ചീങ്ങേരി എകസ്റ്റന്‍ഷന്‍ സ്‌കീം അമ്പലവയല്‍ ഫാമില്‍ ആര്‍.ഐ.ഡി.എഫ് നബാര്‍ഡ് ടിഷ്യൂ കള്‍ച്ചര്‍ ലബോറട്ടറി നിര്‍മ്മാണോദ്ഘാടനം ഇന്ന് ( വ്യാഴം) കാര്‍ഷിക വികസന കര്‍ഷക ക്ഷേമ വകുപ്പ് മന്ത്രി അഡ്വ. വി.എസ് സുനില്‍ കുമാര്‍ ഓണ്‍ലൈനായി നിര്‍വ്വഹിക്കും. അമ്പലവയല്‍ ഗ്രാമപഞ്ചായത്ത് ഹാളില്‍ രാവിലെ 8.30 ന് നടക്കുന്ന ചടങ്ങില്‍ ഐ. സി ബാലകൃഷ്ണന്‍ എം.എല്‍.എ അധ്യക്ഷത വഹിക്കും. പ്രിന്‍സിപ്പല്‍ കൃഷി ഓഫീസര്‍ സജിമോന്‍ കെ. വര്‍ഗ്ഗീസ് പദ്ധതി വിശദീകരണം നടത്തും.

സബ് ഡിവിഷന്‍ ഓഫീസ് പരിധിയില്‍ ആയിരം രൂപയ്ക്ക് മുകളില്‍ ബില്‍ കുടിശ്ശികയുള്ള ഗുണഭോക്താക്കളുടെ കുടിവെള്ള കണക്ഷന്‍ വിച്ഛേദിക്കുമെന്ന് അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു. കേടായ വാട്ടര്‍ മീറ്റര്‍ മാറ്റാത്തവര്‍, വാട്ടര്‍ ബില്ല് അടയ്ക്കുന്നതിന് ഇന്‍സ്റ്റാള്‍മെന്റ് വാങ്ങിയതിന് ശേഷവും കൃത്യമായി ബില്ല് അടയ്ക്കാത്തവര്‍ എന്നീ ഗുണഭോക്താക്കളുടെ കണക്ഷനും വിച്ഛേദിക്കുന്നതാണ്. വാട്ടര്‍ അതോറിറ്റിയുടെ സാമ്പത്തിക സ്ഥിതിയെ ബാധിക്കുന്ന സാഹചര്യത്തിലാണ് കണക്ഷന്‍ വിച്ഛേദിക്കുന്നതെന്ന്അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.

കോഴിക്കോട്, വൈത്തിരി ഗൂഡല്ലൂര്‍ റോഡില്‍ താഴെ അരപ്പറ്റയ്ക്ക് സമീപം നില്‍ക്കുന്ന കലയം മരം ഫെബ്രുവരി 22 ന് 12 മണിക്കും  കോട്ടപ്പടി മേപ്പാടി വില്ലേജ് ഓഫീസിനു സമീപം നില്‍ക്കുന്ന ബദാം മരം അന്നേ ദിവസം 11 .30 നും ലേലം ചെയ്യും. വിവരങ്ങള്‍ക്ക് പൊതു മരാമത്ത് വകുപ്പ് നിരത്തു കള്‍ ലക്കിടി സെക്ഷന്‍ കാര്യാലയവുമായി ബന്ധപ്പെടുക.