മലബാറിന്റെ കായിക മുന്നേറ്റത്തിന് മാതൃകയായി മഞ്ചേരി പയ്യനാട് സ്റ്റേഡിയം വിപുലമാക്കും: മന്ത്രി ഇ.പി ജയരാജന്‍

മഞ്ചേരിയിലെ സ്‌പോര്‍ട്‌സ് കോംപ്ലക്‌സ് മലബാറിലെ തന്നെ മികച്ച സ്‌പോട്‌സ് കോംപ്ലക്‌സായി മാറ്റാനുള്ള പ്രവര്‍ത്തനങ്ങള്‍ പുരോഗമിക്കുകയാണെന്ന് വ്യവസായ കായിക വകുപ്പ് മന്ത്രി ഇ.പി. ജയരാജന്‍. മഞ്ചേരിയിലെ പയ്യനാട് ജില്ല   സ്പോര്‍ട്സ് കോംപ്ലക്സിന്റെ ഫുട്ബോള്‍ സ്റ്റേഡിയത്തില്‍ സ്ഥാപിച്ച ഫ്ളഡ്ലിറ്റിന്റെ സ്വിച്ച് ഓണ്‍ കര്‍മ്മവും ഹോസ്റ്റല്‍ പ്രവൃത്തിയുടെയും രണ്ട് ബാസ്‌ക്കറ്റ്ബോള്‍ കോര്‍ട്ടുകളുടേയും ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി.  
 

നേരിട്ടുള്ള സമ്പര്‍ക്കത്തിലൂടെ 314 പേര്‍ക്ക്
ഉറവിടമറിയാതെ എട്ട് പേര്‍ക്ക്
രോഗബാധിതരായി ചികിത്സയില്‍ 3,139 പേര്‍
ആകെ നിരീക്ഷണത്തിലുള്ളത് 24,864 പേര്‍

നിയമ സഭാ തെരഞ്ഞെടുപ്പിനോടനുബന്ധിച്ച്  വിവിധ തെരഞ്ഞെടുപ്പ്  സാമഗ്രികള്‍ മുംബൈയില്‍ നിന്ന് മലപ്പുറം ജില്ലാ ഇലക്ഷന്‍ ഓഫീസ് വെയര്‍ഹൗസിലെത്തിക്കുന്നതിനായി വാഹന ഉടമകളില്‍ നിന്ന് ക്വട്ടേഷന്‍ ക്ഷണിച്ചു. ബാലറ്റ് യൂനിറ്റ് ( ബോക്‌സ് 325), കണ്‍ട്രോള്‍ യൂനിറ്റ് (ബോക്‌സ് 125, 200) വി.വി പാറ്റ് യൂനിറ്റ് (ബോക്‌സ് -2,000, 1250) എന്നിവ മുംബൈയിലെ വിവിധയിടങ്ങളില്‍ നിന്ന് വെയര്‍ഹൗസിലെത്തിക്കുന്നതിന് കണ്ടെയ്‌നര്‍ ലോറി ഉടമകളില്‍ നിന്നാണ് ക്വട്ടേഷന്‍ ക്ഷണിച്ചത്.  ക്വട്ടേഷനുകള്‍ ഫെബ്രുവരി 19 വൈകീട്ട് നാല് വരെ കലക്ടറേറ്റില്‍ സ്വീകരിക്കും.

കേന്ദ്ര സര്‍ക്കാറിന്റെ നാഷനല്‍ വാട്ടര്‍മിഷന്റെ 'ക്യാച്ച് ദ റെയിന്‍' ക്യാമ്പയിന്റെ ഭാഗമായി ജില്ലാ നെഹ്‌റു യുവ കേന്ദ്ര യുവതീ-യുവാക്കള്‍ക്ക് ഫെബ്രുവരി 27 ന് ക്വിസ് മത്സരം സംഘടിപ്പിക്കുന്നു. 'ജലവിഭവങ്ങളും ജലസംരക്ഷണവും' എന്ന വിഷയത്തിലാണ് മത്സരം. ജില്ലാ നെഹ്‌റു യുവകേന്ദ്രയില്‍ നടക്കുന്ന പരിപാടിയില്‍ 18-29 വയസിനിടയിലുള്ളവര്‍ക്ക് പങ്കെടുക്കാം. രണ്ട് പേരടങ്ങുന്ന ഒരു ടീമാണ് മത്സരത്തില്‍ പങ്കെടുക്കേണ്ടത്. ആദ്യ മൂന്ന് സ്ഥാനക്കാര്‍ക്ക് യഥാക്രമം 2000, 1500, 1000 രൂപ ക്യാഷ് അവാര്‍ഡ് നല്‍കും. രജിസ്‌ട്രേഷന്  9045452094, 0483 2734848.

ജില്ലാ ആസൂത്രണ അഡ്‌ഹോക്ക് സമിതി യോഗത്തില്‍ പോത്തുകല്‍ ഗ്രാമ പഞ്ചായത്തിന്റെ 11.72 കോടി രൂപ അടങ്കല്‍ വരുന്ന 115 പ്രൊജക്ടുകള്‍ക്ക് അംഗീകാരം നല്‍കി. ജില്ലാ പഞ്ചായത്ത് പ്രസിഡന്റ് എം.കെ.റഫീക്കയുടെ അധ്യക്ഷതയില്‍ ചേര്‍ന്ന യോഗത്തിലാണ് അംഗീകാരം.  ജില്ലയില്‍ 2021-22 വാര്‍ഷിക പദ്ധതി അംഗീകാരം നേടുന്ന ആദ്യ തദ്ദേശ ഭരണ സ്ഥാപനമായ പോത്തുകല്‍ ഗ്രാമ പഞ്ചായത്തിനെ യോഗം അഭിനന്ദിച്ചു. പെരുമ്പടപ്പ് ബ്ലോക്ക് പഞ്ചായത്ത്, ചാലിയാര്‍ ഗ്രാമപഞ്ചായത്ത്, മൊറയൂര്‍ ഗ്രാമപഞ്ചായത്ത് എന്നീ തദ്ദേശ ഭരണ സ്ഥാപനങ്ങളുടെ 2020-21 വാര്‍ഷിക പദ്ധതി ഭേദഗതിയ്ക്കും യോഗം അംഗീകാരം നല്‍കി.

ജില്ലാ ഭൂജലവകുപ്പിന്റെ ആഭിമുഖ്യത്തില്‍ ജില്ലാ പഞ്ചായത്ത് അംഗങ്ങള്‍ക്ക്  ഏകദിന ശില്‍പശാല സംഘടിപ്പിച്ചു. ഭൂജല വകുപ്പിന്റെ സേവനങ്ങള്‍, ഭൂജല സംപോഷണം, സംരക്ഷണം, ഭൂജല അതോറിറ്റി ആക്ട് എന്നി വിഷയങ്ങളെ ആസ്പദമാക്കിയാണ് ശില്‍പശാല സംഘടിപ്പിച്ചത്. ജില്ലാ പഞ്ചായത്ത് വികസനകാര്യ സ്ഥിരം സമിതി ചെയര്‍പേഴ്‌സണ്‍ സറീന ഹസീബ് ഉദ്ഘാടനം ചെയ്തു.

താനാളൂര്‍ പഞ്ചായത്തിന്റെ ജനകീയാസൂത്രണ വികസന സെമിനാര്‍  വി. അബ്ദുറഹ്‌മാന്‍ എം.എല്‍.എ ഉദ്ഘാടനം ചെയ്തു. ചടങ്ങില്‍ 2019-20 അധ്യയന വര്‍ഷത്തെ എസ്.സി വിദ്യാര്‍ഥികള്‍ക്കുള്ള ലാപ്ടോപ്പുകള്‍ എം.എല്‍.എ വിതരണം ചെയ്തു. 12 വിദ്യാര്‍ഥികള്‍ക്കാണ് ലാപ്ടോപ്പുകള്‍ കൈമാറിയത്. പഞ്ചായത്ത് പ്രസിഡന്റ് കെ.എം മല്ലിക അധ്യക്ഷയായി. വൈസ് പ്രസിഡന്റ് വെള്ളിയത്ത് അബ്്ദുറസാഖ്, ക്ഷേമകാര്യ സ്ഥിരംസമിതി ചെയര്‍മാന്‍ പി.സതീശന്‍ മാസ്റ്റര്‍ കരട് പദ്ധതി രേഖ അവതരിപ്പിച്ചു.

റിബേറ്റ് സെയില്‍സ് ക്യാമ്പയിന്റെ ഭാഗമായി മാര്‍ച്ച് 10 വരെ ഖാദി തുണിത്തരങ്ങള്‍ക്ക് സര്‍ക്കാര്‍ റിബേറ്റ്/ഡിസ്‌കൗണ്ട് അനുവദിച്ചു. ഖാദി തുണിത്തരങ്ങള്‍ക്ക് 30 ശതമാനം വരെ ഡിസ്‌കൗണ്ട് ലഭിക്കും. സര്‍ക്കാര്‍, അര്‍ധ സര്‍ക്കാര്‍, ബാങ്ക് ജീവനക്കാര്‍ക്ക് ക്രഡിറ്റ് സൗകര്യവും ലഭിക്കും. കേരള ഖാദി ഗ്രാമവ്യവസായ ബോര്‍ഡിന്റെ കീഴില്‍ മലപ്പുറം മുന്‍സിപ്പല്‍ ബസ് സ്റ്റാന്‍ഡ് കെട്ടിടത്തില്‍ പ്രവര്‍ത്തിക്കുന്ന ഖാദി ഷോറൂമിലും വടക്കും മുറി, ചങ്ങരംകുളം, താനൂര്‍,എടപ്പാള്‍ ഷോറൂമുകളിലും, ഗ്രാമശില്പശാലകളിലും പ്രത്യേക റിബേറ്റ് ലഭിക്കും.

ജില്ലയിലെ കേന്ദ്രാവിഷ്‌കൃത പദ്ധതികള്‍ അവലോകനം ചെയ്യുന്നതിനുള്ള ജില്ലാതല കോര്‍ഡിനേഷന്‍ ആന്‍ഡ് മോണിറ്ററിങ് സമിതി യോഗം ഇ.ടി.മുഹമ്മദ് ബഷീര്‍ എം.പിയുടെ അധ്യക്ഷതയില്‍  ഇന്ന് (ഫെബ്രുവരി 18)  ഉച്ചക്ക് രണ്ടിന്  വീഡിയോ കോണ്‍ഫറന്‍സ് വഴി  ചേരും. ജില്ലയിലെ എം.പി.മാര്‍, എം.എല്‍.എ.മാര്‍, ബ്ലോക്ക് പഞ്ചായത്ത് പ്രസിഡന്റുമാര്‍, നഗരസഭ അധ്യക്ഷന്‍മാര്‍, നോമിനേറ്റഡ് അംഗങ്ങള്‍, ജില്ലാതല ഉദ്യോഗസ്ഥര്‍ എന്നിവര്‍ പങ്കെടുക്കും.