കരുനാഗപ്പള്ളി ലോര്‍ഡ്‌സ് പബ്ലിക് സ്‌കൂളില്‍ നടന്ന മുഖ്യമന്ത്രിയുടെ പരാതി പരിഹാര അദാലത്ത് ഹരിതചട്ട പാലനത്തില്‍ ശ്രദ്ധനേടി.  കരുനാഗപ്പള്ളി നഗരസഭയിലെ 33 ഹരിത കര്‍മ്മ സേനാംഗങ്ങളാണ് ഹരിത ചട്ട പാലനത്തില്‍ മുഴുവന്‍ സമയവും   സന്നദ്ധരായത്.

തുടര്‍ചികിത്സയ്ക്ക് അദാലത്തില്‍ ധനസഹായം ലഭിച്ച സന്തോഷത്തിലാണ് രാമകൃഷ്ണപിള്ളയും ബിന്ദുവും മടങ്ങിയത്. പന്ത്രണ്ട് വര്‍ഷം മുന്‍പുണ്ടായ അപകടത്തില്‍ നട്ടെല്ലിന് ക്ഷതമേറ്റ രാമകൃഷ്ണപിള്ളയെ എടുത്തുകൊണ്ടാണ് അദാലത്തില്‍ എത്തിച്ചത്.

അദാലത്തില്‍ പങ്കെടുക്കാനെത്തിയവര്‍ക്ക് മുന്നില്‍  നൊമ്പരപ്പെടുത്തുന്ന കാഴ്ചയായെങ്കിലും മന്ത്രി മേഴ്സിക്കുട്ടിയമ്മയുടേയും ഉദ്യോഗസ്ഥരുടേയും സാന്ത്വനമേറ്റുവാങ്ങി  ആദിലക്ഷ്മിയെന്ന ആറുവയസുകാരി.

അയല്‍ക്കാരാണ് ഞങ്ങള്‍, പക്ഷേ മൂന്ന് പേര്‍ക്കും സ്വന്തം ഭൂമിയില്ലായിരുന്നു. നബീസ ബീവി പറഞ്ഞു തുടങ്ങി. ഇരുപത് വര്‍ഷത്തിന് ശേഷം സ്വന്തം ഭൂമിയെന്ന സ്വപ്നം സാക്ഷാത്കരിച്ച സന്തോഷത്തിലാണ് അയല്‍ക്കാരായ മൂന്ന് സ്ത്രീകള്‍. ഇനിയും അയല്‍ക്കാരായി തന്നെ തുടരാന്‍ കഴിഞ്ഞതിന്റെ സന്തോഷം മൂന്ന് പേരുടെ കണ്ണിലും കാണാം.

ജ•നാ ശാരീരിക വൈകല്യങ്ങള്‍ വേട്ടയാടുന്ന സീനത്തിനെ സഹോദരി  സലീന എടുത്തുകൊണ്ടാണ് കരുനാഗപ്പള്ളി ലോര്‍ഡ്‌സ് പബ്ലിക് സ്‌കൂളില്‍ നടന്ന അദാലത്തിലേക്ക് എത്തിയത്. പരസഹായമില്ലാതെ ചലിക്കുവാന്‍ പോലും കഴിയാത്ത സീനത്തിന് കരുതലാകുകയാണ് സംസ്ഥാന സര്‍ക്കാരിന്റെ സാന്ത്വന സ്പര്‍ശം പരാതി പരിഹാര അദാലത്ത്.
കരുനാഗപ്പള്ളി തഴവ സ്വദേശി 32 കാരി സീനത്തിനെ കണ്ടയുടന്‍ തന്നെ മന്ത്രി ജെ മേഴ്‌സിക്കുട്ടിയമ്മ സഹോദരിയോട് കാര്യങ്ങള്‍ തിരക്കി. സീനത്തിന്റെ അവസ്ഥ അറിഞ്ഞ മന്ത്രി മുഖ്യമന്ത്രിയുടെ ദുരിതാശ്വാസനിധിയില്‍ നിന്നും ചികിത്സാ ധനസഹായം  25000 രൂപ അനുവദിക്കുകയായിരുന്നു.

പതിനാല് വര്‍ഷം മുന്‍പ് അപകടത്തില്‍ ഇടതു കാലിന് വൈകല്യം സംഭവിച്ച സുഭാഷ് സ്ട്രെച്ചറിന്റെ സഹായത്തോടെയാണ് കരുനാഗപ്പള്ളി ലോര്‍ഡ്‌സ് പബ്ലിക്   സ്‌കൂളില്‍ നടന്ന അദാലത്തിലേക്ക് എത്തിയത്. മന്ത്രിമാരെ നേരിട്ട് കണ്ട് പരാതി പറയാനെത്തിയ സുഭാഷിന് സാന്ത്വന സ്പര്‍ശം തണലായി.

ഭിന്നശേഷിക്കാരും നാല്‍പ്പതും നാല്‍പ്പത്തഞ്ചും വയസുകാരുമായ ലതയെയും സംഗീതയെയും ചേര്‍ത്തുപിടിച്ച് പ•ന പാലൂര്‍ കിഴക്കതില്‍ രാജമ്മ മുഖ്യമന്ത്രിയുടെ സാന്ത്വന സ്പര്‍ശം അദാലത്തിലേക്ക് എത്തിയത് പ്രതീക്ഷയോടെയാണ്.

  ജീവിതത്തിന്റെ മുഴുവന്‍ പ്രതീക്ഷയും അസ്തമിച്ചാണ്  കരുനാഗപ്പള്ളി ബിനീഷ് ഭവനത്തിലെ 78 കാരിയായ ശാന്തമ്മ കഴിയുന്നത്.  സഹായം പ്രതീക്ഷിച്ചാണ് സാന്ത്വന സ്പര്‍ശം അദാലത്തില്‍ എത്തിയത്. വേദിക്കരികില്‍ നിര്‍ത്തിയിട്ട ആംബുലന്‍സില്‍ കിടന്ന ശാന്തകുമാരിയുടെ വേദനയും ദുരിതവും അറിഞ്ഞ  മന്ത്രി ജെ മേഴ്സികുട്ടിയമ്മ വേദി വീട്ടിറങ്ങി  അരികിലെത്തി.

കുളത്തൂപ്പുഴ റെയിഞ്ചില്‍ പുതുതായി നിര്‍മിച്ച വനം മ്യൂസിയം കെട്ടിടത്തിന്റെ ഉദ്ഘാടനവും സ്വയം സന്നദ്ധ പുനരധിവാസ പദ്ധതിയുടെ ആദ്യഗഡു വിതരണവും വനം-വന്യജീവി-മൃഗസംരക്ഷണ വകുപ്പ് മന്ത്രി കെ രാജു ഇന്ന്(ഫെബ്രുവരി 15) നിര്‍വഹിക്കും. വൈകിട്ട് അഞ്ചിന് കുളത്തൂപ്പുഴ വനം മ്യൂസിയം അങ്കണത്തില്‍ നടക്കുന്ന പരിപാടിയില്‍ ജില്ലാ പഞ്ചായത്ത് പ്രസിഡന്റ് സാം കെ ഡാനിയല്‍ അധ്യക്ഷനാകും. എന്‍ കെ പ്രേമചന്ദ്രന്‍ എം പി മുഖ്യാതിഥിയാകും.