വാഴക്കാട് ഗവ. ഐ.ടി.ഐ.യില്‍ ഡ്രാഫ്റ്റ്‌സ്മാന്‍ സിവില്‍ ട്രേഡിലേയ്ക്ക് ഗസ്റ്റ് ഇന്‍സ്ട്രക്ര്‍ ഒരു ഒഴിവ്. ബന്ധപ്പെട്ട ട്രേഡില്‍ എന്‍.ടി.സി./എന്‍.എ.സി. യും 3 വര്‍ഷത്തെ പ്രവൃത്തി പരിചയം/സിവില്‍ എഞ്ചിനീയറിംഗ് ഡിപ്ലോമയും 2 വര്‍ഷത്തെ പ്രവൃത്തി പരിചയം/ബി.ടെക് ബിരുദവും ഒരു വര്‍ഷത്തെ പ്രവൃത്തി പരിചയം. യോഗ്യതയുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി ഫെബ്രുവരി 18 ന് രാവിലെ 10.30 ന് അരീക്കോട് ഗവ. ഐ.ടി.ഐ. പ്രിന്‍സിപ്പാള്‍ മുമ്പാകെ അഭിമുഖത്തിന് ഹാജരാവണം. ഫോണ്‍: 0483 2850238

മമ്പാട് ഗ്രാമപഞ്ചായത്തിലെ പുള്ളിപ്പാടം ആരോഗ്യ ഉപകേന്ദ്രത്തിന്റെ ഉദ്ഘാടനം ആരോഗ്യമന്ത്രി നിര്‍വ്വഹിച്ചു.  എ.പി അനില്‍കുമാര്‍ എം.എല്‍.എ ചടങ്ങില്‍ അധ്യക്ഷത വഹിച്ചു. 35 ലക്ഷം രൂപയാണ് നിര്‍മാണ ചെലവ്. മമ്പാട് ഗ്രാമപഞ്ചായത്ത് പ്രസിഡന്റ് സി.ശ്രീനിവാസന്‍, വൈസ് പ്രസിഡന്റ് ടി.പി ഉമൈമത്ത്, ബ്ലോക്ക് പഞ്ചായത്ത് മെംബര്‍മാരായ ശമീന കാഞ്ഞിരാല, എം.ടി അഹമ്മദ്, പഞ്ചായത്ത് മെംബര്‍മാരായ മേഴ്സി ബെന്നി, ജയന്തി, ജയ മുരളി, മെഡിക്കല്‍ ഓഫീസര്‍ ധന്യശ്രീ തുടങ്ങിയവര്‍ പങ്കെടുത്തു.

മുണ്ടേരി സബ്‌സെന്റര്‍ ശിലാസ്ഥാപനം ആരോഗ്യമന്ത്രി നിര്‍വ്വഹിച്ചു. എന്‍ എച്ച് എം ട്രൈബല്‍ ഫണ്ടില്‍ 35 ലക്ഷം ചെലവഴിച്ചാണ് പുതിയ കെട്ടിടം നിര്‍മിക്കുന്നത്. പോത്തുകല്ല് ഗ്രാമ പഞ്ചായത്തില്‍ നടന്ന ചടങ്ങില്‍ പ്രസിഡന്റ് വിദ്യ രാജന്‍,  വൈസ് പ്രസിഡന്റ് ഷാജി ജോണ്‍, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്സണ്‍ റുബീന, പോത്തുകല്ല് പ്രാഥമികാരോഗ്യകേന്ദ്രം മെഡിക്കല്‍ ഓഫീസര്‍ ഡോ. മനാല്‍ തുടങ്ങിയവര്‍ പങ്കെടുത്തു.

മലപ്പുറം താലൂക്ക് ഹെഡ് ക്വാര്‍ട്ടേഴ്സ് ആശുപത്രിക്ക് 3.45 കോടി രൂപ ചെലവില്‍ നിര്‍മ്മിച്ച പുതിയ ഒ. പി  ബ്ലോക്കിന്റെ  ഉദ്ഘാടനം  ആരോഗ്യ വകുപ്പ് മന്ത്രി കെ. കെ. ശൈലജ ടീച്ചര്‍ ഓണ്‍ലൈനിലൂടെ  നിര്‍വഹിച്ചു. ചടങ്ങില്‍ പി. ഉബൈദുള്ള എം. എല്‍.എ അധ്യക്ഷനായി.
രണ്ടു നിലകളിലായി അത്യാധുനിക സൗകര്യങ്ങളോട് കൂടി നിര്‍മ്മിച്ച പുതിയ ബ്ലോക്കില്‍  ഇനി മുതല്‍ ആശുപത്രി ഓഫീസ്, ഫാര്‍മസിയും, ലാബ് കൂടാതെ ഓര്‍ത്തോ, പീഡിയാട്രിക്‌സ്, ഇ.എന്‍.ടി, ഒഫ്താല്‍മോളജി, സ്‌കിന്‍, ജനറല്‍ മെഡിസിന്‍, ജനറല്‍ സര്‍ജറി എന്നീവയുടെ ഒ. പി കളും പ്രവര്‍ത്തിക്കും.

നേരിട്ടുള്ള സമ്പര്‍ക്കത്തിലൂടെ 322 പേര്‍ക്ക്
ഏഴ് പേര്‍ക്ക് ഉറവിടമറിയാതെ രോഗബാധ
രോഗബാധിതരായി ചികിത്സയില്‍ 3,228 പേര്‍
ആകെ നിരീക്ഷണത്തിലുള്ളത് 24,833 പേര്‍

** നെടുമങ്ങാട്, തിരുവനന്തപുരം താലൂക്കുകളിലെ പരാതികൾ മാത്രമേ പരിഗണിക്കൂ

ജനങ്ങളുടെ പ്രശ്‌നങ്ങളും പരാതികളും നേരിട്ടു കേൾക്കുന്നതിനും പരിഹാരം കാണുന്നതിനുമായി സംഘടിപ്പിക്കുന്ന സാന്ത്വന സ്പർശം പരാതി പരിഹാര അദാലത്ത് ഇന്നു(17 ഫെബ്രുവരി) തിരുവനന്തപുരത്ത്. എസ്.എം.വി. സ്‌കൂളിൽ നടക്കുന്ന അദാലത്തിൽ നെടുമങ്ങാട്, തിരുവനന്തപുരം താലൂക്കുകളിലെ അപേക്ഷകൾ മാത്രമാകും പരിഗണിക്കുക. മന്ത്രിമാരായ കടകംപള്ളി സുരേന്ദ്രൻ, ഡോ. ടി.എം. തോമസ് ഐസക്, ജെ. മേഴ്‌സിക്കുട്ടി അമ്മ എന്നിവരുടെ നേതൃത്വത്തിലാണ് അദാലത്ത്.

വെള്ളനാട് ബ്ലോക്ക് പഞ്ചായത്തിന്റെ വാര്‍ഷിക പദ്ധതി രൂപീകരണം സംബന്ധിച്ച വികസന സെമിനാര്‍ ഇന്ന് (ഫെബ്രുവരി 17) രാവിലെ 11ന് ഐ.ബി സതീഷ് എം.എല്‍.എ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്റ് എസ്. ഇന്ദുലേഖ അധ്യക്ഷത വഹിക്കും. വൈസ് പ്രസിഡന്റ് എസ്.എല്‍ കൃഷ്ണകുമാരി, പഞ്ചായത്ത് അംഗങ്ങള്‍, വര്‍ക്കിംഗ് ഗ്രൂപ്പ്- ആസൂത്രണ സമിതി അംഗങ്ങള്‍ എന്നിവര്‍ സംബന്ധിക്കും.

