ഗവ മെഡിക്കൽ കോളേജ് ആശുപത്രിയിൽ കോവിഡിന്റെ പശ്ചാതലത്തിൽ നിർത്തിവെച്ചിരുന്ന സന്ദർശക പാസ് പുനരാരംഭിച്ചു. ഉച്ചക്ക് 12.30 മുതലാണ് സന്ദർശനം.കോവിഡ് വാർഡ് ഒഴികെയുള്ള വാർഡുകളിൽ സന്ദർശകർക്ക് പാസ് അനുവദിക്കും

കുടിവെള്ളത്തിന് 75 കോടി,ലൈഫ് പദ്ധതിക്ക്‌ 25 കോടി 

കോർപറേഷന്റെ 2021-22 വർഷത്തേക്കുള്ള ബജറ്റ് ഡെപ്യൂട്ടി മേയർ രാജശ്രീ ഗോപൻ അവതരിപ്പിച്ചു.565.75 കോടി രൂപയുടെ പദ്ധതികളാണ് കോർപറേഷൻ ബജറ്റിൽ വകയിരുത്തിയിരിക്കുന്നത്.വികേന്ദ്രീകൃത മാലിന്യ സംസ്ക്കരണ പദ്ധതി, കുടിവെള്ള വിതരണം ഉറപ്പാക്കൽ എന്നിവക്ക് ഊന്നൽ നൽകിയുള്ള ബജറ്റാണു അവതരിപ്പിച്ചത്.

ഗുരുവായൂർ നഗരസഭയുടെ കംഫർട്ട് സ്റ്റേഷൻ നിർമ്മാണോദ്ഘാടനം കെ വി അബ്ദുൽ ഖാദർ എംഎൽഎ നിർവഹിച്ചു. നഗരസഭയുടെ കിഴക്കേനടയിലെ പ്രൈവറ്റ് ബസ് സ്റ്റാൻഡിലെ പഴയ കംഫർട്ട് സ്റ്റേഷൻ പൊളിച്ചു മാറ്റിയാണ് ഒരു കോടി ചിലവിൽ പുതിയ കംഫർട്ട് സ്റ്റേഷൻ നിർമ്മിക്കുന്നത്. 60ൽ പരം ശുചിമുറികളടങ്ങിയ ആധുനിക സൗകര്യങ്ങളോടു കൂടിയതാണ് രണ്ടുനില കെട്ടിടം. 

സിനിമ കാണാൻ പോകാൻ ഓട്ടോ 

കൊച്ചി അന്താരാഷ്ട്ര ചലച്ചിത്ര മേളയുടെ മുഖ്യ വേദിയായ സരിത തിയേറ്റർ കോംപ്ലക്സിൽ നിന്ന് മറ്റു തിയേറ്ററുകളിലേക്ക് പോകുന്നതിന് ഓട്ടോ സൗകര്യം ഏർപ്പെടുത്തി. ചലച്ചിത്ര മേളയുടെ പോസ്റ്റർ പതിപ്പിച്ച ഓട്ടോറിക്ഷകളാണ് സർവീസ് നടത്തുന്നത്. എട്ട് ഓട്ടോറിക്ഷകളാണ് മറ്റു തിയേറ്ററുകളിലേക്ക് പോകാൻ തയാറാക്കിയിട്ടുള്ളത്. രാവിലെ എട്ടു മുതൽ വൈകിട്ട് എട്ടു വരെ ഓട്ടോറിക്ഷാ സേവനം ലഭ്യമാകും. ഓട്ടോറിക്ഷകളുടെ ഫ്ളാഗ് ഓഫ് ജിസിഡിഎ ചെയർമാൻ അഡ്വ.വി. സലിം നിർവഹിച്ചു.  

രണ്ടാം ദിനത്തിൽ ആകാംക്ഷയുണർത്തി ചുരുളിയുൾപ്പടെ 24 ചിത്രങ്ങൾ 

കോവിഡ് പ്രോട്ടോക്കോൾ കർശനമായി പാലിച്ച് ചലച്ചിത്രമേള 

എറണാകുളം:  ആരോഗ്യ വകുപ്പിൻ്റെ നേതൃത്വത്തിൽ കോവിഡ് മാനദണ്ഡങ്ങൾ കർശനമായി പാലിച്ചാണ് 25-ാമത് അന്താരാഷ്ട്ര ചലച്ചിത്രമേള കൊച്ചിയിൽ പുരോഗമിക്കുന്നത്. കോ വിഡ് ടെസ്റ്റ് നടത്തുന്നതിനും കോവിഡ് മാനദണ്ഡങ്ങളുടെ പാലനം ഉറപ്പു വരുത്തുന്നതിനും ആരോഗ്യ വകുപ്പിൻ്റെ പഴുതടച്ച പ്രവർത്തനങ്ങളാണ് ചലച്ചിത്ര മേളയിൽ ആദ്യാവസാനം നടത്തുന്നത്. ഇതുവരെ നടത്തിയ 1800 ഓളം പരിശോധനകളിൽ അഞ്ചു പേർ മാത്രമാണ് പോസിറ്റീവ് ആയത്.

വിദ്യാർത്ഥികൾക്ക് കാഴ്ചകളുടെ വസന്തമൊരുക്കി ഐ.എഫ്.എഫ്.കെ 2021

ട്രാൻസ്‌ജെൻഡർ സൗഹൃദ ചലച്ചിത്രമേളയൊരുക്കി കൊച്ചി

ട്രാൻസ്‌ജെൻഡർ വിഭാഗത്തിന് ഒരുക്കിയിരിക്കുന്ന പ്രത്യേക സൗകര്യങ്ങൾ കൊണ്ടും അവരുടെ സാന്നിധ്യം കൊണ്ടും വേറിട്ട് നിൽക്കുകയാണ് കൊച്ചിയിലെ കേരള രാജ്യാന്തര ചലച്ചിത്രമേള. ലിംഗ നിക്ഷ്പക്ഷ ശുചിമുറികളുൾപ്പടെയുള്ള സംവിധാനങ്ങളാണ് മേളയുടെ ഭാഗമായി   സജ്ജീകരിച്ചിരിക്കുന്നത്. മേളയുടെ  അവതാരക സംഘത്തിലും ഇവരുടെ സാന്നിധ്യമുണ്ട്. മേളയുടെ കൊച്ചിയിലെ നടത്തിപ്പുമായി ബന്ധപ്പെട്ട് നിരവധി ട്രാൻസ്‌ജെൻഡർ വ്യക്തികളാണ് ഔദ്യോഗിക ഉത്തരവാദിത്തങ്ങൾ നിർവഹിക്കുന്നത്. 

മാധ്യമ പുരസ്‌കാരങ്ങള്‍ക്ക് അപേക്ഷിക്കാം 

25 -ാമത് രാജ്യാന്തര ചലച്ചിത്രമേളയോടനുബന്ധിച്ച് മാധ്യമ പുരസ്‌കാരങ്ങൾക്ക്  അപേക്ഷിക്കാം. ചലച്ചിത്രോത്സവം റിപ്പോര്‍ട്ട് ചെയ്യുന്ന പത്ര, ദ്യശ്യ, ശ്രവ്യ, ഓണ്‍ലൈന്‍ മാധ്യമങ്ങള്‍ റിപ്പോര്‍ട്ടുകളുടെ പകര്‍പ്പുസഹിതം ഫെബ്രു: 21 ഞായറാഴ്ച ഉച്ചയ്ക്ക് പന്ത്രണ്ടു മണിക്ക് മുന്‍പ് മീഡിയാ സെല്ലില്‍ അപേക്ഷ സമര്‍പ്പിക്കണം.

 മികച്ച മാധ്യമ സ്ഥാപനങ്ങൾക്കും പുരസ്‌കാരം ഏർപ്പെടുത്തിയിട്ടുണ്ട് .നാലു മേഖലകളിലേയും ആകെ റിപ്പോർട്ടിങ് മികവ് പരിഗണിച്ചുള്ളതാണ് സമഗ്ര കവറേജിനുള്ള പുരസ്‌കാരം .

മേളയില്‍ ഇന്ന് (18.02.2021) പ്രദര്‍ശിപ്പിക്കുന്ന ചിത്രങ്ങള്‍

കൊച്ചി: രാജ്യാന്തര ചലച്ചിത്ര മേളയിലെ രണ്ടാം ദിനമായ ഇന്ന് വ്യത്യസ്ത വിഭാഗങ്ങളില്‍ നിന്നുള്ള 24 സിനിമകള്‍ പ്രദര്‍ശിപ്പിക്കും. സരിത, സവിത, സംഗീത, കവിത, ശ്രീധർ, പദ്മ സ്ക്രീൻ 1 എന്നീ ആറ് സ്‌ക്രീനുകളിലായാണ് പ്രദര്‍ശനം ഒരുക്കിയിരിക്കുന്നത് .

സരിത: രാവിലെ 9.30 ന്  നോവെയർ സ്പെഷ്യൽ (ലോക സിനിമ),  12.00 ന് സാറ്റർഡേ ഫിക്ഷൻ (ലോക സിനിമ), 2.45 ന് ഹൈ ഗ്രൗണ്ട് (ലോക സിനിമ), 5.30 ന് അനദർ റൗണ്ട് (ലോക സിനിമ)