പ്രൊഫഷണൽ ഡിപ്ലോമ ഇൻ ഫാർമസി, ഹെൽത്ത് ഇൻസ്പെക്ടർ, മറ്റ് പാരാമെഡിക്കൽ കോഴ്സുകളിലെ പ്രവേശനത്തിനുള്ള കോളേജ്/കോഴ്സ് ലിസ്റ്റ്  www.lbscentre.kerala.gov.in ൽ പ്രസിദ്ധീകരിച്ചു. റാങ്ക് ലിസ്റ്റിലുള്ളവർക്ക് നാളെ (ഫെബ്രുവരി 18) മുതൽ ഓൺലൈനായി ഓപ്ഷനുകൾ നൽകാം. ഫോൺ: 0471-2560363, 364.
പി.എൻ.എക്സ്. 866/2021

നഗരസഭകളെ ശുചിത്വത്തിന്റെ അടിസ്ഥാനത്തില്‍ അഖിലേന്ത്യതലത്തില്‍ റാങ്കിംഗ് നടത്തുന്ന സര്‍വ്വേയായ സ്വച്ഛ് സര്‍വേക്ഷന്‍ കാമ്പയിന്‍ കൊല്ലം കോര്‍പ്പറേഷനില്‍ തുടക്കമായി. ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ യു പവിത്ര ഉദ്ഘാടനം ചെയ്തു. സിറ്റിസണ്‍ ഫീഡ്ബാക്ക് നോഡല്‍ ഓഫീസര്‍ ഹെല്‍ത്ത് ഇന്‍സ്‌പെക്ടര്‍ എം ആര്‍ ശ്രീകുമാര്‍, ശുചിത്വ മിഷന്‍ ജില്ലാ കോര്‍ഡിനേറ്റര്‍ സൗമ്യ ഗോപാലകൃഷ്ണന്‍, പ്രോഗ്രാം ഓഫീസര്‍ എ ഷാനവാസ്, റിസോഴ്‌സ് പേഴ്‌സണ്‍ ജോബി, കോര്‍പ്പറേഷന്‍ സെക്രട്ടറി സജീവ്, അസിസ്റ്റന്റ് സെക്രട്ടറി ശ്രീകാന്ത്, ഹെല്‍ത്ത് സൂപ്പര്‍വൈസര്‍ ബി ബിജു തുടങ്ങിയവര്‍ പങ്കെടുത്തു.

         എഴുകോണ്‍  സര്‍ക്കാര്‍  പോളിടെക്‌നിക് കോളേജില്‍  തുടര്‍ വിദ്യാഭാസ കേന്ദ്രത്തില്‍  ആരംഭിക്കുന്ന തൊഴിലധിഷ്ഠിത  കോഴ്‌സുകളിലേക്ക് അപേക്ഷിക്കാം. ആട്ടോകാഡ്, അലൂമിനിയം ഫാബ്രിക്കേഷന്‍, ബ്യൂട്ടിഷന്‍  കോഴ്‌സ് എന്നിവയാണ് കോഴ്‌സുകള്‍. അപേക്ഷ ഫോം  തുടര്‍വിദ്യാഭാസ  കേന്ദ്രം  ഓഫീസില്‍ ലഭിക്കും. അവസാന തീയതി ഫെബ്രുവരി 25. വിശദ വിവരങ്ങള്‍ 9496846522 നമ്പരില്‍  ലഭിക്കും.
(പി.ആര്‍.കെ നമ്പര്‍.452/2021)

പട്ടികജാതി വികസന വകുപ്പിന്റെ 2020-21 വര്‍ഷത്തെ ഇ-ഗ്രാന്റ്‌സ് ആനുകൂല്യത്തിന് അപേക്ഷിക്കാത്തവര്‍ക്ക് ഫെബ്രുവരി 19 വരെ അപേക്ഷ സമര്‍പ്പിക്കാം. സ്ഥാപന മേധാവികള്‍ 19 ന് വൈകിട്ട് അഞ്ചിനകം ജില്ലാ പട്ടികജാതി വികസന ഓഫീലേക്ക് ഫോര്‍വേഡ് ചെയ്യണം. അതിന് ശേഷം ഇ-ഗ്രാന്റ്‌സ് സൈറ്റ് ബ്ലോക്ക് ചെയ്യപ്പെടുമെന്നും ഏതെങ്കിലും വിദ്യാര്‍ഥികള്‍ക്ക് ആനുകൂല്യം ലഭിക്കാതെ വന്നാല്‍ പൂര്‍ണ ഉത്തരവാദിത്തം സ്ഥാപനമേധാവിക്കായിരിക്കുമെന്നും അസിസ്റ്റന്റ് ജില്ലാ പട്ടികജാതി വികസന ഓഫീസര്‍ അറിയിച്ചു.
(പി.ആര്‍.കെ നമ്പര്‍.451/2021)

ജില്ലാ മാനസികാരോഗ്യ പദ്ധതി ഓഫീസിലെ ക്ലിനിക്കല്‍ സൈക്കോളജിസ്റ്റ് തസ്തികയില്‍ നിയമനം നടത്തുന്നതിനുള്ള വാക്ക് ഇന്‍ ഇന്റര്‍വ്യൂ ഫെബ്രുവരി 23 ന് രാവിലെ 11 ന് സിവില്‍ സ്റ്റേഷനിലെ ജില്ലാ മെഡിക്കല്‍ ഓഫീസില്‍ നടക്കും. വിശദ വിവരങ്ങള്‍ 0474-2795017 നമ്പരില്‍ ലഭിക്കും.
(പി.ആര്‍.കെ നമ്പര്‍.450/2021)

കേരള ആഗ്രോ ഫ്രൂട്ട്‌സ് പ്രോഡക്ട്‌സ് നവീകരിച്ച പ്ലാന്റിന്റെ ഉദ്ഘാടനം കൃഷിവകുപ്പ് മന്ത്രി വി എസ് സുനില്‍കുമാര്‍ നിര്‍വഹിക്കും. ഇന്ന്(ഫെബ്രുവരി 17) രാവിലെ 10.30 ന്  പുനലൂര്‍ കേരള ആഗ്രോ ഫ്രൂട്ട്‌സ് പ്രോഡക്ട്‌സ് അങ്കണത്തില്‍ നടക്കുന്ന പരിപാടിയില്‍ മന്ത്രി കെ രാജു അധ്യക്ഷനാകും. എന്‍ കെ പ്രേമചന്ദ്രന്‍ എം പി മുഖ്യാതിഥിയാകും.

തൃപ്പുണിത്തുറ സർക്കാർ സംസ്‌കൃത കോളേജിൽ സംസ്‌കൃതം സാഹിത്യ വിഭാഗത്തിൽ നിലവിലുള്ള ഒഴിവിൽ അതിഥി അധ്യാപകരെ നിയമിക്കുന്നു. 55 ശതമാനം മാർക്കോടെ ബന്ധപ്പെട്ട വിഷയങ്ങളിൽ ബിരുദാനന്തര ബിരുദവും യു.ജി.സി നെറ്റുമാണ് യോഗ്യത. അതത് മേഖല കോളേജ് വിദ്യാഭ്യാസ ഉപമേധാവിയുടെ അതിഥി അധ്യാപക ലിസ്റ്റിൽ ഉൾപ്പെട്ടവരും കോളേജിയേറ്റ് ഡയറക്ടറുടെ നിർദ്ദേശാനുസരണം ഓൺലൈൻ രജിസ്‌ട്രേഷൻ നടത്തിയവരും ആയിരിക്കണം. യു.ജി.സി യോഗ്യതയുള്ളവരുടെ അഭാവത്തിൽ മറ്റുള്ളവരെയും പരിഗണിക്കും. താൽപര്യമുള്ള ഉദ്യോഗാർഥികൾ 19ന് രാവിലെ 11ന് അസ്സൽ സർട്ടിഫിക്കറ്റുകൾ സഹിതം പ്രിൻസിപ്പൽ മുമ്പാകെ കൂടിക്കാഴ്ചയ്ക്ക് ഹാജരാകണം.
പി.എൻ.എക്സ്. 865/2021

അക്ഷയോർജ്ജരംഗത്ത് ഫലപ്രദമായി പ്രവർത്തിക്കുന്ന വ്യക്തികളെയും സ്ഥാപനങ്ങളെയും പ്രോത്സാഹിപ്പിക്കുന്നതിന് നൽകിവരുന്ന കേരള സംസ്ഥാന അക്ഷയോർജ്ജ അവാർഡ് മുഖ്യമന്ത്രി പിണറായി വിജയൻ 22ന് വിതരണം ചെയ്യും. അക്ഷയോർജ്ജമേഖലയിലെ സംസ്ഥാന നോഡൽ ഏജൻസിയായ ഏജൻസി ഫോർ ന്യൂ ആന്റ് റിന്യൂവബിൾ എനർജി റിസർച്ച് ആന്റ് ടെക്‌നോളജിയാണ് (അനെർട്ട്) അവാർഡുകൾ നൽകുന്നത്.

കേരള നഴ്‌സസ് ആന്റ് മിഡ്‌വൈവ്‌സ് കൗൺസിൽ ഓഫീസിൽ രജിസ്ട്രാർ, ഡെപ്യൂട്ടി രജിസ്ട്രാർ, ജൂനിയർ സൂപ്രണ്ട്, അക്കൗണ്ടന്റ് തസ്തികകളിൽ ഡെപ്യൂട്ടേഷൻ നിയമനം നടത്തുന്നു. ജൂനിയർ സൂപ്രണ്ടിന് 30700-65400 ആണ് ശമ്പള നിരക്ക്. 25200- 54000 രൂപയാണ് അക്കൗണ്ടന്റ് ശമ്പള നിരക്ക്.