വെളിയന്നൂര്‍, ഭരണങ്ങാനം ഗ്രാമപപഞ്ചായത്തുകള്‍ കോട്ടയം ജില്ലയില്‍ 2021 -22 ലെ വാര്‍ഷിക പദ്ധതിക്ക് ആദ്യ  അംഗികാരം നേടുന്ന തദ്ദേശ സ്ഥാപനങ്ങളായി.

വെളിയന്നൂർ 3,39,86,700 രൂപയുടെ അടങ്കലിൽ 73 പ്രൊജക്ടുകളും ഭരണങ്ങാനം 4,73,03,000 രൂപയുടെ അടങ്കലിൽ 75 പ്രൊജക്ടുകളുമാണ് ഇന്നലെ നടന്ന ജില്ലാ ആസൂത്രണ സമിതി യോഗത്തിന്‍റെ  അംഗീകാരത്തിനായി സമർപ്പിച്ചത്.

ജില്ലയില്‍ ആകെ 89 തദ്ദേശഭരണ സ്ഥാപനങ്ങളാണുള്ളത്. മറ്റു  ഗ്രാമപഞ്ചായത്തുകളുടെയും പദ്ധതി ആസൂത്രണ പ്രവർത്തനങ്ങൾ ദ്രുതഗതിയിൽ നടന്നുവരികയാണെന്ന് പഞ്ചായത്ത് ഡെപ്യൂട്ടി ഡയറക്ടർ ബിനു ജോൺ അറിയിച്ചു.

റീ ബിൽഡ് കേരള ഇനീഷ്യേറ്റീവിൻ്റെ ഭാഗമായി വൈക്കം ടിവി പുരം ഗ്രാമ പഞ്ചായത്തിലെ കുടിവെള്ള വിതരണ ശൃംഖല വിപുലീകരിക്കുന്നതിന് 10.30 കോടി രൂപയുടെ പദ്ധതി നടപ്പാക്കുന്നു.

42 കിലോ മീറ്റർ നീളത്തിൽ പൈപ്പ് ലൈനുകൾ സ്ഥാപിച്ച് പഞ്ചായത്തിലെ മുഴുവൻ കുടുംബൾക്കും ശുദ്ധജലം ഉറപ്പു വരുത്തുന്ന പദ്ധതിയുടെ നിർമ്മാണോദ്ഘാടനം സി.കെ. ആശ എം. എൽ.എ. നിർവ്വഹിച്ചു. മൂത്തേടത്ത് കാവ് ക്ഷേത്ര മൈതാനത്ത് നടന്ന ചടങ്ങിൽ ഗ്രാമപഞ്ചായത്ത് പ്രസിഡൻ്റ് കവിത റെജി അധ്യക്ഷത വഹിച്ചു . വൈക്കം ബ്ലോക്ക് പഞ്ചായത്ത് പ്രസിഡൻറ് അഡ്വ.കെ. കെ. രഞ്ജിത് മുഖ്യാതിഥിയായിരുന്നു.

 
ജില്ലയില്‍ എക്സൈസ് വകുപ്പില്‍ വനിതാ സിവില്‍ എക്സൈസ് ഓഫീസര്‍(കാറ്റഗറി നമ്പര്‍ 501/17 ) തസ്തികയുടെ ചുരുക്കപ്പട്ടികയിലുള്‍പ്പെട്ട ഉദ്യോഗാര്‍ഥികള്‍ക്കായി ഫെബ്രുവരി 23,24 തീയതികളില്‍ കേരള പബ്ലിക് സര്‍വീസ് കമ്മിഷന്റെ ജില്ലാ ഓഫീസില്‍ വെച്ച് ഒറ്റത്തവണ വെരിഫിക്കേഷന്‍ നടത്തും.

ആരോഗ്യകേരളം പദ്ധതിയുടെ ഭാഗമായുള്ള മുലപ്പാല്‍ ബാങ്കിലേക്കുള്ള ഉപകരണങ്ങളുടെ   വിതരണവും സ്ഥാപനവുമായി ബന്ധപ്പെട്ടു    ഇ-ടെണ്ടര്‍ സമര്‍പ്പിക്കല്‍ തീയതി ഫെബ്രൂവരി 21  ഉച്ചയ്ക് 2.30 വരെ നീട്ടി.

പെരുവണ്ണാമൂഴിയടക്കം സംസ്ഥാനത്തെ നാലു ജലസംഭരണികളില്‍ നടപ്പാക്കുന്ന കൂടുമത്സ്യകൃഷി പദ്ധതിക്ക് ബുധനാഴ്ച(ഫെബ്രുവരി 17) തുടക്കം കുറിക്കും. സംസ്ഥാനതല ഉദ്ഘാടനം വൈകീട്ട് 3.30 ന് ഫിഷറീസ്  മന്ത്രി ജെ. മേഴ്‌സിക്കുട്ടി അമ്മ വീഡിയോ കോണ്‍ഫറന്‍സിലൂടെ നിര്‍വഹിക്കും.  തൊഴില്‍ ,എക്‌സൈസ് മന്ത്രി  ടി.പി. രാമകൃഷ്ണന്‍ അധ്യക്ഷത വഹിക്കും.

സംസ്ഥാ പിന്നോക്ക വിഭാഗ വികസന കോര്‍പ്പറേഷനില്‍നിന്ന് വായ്പയെടുത്തവര്‍ക്ക് ഒറ്റത്തവണ തീര്‍പ്പാക്കല്‍ പദ്ധതി. 2021 ജനുവരി 31-നകം വായ്പ തിരിച്ചടവ് കാലാവധി കഴിഞ്ഞിട്ടുള്ളതും റവന്യൂ റിക്കവറി നടപടികള്‍ക്കായി ശുപാര്‍ശ ചെയ്തിട്ടുള്ളതുമായ എല്ലാ വായ്പകളിലും ഫെബ്രുവരി 15 മുതല്‍ മാര്‍ച്ച് 31 വരെ വായ്പാബാധ്യത തീര്‍ക്കുന്നവര്‍ക്ക് പിഴപ്പലിശ പൂര്‍ണമായി ഇളവുചെയ്യും. വിശദവിവരങ്ങള്‍ക്ക്: പിന്നാക്ക വിഭാഗ വികസന കോര്‍പ്പറേഷന്‍ ഉപജില്ലാ ഓഫീസ,് നാദാപുരം.ഫോണ്‍: 0496-2969499. 

മലയോരമേഖലയിലെ കായികരംഗത്തെ അടിസ്ഥാന സൗകര്യവികസനത്തിന്റെ ഭാഗമായി മുക്കം നഗരസഭയിലെ മാമ്പറ്റ സ്റ്റേഡിയം അന്താരാഷ്ട്ര നിലവാരത്തില്‍ ഉയര്‍ത്തുന്നതിന്റെ പ്രവൃത്തി ഉദ്ഘാടനം കായിക വകുപ്പ് മന്ത്രി ഇ.പി ജയരാജന്‍ നിര്‍വ്വഹിച്ചു. സ്റ്റേഡിയത്തില്‍ ഫിഫ മാനദണ്ഡങ്ങള്‍ പ്രകാരമുള്ള സെവന്‍സ് ഫുട്‌ബോള്‍ ടര്‍ഫ്, 6 ലൈന്‍ 200 മീ. സിന്തറ്റിക് അത്‌ലറ്റിക്ക് ട്രാക്ക്, സീറ്റിംഗ് ഗ്യാലറി, വോളിബോള്‍ കോര്‍ട്ട്, ടോയ്‌ലെറ്റ് ബ്ലോക്ക് എന്നീ സൗകര്യങ്ങളാണ് ഉള്‍പ്പെടുത്തിയിട്ടുള്ളത്. കിറ്റ്‌കോയാണ് പദ്ധതിയുടെ എസ്.പി.വി.