ആലപ്പുഴ: കാപ്പിത്തോട് നവീകരണത്തിന് 16 കോടി രൂപ അനുവദിച്ചതായി പൊതുമരാമത്തു വകുപ്പ് മന്ത്രി ജി സുധാകരൻ പറഞ്ഞു. മുൻ വർഷത്തിൽ 18 കോടി രൂപ അനുവദിച്ചിരുന്നു. പല തടസങ്ങളാൽ പദ്ധതി മുടങ്ങി പോയിരുന്നു. എല്ലാവരുടെയും സഹകരണമുണ്ടായാൽ ഈ വർഷം പദ്ധതി പൂർത്തീകരിക്കാൻ സാധിക്കുമെന്നും മന്ത്രി പറഞ്ഞു. ട്രാഫിക് സേഫ്റ്റി ഫണ്ടിൽ ഉൾപ്പെടുത്തി പൂർത്തീകരിച്ച എസ് എൻ കവല -വളഞ്ഞവഴി- കക്കാഴം ഭാഗത്തെ  ഓടയുടെയും വളഞ്ഞവഴി മുതൽ കക്കാഴം-ആർ ഓ ബി വരെ ഇന്റർലോക്ക് ടൈൽ പാകിയതിന്റെയും പുനരുദ്ധാരണം നടത്തിയ അമ്പലപ്പുഴ കച്ചേരിമുക്ക് ജംഗ്ഷനന്റെയും ഉദ്ഘാടനം നിർവഹിച്ചു സംസാരിക്കുകയായിരുന്നു മന്ത്രി.

ആലപ്പുഴ: മോട്ടോർ വാഹന വകുപ്പിന്റെ സേഫ് കേരള പദ്ധതിയുടെ ജില്ലാതല കണ്‍ട്രോൾ റൂമിന്റെ ഉദ്ഘാടനം ഇന്ന് (ഫെബ്രുവരി 15) രാവിലെ 10 മണിക്ക് ഗതാഗത വകുപ്പ് മന്ത്രി എ കെ ശശീന്ദ്രൻ ഓൺലൈനായി നിർവഹിക്കും. അമ്പലപ്പുഴ ബിഎസ്‌എൻഎൽ കെട്ടിടത്തിന്റെ ഒന്നാം നിലയിൽ നടക്കുന്ന ചടങ്ങിൽ മന്ത്രി ജി സുധാകരൻ അധ്യക്ഷത വഹിക്കും. എ എം ആരിഫ് എംപി വിശിഷ്ടാതിഥിയാകും. അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് ഷീബ രാകേഷ്, അമ്പലപ്പുഴ തെക്ക് ഗ്രാമപഞ്ചായത്ത് പ്രസിഡന്റ് കെ കവിത, ജനപ്രതിനിധികളായ പി അഞ്ചു, പി രമേശൻ, ജി വേണുലാൽ, പി ജയലളിത, ആർടിഒ പി ആർ സുമേഷ്, എംവിഐ ദിലീപ്കുമാർ കെ എന്നിവർ പങ്കെടുക്കും.
 

ആലപ്പുഴ : നാലരക്കോടി രൂപ ചെലവിൽ നിർമിക്കുന്ന കുഞ്ചൻ നമ്പ്യാർ മ്യൂസിയത്തിൻറേയും സാംസ്കാരിക സമുച്ചയത്തിൻറേയും നിർമ്മാണോദ്ഘാടനം മന്ത്രി ജി സുധാകരൻ നിർവ്വഹിച്ചു. സർക്കാർ ബജറ്റിൽ വകയിരുത്തിയ മൂന്ന് കോടി രൂപയും മന്ത്രി ജി സുധാകരൻറെ എം എൽ എ ആസ്തി വികസന ഫണ്ടിൽ നിന്നും അനുവദിച്ച 1.5 കോടി രൂപയും വിനിയോഗിച്ച് അത്യാധുനിക സൗകര്യങ്ങളോടെയാണ് നിർമ്മാണം.

ഫെബ്രുവരി 15 മാവേലിക്കരയിൽ

ആലപ്പുഴ: അഞ്ചു വർഷത്തിനിടെ ജില്ലയിൽ സർക്കാർ നടപ്പാക്കിയ വിവിധ വികസന പ്രവർത്തനങ്ങൾ വിവരിക്കുന്ന ഇൻഫർമേഷൻ പബ്ലിക് റിലേഷൻസ് വകുപ്പിന്റെ രണ്ടാം ദിന ഫോട്ടോ പ്രദർശനം കായംകുളത്ത് നടത്തി. കായംകുളം കെ.എസ്.ആർ.ടി.സി ബസ് സ്റ്റാൻറിൽ നടന്ന ഫോട്ടോ പ്രദർശനം  അഡ്വ. യു പ്രതിഭ എംഎൽഎ ഉദ്ഘാടനം ചെയ്തു.ജില്ലയില്‍ സമാനതകളില്ലാത്ത വികസന പദ്ധതികളാണ് കഴിഞ്ഞ അഞ്ചുവര്‍ഷക്കാലയളവിനിടയില്‍ നടന്നതെന്ന് എം.എല്‍.എ പറഞ്ഞു. 

ആലപ്പുഴ : സ്ഥലം മാറിയ ശേഷവും വിരമിച്ച ശേഷവും ജീവനക്കാര്‍ സര്‍ക്കാര്‍ ക്വാർട്ടേഴ്‌സ് വിട്ടു നല്കാത്ത പ്രവണത മാറ്റേണ്ടതുണ്ടെന്ന് പൊതുമരാമത്ത്-രജിസ്‌ട്രേഷൻ മന്ത്രി ജി. സുധാകരൻ പറഞ്ഞു. ഇതിനു വേണ്ട നിർദ്ദേശങ്ങൾ സ്വീകരിച്ചതായും വലിയ രീതിയിലുള്ള നിർമാണമാണ് ജില്ലയിൽ പൊതുമരാമത്ത് കെട്ടിട വിഭാഗം നടത്തുന്നതെന്നും മന്ത്രി പറഞ്ഞു.

ആലപ്പുഴ: ഖാദി ഗ്രാമ വ്യവസായ കമ്മീഷന്റെയും ഖാദി ബോർഡിന്റെയും ഫണ്ടുപയോഗിച്ച് കളക്ടറേറ്റ് റോഡിലെ നവീകരിച്ച ഖാദി ഗ്രാമ സൗഭാഗ്യയുടെ ഉദ്ഘാടനം  ജില്ല ഗ്രാമ വ്യവസായ ഓഫീസ് അങ്കണത്തിൽ പൊതുമരാമത്ത് രജിസ്‌ട്രേഷൻ വകുപ്പ് മന്ത്രി ജി. സുധാകരൻ നിർവഹിച്ചു. ഖാദി വിപണനം ഊർജിതമാക്കുന്നതിനു വിവിധ പരിപാടികൾ ബോർഡ്‌ ആവിഷ്കരിച്ചു നടപ്പിലാക്കുന്നുണ്ട്. ഇതിന്റെ ഭാഗമായാണ് ഷോറും നവീകരിച്ചിരിക്കുന്നത്.

ആലപ്പുഴ : കുഞ്ചൻ നമ്പ്യാർ മ്യൂസിയത്തിന്റെയും സാംസ്കാരിക സമുച്ചയത്തിന്റെയും  നിർമാണോദ്ഘാടനം ഫെബ്രുവരി 14 ഞായർ രാവിലെ ഒമ്പതിന്  അമ്പലപ്പുഴ ടൗൺഹാളിൽ വച്ച് പൊതുമരാമത്ത് രജിസ്ട്രേഷൻ വകുപ്പ് മന്ത്രി ജി. സുധാകരൻ നിർവഹിക്കും. സ്മാരക സമിതി ചെയർമാൻ ഡോ. പള്ളിപ്പുറം മുരളി ചടങ്ങിൽ അധ്യക്ഷത വഹിക്കും.
 കെട്ടിട നിർമ്മാണത്തിനായി സംസ്ഥാന സർക്കാർ ബജറ്റിൽ മൂന്നു കോടി രൂപയും മന്ത്രി ജി സുധാകരന്റെ എം എൽ എ ആസ്തി വികസന ഫണ്ടിൽ നിന്നും ഒന്നര കോടി രൂപയുമാണ് അനുവദിച്ചിരിക്കുന്നത്.

തകഴി വാർഡ് 8, തകഴി - വാർഡ് - 1 അമ്പലപ്പുഴ തിരുവല്ല റോഡിനു വടക്കു കളത്തിപ്പാലം മുതൽ കരുമാടി കിഴക്കേമുറി എൻ. എസ്. എസ് കരയോഗം വരെ കെ. കെ. കെ. പി. എസ് ജി. എച്ച്. എസ് ഉൾപ്പെടെ, അമ്പലപ്പുഴ തെക്ക് - വാർഡ് 10 - (വയസ്കര ഭാഗം മുതൽ കിഴക്കേ നട പാലം വരെയും, അമ്പലം ഉൾപ്പെട്ട ഭാഗവും. അമ്പല നടയും നടപ്പന്തൽ ഉൾപ്പെടുന്ന ഭാഗവും,  അമ്പലപ്പുഴ തെക്ക് - 7 - ആയുർവേദ ആശുപത്രി മുതൽ കിഴക്കോട്ടു പടഹാരം റോഡിലെ അമ്പാടി ഹോട്ടൽ വരെ  എന്നീ  പ്രദേശങ്ങളെ  കണ്ടെയ്ൻമെന്റ് സോണിൽ നിന്ന് ഒഴിവാക്കി.

ആലപ്പുഴ: കോവിഡ് വ്യാപനത്തിന്റെ പശ്ചാത്തലത്തിൽ - എടുത്വ വാർഡ് 4 വാരിക്കളം മുപ്പത്തിമൂന്നിൽചിറ കോളനി, ചെങ്ങന്നൂർ മുനിസിപ്പാലിറ്റി വാർഡ് 20,  തലവടി വാർഡ് 8 കിഴക്ക് ഗൂർണ്ഡസാരി പടിഞ്ഞാറ് എംപി പാലം തെക്ക് വേദവ്യാസ വിദ്യാപീഠം വടക്ക് പാടിപ്പാലം ഏരിയ വരെയുള്ള പ്രദേശങ്ങൾ ജില്ലാ കളക്ടർ കണ്ടെയ്മെൻറ് സോൺ ആയി പ്രഖ്യാപിച്ചു.
 

ഫെബ്രുവരി 14 കായംകുളത്ത്

ആലപ്പുഴ: അഞ്ചു വർഷത്തിനിടെ ജില്ലയിൽ സർക്കാർ നടപ്പാക്കിയ വിവിധ വികസന പ്രവർത്തനങ്ങൾ വിവരിക്കുന്ന ഇൻഫർമേഷൻ പബ്ലിക് റിലേഷൻസ് വകുപ്പിന്റെ ഫോട്ടോ പ്രദർശനം ആരംഭിച്ചു. ആലപ്പുഴ ബീച്ചിന് സമീപം നടന്ന വികസന ഫോട്ടോ പ്രദർശനം പൊതുമരാമത്ത്-രജിസ്‌ട്രേഷൻ വകുപ്പ് മന്ത്രി ജി. സുധാകരൻ ഉദ്ഘാടനം ചെയ്തു. തത്സമയ വികസന ക്വിസ് പരിപാടിയിലെ വിജയികൾക്ക് മന്ത്രി സമ്മാനങ്ങൾ വിതരണം ചെയ്തു.