തൊടുപുഴ  ന്യൂമാന്‍ കോളേജില്‍ 60 വയസ്സിന് മുകളിലുള്ളവര്‍ക്കായി നടത്തുന്ന കോവിഡ് മാസ് വാക്‌സിനേഷന്‍ ക്യാമ്പില്‍ ആദ്യദിനം 800 പേര്‍  വാക്‌സിന്‍ സ്വീകരിച്ചു. രാവിലെ 9 മുതല്‍ വൈകിട്ട് 4  വരെ നടത്തിയ ക്യാമ്പ് ഇന്നും (ശനി) ഉണ്ടാവും. രജിസ്റ്റര്‍ ചെയ്തവര്‍ക്കും  രജിസ്റ്റര്‍ ചെയ്യാത്തവര്‍ക്കും ഈ ക്യാമ്പുകളില്‍ നിന്നും സൗജന്യമായാണ് കോവിഡ് വാക്‌സിന്‍ ലഭ്യമാക്കുന്നത്. രണ്ട് ദിവസം കൊണ്ട് 4000 പേര്‍ക്ക് വാക്‌സിന്‍ നല്‍കുകയാണ് ക്യാമ്പിന്റെ ലക്ഷ്യം.

 ദേശീയ ഹരിത ട്രൈബ്യൂണലിന്റെ ഉത്തരവു പ്രകാരം രാജ്യത്തെ എല്ലാ ജില്ലാ ആസ്ഥാനങ്ങളിലും വായുഗുണനിലവാര പരിശോധന കേന്ദ്രം സ്ഥാപിക്കണമെന്നതിന്റെ അടിസ്ഥാനത്തില്‍ ഇടുക്കി ജില്ലാ ആസ്ഥാനമായ കുയിലിമലയിലും ഇത്തരത്തില്‍ കേന്ദ്രം സ്ഥാപിക്കാന്‍ തീരുമാനമായതായി ജില്ലാ കളക്ടര്‍ എച്ച് ദിനേശന്‍ അറിയിച്ചു.

 
2021 ലെ നിയമസഭാ തിരഞ്ഞെടുപ്പ് പരിസ്ഥിതി സൗഹൃദമാക്കുന്നതിനായി ഇലക്ഷന്‍ വകുപ്പ് മാര്‍ഗ്ഗനിര്‍ദ്ദേശങ്ങള്‍ പുറപ്പെടുവിച്ചു. സ്ഥാനാര്‍ത്ഥികളും രാഷ്ട്രീയ പാര്‍ട്ടികളും പി.വി.സി ഫ്ളക്സുകള്‍, ബാനറുകള്‍, ബോര്‍ഡുകള്‍, പ്ലാസ്റ്റിക് കൊടി തോരണങ്ങള്‍ എന്നിവ പ്രചാരണത്തിനായി ഉപയോഗിക്കരുത്. പി.വി.സി പ്ലാസ്റ്റിക് കലര്‍ന്ന കൊറിയന്‍ ക്ലോത്ത്, നൈലോണ്‍, പോളിസ്റ്റര്‍ തുണി തുടങ്ങി പ്ലാസ്റ്റിക്കിന്റെ അംശമോ, പ്ലാസ്റ്റിക്ക് കോട്ടിങ്ങോ ഉള്ള പുന:ചംക്രമണ സാധ്യമല്ലാത്ത ബാനര്‍, ബോര്‍ഡുകള്‍ തുടങ്ങിയവയുടെ ഉപയോഗവും ഒഴിവാക്കണം.

ജില്ലാ ഇലക്ഷന്‍ വിഭാഗം നടത്തുന്ന വോട്ടര്‍ ബോധവത്കരണ പരിപാടിയുടെ ഭാഗമായി ഇടുക്കി പ്രസ് ക്ലബ് ടീമും റവന്യൂ ഇലവന്‍ ടീമും തമ്മിലുള്ള സൗഹൃദ ക്രിക്കറ്റ് മത്സരം ഇന്നു (14) രാവിലെ 9 ന് തെക്കുംഭാഗം സ്റ്റേഡിയത്തില്‍ നടക്കും. ഇടുക്കി അസി. കളക്ടര്‍ സൂരജ് ഷാജി ഉത്ഘാടനം നിര്‍വഹിക്കും.

നിയമസഭ തിരഞ്ഞെടുപ്പ് ചെലവ് നിരീക്ഷകന്‍ അമിത് സഞ്ചയ് ഗൗരവ് മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിംഗ് കമ്മിറ്റി സന്ദര്‍ശിച്ചു. സമിതിയുടെ പ്രവര്‍ത്തനങ്ങള്‍, ദൈനംദിന റിപ്പോര്‍ട്ടുകള്‍ തുടങ്ങിയവ പരിശോധിച്ചു. ചിലവുകള്‍ സംബന്ധിച്ച പരാതികള്‍ക്ക് ഫോണ്‍ 9969235043.

ജില്ലയില്‍ ഇന്നലെ (15 മാര്‍ച്ച്) 15,919 പേര്‍ക്കു കോവിഡ് വാക്സിന്‍ നല്‍കി. 60 വയസിനു മുകളില്‍ പ്രായമുള്ള 11,704 പേര്‍ക്കും മറ്റു രോഗങ്ങളുള്ള 45നും 60നും ഇടയില്‍ പ്രായമുള്ള 846 പേരും ഇന്നലെ വാക്സിന്‍ സ്വീകരിച്ചു.

837 ആരോഗ്യ പ്രവര്‍ത്തകര്‍ ആദ്യ ഘട്ടവും 1,000 ആരോഗ്യ പ്രവര്‍ത്തകര്‍ രണ്ടാം ഘട്ടവും വാക്സിന്‍ സ്വീകരിച്ചു. കോവിഡ് മുന്നണി പോരാളികളായ 1,320 പേരും 212 പോളിംഗ് ഉദ്യോഗസ്ഥരും വാക്സിന്‍ സ്വീകരിച്ചതായി ജില്ലാ മെഡിക്കല്‍ ഓഫിസില്‍ നിന്ന് അറിയിച്ചു.

നിയമസഭാ തെരഞ്ഞെടുപ്പുമായി ബന്ധപ്പെട്ടു മാധ്യമങ്ങളിലൂടെ നൽകുന്ന പരസ്യങ്ങൾക്കു ജില്ലാതല മീഡിയ സർട്ടിഫിക്കേഷൻ ആൻഡ് മോണിറ്ററിങ് കമ്മിറ്റിയുടെ സർട്ടിഫിക്കേഷൻ നിർബന്ധമാണെന്നു ജില്ലാ കളക്ടർ ഡോ. നവ്‌ജ്യോത് ഖോസ. മാധ്യമങ്ങളിലൂടെയുള്ള തെരഞ്ഞെടുപ്പു പ്രചാരണം കളക്ടറേറ്റിലെ മീഡിയ മോണിറ്ററിങ് സെല്ലിൽ 24 മണിക്കൂർ നിരീക്ഷണത്തിനു വിധേയമാക്കുന്നുണ്ടെന്നും കളക്ടർ പറഞ്ഞു. 

ഇടുക്കി നിയോജക മണ്ഡലം ആന്റി ഡിഫേസ് മെന്റ് സ്‌ക്വാഡിന്റെ നേതൃത്വത്തില്‍ അറക്കുളം, കുടയത്തൂര്‍, ശങ്കരപ്പള്ളി, എന്നിവിടങ്ങളില്‍ സ്ഥാപിച്ച പോസ്റ്റര്‍, ബാനര്‍ എന്നിവ നീക്കം ചെയ്തു.

നിയമസഭാ തെരഞ്ഞെടുപ്പിന്റെ പ്രചാരണത്തിന് തെരഞ്ഞെടുപ്പു കമ്മിഷൻ നിർദേശിച്ചിട്ടുള്ള എല്ലാ മാനദണ്ഡങ്ങളും കർശനമായി പാലിക്കണമെന്നു ജില്ലാ തെരഞ്ഞെടുപ്പ് ഓഫിസർകൂടിയായ കളക്ടർ ഡോ. നവ്‌ജ്യോത് ഖോസ ജില്ലയിലെ രാഷ്ട്രീയ കക്ഷികളോട് അഭ്യർഥിച്ചു. നാമനിർദേശ പത്രികാ സമർപ്പണം, ചെലവ് നിയന്ത്രണം തുടങ്ങിയവയിലും തെരഞ്ഞെടുപ്പ് ചട്ടങ്ങളും നിർദേശങ്ങളും കർശനമായി പാലിക്കണമെന്ന് രാഷ്ട്രീയ കക്ഷി പ്രതിനിധികളുടെ യോഗത്തിൽ കളക്ടർ പറഞ്ഞു.