ആറു വർഷമായി മുടങ്ങിക്കിടക്കുന്ന പെൻഷൻ പുനസ്ഥാപിക്കാൻ നടപടി

തെങ്ങിൽ നിന്ന് വീണ് പരിക്കേറ്റ ബൈജുവിന് മുഖ്യമന്ത്രിയുടെ സഹായം

എറണാകുളം: തെങ്ങിൽ നിന്നു വീണ് പരിക്കേറ്റ മഞ്ഞപ്ര ചുള്ളി സ്വദേശി ബൈജുവിന് ചികിത്സാ ധനസഹായമായി മുഖ്യമന്ത്രി യുടെ ദുരിതാശ്വാസ നിധിയിൽ നിന്നും 10,000 രൂപ അനുവദിച്ചു. പതിനൊന്ന് വർഷം മുമ്പാണ് അപകടം പറ്റിയത്.

സാന്ത്വനസ്പര്‍ശം 2021: ഉച്ചവരെ അനുവദിച്ചത് 72 മുൻഗണന കാർഡുകൾ     

 എറണാകുളം: സംസ്ഥാന സര്‍ക്കാരിന്‍റെ സാന്ത്വനസ്പര്‍ശം 2021 അദാലത്തിന്‍റെ കോതമംഗലം വേദില്‍ ഉച്ചവരെ 72 കുടുംബങ്ങൾക്ക് മുൻഗണനാ വിഭാഗത്തിലുള്ള റേഷൻ കാർഡുകൾ വിതരണം ചെയ്തു. ജില്ലയിലെ സാന്ത്വനസ്പര്‍ശം അദാലത്തിന്‍റെ അവസാനദിവസം കോതമംഗലം കുന്നത്തുനാട്, മൂവാറ്റുപുഴ താലൂക്ക് സപ്ലൈ ഓഫീസുകളിൽ നിന്നുള്ള 108 അപേക്ഷകളിലാണ് അർഹതയുടെ അടിസഥാനത്തിൽ വിവിധ വിഭാഗം മുൻഗണനാ കാർഡുകൾ അനുവദിച്ചത്.

നബീസയെ ഇനി എടുത്തു കയറ്റണ്ട;

വീടിനു മുന്നിൽ പാലം നിർമ്മിക്കും

പെരിയാർ വാലി പദ്ധതിക്കു കീഴിലുള്ള കനാലിനായി ഭൂമി വിട്ടു നൽകിയ വാഴപ്പിള്ളി പുളിഞ്ചോട് സ്വദേശിനിക്ക് കനാൽ മുറിച്ചു കടക്കാൻ പാലം നിർമ്മിച്ചു നൽകാൻ അദാലത്തിൽ തീരുമാനം. പോളിയോ ബാധിച്ച് അരയ്ക്കു താഴെ ചലനശേഷിയില്ലാത്ത നബീസയെ തോളിൽ എടുത്ത് അടുത്ത വീട്ടിലെ പാലത്തിലൂടെയാണ് ഇപ്പോൾ കനാൽ മുറിച്ചു കടന്നിരുന്നത്. വീടിനു മുന്നിൽ പാലം നിർമ്മിച്ചു നൽകിയാൽ വീൽ ചെയറിൽ തനിയെ വീട്ടിലേക്ക് കയറാനും ഇറങ്ങാനും കഴിയുമെന്നും പാലം നിർമ്മിക്കാൻ നടപടി സ്വീകരിക്കണമെന്നുമായിരുന്നു നബീസയുടെ അപേക്ഷ. 

രണ്ടാം ദിനം കയ്യടക്കി  മത്സര ചിത്രങ്ങൾ 

കരുതലും അതിജീവനവും പ്രമേയമാക്കി സിഗ്‌നേച്ചര്‍ ഫിലിം*

കൊച്ചി: കോവിഡിനെ അതിജീവിക്കാനുള്ള ആഹ്വാനവും കരുതലും പ്രമേയമാക്കി രാജ്യാന്തര ചലച്ചിത്ര മേളയുടെ  സിഗ്‌നേച്ചര്‍ ഫിലിം. കോവിഡിന്റെ പശ്ചാത്തലത്തിൽ പ്രതിസന്ധിയിലായ തിയേറ്ററുകൾ തുറക്കുന്നതും  പ്രതീക്ഷയുടെ അഭ്രപാളികൾ സജീവമാകുന്നതുമെല്ലാം 47 സെക്കൻഡ് ദൈർഘ്യമുള്ള ഫിലിമിൽ പ്രതീകാത്മകമായി ചിത്രീകരിച്ചിട്ടുണ്ട് .  കോവിഡ് മുന്നണിപ്പോരാളികള്‍ക്കുള്ള ആദരവു കൂടിയാണ് മഹേഷ് നാരായണൻ സംവിധാനം ചെയ്ത സിഗ്നേച്ചർ ഫിലിം. 

പരസഹായമില്ലാതെ നടക്കാൻ കഴിയാത്ത വൃദ്ധ ദമ്പതികൾക്ക് 25,000 രൂപ ധനസഹായം

ഏറെ പ്രതീക്ഷയോടെയാണ് വാരപ്പെട്ടി സ്വദേശി രാജപ്പൻ സാന്ത്വന സ്പർശം അദാലത്തിലെത്തിയത്. തൊണ്ടയിലുണ്ടായ മുഴ ശസ്ത്രക്രിയ ചെയ്ത ശേഷം കിടപ്പിലാണ് ഭാര്യ ഓമന. മൂന്നു പെൺമക്കളാണിവർക്ക്. തനിയെ നടക്കാൻ കഴിയാത്തതിനാൽ അയൽവാസിയായ യുവാവിനൊപ്പം ഏറെ പ്രയാസപ്പെട്ടാണ് രാജപ്പൻ അദാലത്തിലെത്തിയത്. ആറു വർഷം മുൻപാണ് രാജപ്പൻ്റെ ശരീരം തളർന്നത്‌. ഇദ്ദേഹത്തിൻ്റെ അപേക്ഷ പരിഗണിച്ച മന്ത്രി വി.എസ്‌. സുനിൽ കുമാർ മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് 25,000 രൂപ അനുവദിച്ചു.

 ചലച്ചിത്രമേളയില്‍ വെള്ളിയാഴ്ച പ്രദര്‍ശിപ്പിക്കുന്ന ചിത്രങ്ങള്‍  (19.02.2021)

കൊച്ചി: രാജ്യാന്തര ചലച്ചിത്ര മേളയിലെ മൂന്നാം ദിവസം വ്യത്യസ്ത വിഭാഗങ്ങളില്‍ നിന്നുള്ള 23  സിനിമകള്‍ പ്രദര്‍ശിപ്പിക്കും. സരിത, സവിത, സംഗീത, കവിത, ശ്രീധർ, പദ്മ സ്ക്രീൻ 1 എന്നീ ആറ് സ്‌ക്രീനുകളിലായാണ് പ്രദര്‍ശനം ഒരുക്കിയിരിക്കുന്നത് .

സരിത: രാവിലെ 9.30 ന് യെല്ലോ ക്യാറ്റ് (ലോക സിനിമ), 12.00 ന് സമ്മർ ഓഫ് 85 (ലോക സിനിമ), 2.45 ന് ദി  മാൻ ഹൂ സോൾഡ് ഹിസ് സ്‌കിൻ (ലോക സിനിമ), 5.30 ന് വൈഫ് ഓഫ് എ സ്പൈ  (ലോക സിനിമ)

സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍, വടക്കഞ്ചേരി ഉപജില്ലാ ഓഫീസിലെ റവന്യൂ റിക്കവറി നടപടികള്‍ക്ക് ശുപാര്‍ശ ചെയ്ത വായ്പകളിലും, കാലാവധി കഴിഞ്ഞ വായ്പകളിലും ഫെബ്രുവരി 15 മുതല്‍ മാര്‍ച്ച്് 31 വരെ ഒറ്റത്തവണ തീര്‍പ്പാക്കല്‍ പദ്ധതി നടപ്പിലാക്കുന്നു. ഈ കാലയളവില്‍ വായ്പാ ബാധ്യത തീര്‍ക്കുന്നവര്‍ക്ക് ബാക്കി നില്‍ക്കുന്ന പിഴ പലിശയില്‍ 100 ശതമാനം ഇളവിന് അര്‍ഹതയുണ്ടായിരിക്കും. കൂടുതല്‍ വിവരങ്ങള്‍ കോര്‍പ്പറേഷന്റെ വടക്കഞ്ചേരി ഉപജില്ലാ ഓഫീസില്‍ ലഭിക്കും. ഫോണ്‍ - 04922296200, 7306336869.

എലപ്പുള്ളി താലൂക്കാശുപത്രി നവീകരണത്തിന്റെ ഭാഗമായുള്ള കെട്ടിടം പൊളിച്ചതിന്റെ അവശിഷ്ടങ്ങള്‍ എടുത്തുമാറ്റുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഫെബ്രുവരി 25 വൈകീട്ട് മൂന്നു വരെ എലപ്പുള്ളി താലൂക്കാശുപത്രി സൂപ്രണ്ടിന്റെ ഓഫീസില്‍ സ്വീകരിക്കും. ഫോണ്‍: 0491 2584431