* രാഷ്ട്രീയ കക്ഷി പ്രതിനിധികൾ, ജില്ലാ കളക്ടർമാർ, ജില്ലാ പോലീസ് മേധാവികൾ എന്നിവരുമായി ചർച്ച നടത്തി 

നിയമസഭ തിരഞ്ഞെടുപ്പുമായി ബന്ധപ്പെട്ട ഒരുക്കങ്ങൾ വിലയിരുത്താൻ കേരളത്തിലെത്തിയ കേന്ദ്ര തിരഞ്ഞെടുപ്പ്‌ കമ്മിഷൻ വിവിധ വിഭാഗങ്ങളുമായി ചർച്ച നടത്തി. മുഖ്യ തിരഞ്ഞെടുപ്പ് കമ്മിഷണർ സുനിൽ അറോറ, തിരഞ്ഞെടുപ്പ് കമ്മിഷണർമാരായ സുശീൽ ചന്ദ്ര, രാജീവ് കുമാർ എന്നിവരുടെ നേതൃത്വത്തിലുള്ള  ഉന്നത ഉദ്യോഗസ്ഥ സംഘമാണ് കേരളത്തിലെത്തിയത്.

സംസ്ഥാനത്ത് ശനിയാഴ്ച 5471 പേർക്ക് കോവിഡ് സ്ഥിരീകരിച്ചതായി ആരോഗ്യ മന്ത്രി കെ.കെ. ശൈലജ ടീച്ചർ അറിയിച്ചു. കോഴിക്കോട് 750, എറണാകുളം 746, തൃശൂർ 553, ആലപ്പുഴ 506, പത്തനംതിട്ട 480, കൊല്ലം 460, കോട്ടയം 376, തിരുവനന്തപുരം 363, മലപ്പുറം 308, കണ്ണൂർ 279, ഇടുക്കി 203, വയനാട് 161, പാലക്കാട് 153, കാസർഗോഡ് 133 എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.

ജലപാത മുഖ്യമന്ത്രി ഗതാഗതത്തിന് തുറന്ന് കൊടുക്കും

ജില്ലയില്‍ ഇന്നലെ(ഫെബ്രുവരി 13) 700 പേര്‍ കോവിഡ് രോഗമുക്തരായി. 460 പേര്‍ക്ക് കോവിഡ് സ്ഥിരീകരിച്ചു. വിദേശത്ത് നിന്നെത്തിയ ഏഴു പേര്‍ക്കും, ഇതര സംസ്ഥാനത്ത് നിന്നെത്തിയ ഒരാള്‍ക്കും  സമ്പര്‍ക്കം വഴി 448 പേര്‍ക്കും ഉറവിടം വ്യക്തമല്ലാത്ത മൂന്നു പേര്‍ക്കും ഒരു ആരോഗ്യപ്രവര്‍ത്തകനും രോഗം സ്ഥിരീകരിച്ചു.
കൊല്ലം കോര്‍പ്പറേഷനില്‍ 70 പേര്‍ക്കാണ് രോഗബാധ. കാവാനാട്-15, രാമന്‍കുളങ്ങര, കരിക്കോട് ഭാഗങ്ങളില്‍ ഏഴുവീതവും കടപ്പാക്കട-അഞ്ച്, തട്ടാമല-നാല്, ശക്തികുളങ്ങര, കല്ലുംതാഴം എന്നിവിടങ്ങളില്‍ മൂന്നുവീതവുമാണ് രോഗബാധിതര്‍.

ജില്ലയില്‍ ഇതുവരെ 20037 പേര്‍ക്ക് കോവിഡ് വാക്‌സിന്‍ നല്‍കി. ഇന്നലെ(ഫെബ്രുവരി 13) 863 പേര്‍ക്കാണ് വാക്‌സിന്‍ നല്‍കിയത്. കേന്ദ്രം, വാക്‌സിന്‍ നല്‍കിയ കണക്ക് എന്ന ക്രമത്തില്‍ ചുവടെ.

സാധാരണക്കാര്‍ക്ക് മെച്ചപ്പെട്ട ചികിത്സാ സൗകര്യങ്ങളാണ് പ്രാഥമികാരോഗ്യ കേന്ദ്രങ്ങള്‍ വഴി ലഭിക്കുന്നതെന്ന് ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ. പേരയം  ഗ്രാമപഞ്ചായത്തിലെ പ്രാഥമികാരോഗ്യകേന്ദ്രത്തിലെ  പുതിയ കെട്ടിടത്തിന്റെ നിര്‍മ്മാണോദ്ഘാടനം നിര്‍വഹിക്കുകയായിരുന്നു മന്ത്രി.

കരുനാഗപ്പള്ളി, കുന്നത്തൂര്‍ താലൂക്കുകളുമായി ബന്ധപ്പെട്ട മുഖ്യമന്ത്രിയുടെ പരാതി പരിഹാര അദാലത്ത് ഇന്ന്(ഫെബ്രുവരി 14) കരുനാഗപ്പള്ളി ലോര്‍ഡ്‌സ് പബ്ലിക് സ്‌കൂളില്‍ നടക്കും. രാവിലെ 10 മുതല്‍ വൈകിട്ട് അഞ്ചുവരെ നടക്കുന്ന അദാലത്തില്‍ മന്ത്രിമാരായ ജെ മേഴ്‌സിക്കുട്ടിയമ്മ, പ്രൊഫ സി രവീന്ദ്രനാഥ് എന്നിവര്‍ പങ്കെടുക്കും.

  കുന്നത്തൂര്‍  മണ്ഡലത്തിലെ  മൈനാഗപ്പള്ളി, കാരാളിമുക്ക്, ശാസ്താംകോട്ട, എന്നിവിടങ്ങളിലെ മാവേലിസ്റ്റോറുകള്‍ സപ്ലൈകോ സൂപ്പര്‍മാര്‍ക്കറ്റുകളായി.  ഇതിന്റെ പ്രവര്‍ത്തനോദ്ഘാടനം ഭക്ഷ്യ  പൊതുവിതരണവകുപ്പ് മന്ത്രി പി   തിലോത്തമന്‍  ഓണ്‍ലൈനായി നിര്‍വഹിച്ചു.