മലയാള സര്‍വകലാശാലയ്ക്ക് തിരൂര്‍ മാങ്ങാട്ടിരിയിലെ 12 ഏക്കര്‍ സ്ഥലത്ത് സ്വന്തം കെട്ടിടം പണിയുന്നതിന്റെ ശിലാസ്ഥാപനം ഇന്ന് (ഫെബ്രുവരി 16) വൈകീട്ട് 4.30ന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. ചടങ്ങില്‍ അധ്യക്ഷനാകുന്ന ഉന്നതവിദ്യാഭ്യാസവകുപ്പുമന്ത്രി  ഡോ. കെ.ടി. ജലീല്‍ ശിലാഫലകം അനാച്ഛാദനം ചെയ്യും. ജനപ്രതിനിധികളും സാമൂഹിക, സാംസ്‌കാരിക രംഗത്തുള്ളവരും പങ്കെടുക്കും.

സംസ്ഥാന ന്യൂനപക്ഷ വികസന ധനകാര്യ കോര്‍പ്പറേഷന്‍ ന്യൂനപക്ഷ വിഭാഗങ്ങളായ മുസ്ലീം, ക്രിസ്ത്യന്‍, സിക്ക്, ബുദ്ധ/ജൈന, പാഴ്‌സി എന്നീ വിഭാഗങ്ങളില്‍പ്പെട്ടവര്‍ക്കായി ജില്ലയില്‍ രണ്ട് കേന്ദ്രങ്ങളിലായി ഇന്നും നാളെയും ലോണ്‍ മേള സംഘടിപ്പിക്കുന്നു.

പൊന്നാനി നിയോജക മണ്ഡലത്തിലെ രണ്ട് സ്‌കൂളുകളില്‍ നടത്തിയ കോവിഡ് പരിശോധനയില്‍ കൂടുതല്‍ വിദ്യാര്‍ത്ഥികള്‍ പോസിറ്റീവ് ആയതിനെ തുടര്‍ന്ന് ജാഗ്രത പ്രവര്‍ത്തനങ്ങള്‍ വിലയിരുത്താന്‍ സ്പീക്കര്‍ പി. ശ്രീരാമകൃഷ്ണന്‍ റിവ്യൂ മീറ്റിംഗ് വിളിച്ചു ചേര്‍ത്തു. ആവശ്യമായ മുന്‍കരുതല്‍ സ്‌കൂളുകളിലും പൊതു സ്ഥാപനങ്ങളിലും, പൊതു ഇടങ്ങളിലും ഊര്‍ജിതമാക്കാന്‍ യോഗം തീരുമാനിച്ചു.

സംസ്ഥാന സര്‍ക്കാര്‍ കഴിഞ്ഞ നാലര വര്‍ഷത്തിനിടെ കൈവരിച്ച നേട്ടങ്ങള്‍ അനാവരണം ചെയ്ത് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍ വകുപ്പ് സംഘടിപ്പിക്കുന്ന വികസന വിഡിയോ വാഹന പര്യടനം ജില്ലയില്‍ ആരംഭിച്ചു. പൊന്നാനിയില്‍ നിന്നാരംഭിച്ച മൊബൈല്‍ വാഹന പര്യടനം സ്പീക്കര്‍ പി. ശ്രീരാമകൃഷ്ണന്‍ ഫ്‌ലാഗ് ഓഫ് ചെയ്തു. ജില്ലയിലെ വിവിധ കേന്ദ്രങ്ങളിലായി ഈ മാസം 20 വരെ വിഡിയോ പ്രദര്‍ശിപ്പിക്കും. ജില്ലയില്‍ രണ്ട് മൊബൈല്‍ വാഹനങ്ങളാണ് പര്യടനം നടത്തുന്നത്.

തവനൂര്‍ ഗവ. കോളജിന് വേണ്ടി മറവഞ്ചേരിയില്‍ നിര്‍മ്മാണം പുരോഗമിക്കുന്ന കെട്ടിടത്തിന്റെ ഉദ്ഘാടനം ഇന്ന് (ഫെബ്രുവരി 16)  വൈകീട്ട് 3.30 ന് മുഖ്യമന്ത്രി പിണറായി വിജയന്‍ നിര്‍വഹിക്കും. ചടങ്ങില്‍ ഉന്നത വിദ്യഭ്യാസ വകുപ്പ് മന്ത്രി ഡോ. കെ.ടി.ജലീല്‍ അധ്യക്ഷനാകും.

പൊന്നാനി സമഗ്ര കുടിവെള്ള പദ്ധതിയുടെ ഉദ്ഘാടനം മുഖ്യമന്ത്രി പിണറായി വിജയന്‍ നിര്‍വഹിച്ചു. ഓരോ തുള്ളി വെള്ളം ഉപയോഗിക്കുമ്പോഴും ഭൂമിയിലെ ശുദ്ധജലത്തിന്റെ അളവ് അനുദിനം കുറയുന്ന കാലത്താണ് നാം ജീവിക്കുന്നതെന്നും ഈ പദ്ധതിയിലൂടെ ലഭിക്കുന്ന കുടിവെള്ളത്തിന് ആ മൂല്യം കാണണമെന്നും മുഖ്യമന്ത്രി പറഞ്ഞു. പൊന്നാനി താലൂക്കിലെ മൂന്നര ലക്ഷത്തിലധികം ജനങ്ങള്‍ക്ക് പ്രതിദിനം 50 ദശലക്ഷം ലിറ്റര്‍ ശുദ്ധജലം ലഭ്യമാക്കുന്ന പദ്ധതിയാണിത്.

നേരിട്ടുള്ള സമ്പര്‍ക്കത്തിലൂടെ 543 പേര്‍ക്ക്
ഏഴ് പേര്‍ക്ക് ഉറവിടമറിയാതെ രോഗബാധ
ആരോഗ്യമേഖലയില്‍ രണ്ട് പേര്‍ക്ക്
രോഗബാധിതരായി ചികിത്സയില്‍ 3,458 പേര്‍
ആകെ നിരീക്ഷണത്തിലുള്ളത് 24,750 പേര്‍

നീലേശ്വരം നഗരസഭാ കൗണ്‍സിലിന്റെ  പ്രത്യേക യോഗം ഫെബ്രുവരി 17 ന് രാവിലെ 10.30 ന് നഗരസഭാ കൗണ്‍സില്‍ ഹാളില്‍ നടക്കും. 

ചട്ടഞ്ചാല്‍ കുടുംബാരോഗ്യ കേന്ദ്രം,  കളനാട് പി.എച്ച്.സി എന്നിവിടങ്ങളില്‍  ലാബ് ടെക്‌നീഷ്യന്‍മാരുടെ  (ഗ്രേഡ് രണ്ട്) ഒഴിവുണ്ട്. അഭിമുഖം  ഫെബ്രുവരി 19 ന് രാവിലെ 11 മണിക്ക് ചെമ്മനാട് ഗ്രാമപഞ്ചായത്ത് ഓഫീസില്‍

കോട്ടക്കല്‍ വനിതാ പോളിടെക്‌നിക്ക് കോളജില്‍  ഗസ്റ്റ് ലക്ചറര്‍ ഇന്‍ മാത്തമാറ്റിക്‌സ് തസ്തികയിലേക്ക് നിയമനം നടത്തുന്നു. റഗുലര്‍ ബിരുദവും ഒന്നാംക്ലാസ് ബിരുദാനാന്തര ബിരുദ യോഗ്യതയും അധ്യാപന പരിചയമുള്ള ഉദ്യോഗാര്‍ഥികള്‍ക്ക് ഇന്റര്‍വ്യൂയില്‍ പങ്കെടുക്കാം. താത്പര്യമുള്ളവര്‍ ഫെബ്രുവരി 18ന് രാവിലെ 11ന് കോളജ് ഓഫീസില്‍ നടത്തുന്ന ഇന്റര്‍വ്യൂയില്‍ പങ്കെടുക്കണം. ഫോണ്‍: 0483 2750790.