ഏഴാമത് സാമ്പത്തിക സെന്‍സസിന്‍റെ ഭാഗമായി ഇക്കണോമിക്‌സ് ആന്‍റ് സ്റ്റാറ്റിറ്റിക്‌സ് വകുപ്പിന്‍റെ നേതൃത്വത്തില്‍ ജില്ലയില്‍ നടന്നു വരുന്ന വിവരശേഖരണം സംബന്ധിച്ച് പൊതുജനങ്ങള്‍ക്ക് ആശങ്ക വേണ്ടെന്ന് അഡീഷണൽ ജില്ലാ മജിസ്‌ട്രേറ്റ് റെജി പി ജോസഫ് അറിയിച്ചു. സാമ്പത്തിക സെൻസസുമായി ബന്ധപ്പെട്ട ജില്ലാതല ഏകോപന യോഗത്തിൽ സംസാരിക്കുകയായിരുന്നു അദ്ദേഹം.

നാഷണല്‍ ഹൈഡ്രോളജി പ്രോജക്ടിന്റെ ഭാഗമായുള്ള പുതിയ പരിശീലന കേന്ദ്രത്തിന്റെ ഉദ്ഘാടനം  ജലവിഭവ വകുപ്പ് മന്ത്രി കെ കൃഷ്ണന്‍കുട്ടി നിര്‍വഹിച്ചു. കൃഷി വകുപ്പ് മന്ത്രി വി എസ് സുനില്‍ കുമാര്‍ അധ്യക്ഷനായിരുന്നു.

ജലത്തിന്റെ ഗുണനിലവാരത്തെ സംബന്ധിച്ചും പ്രളയം,വരള്‍ച്ച മുതലായ പ്രകൃതി ദുരന്തങ്ങളുടെ സാധ്യതയെ പറ്റിയുള്ള പഠനങ്ങള്‍ക്കും ഈ പരിശീലന കേന്ദ്രം സഹായകരമാണെന്ന് മന്ത്രി അഭിപ്രായപ്പെട്ടു.

ജലസംരക്ഷണവും ജലവിനിയോഗവും എങ്ങനെ കാര്യക്ഷമമാക്കാം എന്ന പഠനത്തിന് വേണ്ടിയും അതിന് പരിശീലനം നല്‍കുന്നതിനുമായാണ് നാഷണല്‍ ഹൈഡ്രോളജി പ്രൊജക്റ്റ് പ്രാധാന്യം നല്‍കുന്നത്.

ചാവക്കാട് നഗരസഭയിൽ അയ്യങ്കാളി നഗര തൊഴിലുറപ്പ് പദ്ധതിയുടെ 2021-22 വർഷത്തെ ലേബർ ബജറ്റ് 20,15,50,000 രൂപയാക്കിയ ആക്ഷൻ പ്ലാൻ അംഗീകരിച്ചു. ചാവക്കാട് നഗരസഭ ചെയർപേഴ്സൺ ഷീജ പ്രശാന്തിന്റെ അധ്യക്ഷതയിൽ ചേർന്ന അടിയന്തര യോഗത്തിലാണ് തീരുമാനം. നഗരസഭയുടെ മെറ്റീരിയൽ കളക്ഷൻ സെന്ററിൽ ശേഖരിച്ചിട്ടുള്ള അജൈവ മാലിന്യങ്ങൾ നീക്കം ചെയ്യുന്നതിന് സർക്കാർ അംഗീകൃത സ്ഥാപനമായ എക്കോ ഗ്രീൻ കേരളയുമായി കരാറിൽ ഏർപ്പെടാനും യോഗം തീരുമാനിച്ചു. 

അഞ്ഞൂർ റീസർവ്വേ 220/11ൽ പെട്ട 0.0320 ഹെക്ടർ സ്ഥലത്തിന്റെ വശം തിരിയാത്ത 1/2 അവകാശം ഫെബ്രുവരി 26ന് ലേലം ചെയ്യുന്നു. നേരത്തെ ഫെബ്രുവരി 8ന് നടത്താനിരുന്ന ലേലം മാറ്റിവെച്ചതിന്റെ പുതുക്കിയ തീയതി ആണിത്. രാവിലെ 11 മണിക്ക് അഞ്ഞൂർ വില്ലേജ് ഓഫീസിൽ വച്ച് പരസ്യ ലേലം ചെയ്യും. ലേലത്തിൽ പങ്കുകൊള്ളാൻ താല്പര്യമുള്ളവർ കൃത്യ സമയത്ത് ഹാജരാകണം. മതിയായ നിരതദ്രവ്യം കെട്ടിവെക്കേണ്ടതും ലേലം കഴിഞ്ഞാലുടൻതന്നെ ലേലം കൊണ്ടയാൾ ലേലത്തുകയുടെ 15% ലേലം നടത്തുന്ന ഉദ്യോഗസ്ഥന്റെ പക്കൽ കെട്ടി വയ്ക്കേണ്ടതാണ്. ബാക്കി തുക ലേല തീയതി മുതൽ 30 ദിവസത്തിനകം അടയ്ക്കണം.

 
പയ്യപ്പിള്ളി മൂല മുതല്‍ മാന്ദാമംഗലം ജംഗ്ഷന്‍ വരെ ബി എം ആന്‍ഡ് ബിസി ഉപയോഗിച്ച് നവീകരിച്ച  റോഡ് പൊതുമരാമത്ത് വകുപ്പ് മന്ത്രി ജി സുധാകരന്‍ ഉദ്ഘാടനം ചെയ്തു. ചടങ്ങില്‍ ചീഫ് വിപ്പ് കെ.രാജന്‍ അധ്യക്ഷനായി. 7 കിലോമീറ്റര്‍ ദൂരത്തില്‍ ചിപ്പിംഗ് കാര്‍പ്പെറ്റ് നിലവാരത്തിലുണ്ടായിരുന്ന റോഡ് ശരാശരി 5.50 മീറ്റര്‍ വീതിയിലാണ് നവീകരിച്ചിട്ടുള്ളത്. റോഡിന്റെ ഇരുവശങ്ങളിലായി 180 മീറ്ററോളം കാന നിര്‍മ്മിക്കുകയും 8 കള്‍വര്‍ട്ട് പുനര്‍ നിര്‍മ്മിക്കുകയും ചെയ്തു. ഉയര്‍ത്തേണ്ട ഭാഗങ്ങളില്‍  റോഡ്  ഉയര്‍ത്തി വെള്ളക്കെട്ട്  ഒഴിവാക്കിയാണ് 5 കോടി രൂപ നിര്‍മ്മാണം നടന്നത്.

ഗവ മെഡിക്കൽ കോളേജ് ആശുപത്രിയിൽ കോവിഡിന്റെ പശ്ചാതലത്തിൽ നിർത്തിവെച്ചിരുന്ന സന്ദർശക പാസ് പുനരാരംഭിച്ചു. ഉച്ചക്ക് 12.30 മുതലാണ് സന്ദർശനം.കോവിഡ് വാർഡ് ഒഴികെയുള്ള വാർഡുകളിൽ സന്ദർശകർക്ക് പാസ് അനുവദിക്കും

കുടിവെള്ളത്തിന് 75 കോടി,ലൈഫ് പദ്ധതിക്ക്‌ 25 കോടി 

കോർപറേഷന്റെ 2021-22 വർഷത്തേക്കുള്ള ബജറ്റ് ഡെപ്യൂട്ടി മേയർ രാജശ്രീ ഗോപൻ അവതരിപ്പിച്ചു.565.75 കോടി രൂപയുടെ പദ്ധതികളാണ് കോർപറേഷൻ ബജറ്റിൽ വകയിരുത്തിയിരിക്കുന്നത്.വികേന്ദ്രീകൃത മാലിന്യ സംസ്ക്കരണ പദ്ധതി, കുടിവെള്ള വിതരണം ഉറപ്പാക്കൽ എന്നിവക്ക് ഊന്നൽ നൽകിയുള്ള ബജറ്റാണു അവതരിപ്പിച്ചത്.

ഗുരുവായൂർ നഗരസഭയുടെ കംഫർട്ട് സ്റ്റേഷൻ നിർമ്മാണോദ്ഘാടനം കെ വി അബ്ദുൽ ഖാദർ എംഎൽഎ നിർവഹിച്ചു. നഗരസഭയുടെ കിഴക്കേനടയിലെ പ്രൈവറ്റ് ബസ് സ്റ്റാൻഡിലെ പഴയ കംഫർട്ട് സ്റ്റേഷൻ പൊളിച്ചു മാറ്റിയാണ് ഒരു കോടി ചിലവിൽ പുതിയ കംഫർട്ട് സ്റ്റേഷൻ നിർമ്മിക്കുന്നത്. 60ൽ പരം ശുചിമുറികളടങ്ങിയ ആധുനിക സൗകര്യങ്ങളോടു കൂടിയതാണ് രണ്ടുനില കെട്ടിടം.