തിരുവനന്തപുരത്ത് ഇന്ന് (14 ഫെബ്രുവരി 2021) 305 പേര്‍ക്കു കൂടി കോവിഡ് 19 സ്ഥിരീകരിച്ചു. 367 പേര്‍ രോഗമുക്തരായി. നിലവില്‍ 4,295 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 223 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 3 പേര്‍ ആരോഗ്യപ്രവര്‍ത്തരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,919 പേരെക്കൂടി നിരീക്ഷണത്തിലാക്കി. ഇവരടക്കം ആകെ 26,527 പേര്‍ വീടുകളിലും 58 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,497 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

കാട്ടാക്കട പ്ലാവൂരിൽ നിർമിച്ച  സ്ത്രീസൗഹൃദ കേന്ദ്രത്തിന്റെയും അമ്മവീടിന്റെയും ഉദ്ഘാടനം ഐ. ബി. സതീഷ് എം.എൽ.എ നിർവഹിച്ചു. കാട്ടാക്കട മണ്ഡലത്തെ സ്ത്രീസൗഹൃദമാക്കാനായി മണ്ഡലത്തിലെ ആറ് പഞ്ചായത്തുകളിലും ഓരോ അമ്മവീടും സ്ത്രീസൗഹൃദ കേന്ദ്രങ്ങളും തുടങ്ങാൻ സാധിച്ചതിലൂടെ എല്ലാ സ്ത്രീകളെയും സമൂഹത്തിന്റെ മുഖ്യധാരയിലേയ്ക്ക് കൊണ്ടുവരാൻ കഴിഞ്ഞതായി എം.എൽ.എ പറഞ്ഞു.  ജലസമൃദ്ധി ഉൾപ്പടെ മണ്ഡലത്തിലെ നിരവധി വികസനപ്രവർത്തനങ്ങൾ ദേശീയതലത്തിൽ തന്നെ ശ്രദ്ധയാകർഷിച്ചതായും അദ്ദേഹം പറഞ്ഞു.

പാറശ്ശാല നിയോജകമണ്ഡലത്തിലെ പൊതുവിദ്യാലയങ്ങളില്‍ പഠിച്ച് എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നതവിജയം കൈവരിച്ച വിദ്യാര്‍ത്ഥികളെ സമഗ്ര വിദ്യാഭ്യാസ സമന്വയ പദ്ധതിയായ സൂര്യകാന്തി പ്രതിഭാസംഗമത്തിലൂടെ ആദരിച്ചു. കര്‍ശന കോവിഡ് മാനദണ്ഡങ്ങള്‍ പാലിച്ച് അഞ്ച് കേന്ദ്രങ്ങളിലാണ് പരിപാടി സംഘടിപ്പിച്ചത്. 

തിരുവനന്തപുരത്ത് ഇന്ന് (13 ഫെബ്രുവരി 2021) 363 പേര്‍ക്കു കൂടി കോവിഡ് 19 സ്ഥിരീകരിച്ചു. 406 പേര്‍ രോഗമുക്തരായി. നിലവില്‍ 4,359 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 282 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 3 പേര്‍ ആരോഗ്യപ്രവര്‍ത്തരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,905 പേരെക്കൂടി നിരീക്ഷണത്തിലാക്കി. ഇവരടക്കം ആകെ 26,123 പേര്‍ വീടുകളിലും 58 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,670 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

ജോലിക്കെത്തുന്ന വനിതകൾക്ക് സുരക്ഷിതമായ താമസ സൗകര്യം ഉറപ്പാക്കാൻ സംസ്ഥാനത്തെ പ്രധാന കേന്ദ്രങ്ങളിൽ 'സ്റ്റുഡിയോ അപ്പാർട്ട്മെന്റുകൾ' സ്ഥാപിക്കുമെന്ന്  തൊഴിലും നൈപുണ്യവും വകുപ്പ് മന്ത്രി ടി.പി രാമകൃഷ്ണൻ. തൊഴിൽ വകുപ്പിന്റെ നേതൃത്വത്തിൽ മേനംകുളത്ത്  ആരംഭിക്കുന്ന 'സ്റ്റുഡിയോ അപ്പാർട്ട്മെന്റ് പദ്ധതിയുടെ' ശിലാസ്ഥാപനം വീഡിയോ കോൺഫറൻസ് വഴി നിർവഹിക്കുകയായിരുന്നു മന്ത്രി. 

വാമനപുരം കളമച്ചൽ ഗവ. ഐ. ടി. ഐ യിൽ നിർമിക്കുന്ന പുതിയ ബഹുനിലമന്ദിരത്തിന്റെ നിർമാണോദ്ഘാടനം തൊഴിൽ -നൈപുണ്യം വകുപ്പ് മന്ത്രി ടി. പി രാമകൃഷ്ണൻ നിർവഹിച്ചു.   പ്ലാൻ ഫണ്ടിൽ നിന്നും മൂന്നു കോടി രൂപയാണ് പുതിയ കെട്ടിടത്തിനായി സംസ്ഥാന സർക്കാർ അനുവദിച്ചത്. നിലവിൽ വാടകക്കെട്ടിടത്തിലാണ്  ഐ. ടി. ഐ പ്രവർത്തിക്കുന്നത്. പൊതു ജനങ്ങളുടെ സഹകരണത്തൊടെയാണ് ഐ. ടി. ഐ ക്ക്‌  ഭൂമി കണ്ടെത്തിയത്.  ഈ സ്ഥലത്താണ്  ആകർഷകമായ ബഹുനില മന്ദിരം നിർമിക്കുന്നത് .  രണ്ടു വർഷം മുമ്പാണ് വാമനപുരം മണ്ഡലത്തിലെ ആദ്യത്തെ കളമച്ചലിൽ  സർക്കാർ ഐ.ടി.ഐ. അനുവദിച്ചത്.   

ട്രാവന്‍കൂര്‍ ടൈറ്റാനിയം പ്രോഡക്ട് ലിമിറ്റഡില്‍ എണ്ണ ചോര്‍ച്ചയുണ്ടായതിനെ തുര്‍ന്ന് മത്സ്യതൊഴിലാളികള്‍ക്ക് കടലില്‍ പോകുന്നതിനും വിനോദസഞ്ചാരികള്‍ക്ക് വേളി, ശംഖുമുഖം തീരങ്ങള്‍ സന്ദര്‍ശിക്കുന്നതിനും ഏര്‍പ്പെടുത്തിയിരുന്ന  താൽക്കാലിക വിലക്ക് പിന്‍വലിച്ചതായി ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു.

തിരുവനന്തപുരത്ത് ഇന്ന് (12 ഫെബ്രുവരി 2021) 393 പേര്‍ക്കു കൂടി കോവിഡ് 19 സ്ഥിരീകരിച്ചു. 424 പേര്‍ രോഗമുക്തരായി. നിലവില്‍ 4,402 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ഇന്നു രോഗം സ്ഥിരീകരിച്ചവരില്‍ 295 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ അഞ്ചുപേര്‍ ആരോഗ്യപ്രവര്‍ത്തരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 2,120 പേരെക്കൂടി നിരീക്ഷണത്തിലാക്കി. ഇവരടക്കം ആകെ 25,983 പേര്‍ വീടുകളിലും 58 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,894 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

സംസ്ഥാനത്തെ അര്‍ഹരായ മുഴുവന്‍ ജനങ്ങള്‍ക്കും ഈ സര്‍ക്കാരിന്റെ കാലവധിയ്ക്കുള്ളില്‍ പട്ടയം നല്‍കുക എന്ന നയമാണുള്ളതെന്ന് റവന്യൂ വകുപ്പ് മന്ത്രി  ഇ. ചന്ദ്രശേഖരന്‍. നെയ്യാറ്റിന്‍കര താലൂക്കിലെ കുന്നത്തുകാല്‍, കാട്ടാക്കട താലൂക്കിലെ കീഴാറൂര്‍ സ്മാര്‍ട്ട് വില്ലേജ് ഓഫീസുകളുടെ ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.  പട്ടയം നല്‍കുന്നതിലൂടെ പാവപ്പെട്ടവരുടെ ഏറെക്കാലത്തെ ആഗ്രഹം സഫലമാക്കാന്‍ സര്‍ക്കാരിനു കഴിഞ്ഞു. വരും ദിവസങ്ങളില്‍  പതിനയ്യായിരത്തോളം പേര്‍ക്കുകൂടി പട്ടയം വിതരണം ചെയ്യുമെന്നും അദ്ദേഹം പറഞ്ഞു.

ഡി.സി.എ, പി.ജി.ഡി.സി.എ, വേര്‍ഡ് പ്രോസസ്സിംഗ് ആന്റ് ഡാറ്റാ എന്‍ട്രി, റ്റാലി ആന്‍ഡ് എം.എസ് ഓഫീസ് കോഴ്‌സുകളിലേക്ക് കെല്‍ട്രോണ്‍ അപേക്ഷ ക്ഷണിച്ചു. അഡ്മിഷന്‍ സംബന്ധിച്ച കൂടുതല്‍ വിവരങ്ങള്‍ക്ക് 0471-2337450, 2320332.