സംസ്ഥാനത്തെ മുഴുവന്‍ ഉന്നത വിദ്യാഭ്യാസ സ്ഥാപനങ്ങളെയും മികവിന്റെ കേന്ദ്രങ്ങളാക്കി മാറ്റുമെന്ന് മുഖ്യമന്ത്രി പിണറായി വിജയന്‍. ജില്ലയിലെ വിവിധ സ്‌കൂള്‍ കെട്ടിടങ്ങളുടെ ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വഹിച്ചു സംസാരിക്കുകയായിരുന്നു അദ്ദേഹം.

**മൂന്നു ജില്ലകളിലെ മത്സ്യ കര്‍ഷകര്‍ക്ക് പ്രയോജനം ലഭിക്കും

**രോഗനിര്‍ണയത്തിന് പുറമേ വെള്ളത്തിന്റെയും മണ്ണിന്റെയും ഗുണനിലവാര പരിശോധനയും

തെരഞ്ഞെടുപ്പ് ഡ്യൂട്ടിക്കു നിയോഗിക്കുന്ന എല്ലാ ജീവനക്കാര്‍ക്കും രണ്ടു ഡോസ് കോവിഡ് വാക്‌സിന്‍ ലഭ്യമാക്കുമെന്നു ജില്ലാ തെരഞ്ഞെടുപ്പ് ഓഫിസര്‍കൂടിയായ കളക്ടര്‍ ഡോ. നവ്ജ്യോത് ഖോസ.  ഇതിന്റെ ഭാഗമായി ഇലക്ഷന്‍ ഡ്യൂട്ടിക്കു നിയോഗിക്കപ്പെടേണ്ട ഉദ്യോഗസ്ഥരുടെ വിവരങ്ങള്‍ ഫെബ്രുവരി 20നു മുന്‍പ് കളക്ടറേറ്റില്‍ ലഭ്യമാക്കാന്‍ എല്ലാ വകുപ്പുകളുടേയും ജില്ലാ മേധാവികാര്‍ക്ക് കളക്ടര്‍ നിര്‍ദേശം നല്‍കി.

ശാസ്ത്ര സാങ്കേതികവിദ്യയുടെ വളര്‍ച്ച ക്രമസമാധാന രംഗത്തും പ്രയോജനപ്പെടുത്താന്‍ പൊലീസ് ഉദ്യോഗസ്ഥര്‍ക്കായി ജില്ലാതല പരിശീലന കേന്ദ്രങ്ങള്‍ തുടങ്ങുമെന്നു മുഖ്യമന്ത്രി പിണറായി വിജയന്‍.  പൊലീസ് സേനയുടെ പ്രൊഫഷണലിസം വര്‍ധിപ്പിക്കുന്നതിനു വിവിധ നടപടികള്‍ ഇതിനോടകം സര്‍ക്കാര്‍ നടപ്പാക്കിക്കഴിഞ്ഞെന്നും മുഖ്യമന്ത്രി പറഞ്ഞു.  കാട്ടാക്കട, വര്‍ക്കല ഡിവൈ.എസ്.പി. ഓഫിസുകള്‍ ഉദ്ഘാടനം ചെയ്യുകയായിരുന്നു അദ്ദേഹം.

കാര്‍ഷിക വികസന കര്‍ഷക ക്ഷേമ വകുപ്പിനു വേണ്ടി കേരള അഗ്രോ ഇന്‍ഡസ്ട്രീസ് കോര്‍പ്പറേഷന്‍ കണ്ണാറ  മോഡല്‍ ഹോര്‍ട്ടിക്കള്‍ച്ചര്‍ ഫാമില്‍ സ്ഥാപിക്കുന്ന ബനാന ആന്റ് ഹണി പാര്‍ക്ക് കെട്ടിട സമുച്ചയത്തിന്റെ ഉദ്ഘാടനം ഇന്ന് (ഫെബ്രുവരി 19) വൈകുന്നേരം 4 മണിക്ക് മുഖ്യമന്ത്രി പിണറായി വിജയന്‍ ഓണ്‍ലൈനില്‍ നിര്‍വഹിക്കും. കൃഷി വകുപ്പ് മന്ത്രി വി എസ് സുനില്‍കുമാര്‍ അധ്യക്ഷത വഹിക്കും. ഇതോടൊപ്പം കേരള കര്‍ഷക ക്ഷേമനിധി  അംഗത്വ വിതരണ ഉദ്ഘാടനവും മുഖ്യമന്ത്രി നിര്‍വഹിക്കും.

മണ്ണുത്തിയിലെ വിപുലീകരിച്ച സംസ്ഥാന ബയോ കൺട്രോൾ  ലബോറട്ടറിയുടെ ഉദ്ഘാടനം ഇന്ന് (ഫെബ്രുവരി 19) 4 മണിക്ക്  മുഖ്യമന്ത്രി പിണറായി വിജയൻ ഓൺലൈനിൽ നിർവഹിക്കും. കൃഷി വകുപ്പ് മന്ത്രി അഡ്വ വി എസ് സുനിൽകുമാർ അധ്യക്ഷനാകും.

കണ്ണാറയിൽ ആദ്യഘട്ട നിർമാണം പൂർത്തീകരിച്ച് പ്രവർത്തന സജ്ജമാകുന്ന 
നെൽവിത്ത് സംഭരണ ഗോഡൗണിന്റെ ഉദ്ഘാടനം ഇന്ന് (ഫെബ്രുവരി 19) വൈകുന്നേരം 4 മണിക്ക് കണ്ണാറ ഗോഡൗൺ പരിസരത്ത് കൃഷി വകുപ്പ് മന്ത്രി അഡ്വ വി എസ് സുനിൽകുമാർ  ഉദ്ഘാടനം ചെയ്യും. ഗവ ചീഫ് വിപ്പ് അഡ്വ കെ രാജൻ അധ്യക്ഷനാകും.

ഭാവി തലമുറയെ വാര്‍ത്തെടുക്കുന്നതില്‍ മുഖ്യപങ്കുവഹിക്കുന്ന വിദ്യാലയങ്ങള്‍ക്ക് ചാവക്കാട് ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ മാതൃകയാണെന്ന് കെ വി അബ്ദുള്‍ ഖാദര്‍ എംഎല്‍എ. നിരവധി പ്രമുഖര്‍ പഠിക്കുകയും പഠിപ്പിക്കുകയും ചെയ്തിട്ടുള്ള നൂറു വര്‍ഷം പഴക്കമുള്ള വിദ്യാലയമാണ് ഗുരുവായൂര്‍ നഗരസഭയിലെ ചാവക്കാട് ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍. 

കേരള സംസ്ഥാന യുവജന ക്ഷേമ ബോർഡ് സംസ്ഥാനത്താകെ സംഘടിപ്പിക്കുന്ന സൈക്കിൾ ബ്രിഗേഡിന്റെ ഭാഗമായി യുവതി സൈക്കിൾ ക്ലബ്ബ് ഉദ്ഘാടനവും സൈക്കിൾ വിതരണവും രണ്ടാം ഘട്ട സ്പോർട്ട്സ് കിറ്റ് വിതരണവും  നടന്നു. ഗീത ഗോപി എം എൽ എ പരിപാടിയുടെ ഉദ്ഘാടനം ചെയ്തു.

ആരോഗ്യ സംരക്ഷണത്തിനും പരിസ്ഥിതി പ്രവർത്തനങ്ങൾക്കും ഊന്നൽ നൽകുന്നതിന്റെ ഭാഗമായി യുവജനങ്ങളെ പ്രാപ്തമാക്കുക എന്ന ലക്ഷ്യം വച്ചാണ് യുവജനക്ഷേമ ബോർഡ് സൈക്കിൾ ബ്രിഗേഡ് സംഘടിപ്പിക്കുന്നത്. യുവതികളുടെ നേതൃത്വത്തിൽ എല്ലാ ജില്ലകളിലും ഇത്തരം സൈക്കിൾ ക്ലബുകൾ രൂപീകരിച്ച് ഈ ആശയ പ്രചരണം സംഘടിപ്പിക്കുന്നതിനാണ് ഇവർക്ക് സൈക്കിൾ വിതരണം ചെയ്യുന്നത്.

തൃശൂർ നഗരത്തിലെ പ്രധാന ജങ്ഷനുകളിൽ സി സി ടി വി ക്യാമറകൾ സ്ഥാപിക്കുന്ന സ്മാർട്ട്‌ ആൻ്റ് സേഫ് സിറ്റി പ്രോഗ്രാമിന്റെ ആദ്യഘട്ട പൂർത്തീകരണ ഉദ്ഘാടനം മുഖ്യമന്ത്രി പിണറായി വിജയൻ  ഓൺലൈനായി നിർവഹിച്ചു. മേയർ എം കെ വർഗീസ് അധ്യക്ഷനായി. ഡിസ്ട്രിക്ട് പൊലീസ് കമാൻ്റ് ആൻ്റ് കൺട്രോൾ റൂമിന്റെ ഉദ്ഘാടനവും സി സി ടി വി ക്യാമറകളുടെ സ്വിച്ച് ഓൺ കർമ്മവും മേയർ നിർവഹിച്ചു.