ആലപ്പുഴ: ഖാദി ഗ്രാമ വ്യവസായ കമ്മീഷന്റെയും ഖാദി ബോര്‍ഡിന്റെയും ഫണ്ട് ഉപയോഗിച്ച് കളക്ടറേറ്റ് റോഡിലുള്ള നവീകരിച്ച ഖാദി ഗ്രാമ സൗഭാഗ്യയുടെ ഉദ്ഘാടനം ഫെബ്രുവരി 14ന് രാവിലെ 9.30ന് ജില്ല ഗ്രാമ വ്യവസായ ഓഫീസ് അങ്കണത്തില്‍ പൊതുമരാമത്ത് രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ നിര്‍വഹിക്കും. ഖാദി ബോര്‍ഡ് വൈസ് ചെയര്‍പേഴ്സണ്‍ ശോഭന ജോര്‍ജ്ജ് യോഗത്തില്‍ അധ്യക്ഷത വഹിക്കും. ആരിഫ് എംപി, സാംസ്‌കാരിക പ്രവര്‍ത്തികര്‍, ജനപ്രതിനിധികള്‍ എന്നിവര്‍ പങ്കെടുക്കും.

പി.ആര്‍.ഡി വികസന  ഫോട്ടോ പ്രദര്‍ശനം ഇന്ന് മന്ത്രി ഉദ്ഘാടനം ചെയ്യും

ആലപ്പുഴ: കഴിഞ്ഞ അഞ്ച് വര്‍ഷത്തിനിടെ ജില്ലയില്‍ സര്‍ക്കാര്‍ നടപ്പാക്കിയ വിവിധ വികസന പ്രവര്‍ത്തനങ്ങള്‍ വിവരിക്കുന്ന ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ ഫോട്ടോ പ്രദര്‍ശനം ഇന്ന് (ഫെബ്രുവരി 13) മുതല്‍. വികസന പ്രൗഢിയില്‍ ആലപ്പുഴ എന്ന ക്യാമ്പയിന്റെ ഭാഗമായാണ് പ്രദര്‍ശനം. ജില്ലയിലെ അഞ്ച് പ്രധാന കേന്ദ്രങ്ങളിലാണ് പ്രദര്‍ശനം നടത്തുക. ആദ്യ ദിനമായ ഇന്ന് (ഫെബ്രുവരി 13) ആലപ്പുഴ ബീച്ചിന് സമീപം നടത്തുന്ന ഫോട്ടോ പ്രദര്‍ശനം പൊതുമരാമത്തു വകുപ്പ് മന്ത്രി ജി സുധാകരന്‍ വൈകിട്ട് 4.30ന് ഉദ്ഘാടനം ചെയ്യും. 

ആലപ്പുഴ: കമ്പ്യൂട്ടര്‍ അനുബന്ധ ഉപകരണങ്ങള്‍ സര്‍ക്കാര്‍ സ്ഥാപനമായ കെല്‍ട്രോണില്‍ നിന്നും വാങ്ങുന്നതിനുള്ള നിര്‍ദ്ദേശമുള്ളതിനാല്‍ പെരുമ്പളം ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ നിന്നും പ്രസിദ്ധീകരിച്ച ടെന്‍ഡര്‍ നോട്ടിസ് ഇനിയൊരു അറിയിപ്പുണ്ടാകുന്നതുവരെ റദ്ദ്  ചെയ്തിരിക്കുന്നതായി പെരുമ്പളം ഗവണ്‍മെന്റ് വി.എച്ച്.എസ്.എസ് പ്രിന്‍സിപ്പാള്‍ അറിയിച്ചു.

ആലപ്പുഴ: കേരള എന്‍ജിനീയറിങ് എന്‍ട്രന്‍സ് പരിശീലനത്തിന് (കീം 2021) ലോംഗ് ടേം ബാച്ചില്‍ പ്രവേശനം ലഭിക്കാതിരുന്ന പ്ലസ്ടു വിദ്യാര്‍ഥികള്‍ക്കായി പുന്നപ്ര ഗവണ്‍മെന്റ് സഹകരണ എന്‍ജിനീയറിങ് കോളജില്‍ പുതിയ ക്രാഷ് ബാച്ച് തുടങ്ങുന്നു. പ്രഗത്ഭരായ അധ്യാപകര്‍ നയിക്കുന്ന ക്ലാസുകള്‍, തുടര്‍ച്ചയായ മാതൃക പരീക്ഷകള്‍, പരിശീലനാവസാനം വിദ്യാര്‍ഥികള്‍ക്കായി മോക്ക് കീം, മാസ തവണ ഫീ 200 രൂപ മാത്രം തുടങ്ങിയവ കോഴ്സിന്റെ പ്രത്യേകതകളാണ്. പ്രവേശനത്തിനായി 9072414039 എന്ന നമ്പറില്‍ ബന്ധപ്പെടുക.

ആലപ്പുഴ: ലൈഫ് സമ്പൂര്‍ണ്ണ ഭവന സുരക്ഷാ പദ്ധതി ഗുണഭോക്തൃത ലിസ്റ്റില്‍ പുതുതായി ഉള്‍പ്പെടുത്തുന്നതിനായി സമര്‍പ്പിച്ച അപേക്ഷകരുടെ ലിസ്റ്റ് ഗ്രാമപഞ്ചായത്ത്/ മുനിസിപ്പാലിറ്റികളില്‍ പ്രസിദ്ധീകരിച്ചു. അപേക്ഷകര്‍ക്ക് ഗ്രാമപഞ്ചായത്ത്/ മുനിസിപ്പാലിറ്റികളില്‍ പരിശോധനയ്ക്ക് ലിസ്റ്റ് ലഭിക്കും. അപേക്ഷകളില്‍ അര്‍ഹതാ പരിശോധന നടത്തി കരട് അര്‍ഹതാ ലിസ്റ്റ് ഉടനടി പ്രസിദ്ധീകരിക്കും.