തിരൂരങ്ങാടിക്കാരുടെ ഏറെക്കാലത്തെ ആവശ്യമായ മിനി വൈദ്യുതി ഭവനം വെന്നിയൂരില്‍ യഥാര്‍ഥ്യമായി. തിരൂരങ്ങാടി ഡിവിഷന്‍, തിരൂരങ്ങാടി സബ് ഡിവിഷന്‍, വെന്നിയൂര്‍ സെക്ഷന്‍ എന്നീ ഓഫീസുകള്‍ക്കായാണ് പുതിയ കെട്ടിടം ഒരുങ്ങിയത്. 470 സ്‌ക്വയര്‍ മീറ്ററില്‍ രണ്ടു നിലകളിലായാണ് വെന്നിയൂരിലെ പുതിയ കെട്ടിടം.94 ലക്ഷം രൂപ ചെലവില്‍ 2017 ലാണ് നിര്‍മാണം ആരംഭിച്ചത്. നിലവില്‍ വാടക കെട്ടിടങ്ങളിലാണ് തിരൂരങ്ങാടി ഡിവിഷന്‍ ഓഫീസ്, സബ് ഡിവിഷന്‍ ഓഫീസ്, വെന്നിയൂര്‍ സെക്ഷന്‍ ഓഫീസ് എന്നിവ പ്രവര്‍ത്തിക്കുന്നത്.

ജില്ലയിലെ ഒരു സര്‍ക്കാര്‍ സ്ഥാപനത്തില്‍ ഇ ടി ബി  മുന്‍ഗണന വിഭാഗത്തില്‍   ജൂനിയര്‍ ഇന്‍സ്ട്രക്ടറുടെ ഒഴിവുണ്ട്. ത്രിവത്സര ഡിപ്ലോമ ഇന്‍ മള്‍ട്ടി മീഡിയ അനിമേഷന്‍/ എന്‍ ടി സി യും മൂന്നു വര്‍ഷത്തെ പ്രവൃത്തി പരിചയവും അല്ലെങ്കില്‍ എന്‍ എ സിയും ഒരു വര്‍ഷത്തെ പ്രവൃത്തി പരിയവുമുള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ വിദ്യാഭ്യാസ യോഗ്യത തൊഴില്‍ പരിചയം എന്നിവ തെളിയിക്കുന്ന അസ്സല്‍ സര്‍ട്ടിഫിക്കറ്റുകളുമായി അതത് എംപ്ലോയ്മെന്റ് എക്‌സ്‌ചേഞ്ചുകളില്‍ ഫെബ്രുവരി 24 നകം പേര് രജിസ്റ്റര്‍ ചെയ്യണം.

തിരൂരങ്ങാടി-പരപ്പനങ്ങാടി നഗരസഭകളെ ബന്ധിപ്പിച്ച് പുതുതായി നിര്‍മിച്ച പാലത്തിങ്ങല്‍ പാലം നാളെ (ഫെബ്രുവരി 17ന് ) പൊതുമരാമത്ത് വകുപ്പ് മന്ത്രി ജി. സുധാകരന്‍ നാടിന് സമര്‍പ്പിക്കും. വൈകീട്ട് നാലിന് ഓണ്‍ലൈനായുള്ള ഉദ്ഘാടന ചടങ്ങില്‍ അധ്യക്ഷനാകുന്ന പി.കെ.അബ്ദുറബ് എം.എല്‍.എ ശിലാഫലകം അനാച്ഛാദനം ചെയ്യും.  15 കോടി രൂപ വിനിയോഗിച്ചാണ് പാലത്തിങ്ങലില്‍ പുതിയ പാലം യാഥാര്‍ത്ഥ്യമാക്കിയത്. ഉള്‍നാടന്‍ ജലഗതാഗത നിയമം പാലിച്ച് 100.40 മീറ്റര്‍ നീളത്തിലും 12 മീറ്റര്‍ വീതിയിലുമാണ് പാലം.

കാസര്‍കോടിനെ കാര്‍ബണ്‍ ന്യൂട്രല്‍ ജില്ലയാക്കി മാറ്റുക എന്ന ലക്ഷ്യത്തോടെ  ജില്ലയില്‍ നടപ്പാക്കുന്ന  സീ ഫോര്‍ യു പദ്ധതിയുടെ പള്ളിക്കര പഞ്ചായത്തുതല ഉദ്ഘാടനം  കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ.മണികണ്ഠന്‍ നിര്‍വഹിച്ചു.  പഞ്ചായത്ത് പ്രസിഡന്റ് എം.കുമാരന്‍ അധ്യക്ഷത വഹിച്ചു. ഹരിത കേരളം മിഷന്‍ ജില്ലാ കോ-ഓര്‍ഡിനേറ്റര്‍ എം പി സുബ്രഹ്‌മണ്യന്‍ പദ്ധതി വിശദീകരണം നടത്തി. മെമ്പര്‍മാരായ ശോഭന.ടി, പ്രസീത.കെ, റീജ രാജേഷ്, ഉദുമ ഗവ. ആര്‍ട്‌സ് ആന്‍ഡ് സ്‌പോര്‍ട്‌സ് കോളേജ്  എന്‍.എസ്.എസ് പ്രോഗ്രാം ഓഫീസര്‍  വിദ്യ.കെ എന്നിവര്‍ സംസാരിച്ചു. ആദ്യഘട്ടത്തില്‍ ഉദുമ ഗവ.

കാലിക്കറ്റ് സര്‍വകലാശാല ഇന്റേണല്‍ ക്വാളിറ്റി അഷ്വറന്‍സ് സെല്‍, ഗവേഷണ ഡയറക്ട്രേറ്റ് എന്നിവക്കുള്ള കെട്ടിടങ്ങളുടെ ശിലാസ്ഥാപനവും ഹ്യൂമാനിറ്റീസ് ബ്ലോക്ക് ഒന്നാം നിലയുടെ ഉദ്ഘാടനവും മുഖ്യമന്ത്രി പിണറായി വിജയന്‍ ഇന്ന് (ഫെബ്രുവരി 16) വൈകീട്ട് നാലിന് ഓണ്‍ലൈനായി നിര്‍വഹിക്കും. സര്‍വകലാശാലയുടെ ടാഗോര്‍ നികേതനിലാണ് ഉദ്ഘാടന ചടങ്ങ് സംഘടിപ്പിക്കുന്നത്.

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ജില്ലാ ഇന്‍ഫര്‍മേഷന്‍ ഓഫീസ് കെട്ടിടോദ്ഘാടനത്തിന്റെ ഭാഗമായി ഫെബ്രുവരി 18ന് ഉച്ച 2.30ന് 'കാസര്‍കോട് ജില്ലയുടെ സുസ്ഥിര വികസനം' എന്ന വിഷയത്തില്‍ സെമിനാര്‍ സംഘടിപ്പിക്കുന്നു. ജില്ലാ ഇന്‍ഫര്‍മേഷന്‍ ഓഫീസ് പി.ആര്‍ ചേംബറില്‍ ജില്ലാ കളക്ടര്‍ ഡോ. ഡി. സജിത് ബാബു ഉദ്ഘാടനം ചെയ്യും. കാസര്‍കോട് വികസന പാക്കേജ് സ്‌പെഷല്‍ ഓഫീസര്‍ ഇ.പി. രാജ്‌മോഹന്‍ വിഷയാവതരണം നടത്തും. 

പെരിന്തല്‍മണ്ണ ഗവ.പോളിടെക്‌നിക് കോളജിലെ അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിനായി പുതുതായി നിര്‍മിച്ച സില്‍വര്‍ ജൂബിലി ബ്ലോക്ക് കെട്ടിടത്തിന്റെ ഉദ്ഘാടനം മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സ് മുഖേന നിര്‍വഹിക്കും. ഉന്നത വിദ്യാഭ്യാസ വകുപ്പ് മന്ത്രി ഡോ.കെ.ടി.ജലീല്‍ അധ്യക്ഷനാകും. ടി.എ. അഹമ്മദ് കബീര്‍ എം.എല്‍.എ മുഖ്യാതിഥിയാകും.
 

പടിഞ്ഞാറേക്കര ബീച്ചില്‍ സംസ്ഥാന ടൂറിസം വകുപ്പിന്റെ നേതൃത്വത്തില്‍ രണ്ട് കോടി രൂപ ചെലവഴിച്ച് നിര്‍മിക്കുന്ന സണ്‍സെറ്റ് ബീച്ച് പാര്‍ക്കിന്റെ പ്രവൃത്തി ഉദ്ഘാടനം ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ വീഡിയോ കോണ്‍ഫറന്‍സ് വഴി നിര്‍വഹിച്ചു. അഴിമുഖത്ത് നിര്‍മിച്ച പുലിമുട്ടിന്റെ സൗന്ദര്യവത്കരണ പദ്ധതിയാണ് ഇതിലൂടെ നടപ്പിലാക്കുന്നത്.

അങ്ങാടിപ്പുറം തിരുമാന്ധാംകുന്ന് ഭഗവതി ദേവസ്വം മാമാങ്കം- ചാവേര്‍ത്തറ പൈതൃക ടൂറിസം പദ്ധതിയുടെ നിര്‍മാണോദ്ഘാടനം ടൂറിസം, സഹകരണ, ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ നിര്‍വഹിച്ചു. ശ്രീശൈലം ഓഡിറ്റോറിയത്തില്‍ വീഡിയോ കോണ്‍ഫറന്‍സ് മുഖേനയായിരുന്നു ഉദ്ഘാടനം. ചടങ്ങില്‍ സ്പീക്കര്‍ പി. ശ്രീരാമകൃഷ്ണന്‍ മുഖ്യാതിഥിയായി. ടി.എ. അഹമ്മദ് കബീര്‍ എം.എല്‍.എ അധ്യക്ഷനായി.