ഉന്നത വിദ്യാഭ്യാസ രംഗത്ത് അടിസ്ഥാന സൗകര്യങ്ങള്‍ വര്‍ധിപ്പിക്കുന്നതിന്റെ ഭാഗമായി സംസ്ഥാന സര്‍ക്കാര്‍ ഒരുക്കിയ ബിരുദാനന്തര ബിരുദ പഠനത്തിനുള്ള പുതിയ കെട്ടിട സമുച്ചയം മലപ്പുറം ഗവ. കോളജിന് സ്വന്തം. പ്ലാന്‍ ഫണ്ടില്‍ നിന്നനുവദിച്ച മൂന്ന് കോടി രൂപ ചെലവില്‍ എട്ട് ക്ലാസ് മുറികളും രണ്ട് കോണ്‍ഫറന്‍സ് ഹാളുകളുമുള്‍പ്പെടുന്നതാണ് പുതിയ കെട്ടിടം. കോവിഡ് മാനദണ്ഡങ്ങള്‍ പാലിച്ച് വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ കെട്ടിടം കലാലയത്തിന് സമര്‍പ്പിച്ചു.

കേരള സംസ്ഥാന ന്യൂനപക്ഷ വികസന ധനകാര്യ കോര്‍പ്പറേഷന്‍   പൊന്നാനി ബ്ലോക്ക് ഓഫീസില്‍ ലോണ്‍ മേള സംഘടിപ്പിച്ചു. പൊന്നാനി ബ്ലോക്ക് പഞ്ചായത്ത് പ്രസിഡന്റ് സി. രാമകൃഷ്ണന്‍ ലോണ്‍ മേള ഉദ്ഘാടനം ചെയ്തു. ന്യൂനപക്ഷ കോര്‍പ്പറേഷന്‍ ഡെപ്യൂട്ടി മാനേജര്‍മാരായ മോഹനന്‍, അനസ്  തുടങ്ങിയവര്‍ നേതൃത്വം നല്‍കി. ന്യൂനപക്ഷ വിഭാഗത്തില്‍പ്പെട്ട ഇരുന്നൂറോളം ആളുകള്‍ പങ്കെടുക്കുകയും  നൂറോളം അപേക്ഷകള്‍ ലഭിക്കുകയും ചെയ്തു. ഇന്ന് (ഫെബ്രുവരി 17 ) ആലത്തിയൂര്‍ വീട്ടില്‍ വെച്ച് വെച്ച് ലോണ്‍ മേള രാവിലെ 10 മണിമുതല്‍ നടത്തും.

കാലിക്കറ്റ് സര്‍വകലാശാലയില്‍ നാല് കോടി രൂപ വിനിയോഗിച്ച് നിര്‍മ്മിച്ച ഹ്യൂമാനിറ്റീസ് ബ്ലോക്ക് ഒന്നാം നിലയുടെ ഉദ്ഘാടനവും ഐ.ക്യു.എ.സി., റിസര്‍ച്ച് ഡയറക്ട്രേറ്റ് എന്നിവക്കുള്ള 3.35 കോടി രൂപയുടെ കെട്ടിടങ്ങളുടെ ശിലാസ്ഥാപനവും മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വ്വഹിച്ചു. സംസ്ഥാന സര്‍ക്കാറിന്റെ  നൂറ് ദിന പരിപാടികളുടെ രണ്ടാംഘട്ടമായാണ് മൂന്ന് പദ്ധതികളുടെയും ഉദ്ഘാടനം നിര്‍വ്വഹിച്ചത്. കഴിഞ്ഞ അഞ്ചുവര്‍ഷ ഭരണത്തില്‍ കേരളത്തില്‍ കാര്യമായ മാറ്റങ്ങളുണ്ടായെന്നും ഉന്നത വിദ്യാഭ്യാസ മേഖലയിലെ നൂറ് പദ്ധതികളില്‍ ഒട്ടുമിക്കതും പൂര്‍ത്തിയാക്കിയെന്നും മുഖ്യമന്ത്രി പറഞ്ഞു.

പെരിന്തല്‍മണ്ണ നഗരസഭയുടെ 2021-22 സാമ്പത്തിക വര്‍ഷത്തില്‍ 16.96 കോടിയുടെ വാര്‍ഷിക പദ്ധതിക്ക് നഗരസഭ വികസന സെമിനാറില്‍ രൂപം നല്‍കി. പതിമൂന്നാം പഞ്ചവത്സര പദ്ധതി വിഭാവനം ചെയ്യുന്ന സുസ്ഥിര വികസന പദ്ധതികള്‍ക്ക് ഊന്നല്‍ നല്‍കിട്ടുള്ളതാണ്  അഞ്ചാം വാര്‍ഷിക പദ്ധതി.
ഉല്‍പാദന മേഖലയുടെ സ്ഥായിയായ വളര്‍ച്ച, പരിസ്ഥിതി, പ്രകൃതി, ആവാസവ്യവസ്ഥ എന്നിവയുടെ സംരക്ഷണം, മാനവ വിഭവശേഷിയുടെ സമ്പൂര്‍ണ്ണ വികസനം, സുഭിക്ഷ കേരളം പദ്ധതി, പാര്‍ശ്വ വല്‍ക്കരിക്കപ്പെട്ടവരുടെ സാമൂഹ്യ സുരക്ഷ, അടിസ്ഥാന സൗകര്യങ്ങളുടെ സമ്പൂര്‍ണ്ണ നവീകരണം എന്നീ ലക്ഷ്യങ്ങളോടെയാണ് പദ്ധതി തയ്യാറാക്കിട്ടുള്ളത്.

സ്‌കൂളുകളിൽ കോവിഡ്-19 വ്യാപനം തടയുന്നതിനുള്ള ബോധവത്കരണത്തിനായി കുട്ടികൾക്കിടയിൽ തത്സമയ ക്വിസ് മത്സരം നടത്തി. ഐഇസി കോർഡിനേഷൻ കമ്മിറ്റി ജില്ലാ ഭരണകൂടം, ജില്ലാ മെഡിക്കൽ ഓഫീസ് (ആരോഗ്യം), ദേശീയ ആരോഗ്യ ദൗത്യം എന്നിവയുടെ നേതൃത്ത്വത്തിൽ ഗവ. ഹയർ സെക്കന്ററി സ്‌കൂൾ കോട്ടപ്പുറം, രാജാസ് ഹയർ സെക്കൻഡറി സ്‌കൂൾ നീലേശ്വരം ഗവ. വൊക്കേഷണൽ ഹയർ സെക്കന്ററി സ്‌കൂൾ കാടങ്കോട് എന്നിവിടങ്ങളിലാണ് തത്സമയ പ്രശ്‌നോത്തരി മത്സരം   സംഘടിപ്പിച്ചത് .