നിയമസഭ തിരഞ്ഞെടുപ്പിൽ 13 നിയോജക മണ്ഡലങ്ങളിലേക്കും പ്രത്യേകം തയ്യാറാക്കിയ ഇലക്ട്രോണിക് വോട്ടിംഗ് മെഷീനുകളും വിവിപാറ്റുകളും

സായുധസേനാ പതാകനിധിയിലേക്ക് തുക ഒടുക്കാനുള്ള സര്‍ക്കാര്‍/പൊതുമേഖലാ സ്ഥാപനങ്ങള്‍ മാര്‍ച്ച് 20ന് മുന്‍പ് തുക ഒടുക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.  വഞ്ചിയൂര്‍ പ്രവര്‍ത്തിക്കുന്ന ജില്ലാ സൈനിക ക്ഷേമ ഓഫീസില്‍ തുക സ്വീകരിക്കും. കൂടുതല്‍ വിവരങ്ങള്‍ക്ക് 0471-2472748.

നെയ്യാറ്റിന്‍കര താലൂക്കില്‍ കോട്ടുകാല്‍ വില്ലേജില്‍ 150 കിലോഗ്രാം സംഭരണശേഷിയുള്ള സ്ഫോടകവസ്തു മാഗസീന്‍ സ്ഥാപിക്കുന്നതിന് അദാനി വിഴിഞ്ഞം പോര്‍ട്ട് പ്രൈവറ്റ് ലിമിറ്റഡ് സി.ഇ.ഒ രാജേഷ് കുമാര്‍.ഝാ എന്ന വ്യക്തി അപേക്ഷ സമര്‍പ്പിച്ചിട്ടുണ്ട്.  ഈ സ്ഫോടക മാഗസീന് നിരാക്ഷേപ സാക്ഷ്യപത്രം അനുവദിക്കുന്നതിന് ആര്‍ക്കെങ്കിലും ആക്ഷേപമുണ്ടെങ്കില്‍ 30 ദിവസത്തിനകം അഡീഷണല്‍ ജില്ലാ മജിസ്ട്രേറ്റിനു മുന്നില്‍ ആക്ഷേപം ബോധിപ്പിക്കണമെന്ന് എ.ഡി.എം അറിയിച്ചു.

വെള്ളനാട് ഭഗവതി ക്ഷേത്രത്തിലെ മീനഭരണി മഹോത്സവത്തിനോടനുബന്ധിച്ച് മാര്‍ച്ച് 18ന് വെള്ളനാട് ഗ്രാമപഞ്ചായത്ത് പ്രദേശത്തെ എല്ലാ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും ജില്ലാ കളക്ടര്‍ ഡോ. നവജ്യോത് ഖോസ പ്രാദേശിക അവധി പ്രഖ്യാപിച്ചു. മുന്‍ നിശ്ചയിച്ചിട്ടുള്ള പൊതുപരീക്ഷകള്‍ക്കും തെരഞ്ഞെടുപ്പുമായി ബന്ധപ്പെട്ടു പ്രവര്‍ത്തിക്കുന്ന സ്ഥാപനങ്ങള്‍ക്കും അവധി ബാധകമല്ല.

ശാര്‍ക്കര ദേവീ ക്ഷേത്രത്തിലെ മീനഭരണി മഹോത്സവത്തോടനുബന്ധിച്ച് മാര്‍ച്ച് 18ന് ചിറയിന്‍കീഴ്, വര്‍ക്കല(പഴയ ചിറയിന്‍കീഴ് താലൂക്ക്) താലൂക്കുകളിലെ എല്ലാ സര്‍ക്കാര്‍ സ്ഥാപനങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി ആയിരിക്കുമെന്ന് ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു. മുന്‍ നിശ്ചയിച്ചിട്ടുള്ള പൊതുപരീക്ഷകള്‍ക്കും തെരഞ്ഞെടുപ്പുമായി ബന്ധപ്പെട്ടു പ്രവര്‍ത്തിക്കുന്ന സ്ഥാപനങ്ങള്‍ക്കും അവധി ബാധകമല്ല.

ജില്ലയില്‍ ക്രമസമാധാനം ഉറപ്പുവരുത്തി നിയമസഭാ തെരഞ്ഞെടുപ്പ് സമാധാനപൂര്‍ണമാക്കുന്നതിന്റെ ഭാഗമായി ലൈസന്‍സുള്ള ആയുധങ്ങള്‍ കൈവശം വെക്കുന്നവരുടെ വ്യക്തിഗത വിവരങ്ങള്‍ അവലോകനം ചെയ്ത് നടപടികള്‍ സ്വീകരിക്കുന്നതിനും ആവശ്യമെങ്കില്‍ ആയുധങ്ങള്‍ പിടിച്ചെടുക്കുന്നതിനുമായി സ്‌ക്രീനിംഗ് കമ്മിറ്റി രൂപീകരിച്ചു. ജില്ലാ മജിസ്‌ടേറ്റുകൂടിയായ ജില്ലാ കലക്ടര്‍, ജില്ലാ പൊലീസ് മേധാവികള്‍ (സിറ്റി, റൂറല്‍) എന്നിവരടങ്ങുന്നതാണ് കമ്മിറ്റി.

സ്‌കോള്‍ കേരള; ഹയര്‍ സെക്കണ്ടറി വി എച്ച് എസ് ഇ അഡീഷണല്‍ മാത്ത്മാറ്റിക്‌സ് കോഴ്‌സുകള്‍ക്ക് അവസരം

കൈരളി കരകൗശല കൈത്തറി മേളയ്ക്ക് ഇന്ന് (മാര്‍ച്ച് 16) ടൗണ്‍ സ്‌ക്വയറില്‍ തുടക്കമാകും.  കൊവിഡിനെ തുടര്‍ന്ന് പ്രതിസന്ധിയിലായ കരകൗശല മേഖലയ്ക്ക് ഉണര്‍വ് പകരുക എന്നതാണ് മേളയുടെ ലക്ഷ്യം.  ഈ മേഖലയില്‍ പ്രവര്‍ത്തിക്കുന്ന നിരവധി തൊഴിലാളികള്‍ക്ക് അവരുടെ ഉല്‍പന്നങ്ങള്‍ വിറ്റഴിക്കുന്നതിനും കൈത്തറി കരകൗശല ഉല്‍പന്നങ്ങള്‍ മിതമായ നിരക്കില്‍ ഉപഭോക്താക്കളില്‍ എത്തിക്കുന്നതിനും അവസരമൊരുക്കുക എന്ന            ലക്ഷ്യത്തോടെയാണ് കരകൗശല വികസന കോര്‍പ്പറേഷന്റെ കണ്ണൂര്‍ യൂണിറ്റായ കൈരളി മേള സംഘടിപ്പിക്കുന്നത്.

മലബാര്‍ ദേവസ്വം ബോര്‍ഡിന് കീഴിലുള്ള ക്ഷേത്ര ജീവനക്കാരുടെയും എക്‌സിക്യൂട്ടീവ് ഓഫീസര്‍മാരുടെയും ക്ഷേമനിധി ക്ഷേത്ര വിഹിതം കുടിശ്ശിക പിരിവ് നടത്തുന്നതിനായി മാര്‍ച്ച് 19 ന് രാവിലെ 11 മണി മുതല്‍ പിള്ളയാര്‍ കോവില്‍ ക്ഷേത്രത്തില്‍ ക്ഷേമനിധി സെക്രട്ടറി ക്യാമ്പ് ചെയ്യുന്നു.  മലബാര്‍ ദേവസ്വം ബോര്‍ഡിന് കീഴിലുള്ള കണ്ണൂര്‍, തളിപ്പറമ്പ്, തലശ്ശേരി, ഇരിട്ടി താലൂക്കുകളിലെ ക്ഷേത്രഭാരവാഹികള്‍  ക്ഷേമനിധിയില്‍ അടക്കാനുള്ള ക്ഷേത്രവിഹിതം നിര്‍ബന്ധമായും അടക്കേണ്ടതാണ്.

ജില്ലയിലെ തദ്ദേശ സ്വയംഭരണ സ്ഥാപനങ്ങളിലേക്ക് പുതുതായി തെരഞ്ഞെടുക്കപ്പെട്ട ജനപ്രതിനിധികളുടെ വിവരങ്ങള്‍ ഉള്‍പ്പെടുത്തി ജില്ലാ ഇന്‍ഫര്‍മേഷന്‍ ഓഫീസ് തയ്യാറാക്കിയ 'തദ്ദേശം' കൈപ്പുസ്തകം ജില്ലാ കലക്ടര്‍ ടി വി സുഭാഷ് പ്രകാശനം ചെയ്തു. പുസ്തകത്തിന്റെ ആദ്യപ്രതി അസിസ്റ്റന്റ് കലക്ടര്‍ ആര്‍ ശ്രീലക്ഷ്മിക്ക് കൈമാറി. കോര്‍പറേഷന്‍, നഗരസഭകള്‍, ജില്ലാ - ബ്ലോക്ക് - ഗ്രാമ പഞ്ചായത്തുകള്‍ എന്നിവിടങ്ങളിലെ ജനപ്രതിനിധികളുടെ പേര്, വാര്‍ഡ്, പ്രതിനിധാനം ചെയ്യുന്ന രാഷ്ട്രീയ പാര്‍ട്ടി, ഫോണ്‍ നമ്പര്‍ എന്നീ വിവരങ്ങളാണ് പുസ്തകത്തിലുള്ളത്.