ഓൺലൈൻ വാർത്താ മാധ്യമങ്ങൾക്ക് പി ആർ ഡിയിൽ എം പാനൽ ചെയ്യുന്നതിനുള്ള അവസാന തിയതി ഫെബ്രുവരി 25 വരെ നീട്ടി. അപേക്ഷ ഡയറക്ടർ, പബ്ലിക് റിലേഷൻസ് വകുപ്പ്, ഗവ. സെക്രട്ടേറിയറ്റ്, തിരുവനന്തപുരം എന്ന വിലാസത്തിൽ അയക്കണം. കൂടുതൽ വിവരങ്ങൾക്ക്: www.prd.kerala.gov.in.
പി.എൻ.എക്സ്. 816/2021

ആലപ്പുഴ : വെര്‍ച്ച്വല്‍ പ്ലാറ്റ് ഫോമില്‍ സംഘടിപ്പിക്കുന്ന കയർ കേരള2021  ഫെബ്രുവരി 16 ന്   തുടക്കമാകും. രാവിലെ 11.30ന് മുഖ്യമന്ത്രി പിണറായി വിജയൻ ഉദ്ഘാടനം നിര്‍വഹിക്കും. ധനകാര്യ - കയർ വകുപ്പ് മന്ത്രി ഡോ. റ്റി. എം തോമസ് ഐസക് ചടങ്ങിൽ അധ്യക്ഷത വഹിക്കും. കോവിഡിന്റെ പശ്ചാത്തലത്തിൽ മുൻ വർഷങ്ങളിൽ നിന്നും വ്യത്യസ്തമായി    ഫെബ്രുവരി 16  മുതൽ 21 വരെ ആലപ്പുഴ പാതിരാപ്പിള്ളി ക്യാമിലോട്ട് കൺവെൻഷൻ സെന്ററിൽ വെർച്വൽ പ്ലാറ്റ്ഫോമിലാണ് മേള സംഘടിപ്പിക്കുന്നത്. ലിങ്ക് ഉപയോഗിച്ചും ക്യു. ആർ. കോഡ് സ്കാൻ ചെയ്തും ഓൺലൈനായി മേള കാണാം.

ആലപ്പുഴ: കളക്ടറേറ്റ് ജങ്ഷന്‍ മുതല്‍ ബീച്ച് വരെയുള്ള റോഡില്‍ വൈറ്റ് ടോപ്പിങ് പ്രവൃത്തി ഫെബ്രുവരി 16  മുതല്‍ ആരംഭിക്കുന്നതിനാല്‍ ഈ റോഡില്‍ കൂടിയുള്ള വാഹനഗതാഗതം ഫെബ്രുവരി 16  മുതല്‍  ഒരു മാസത്തേയ്ക്ക് ഭാഗികമായി നിയന്ത്രിച്ചിരിക്കുന്നതായി പൊതുമരാമത്ത് വകുപ്പ് നിരത്ത് ഉപ വിഭാഗം അസിസ്റ്റന്റ് എക്സിക്യൂട്ടീവ് എന്‍ജിനീയര്‍ അറിയിച്ചു.

വിതുരയില്‍ കൊട്ടാരക്കര കില ഇറ്റിസി ഗോത്രായനം തുടങ്ങി.  മലമുകളിലെ കാടിന്റെ മക്കളുടെ ജീവിതം നേരിട്ടറിയാന്‍ വില്ലേജ് എക്സ്റ്റന്‍ഷന്‍ ഓഫിസര്‍മാരുടെ ഗോത്രായനം തുടങ്ങി.   കൊട്ടാരക്കര കില ഇറ്റിസി നേതൃത്വത്തില്‍ പുതുതായി സര്‍വീസിലെത്തിയ വില്ലേജ് എക്സ്റ്റന്‍ഷന്‍ ഓഫീസര്‍മാരാണ് (വി.ഇ.ഒ) ഗോത്രായനത്തില്‍ പങ്കെടുക്കുന്നത്.  കില ഇറ്റിസിയുടെ വേറിട്ട പരിശീലന രീതിയാണ്  പട്ടിക ഗോത്രവര്‍ഗ സങ്കേത പഠന പരിശീലനമായ ഗോത്രായനം. 

ആലപ്പുഴ: കേന്ദ്ര സര്‍ക്കാര്‍ സ്‌പോണ്‍സര്‍ ചെയ്യുന്നതും ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ഇന്‍ ഗവണ്‍മെന്റിന്റെ ആഭിമുഖ്യത്തില്‍ സര്‍ക്കാര്‍ സര്‍വ്വീസില്‍ പുതുതായി പ്രവേശിച്ച ഗ്രൂപ്പ് ബി, സി ജീവനക്കാര്‍ക്കുള്ള പന്ത്രണ്ട് ദിവസത്തെ പരിശീലന പരിപാടിക്ക് തുടക്കമായി. പരിശീലനം ജില്ല കളക്ടര്‍ എ അലക്‌സാണ്ടര്‍ ഉദ്ഘാടനം ചെയ്തു. സര്‍വ്വീസ് വിഷയങ്ങള്‍ കൂടാതെ മോട്ടിവേഷന്‍, ടൈം മാനേജ്‌മെന്റ, പേഴ്‌സണാലിറ്റി ഡവലപ്‌മെന്റ് തുടങ്ങിയ വിഷയങ്ങളില്‍ ക്ലാസുകള്‍ നല്‍കും. 

പൊതുജനങ്ങളുടെ പരാതികള്‍ക്കും അപേക്ഷകള്‍ക്കും അതിവേഗത്തില്‍ തീര്‍പ്പുണ്ടാക്കാന്‍ സംസ്ഥാന സര്‍ക്കാര്‍ സംഘടിപ്പിക്കുന്ന സാന്ത്വന സ്പര്‍ശം പൊതുജന പരാതി പരിഹാര അദാലത്ത് നാളെ (17 ഫെബ്രുവരി) തിരുവനന്തപുരം എസ്.എം.വി. സ്‌കൂളില്‍ നടക്കും. നെടുമങ്ങാട്, തിരുവനന്തപുരം താലൂക്കുകള്‍ക്കായി നടക്കുന്ന അദാലത്തിനു മന്ത്രിമാരായ കടകംപള്ളി സുരേന്ദ്രന്‍, ഡോ. ടി.എം. തോമസ് ഐസക്, ജെ. മേഴ്സിക്കുട്ടി അമ്മ എന്നിവര്‍ നേതൃത്വം നല്‍കും. 

ആലപ്പുഴ : കായംകുളം താലൂക്കാശുപത്രിയില്‍ നാഷണല്‍ ഹെല്‍ത്ത് മിഷന്‍ വഴി 3.19 കോടി രൂപ വിനിയോഗിച്ച് നിര്‍മ്മിച്ച സ്ത്രീകള്‍ക്കും കുട്ടികള്‍ക്കുമായുളള പുതിയ ബ്ലോക്കിന്റെ ഉദ്ഘാടനം   ഫെബ്രുവരി 16 ന്  രാവിലെ 9.30ന് ആരോഗ്യ വകുപ്പ് മന്ത്രി കെ.കെ ശൈലജ ടീച്ചര്‍ ഓണ്‍ലൈനായി നിര്‍വ്വഹിക്കും. അഡ്വ. യു പ്രതിഭ എംഎല്‍എ അധ്യക്ഷത വഹിക്കും. നവീനമായി രൂപകല്‍പന ചെയ്തിരിക്കുന്ന കെട്ടിട സമുച്ചയത്തില്‍ ലേബര്‍ റൂം, മോഡുലാര്‍ ഓപ്പറേഷന്‍ തീയറ്റര്‍, കുട്ടികളുടെ ഐ സി യു, പ്രസവ വാര്‍ഡ്, സ്റ്റാഫ് റൂം, കാത്തിരിപ്പ് കേന്ദ്രം എന്നിവയും സജ്ജമാക്കിയിട്ടുണ്ട്.

ആലപ്പുഴ: ജില്ലാ പഞ്ചായത്ത് എല്‍.എസ്.ജി.ഡി. ഡിവിഷന്‍ മുഖാന്തിരം നടത്തുന്ന പദ്ധതികളുടെ ഇ-ടെന്‍ഡര്‍ ക്ഷണിച്ചു. വിശദവിവരം http://tender.lsgkerala.gov.in/pages/displayTender.php, www.etenders.kerala.gov.in എന്നീ വെബ്സൈറ്റുകളില്‍ ലഭിക്കും. ഫോണ്‍ :0477 2263746.