ചിറയിന്‍കീഴ് നിയോജകമണ്ഡലത്തില്‍ നിര്‍മാണം പൂര്‍ത്തീകരിച്ച വിവിധ തീരദേശറോഡുകളുടെ ഉദ്ഘാടനം ഫിഷറീസ് മന്ത്രി ജെ. മേഴ്‌സിക്കുട്ടി അമ്മ വീഡിയോ കോണ്‍ഫറന്‍സിലൂടെ നിര്‍വഹിച്ചു. സംസ്ഥാന സര്‍ക്കാരിന്റെ നൂറുദിന കര്‍മപദ്ധതിയുടെ ഭാഗമായി തീരദേശത്തെ സാമൂഹിക പശ്ചാത്തല വികസനം ലക്ഷ്യമിട്ട് ഒന്‍പത് ജില്ലകളില്‍ നിര്‍മാണം പൂര്‍ത്തീകരിച്ച 104 തീരദേശറോഡുകളുടെ ഉദ്ഘാടനവും എട്ടു ജില്ലകളിലായി നിര്‍മിക്കുന്ന 80 തീരദേശറോഡുകളുടെ നിര്‍മാണണോദ്ഘാടനവും ചടങ്ങില്‍ നടന്നു. ഹാര്‍ബര്‍ എന്‍ജിനീയറിങ് വകുപ്പിന്റെ ഫണ്ട് ഉപയോഗിച്ചാണ് ചിറയിന്‍കീഴ് മണ്ഡലത്തിലെ റോഡുകള്‍ നിര്‍മിച്ചത്. 

യുവാക്കളുടെ തൊഴില്‍ ലഭ്യത ഉറപ്പാക്കുന്നതിനും മെച്ചപ്പെട്ട തൊഴിലിലേക്കു വഴികാട്ടുന്നതിനുമായി എല്ലാ ജില്ലകളിലും കരിയര്‍ ഡെവലപ്മെന്റ് സെന്ററുകള്‍ തുടങ്ങുമെന്നു തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണന്‍. പാലോട് ട്രൈബല്‍ എംപ്ലോയ്‌മെന്റ് എക്‌സ്‌ചേഞ്ച് ആന്‍ഡ് കരിയര്‍ ഡെവലപ്‌മെന്റ് സെന്ററിന്റെ ഓഫിസ് മന്ദിരോദ്ഘാടനവും പട്ടികജാതി, പട്ടികവര്‍ഗ ഉദ്യോഗാര്‍ഥികള്‍ക്കായി ആവിഷ്‌ക്കരിച്ചു നടപ്പിലാക്കുന്ന തൊഴില്‍ നൈപുണ്യ വികസന പദ്ധതിയായ 'സമന്വയുടെ' സംസ്ഥാനതല ഉദ്ഘാടനവും വിഡിയോ കോണ്‍ഫറന്‍സിലൂടെ നിര്‍വഹിച്ചു സംസാരിക്കുകയായിരുന്നു അദ്ദേഹം. 

ട്രാവന്‍കൂര്‍ ടൈറ്റാനിയം ഫാക്ടറിയില്‍നിന്നു ഫര്‍ണസ് ഓയില്‍ കടലിലേക്ക് ഒഴുകിയ സംഭവത്തിനു ശേഷം തിരുവനന്തപുരം ജില്ലയുടെ തീരത്തുനിന്നു ലഭിക്കുന്ന മത്സ്യം കഴിക്കുന്നത് ഗുരുതര ആരോഗ്യ പ്രശ്‌നങ്ങളുണ്ടാക്കുമെന്ന തരത്തില്‍ നടക്കുന്ന പ്രചാരണം അടിസ്ഥാനരഹിതമാണെന്നു ജില്ലാ കളക്ടര്‍ ഡോ. നവ്‌ജ്യോത് ഖോസ. ഇത്തരം യാതൊരു റിപ്പോര്‍ട്ടും ലഭിച്ചിട്ടില്ല. എണ്ണ കലര്‍ന്ന ഭാഗത്തുനിന്നു ലഭിച്ച മത്സ്യത്തിന്റെ ഗുണനിലവാരം സംബന്ധിച്ചു ഭക്ഷ്യ സുരക്ഷാ വകുപ്പ് വിശദമായ പരിശോധന നടത്തുന്നുണ്ട്. ഇതു സംബന്ധിച്ച റിപ്പോര്‍ട്ട് അടിയന്തരമായി ലഭ്യമാക്കാന്‍ ആവശ്യപ്പെട്ടിട്ടുണ്ടെന്നും കളക്ടര്‍ പറഞ്ഞു.

      .

ജില്ലയില്‍ ഇന്നലെ(ഫെബ്രുവരി 14) 347 പേര്‍ക്ക് കോവിഡ് സ്ഥിരീകരിച്ചു. 253 പേര്‍  രോഗമുക്തരായി. വിദേശത്ത് നിന്നെത്തിയ എട്ടുപേര്‍ക്കും സമ്പര്‍ക്കം വഴി 333 പേര്‍ക്കും ഉറവിടം വ്യക്തമല്ലാത്ത രണ്ടു പേര്‍ക്കും നാലു ആരോഗ്യപ്രവര്‍ത്തകര്‍ക്കും രോഗം സ്ഥിരീകരിച്ചു.  
കൊല്ലം കോര്‍പ്പറേഷനില്‍ 35 പേര്‍ക്കാണ് രോഗബാധ. കാവനാട്-അഞ്ച്, ഇരവിപുരം-നാല് എന്നിങ്ങനെയാണ് കോര്‍പ്പറേഷന്‍ പരിധിയിലെ രോഗബാധിതര്‍.
മുനിസിപ്പാലിറ്റികളില്‍ കൊട്ടാരക്കര-12, കരുനാഗപ്പള്ളി-ഒന്‍പത്, പുനലൂര്‍-ഏഴ്, പരവൂര്‍-മൂന്ന്.

ജില്ലയില്‍ ഇതുവരെ 20135 പേര്‍ക്ക് കോവിഡ് വാക്സിന്‍ നല്‍കി. ഇന്നലെ(ഫെബ്രുവരി 14) 98 പേര്‍ക്കാണ് വാക്സിന്‍ നല്‍കിയത്. കേന്ദ്രം, വാക്സിന്‍ നല്‍കിയ കണക്ക് എന്ന ക്രമത്തില്‍ ചുവടെ.
അസീസിയ മെഡിക്കല്‍ കോളജ്-11, കരുനാഗപ്പള്ളി താലൂക്ക് ആസ്ഥാന ആശുപത്രി-15, കൊട്ടാരക്കര താലൂക്ക് ആസ്ഥാന ആശുപത്രി-26, പുനലൂര്‍ താലൂക്ക് ആസ്ഥാന ആശുപത്രി-19, എ ആര്‍ ക്യാമ്പ്-27.
(പി.ആര്‍.കെ നമ്പര്‍.427/2021)
 
 

ജില്ലയില്‍ 13 വില്ലേജ് ഓഫീസുകള്‍ നവീകരിക്കുന്നതിന്റെ നിര്‍മ്മാണോദ്ഘാടനവും കുമ്മിള്‍ സ്മാര്‍ട്ട് വില്ലേജ് ഓഫീസ്  പ്രവര്‍ത്തനോദ്ഘാടനവും ഇന്ന്(ഫെബ്രുവരി 15) ഉച്ചയ്ക്ക് 12.30 ന് മുഖ്യമന്ത്രി ഓണ്‍ലൈനായി നിര്‍വഹിക്കും.

കരുനാഗപ്പള്ളി ലോഡ്‌സ് പബ്ലിക് സ്‌കൂളില്‍  കരുനാഗപ്പള്ളി, കുന്നത്തൂര്‍ താലൂക്കുകളിലേക്കായി നടന്ന സാന്ത്വന സ്പര്‍ശം അദാലത്തില്‍ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും രണ്ട് കോടി പതിനേഴ് ലക്ഷത്തി അറുപതിനായിരം രൂപ അനുവദിച്ചു.

വെളിയം പാലക്കോട് ഗവണ്‍മെന്റ് എല്‍ പി സ്‌കൂളിന് പുതിയ ഹൈടെക് കെട്ടിടമായി. ഉദ്ഘാടനം പി അയിഷാ  പോറ്റി എം എല്‍ എ ഓണ്‍ലൈനായി നിര്‍വഹിച്ചു. സംസ്ഥാന സര്‍ക്കാരിന്റെ നാല് മിഷനുകള്‍ വഴി സമാനതകളില്ലാത്ത വികസനമാണ് സാധ്യമായിരിക്കുന്നത്. വിദ്യാഭ്യാസമേഖലയില്‍  ഇന്ന് കാണുന്ന മാറ്റം അതിന്റെ തെളിവാണ്. സര്‍ക്കാര്‍ സ്‌കൂളുകള്‍  ഹൈടെക്  നിലവാരത്തിലേക്ക് ഉയര്‍ത്തി  വിദ്യാര്‍ഥികളുടെ പഠനാന്തരീക്ഷം മെച്ചപ്പെടുത്താന്‍ കഴിഞ്ഞെന്നും  എം എല്‍ എ പറഞ്ഞു.