആരാധനാലയങ്ങള്‍ എന്നിവ തെരഞ്ഞെടുപ്പ് പ്രചാരണത്തിനുള്ള വേദിയായി ഉപയോഗിക്കരുതെന്ന് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കലക്ടര്‍ ടി വി സുഭാഷ് അറിയിച്ചു. ജാതിയുടെയും മതത്തിന്റെയും സമുദായത്തിന്റെയും പേരില്‍ വോട്ട് ചോദിക്കാന്‍ പാടില്ല. വിവിധ വിഭാഗങ്ങള്‍ തമ്മില്‍ മതപരമായും ഭാഷാപരമായും സംഘര്‍ഷങ്ങള്‍ ഉളവാക്കുന്നതും നിലവിലുളള ഭിന്നതയ്ക്ക് ആക്കം കൂട്ടുന്നതും പരസ്പരം വിദ്വേഷം ജനിപ്പിക്കുന്നതുമായ ഒരു പ്രവര്‍ത്തനത്തിലും പാര്‍ട്ടികളോ സ്ഥാനാര്‍ഥികളോ ഏര്‍പ്പെടരുത്.

നിയമസഭാ തെരഞ്ഞെടുപ്പിലേക്കായി ജില്ലയില്‍ തിങ്കളാഴ്ച ലഭിച്ചത് മൂന്ന് പത്രികകള്‍. ധര്‍മ്മടം മണ്ഡലത്തില്‍ രണ്ടും, കണ്ണൂര്‍ മണ്ഡലത്തില്‍ ഒരു പത്രികയുമാണ് ലഭിച്ചത്. ധര്‍മ്മടം മണ്ഡലത്തില്‍ എല്‍ഡിഎഫ് സ്ഥാനാര്‍ഥിയായ പിണറായി വിജയന്‍, സ്വതന്ത്ര സ്ഥാനാര്‍ഥി ഡോ. കെ പത്മരാജന്‍ എന്നിവരാണ് പത്രിക സമര്‍പ്പിച്ചത്. സിപിഎം ജില്ലാ സെക്രട്ടറി എം വി ജയരാജന്‍, സി എന്‍ ചന്ദ്രന്‍ എന്നിവരോടൊപ്പമാണ് പിണറായി വിജയന്‍ പത്രിക സമര്‍പ്പിക്കാന്‍ എത്തിയത്.

ജില്ലയില്‍ ഫെബ്രുവരി, മാര്‍ച്ച് മാസങ്ങളിലായി കോവാക്‌സിന്‍ സ്വീകരിച്ച 4000 ഓളം  കോവിഡ് മുന്നണി പോരാളികള്‍ക്കുള്ള രണ്ടാം ഡോസ് കോവാക്‌സിന്‍ മാര്‍ച്ച് 18, 22, 25, 29,ഏപ്രില്‍ ഒന്ന് തീയ്യതികളില്‍ ജില്ലയിലെ ആറ് കേന്ദ്രങ്ങളില്‍ നല്‍കും. എഫ്എച്ച് സി അജാനൂര്‍, എഫ്എച്ച്സി  മഞ്ചേശ്വരം, എഫ്എച്ച്സി കയ്യൂര്‍, എഫ്എച്ച്സി  പടന്ന, സിഎച്ച്സി കുമ്പള, എഫ്എച്ച്സി  ഉദുമ എന്നിവയാണ് രണ്ടാം ഡോസ് കോവാക്‌സിന്‍ സ്വീകരണ കേന്ദ്രങ്ങള്‍.

കോവിഡ് വാക്‌സിനേഷന്‍ മെഗാ ക്യാമ്പ് കസബ കടപ്പുറം ഫീഷറിസ് ഓഫീസ് ഓഡിറ്റോറിയത്തില്‍ ആരംഭിച്ചു. 60 വയസ്സിന് മുകളില്‍ പ്രായമുള്ളവര്‍ക്കും, ഗുരുതര രോഗം ബാധിച്ച 45 വയസ്സ് കഴിഞ്ഞര്‍ക്കുമാണ് വാക്‌സിന്‍ നല്‍കുന്നത്. രോഗങ്ങള്‍ ബാധിച്ചവര്‍ കോ- മോര്‍ബിഡിറ്റി സര്‍ട്ടിഫിക്കറ്റ് ഹാജരാക്കണം. അവരുടെ രേഖകള്‍ കാണിച്ചാല്‍ വാക്‌സിനേഷന്‍ സ്ഥലത്ത് നിന്ന് തന്നെ സര്‍ട്ടിഫിക്കറ്റ് നല്‍കും. മാര്‍ച്ച് 15 മുതല്‍ 22 വരെയാണ് ക്യാമ്പ്. ഒരു ദിവസം 1000 പേര്‍ക്ക് വാക്‌സിന്‍ നല്‍കും.

നിയമസഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ പോളിംഗ് ഉദ്യോഗസ്ഥരുടെ പരിശീലനത്തിന് തുടക്കമായി. മാര്‍ച്ച് 17 വരെ ജില്ലയിലെ അഞ്ച് കേന്ദ്രങ്ങളില്‍ പരിശീലനം നടക്കും. 108 ബാച്ചുകളിലായി 4320 പ്രിസൈഡിങ് ഓഫീസര്‍മാര്‍, ഫസ്റ്റ്  പോളിംഗ് ഓഫീസര്‍മാര്‍ എന്നിവര്‍ക്കാണ് ആദ്യഘട്ടത്തില്‍ പരിശീലനം നടന്നത്.  ആദ്യ ദിനം അഞ്ച് കേന്ദ്രങ്ങളിലായി പത്ത് ബാച്ചുകളിലായി കോവിഡ് മാനദണ്ഡങ്ങള്‍ പാലിച്ച് നടത്തുന്ന പരിശീലനത്തില്‍ ഓരോ കേന്ദ്രത്തിലും 400 പേര്‍ വീതം 2000 ഉദ്യോഗസ്ഥരാണ് പങ്കെടുത്തത്.

നിയമസഭാ തിരഞ്ഞെടുപ്പിന്റെ മാതൃകാ പെരുമാറ്റച്ചട്ട പ്രകാരം ജാതി-മത വികാരങ്ങള്‍ ഉണര്‍ത്തി വോട്ട് തേടരുത്. ആരാധനാലയങ്ങള്‍ തിരഞ്ഞെടുപ്പ് പ്രചരണത്തിന് വേദിയാക്കരുത്. സമുദായങ്ങള്‍, ജാതികള്‍, ഭാഷാ വിഭാഗങ്ങള്‍ എന്നിവ തമ്മില്‍ നിലനില്‍ക്കുന്ന സംഘര്‍ഷങ്ങള്‍ മൂര്‍ച്ഛിക്കുന്നതിനിടയാക്കുന്ന പ്രവര്‍ത്തനങ്ങളിലോ സംഘര്‍ഷങ്ങള്‍ക്ക് കാരണമാവുന്ന പ്രവര്‍ത്തനങ്ങളിലോ രാഷ്ട്രീയ പാര്‍ട്ടികളോ സ്ഥാനാര്‍ഥികളോ ഏര്‍പ്പെടരുത്.

നിയമസഭാ തിരഞ്ഞെടുപ്പിന് മുന്നോടിയായി സ്ഥാനാര്‍ത്ഥികളുടെ പരസ്യപ്രചരണത്തിന്റെ നിരക്കുകള്‍ ക്രമീകരിച്ചു. ജില്ലാ  കളക്ടറുടെ ചേമ്പറില്‍  കളക്ടര്‍ എച്ച്. ദിനേശന്റെ അദ്ധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. വിവിധ രാഷ്ട്രീയ കക്ഷി നേതാക്കളുമായി  നടത്തിയ ചര്‍ച്ചയിലൂടെയാണ് പരസ്യ നിരക്കുകള്‍ ക്രമീകരിച്ച് യോഗം തീരുമാനിച്ചത്. പോസ്റ്റര്‍, ചുവരെഴുത്ത്, മാധ്യമ പരസ്യങ്ങള്‍, മറ്റ് തെരഞ്ഞെടുപ്പ് പ്രചരണ ഉപാധികള്‍ തുടങ്ങി തെരഞ്ഞെടുപ്പ് പ്രചരണങ്ങള്‍ക്കായുള്ള എല്ലാ പ്രചരണ പ്രവര്‍ത്തനങ്ങള്‍ക്കും ഏകീകൃത  നിരക്കുകകളും നിശ്ചയിച്ചു.    

കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയിലെ വിവിധയിടങ്ങളില്‍   മാസ്സ് വാക്‌സിനേഷന്‍ ക്യാമ്പുമായി   ആരോഗ്യ വകുപ്പ്. ജില്ലയില്‍ വാക്‌സിനേഷന്‍ സ്വീകരിക്കുന്നവരുടെ എണ്ണം കുറവായതിനാലാണ് ജില്ലയില്‍ വിവിധ സ്ഥലങ്ങളില്‍ മാസ്സ് വാക്‌സിനേഷന്‍ സജ്ജികരിക്കാന്‍  ജില്ലാ ഭരണകൂടം തീരുമാനിച്ചത്. ജില്ലാ കളക്ടര്‍ എച്ച്. ദിനശേന്‍ അദ്ധ്യക്ഷതയില്‍ കളക്ടറുടെ ചേമ്പറില്‍ ചേര്‍ന്ന  യോഗത്തിലാണ് മാസ്സ് വാക്‌സിനേഷന്‍ ക്യാമ്പ് സജ്ജീകരിക്കാന്‍ യോഗം തീരുമാനിച്ചത്. വയോധികര്‍ക്കടക്കം പരമാവധി പൊതുജനങ്ങള്‍ക്ക് വാക്‌സിനേഷന്‍ നല്‍കുകയെന്ന ലക്ഷ്യത്തോടെയാണ് മാസ്സ് വാക്‌സിനേഷന്‍ ക്യാമ്പ് സംഘടിപ്പിക്കുന്നത്.

ശുചിത്വ നിലവാരം,ശുചിത്വ മേഖലയിലെ സേവനങ്ങളുടെ  പുരോഗതി,   ശുചിത്വ മേഖലയിലെ സേവനങ്ങളില്‍ പൊതുജനങ്ങളുടെ അഭിപ്രായം ,തുടങ്ങിയവ വിലയിരുത്തി നഗരങ്ങള്‍ക്ക് റാങ്ക് നല്‍കുന്നതിന്റെ ഭാഗമായി  ജില്ലയിലെ കട്ടപ്പന, തൊടുപുഴ നഗരസഭകളുടെ  പുരോഗതി സംബന്ധിച്ച്  അഭിപ്രായങ്ങള്‍ രേഖപ്പെടുത്താന്‍ അവസരം. ഇതിനായി സര്‍വ്വേയില്‍  10 ചോദ്യങ്ങളാണുള്ളത്.  ഭാഷ തെരഞ്ഞെടുത്ത് ചോദ്യങ്ങള്‍ക്കു അനുയോജ്യമായി  ഉത്തരങ്ങള്‍ രേഖപ്പെടുത്താം.