നിയമസഭ തിരഞ്ഞെടുപ്പിന്റെ ഭാഗമായി ജില്ലയില്‍ വിതരണം ചെയ്യുന്ന ഇലക്ട്രോണിക് വോട്ടിംഗ് മെഷീനുകളുടെ ഫസ്റ്റ് ലെവല്‍ ചെക്കിംഗും റാന്‍ഡമൈസേഷനും നടത്തി.  ചെറുതോണി ടൗണ്‍ഹാള്‍ സ്‌ട്രോംഗ് റൂമില്‍ സൂക്ഷിച്ചിരുന്ന വോട്ടിംഗ് യന്ത്രങ്ങള്‍ തിരഞ്ഞെടുപ്പ് കമ്മീഷന്റെ പ്രത്യേക കമ്പ്യൂട്ടര്‍ സോഫ്റ്റ് വെയര്‍ മുഖാന്തിരമാണ് റാന്‍ഡമൈസേഷന്‍ നടത്തിയത്. മാര്‍ച്ച് 17, 18 തീയതികളില്‍ പ്രത്യേക സുരക്ഷാ സംവിധാനങ്ങളോടെ അഞ്ച് നിയമസഭാ മണ്ഡലങ്ങളിലെയും ബന്ധപ്പെട്ട റിട്ടേണിംഗ് ഓഫീസര്‍മാര്‍ക്ക് വോട്ടിംഗ് യന്ത്രങ്ങള്‍ വിതരണം ചെയ്യും.

നിയമസഭാ തെരഞ്ഞെടുപ്പിന്റെ നാമനിർദേശ പത്രികാ സമർപ്പണത്തിന്റെ രണ്ടാം ദിനമായ ഇന്നലെ (15 മാർച്ച്) എട്ടു പേർ ജില്ലയിലെ വിവിധ മണ്ഡലങ്ങളിലായി നാമനിർദേശ പത്രിക സമർപ്പിച്ചു. ഈ മാസം 19 വരെയാണു പത്രികകൾ സ്വീകരിക്കുന്നത്. പത്രികാ സമർപ്പണത്തിന്റെ ആദ്യ ദിനം ജില്ലയിൽ രണ്ടു പേർ പത്രിക സമർപ്പിച്ചിരുന്നു. ഇതോടെ ആകെ സ്ഥാനാർഥികളുടെ എണ്ണം പത്തായി.

നിയമസഭാ തിരഞ്ഞെടുപ്പില്‍ വോട്ടര്‍മാരുടെ വിപുലമായ പങ്കാളിത്തം ഉറപ്പുവരുത്താന്‍ ബോധവത്കരണവുമായി ജില്ലയില്‍ വോട്ടുവണ്ടി പ്രയാണം ആരംഭിച്ചു. കളക്ടറേറ്റില്‍ ജില്ലാ കളക്ടര്‍ ഡോ. നവജ്യോത് ഖോസ വോട്ടുവണ്ടി ഫ്‌ളാഗ് ഓഫ് ചെയ്തു. തെരഞ്ഞെടുപ്പിന്റെ പ്രാധാന്യം മനസ്സിലാക്കി എല്ലാവരും തങ്ങളുടെ സമ്മതിദാന അവകാശം വിനിയോഗിക്കണമെന്ന് കളക്ടര്‍ പറഞ്ഞു. ജനങ്ങളില്‍ തെരഞ്ഞെടുപ്പിന്റെ പ്രാധാന്യത്തെ കുറിച്ചുള്ള അവബോധം സൃഷ്ടിക്കുന്നതായി സ്വീപിന്റെ (സിസ്റ്റമാറ്റിക് വോട്ടേഴ്സ് എഡ്യൂക്കേഷന്‍ ആന്റ് ഇലക്ടറല്‍ പാര്‍ട്ടിസിപ്പേഷന്‍) നേതൃത്വത്തിലാണ് തെരഞ്ഞെടുപ്പ് സന്ദേശങ്ങളുമായി വണ്ടി പ്രയാണം നടത്തുന്നത്. 

 'ഒരു വോട്ടര്‍ പോലും ഒഴിവാക്കപ്പെടരുത്' എന്ന തിരഞ്ഞെടുപ്പ് കമ്മീഷന്റെ ആപ്തവാക്യം തലക്കെട്ടോടെ സിവില്‍ സ്റ്റേഷനില്‍ സ്ഥാപിച്ചിരിക്കുന്ന സിഗ്നേച്ചര്‍ വാള്‍ ജില്ലാ കളക്ടര്‍ എച്ച് ദിനേശനും ജില്ലാ പോലീസ് മേധാവി ആര്‍ കറുപ്പസാമിയും ചേര്‍ന്ന്  ഉദ്ഘാടനം ചെയ്തു.' സമ്മതിദാനാവകാശത്തിന്റെ പ്രാധാന്യം ജനങ്ങളിലെത്തിക്കുന്നതിന് ജില്ലാ തിരഞ്ഞെടുപ്പ് വിഭാഗം നടത്തുന്ന സ്വീപ്പ് ബോധവല്‍ക്കരണ പ്രവര്‍ത്തനങ്ങളുടെ ഭാഗമായാണ് സിവില്‍ സ്റ്റേഷനില്‍ സിഗ്‌നേച്ചര്‍ സ്ഥാപിച്ചിട്ടുള്ളത്. ഹരിത പെരുമാറ്റച്ചട്ടം അനുസരിച്ച് തുണിയിലാണ് വാള്‍ തീര്‍ത്തിരിക്കുന്നത്.

കോവിഡ് വ്യാപനം നിയന്ത്രണവിധേയമായതിനെത്തുടര്‍ന്ന് തിരുവനന്തപുരം കോര്‍പ്പറേഷനു കീഴിലെ പട്ടം(റ്റി.പി.ജെ നഗര്‍ പ്ലാമൂട്), ആറന്നൂര്‍(എന്‍.ജി.ഒ കോര്‍ട്ടേഴ്‌സ്, ജഡ്ജ് റോഡ് പ്രദേശം), പുളിമാത്ത് ഗ്രാമപഞ്ചായത്തിലെ പുല്ലയില്‍(തോപ്പുമുക്ക് പ്രദേശം) എന്നിവിടങ്ങളില്‍ ഏര്‍പ്പെടുത്തിയിരുന്ന കണ്ടെയിന്‍മെന്റ് സോണ്‍ നിയന്ത്രണങ്ങള്‍ പിന്‍വലിച്ചതായി ജില്ലാ കളക്ടര്‍ ഡോ. നവ്ജ്യോത് ഖോസ അറിയിച്ചു

ഇടുക്കി മെഡിക്കല്‍ കോളേജിലും കട്ടപ്പന ട്രൈബല്‍ ഹയര്‍ സെക്കന്ററി സ്‌കൂളിലും രജിസ്റ്റര്‍ ചെയ്യാത്തവര്‍ക്കും കോവിഡ് വാക്‌സിന്‍ എടുക്കാം

 
കോവിഡ് മാസ് വാകസിനേഷന്‍  ക്യാമ്പ് ഇന്ന് (16) രാവിലെ ഒന്‍പതു മുതല്‍ ഇടുക്കി മെഡിക്കല്‍ കോളേജിലും കട്ടപ്പന ട്രൈബല്‍ ഹയര്‍സെക്കന്റി സ്‌കൂളിലും നടത്തും.  രജിസ്റ്റര്‍ ചെയ്തവര്‍ക്കും രജിസ്റ്റര്‍ ചെയ്യാത്തവര്‍ക്കും ക്യാമ്പില്‍ സൗജന്യമായി കോവിഡ് വാക്‌സിന്‍ ലഭിക്കും. 60 വയസ്സിന് മുകളിലുള്ളവര്‍ക്കാണ്   വാക്‌സിന്‍ ലഭിക്കുക.  

കോവിഡ് രോഗവ്യാപനം നിയന്ത്രിക്കുന്നതിന്റെ ഭാഗമായി നെടുമങ്ങാട് മുന്‍സിപ്പാലിറ്റിയിലെ പതിനാറാംകല്ല്(ഐ.ഐ.എസ്.റ്റി, വലിയമല), വര്‍ക്കല മുന്‍സിപ്പാലിറ്റിയിലെ കുറകണ്ണി പ്രദേശം(പാറയില്‍ വാര്‍ഡ്) എന്നീ പ്രദേശങ്ങളെ മൈക്രോ കണ്ടെയിന്‍മെന്റ് സോണായി ജില്ലാ കളക്ടര്‍ ഡോ. നവ്ജ്യോത് ഖോസ പ്രഖ്യാപിച്ചു.  ഇതിനോട് ചേര്‍ന്നുള്ള പ്രദേശങ്ങളിലും ജാഗ്രത പുലര്‍ത്തണം. അടിയന്തര ആവശ്യങ്ങള്‍ക്കല്ലാതെ ആരുംതന്നെ കണ്ടെയിന്‍മെന്റ് സോണിനു പുറത്തു പോകാന്‍ പാടില്ലെന്നും കളക്ടര്‍ അറിയിച്ചു.

തിരുവനന്തപുരത്ത് ഇന്ന് (15 മാര്‍ച്ച് 2021) 130 പേര്‍ക്കു കൂടി കോവിഡ് 19 സ്ഥിരീകരിച്ചു. 121 പേര്‍ രോഗമുക്തരായി. നിലവില്‍ 1,944 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 78 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,329 പേരെക്കൂടി നിരീക്ഷണത്തിലാക്കി. ഇവരടക്കം ആകെ 15,640 പേര്‍ വീടുകളിലും 42 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,483 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

   ഫെബ്രുവരി 12 നും 20 നും ഇടയില്‍ കോവാക്‌സിന്‍ സ്വീകരിച്ച മുന്‍നിര വിഭാഗത്തില്‍പ്പെട്ട ജീവനക്കാര്‍ക്ക് രണ്ടാം ഡോസ് വാക്‌സിന്‍ മാര്‍ച്ച് 18, 19, 20 തീയതികളില്‍ അവര്‍ വാക്‌സിന്‍ സ്വീകരിച്ച കേന്ദ്രങ്ങളില്‍ നിന്ന് തന്നെ നല്‍കും. പാഴാകുന്ന വാക്‌സിന്‍ സോസുകളുടെ എണ്ണം കുറക്കുന്നതിനായാണ് അടുത്തടുത്ത തിയതികളിലായി വാക്‌സിന്‍ വിതരണം ക്രമീകരിച്ചിരിക്കുന്നത്. 2555 പേരാണ് ആദ്യഘട്ടം കോവാക്‌സിന്‍ സ്വീകരിച്ചത്.