കേര കേരളം സമൃദ്ധ കേരളം പദ്ധതിയുടെ ഭാഗമായുള്ള ഡോക്യുമെൻ്റേഷൻ പ്രകാശനം  തൊഴിലുറപ്പ് പദ്ധതി ജോയിന്റ് പ്രോഗ്രാം കോർഡിനേറ്റർ പി സി ബാലഗോപാൽ നിർവഹിച്ചു. ജിയോഗ്രഫിക്കൽ ഇൻഫർമേഷൻ സർവ്വേ  ജില്ലയിൽ ആദ്യം പൂർത്തീകരിച്ച പാഞ്ഞാൾ, മേലൂർ, പരിയാരം, കാടുകുറ്റി പഞ്ചായത്തുകൾ ചടങ്ങിൽ ആദരിച്ചു.

പദ്ധതിയുടെ ഭാഗമായി മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൻ കീഴിൽ, തൃശൂർ ജില്ലയിലെ വിവിധ ബ്ലോക്കുകളിലെ കോൾ ബണ്ടുകളിൽ തെങ്ങിൻ തൈകൾ വച്ചുപിടിപ്പിച്ച്‌ സംരക്ഷിക്കുന്ന പ്രവൃത്തി നടന്നു വരുന്നു.  

സബ് ഡിവിഷനുകളുടെ രൂപീകരണം കേരളത്തിലെ ക്രമസമാധാന പാലന ചരിത്രത്തിലെ മറ്റൊരു നാഴികക്കല്ലെന്ന് മുഖ്യമന്ത്രി പിണറായി വിജയൻ. സംസ്ഥാനത്തെ 25 സബ്ബ് ഡിവിഷനുകളുടെ ഉദ്ഘാടനം ഓൺലൈനായി നിർവ്വഹിച്ചുകൊണ്ട് സംസാരിക്കുകയായിരുന്നു മുഖ്യമന്ത്രി. 

പുഴയ്ക്കൽ ബ്ലോക്ക് പഞ്ചായത്തിന്റെ 2021-22 വർഷത്തെ പദ്ധതി രൂപീകരണത്തിനായി വികസന സെമിനാർ നടത്തി. ബ്ലോക്ക് പഞ്ചായത്ത്‌ കോൺഫറൻസ് ഹാളിൽ നടന്ന സെമിനാർ 
എം എൽ എ അനിൽ അക്കര ഉദ്ഘാടനം ചെയ്തു. കരട് പദ്ധതി രേഖ പ്രകാശനവും എം എൽ എ നിർവ്വഹിച്ചു. ബ്ലോക്ക് പഞ്ചായത്ത്‌ പ്രസിഡന്റ്‌ ജ്യോതി ജോസഫ് അധ്യക്ഷയായിരുന്നു.

കാർഷിക മേഖലയ്ക്കും കുടിവെള്ള വിതരണ മേഖലയ്ക്കും മുൻ‌തൂക്കം നൽകിയാണ് പദ്ധതികൾ ആവിഷ്കരിച്ചിരിക്കുന്നത്.
കുടിവെള്ള ക്ഷാമം നേരിടുന്ന പ്രദേശങ്ങളിൽ ശാശ്വത പരിഹാരം ഒരുക്കുന്ന പദ്ധതികൾ ആവിഷ്കരിച്ച്‌ നടപ്പാക്കാൻ യോഗത്തിൽ ധാരണയായി.

മലബാർ ദേവസ്വം ബോർഡ് ക്ഷേമനിധി ഫണ്ടിൽ നിന്നും ബാങ്ക് മുഖേന പെൻഷൻ /കുടുംബ പെൻഷൻ കൈപ്പറ്റി വരുന്ന പെൻഷണർമാർ തുടർന്നുള്ള ആനുകൂല്യങ്ങൾ ബാങ്ക് മുഖേന ലഭിക്കുന്നതിനായി എസ് ബി ഐ യുടെ ജനപ്രിയ അക്കൗണ്ട് മാറ്റി സേവിങ്സ് അക്കൗണ്ട് തുടങ്ങേണ്ടതും ബാങ്ക് പാസ്സ് ബുക്കിന്റെ പകർപ്പ്, ഫോൺ നമ്പർ സഹിതം രണ്ടാഴ്ചക്കകം സെക്രട്ടറി മലബാർ ക്ഷേത്ര ജീവനക്കാരുടെയും എക്‌സിക്യുട്ടീവ് ഓഫീസർമാരുടെയും ക്ഷേമ നിധി ഫണ്ട്, ഹൗസ് ഫെഡ് കോംപ്ലക്സ്, എരഞ്ഞിപ്പാലം പി ഒ കോഴിക്കോട് -6 എന്ന വിലാസത്തിൽ അയച്ചു തരേണ്ടതുമാണ്. ഫോൺ 0495 2360720

കുന്നംകുളം നിയോജക മണ്ഡലത്തിൽ പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി വിവിധ സ്കൂളുകളിൽ പുതിയ കെട്ടിട ഉദ്ഘാടനം, കെട്ടിട നിർമാണോദ്ഘാടനം, ലാബ് ഉദ്ഘാടനം എന്നിവ നടന്നു.

കുന്നംകുളം ഗവ. മോഡൽ ഹയർ സെക്കൻ്ററി ഗേൾസ് ഹൈസ്കൂളിൽ തദ്ദേശ സ്വയം ഭരണ വകുപ്പു മന്ത്രി എ സി മൊയ്തീൻ്റെ പ്രാദേശിക വികസന ഫണ്ടിൽ നിന്ന് 62 ലക്ഷം രൂപ ചെലവഴിച്ച് നിർമിച്ച പുതിയ കെട്ടിടത്തിൻ്റെ ഉദ്ഘാടനവും ഒരു കോടി രൂപ കിഫ്ബി ഫണ്ടിൽ നിന്നനുവദിച്ച് നിർമിക്കുന്ന കെട്ടിടത്തിൻ്റെ ശിലാസ്ഥാപനവും നടത്തി. 

പൊതുവിദ്യാഭ്യാസ സംരക്ഷണത്തിന്റെ ഭാഗമായി പുത്തൂർ ഗവ വൊക്കേഷണൽ ഹയർ സെക്കന്ററി സ്കൂളിൽ മികവിന്റെ കേന്ദ്രം പദ്ധതി പൂർത്തിയായി. മുഖ്യമന്ത്രി പിണറായി വിജയൻ ഓൺലൈനായി പദ്ധതിയുടെ ഉദ്ഘാടനം നിർവഹിച്ചു. ഗവ ചീഫ് വിപ്പ് കെ രാജൻ ശിലാഫലകം അനാച്ഛാദനം ചെയ്തു.