കേരള അസംഘടിത തൊഴിലാളി സാമുഹ്യ സുരക്ഷാ ബോര്‍ഡ്  വെബ്സൈറ്റിന്റെയും ഓണ്‍ലൈന്‍ രജിസ്ട്രേഷന്റേയും ഉദ്ഘാടനം  ബുധനാഴ്ച (ഫെബ്രുവരി 17)   രാവിലെ 11.30 മണിക്ക്   തൊഴില്‍, എക്സൈസ് വകുപ്പ് മന്ത്രി  ടി.പി.രാമക്യഷ്ണന്‍ ഓണ്‍ലൈനില്‍ നിര്‍വഹിക്കും. 

 കേരള ബീഡി ചുരുട്ട് തൊഴിലാളി ക്ഷേമനിധി ബോര്‍ഡില്‍ പേര് രജിസ്റ്റര്‍ ചെയ്തിട്ടുളള തൊഴിലാളികളുടെ മക്കള്‍ക്കും, ആശ്രിതര്‍ക്കുമായി  കേരള ഇന്‍സ്റ്റിറ്റ്യൂട്ട് ഓഫ് ലേബര്‍ ആന്റ് എംപ്ലോയ്മെന്റിന്റെ (കിലെ)  കീഴില്‍ തിരുവനന്തപുരത്തുളള ഐ.എ.എസ.് അക്കാദമിയില്‍് ഏതാനും സീറ്റുകള്‍ ഒഴിവുണ്ട്. കൂടൂതല്‍ വിവരങ്ങള്‍ക്ക് 0471 2479966.

പെരുമാട്ടി ഗവ. ഐ.ടി.ഐയുടെ നിര്‍മ്മാണ പ്രവര്‍ത്തനങ്ങളുടെ ശിലാസ്ഥാപനം ഇന്ന് (ഫെബ്രുവരി 17) വൈകിട്ട് അഞ്ചിന് തൊഴിലും നൈപുണ്യവും വകുപ്പ് മന്ത്രി  ടി.പി രാമകൃഷ്ണന്‍ നിര്‍വഹിക്കും. ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി അധ്യക്ഷനാകും. 2017 മുതല്‍ മീനാക്ഷിപുരം പഞ്ചായത്ത് എല്‍.പി സ്‌കൂള്‍ കെട്ടിടത്തിലാണ് ഐ.ടി.ഐ പ്രവര്‍ത്തിച്ചിരുന്നത്. ഇറിഗേഷന്‍ വകുപ്പ് അഞ്ചേക്കറാണ് മീനാക്ഷിപുരത്ത് ഐ.ടി.ഐ.ക്കായി വിട്ടു നല്‍കിയത്.

 കാര്‍ഷിക, സേവനമേഖലയ്ക്ക് ഊന്നല്‍ നല്‍കിക്കൊണ്ടുള്ള 215. 76 കോടി രൂപയുടെ പദ്ധതികള്‍ക്ക് ജില്ലാപഞ്ചായത്ത് വികസനസെമിനാറിന്റെ അംഗീകാരം. ജില്ലാ പഞ്ചായത്ത് ഹാളില്‍ നടന്ന സെമിനാര്‍ എ. പ്രദീപ്കുമാര്‍ എംഎല്‍എ ഉദ്ഘാടനം ചെയ്തു. വലിയ പദ്ധതി ആലോചിക്കാനുള്ള അന്തരീക്ഷം ഇന്ന് കേരളത്തിലുണ്ട്. ഇത്തരം പദ്ധതികള്‍ക്ക് സര്‍ക്കാര്‍ മികച്ച പിന്തുണയാണ് നല്‍കുന്നത്. പ്ലാന്‍ ഫണ്ടുകള്‍ക്കുള്ളില്‍ ഒതുങ്ങുന്ന തരത്തില്‍ വികസനങ്ങളെ കാണാതെ, ജില്ലയില്‍ ആവശ്യമായവ യാഥാര്‍ഥ്യമാക്കാനുള്ള കാഴ്ചപ്പാടോടു കൂടിയ ഇടപെടലുണ്ടാവണണമെന്നും അദ്ദേഹം പറഞ്ഞു.

പെരുമാട്ടി ഗ്രാമപഞ്ചായത്തിലെ കമ്പാലത്തറയിലെ അഞ്ചേക്കറില്‍ നിര്‍മിക്കുന്ന ഗ്ലോബല്‍ അഗ്രി ഹെറിറ്റേജ് മാര്‍ക്കറ്റ് ഒന്നാം ഘട്ട ശിലാസ്ഥാപനം ഇന്ന് (ഫെബ്രുവരി 17) രാവിലെ 10 ന് തദ്ദേശ സ്വയഭരണ വകുപ്പ് മന്ത്രി എ. സി. മൊയ്തീന്‍ നിര്‍വഹിക്കും. ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി അധ്യക്ഷനാകും. പൊതുമേഖലാ സ്ഥാപനമായ കേരള ഇറിഗേഷന്‍ ഇന്‍ഫ്രാസ്ട്രക്ചര്‍ ഡെവലപ്‌മെന്റ് കോര്‍പറേഷനാണ്  ഗ്ലോബല്‍ അഗ്രി ഹെറിറ്റേജ്  മാര്‍ക്കറ്റിന്റെ നിര്‍മാണ മേല്‍നോട്ടം വഹിക്കുന്നത്.