പാലക്കാട് ജില്ലയില്‍ ഇന്ന് (ഫെബ്രുവരി 8) 102 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 50 പേര്‍, ഉറവിടം അറിയാതെ രോഗം ബാധിച്ച 39 പേര്‍,  ഇതര സംസ്ഥാനത്ത്  നിന്നും വിദേശത്തുനിന്നുമായി വന്ന 12 പേർ, ആരോഗ്യ പ്രവർത്തകൻ 1എന്നിവര്‍ ഉള്‍പ്പെടും. 192 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 12 പേർ

ഒറ്റപ്പാലം സ്വദേശികൾ -10 പേർ

ഷോർണൂർ സ്വദേശികൾ -7 പേർ 

പട്ടാമ്പി, കരിമ്പ സ്വദേശികൾ -  6 പേർ വീതം

പാലക്കാട് ഇന്ദിരാഗാന്ധി മുനിസിപ്പൽ സ്റ്റേഡിയത്തിൽ  ഇന്ന് (ഫെബ്രുവരി 8 ) രാവിലെ 10 ന് ആരംഭിച്ച സാന്ത്വനസ്പർശം ജില്ലാതല പരാതിപരിഹാര അദാലത്ത് റിപ്പോർട്ട് ചെയ്യാനെത്തുന്ന മാധ്യമ പ്രവർത്തകർക്കായി ജില്ലാ ഇൻഫർമേഷൻ ഓഫീസ് മീഡിയ സെൻറർ സജ്ജീകരിച്ചിട്ടുണ്ട്. മീഡിയ സെൻ്ററിൽ ലഘുഭക്ഷണവും ഉച്ചഭക്ഷണവും സജ്ജമാക്കിയിട്ടുണ്ട്. നടക്കാനിരിക്കുന്ന രണ്ട് അദാലത്തുകളിലും ഇത്തരത്തിൽ മീഡിയ സെൻ്റർ സജ്ജീകരിക്കുന്നതാണ്. പ്രിയപ്പെട്ട മാധ്യമ പ്രവർത്തകരുടെ സാന്നിധ്യം പ്രതീക്ഷിക്കുന്നു.
 

സര്‍ക്കാറിന്റെ അഞ്ചുവര്‍ഷത്തെ വികസനനേട്ടങ്ങള്‍ ജനങ്ങളില്‍ എത്തിക്കുന്നതിന്റെ ഭാഗമായി കോഴിക്കോട് ജില്ലാ ഇന്‍ഫര്‍മേഷന്‍ ഓഫീസ് കൊയിലാണ്ടി പുതിയ ബസ്സ്റ്റാന്റ് പരിസരത്ത് ഫോട്ടോ പ്രദര്‍ശനം സംഘടിപ്പിച്ചു. ജില്ലയിലെ വിവിധ വികസനപ്രവൃത്തികളുടെ 41 ഫോട്ടോകളാണ് പ്രദര്‍ശിപ്പിച്ചത്. കോവിഡ് മാനദണ്ഡം പാലിച്ചായിരുന്നു പ്രദര്‍ശനം.

രോഗമുക്തി 410

കുന്ദമംഗലം മിനി സിവില്‍ സ്റ്റേഷനില്‍ ക്ഷീര വികസന യൂണിറ്റ് ഓഫീസ് പ്രവര്‍ത്തനമാരംഭിച്ചു. ഓഫീസിന്റെ ഉദ്ഘാടനം പി.ടി.എ റഹീം എം.എല്‍.എ നിര്‍വഹിച്ചു. കുന്ദമംഗലം ബ്ലോക്ക് പഞ്ചായത്ത് പരിധിയിലുള്ള ക്ഷീര വികസന ഓഫീസ് മുക്കം നഗരസഭയിലെ മാമ്പറ്റയിലായിരുന്നു പ്രവര്‍ത്തിച്ചിരുന്നത്. മിനി സിവില്‍ സ്റ്റേഷനില്‍ ഓഫീസിനുള്ള സ്ഥലസൗകര്യം ലഭ്യമാക്കിയതാടെയാണ് കുന്ദമംഗലത്തേക്ക് ഓഫീസ് മാറ്റി സ്ഥാപിക്കാന്‍ അവസരമൊരുങ്ങിയത്.

സംസ്ഥാന സര്‍ക്കാര്‍ അംബേദ്കര്‍ ഗ്രാമവികസന പദ്ധതിയില്‍ ഉള്‍പ്പെടുത്തി, ജില്ലയിലെ ഏഴ് പട്ടിക വര്‍ഗ കോളനികളില്‍ പൂര്‍ത്തീകരിച്ച പദ്ധതികളുടെ ഉദ്ഘാടനം ഇന്ന് (ഫെബ്രുവരി 9) രാവിലെ 10.30ന് മുഖ്യമന്ത്രി പിണറായി വിജയന്‍ ഓണ്‍ലൈനിലൂടെ നിര്‍വഹിക്കും. പട്ടിക ജാതി-പട്ടിക വര്‍ഗ വികസന വകുപ്പു മന്ത്രി എ കെ ബാലന്‍ അധ്യക്ഷത വഹിക്കും.

മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ ആടുവളര്‍ത്തല്‍ എന്ന വിഷയത്തില്‍ ഫെബ്രുവരി 10 ന് ഓണ്‍ലൈന്‍ പരിശീലനം ഉണ്ടായിരിക്കുമെന്ന് അസി. ഡയറക്ടര്‍ അറിയിച്ചു. രാവിലെ 10.30 മുതല്‍ വൈകീട്ട് അഞ്ച് വരെയാണ് പരിശീലനം. താല്‍പര്യമുളളവര്‍ ട്രെയിനിംഗിന്റെ പേര്, പരിശീലനാര്‍ത്ഥിയുടെ പേര്, മേല്‍വിലാസം എന്നീ വിവരങ്ങള്‍ 9188522713 എന്ന നമ്പറിലേക്ക് വാട്‌സ് ആപ്പ് ചെയ്ത് രജിസ്റ്റര്‍ ചെയ്യണം. വോയ്‌സ് മെസ്സേജ് ഒഴിവാക്കുക. ഫോണ്‍: 0491 2815454.