ആലപ്പുഴ: കേരള സ്റ്റേറ്റ് ഹോമിയോപ്പതിക് കോ-ഓപ്പറേറ്റീവ് ഫാര്‍മസി ലിമിറ്റഡ് (ഹോംകോ) പുതിയ ഫാക്ടറി കെട്ടിടത്തിന്റെ ഉദ്ഘാടനം ഫെബ്രുവരി 16  രാവിലെ ഒമ്പതിന് ആരോഗ്യ കുടുംബക്ഷേമ വകുപ്പ് മന്ത്രി കെ.കെ ശൈലജ ടീച്ചര്‍ നിര്‍വഹിക്കും. ധനകാര്യ, കയര്‍ വകുപ്പ് മന്ത്രി ഡോ.റ്റി.എം.തോമസ് ഐസക്ക് അധ്യക്ഷത വഹിക്കും. എ.എം ആരിഫ് എം.പി മുഖ്യപ്രഭാഷണം നിര്‍വഹിക്കും. ജില്ല പഞ്ചായത്ത് പ്രസിഡന്റ് കെ.ജി.രാജേശ്വരി, ഹോംകോ മാനേജിങ് ഡയറക്ടര്‍ ഡോ.പി.ജോയ്, ആയുഷ് വകുപ്പ് സെക്രട്ടറി ഡോ.ഷര്‍മള മേരി ജോസഫ്, ജില്ല കളക്ടര്‍ എ .അലക്സാണ്ടര്‍ എന്നിവരും, വിവിധ  രാഷ്ട്രീയ കക്ഷി നേതാക്കളും, ഉദ്യോഗസ്ഥരും പങ്കെടുക്കും.

ആലപ്പുഴ: ചെങ്ങന്നൂര്‍ സെന്‍ട്രല്‍ ഹാര്‍ച്ചറിയില്‍ നിര്‍മ്മാണം പൂര്‍ത്തീകരിച്ച രണ്ട് നില ബ്രീഡര്‍ ഷെഡ്, വിശ്രമമുറി എന്നിവയുടെ ഉദ്ഘാടനം വനം വന്യ ജീവി മൃഗ സംരക്ഷണ ഷീര വികസന വകുപ്പ് മന്ത്രി അഡ്വ. കെ. രാജു (16/2/2021)3.30 ന്  നിര്‍വഹിക്കും. സജി ചെറിയാന്‍ എം. എല്‍. എ അധ്യക്ഷത വഹിക്കും. ചെങ്ങന്നൂര്‍ സെന്‍ട്രല്‍ ഹാച്ചറി ഒരുലക്ഷം കോഴികുഞ്ഞുങ്ങളെ ഉത്പാദിപ്പിക്കുന്ന കേന്ദ്രമാക്കി മാറ്റുക, കൂടുതല്‍ തൊഴിലവസരങ്ങള്‍ സൃഷ്ടിക്കുകയെന്ന ലക്ഷ്യത്തോടെ ആദ്യ ഘട്ട നിര്‍മ്മാണത്തിനായി 5.6 കോടി രൂപ അനുവദിച്ചിരുന്നു. ഇതിന്റെ ഭാഗമായാണ് പുതിയ കെട്ടിട നിര്‍മ്മാണം പൂര്‍ത്തിയാക്കിയത്.

ആലപ്പുഴ: ഗവ. മെഡിക്കല്‍ കോളജിലെ വാഹനമായ കെ.എല്‍.04ആര്‍.7961ന്റെ ടയര്‍ (രണ്ടെണ്ണം) റീട്രഡ് ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ഫെബ്രുവരി 24ന് ഉച്ചയ്ക്ക് 12വരെ സ്വീകരിക്കും. അന്നേദിവസം ഉച്ചകഴിഞ്ഞ് രണ്ടിന് തുറക്കും. ക്വട്ടേഷന്‍ പ്രിന്‍സിപ്പാള്‍, ഗവ. ടി.ഡി. മെഡിക്കല്‍ കോളജ്, ആലപ്പുഴ 688 005 എന്ന വിലാസത്തില്‍ ലഭിക്കണം. ഫോണ്‍ 0477 2282015.

ആലപ്പുഴ: ജില്ലയിലെ വിവിധ അഗ്‌നിരക്ഷാ നിലയങ്ങളിലെ പരിശീലനം പൂര്‍ത്തിയാക്കിയ 200ഓളം സിവില്‍ ഡിഫന്‍സ് വോളണ്ടിയേഴ്സിന്റെ പാസിങ് ഔട്ട് പരേഡ്  ഫെബ്രുവരി 16  ന് രാവിലെ എട്ട് മണി മുതല്‍ ചേര്‍ത്തല അഗ്‌നിരക്ഷാനിലയ ഗ്രൗണ്ടില്‍ നടക്കും. പാസിങ് ഔട്ട് പരേഡില്‍ മുഖ്യമന്ത്രി പിണറായി വിജയന്‍ ഓണ്‍ലൈനായി സല്യൂട്ട് സ്വീകരിക്കും.

കെല്‍ട്രോണിന്റെ കൊല്ലത്തുള്ള നോളഡ്ജ് സെന്ററില്‍ അഡ്വാന്‍സ്ഡ് ഡിപ്ലോമ ഇന്‍ ഡിജിറ്റല്‍ മീഡിയ ഡിസൈനിംഗ് ആന്‍ഡ് അനിമേഷന്‍ ഫിലിം മേക്കിങ് (12 മാസം), പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്‌ളേ ചെയിന്‍ മാനേജ്‌മെന്റ് (12 മാസം), പ്രൊഫഷണല്‍ ഡിപ്ലോമ ഇന്‍ റീടെയില്‍ ആന്‍ഡ് ലോജിസ്റ്റിക്‌സ് മാനേജ്‌മെന്റ് (12 മാസം), സര്‍ട്ടിഫിക്കറ്റ് കോഴ്‌സ് ഇന്‍ അഡ്വാന്‍സ്ഡ് ഗ്രാഫിക്‌സ് ഡിസൈനിങ് (3 മാസം), സര്‍ട്ടിഫിക്കറ്റ് കോഴ്‌സ് ഇന്‍ ഗ്രാഫിക്‌സ് ആന്‍ഡ് വിഷ്വല്‍ ഇഫക്ട്‌സ് (3 മാസം) എന്നീ കോഴ്‌സുകളിലേക്ക് അപേക്ഷ ക്ഷണിച്ചു.  വിശദവിവരങ്ങള്‍ക്ക്  9847452727, 9567422755 എന്ന ഫോണ്‍ നമ്പറിലോ,  ഹെഡ് ഓഫ് സെന്റര്‍, കെ

പാപ്പനംകോട് ശ്രീചിത്തിരതിരുനാള്‍ എന്‍ജിനീയറിങ് കോളജിന്റെ വികസനം അതിവേഗത്തിലാക്കുമെന്ന് ഗതാഗത മന്ത്രി എ.കെ. ശശീന്ദ്രന്‍. മികച്ച അടിസ്ഥാന സൗകര്യവും ഉന്നത വിദ്യാഭ്യാസ നിലവാരവുമാണ് കോളജിന് അക്രഡിറ്റേഷന്‍ ലഭ്യമാക്കാന്‍ സഹായിച്ചതെന്നും മന്ത്രി ചൂണ്ടിക്കാട്ടി. കോളജിന്റെ പ്രധാന കെട്ടിടത്തിന്റെ മൂന്നാം നിലയുടെ ഉദ്ഘാടനവും വനിതാ ഹോസ്റ്റലിന്റെ തറക്കല്ലിടല്‍ ചടങ്ങും ഓണ്‍ലൈനായി നിര്‍വഹിച്ചു സംസാരിക്കുകയായിരുന്നു അദ്ദേഹം. 

നെയ്യാര്‍ തൊടുമല നിവാസികളുടെയും ഏറെ കാലത്തെ ആവശ്യമായ കുമ്പിച്ചല്‍ കടവുപാലം യാഥാര്‍ത്ഥ്യമാകുന്നു.  പാലത്തിന്റെ നിര്‍മാണോദ്ഘാടനം സി.കെ ഹരീന്ദ്രന്‍ എം.എല്‍.എ നിര്‍വഹിച്ചു.  കരിപ്പയാറിന്റെ മറുകരയില്‍ നെയ്യാര്‍ ഡാമിന്റെ തുരുത്തില്‍ ഒറ്റപ്പെട്ടുപോയ ആയിരത്തിലധികം കുടുംബങ്ങളുടെ വര്‍ഷങ്ങളായുള്ള സ്വപ്നമാണ് പാലം വരുന്നതോടെ യാഥാര്‍ഥ്യമാകുന്നത്.

സംസ്ഥാന സര്‍ക്കാര്‍ തിരുവനന്തപുരം ജില്ലയില്‍ നടപ്പാക്കിയ വിവിധ വികസന പദ്ധതികളുടെ ദൃശ്യാവിഷ്‌കാരവുമായി ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ് ഒരുക്കിയ പര്യടന വാഹനം ജില്ലയില്‍ പ്രയാണം തുടങ്ങി.  വട്ടിയൂര്‍ക്കാവില്‍നിന്ന് ആരംഭിച്ച പര്യടനം വി.കെ. പ്രശാന്ത് എം.എല്‍.എ. ഫ്ളാഗ് ഓഫ് ചെയ്തു.

കഴിഞ്ഞ അഞ്ചു വര്‍ഷത്തിനിടെ സംസ്ഥാനത്ത് രണ്ടു ലക്ഷത്തിലേറെ പട്ടയങ്ങള്‍ അര്‍ഹരായവരുടെ കൈകളില്‍ എത്തിക്കാന്‍ കഴിഞ്ഞതായി മുഖ്യമന്ത്രി പിണറായി വിജയന്‍.  ജനങ്ങളെ സര്‍ക്കാരുമായി ബന്ധിപ്പിക്കുന്ന ഏറ്റവും പ്രധാനപ്പെട്ട ഘടകങ്ങളില്‍ ഒന്നായ വില്ലേജ്, താലൂക്ക് ഓഫിസുകള്‍ കൂടുതല്‍ ജനസൗഹാര്‍ദമാക്കാന്‍ കാര്യക്ഷമായ ഇടപെടലുകളാണു സര്‍ക്കാര്‍ നടത്തുന്നതെന്നും മുഖ്യമന്ത്രി പറഞ്ഞു.  ജില്ലയില്‍ റവന്യൂ വകുപ്പിന്റെ വിവിധ പദ്ധതികളുടെ ഉദ്ഘാടനം ഓണ്‍ലൈനായി നിര്‍വഹിക്കുകയായിരുന്നു അദ്ദേഹം.