തൃക്കണാമതിലകത്തിന്റെ ചരിത്രം പറയുന്ന പുരാതനമായ മതിലകം ബംഗ്ലാവ് കടവ് ഇനി മുതൽ കമ്മ്യൂണിറ്റി സെന്റർ. കനോലി കനാലിന്റെ തീരത്ത് ബ്രിട്ടീഷ് ഭരണകാലത്ത് പണിതീർത്ത ബംഗ്ലാവാണ് മുസിരിസ്   പൈതൃക പദ്ധതിയിൽ ഉൾപ്പെടുത്തി കമ്മ്യൂണിറ്റി സെന്ററാക്കി മാറ്റിയത്.  സെന്ററിന്റെ ഉദ്‌ഘാടനം ഇന്ന് (ഫെബ്രുവരി 14) വൈകീട്ട് മൂന്നിന് ടൂറിസം മന്ത്രി കടകംപള്ളി സുരേന്ദ്രൻ നിർവഹിക്കും. 

അരനൂറ്റാണ്ടിന്റെ കാത്തിരിപ്പിനൊടുവില്‍ മണലിപുഴയ്ക്കുകുറുകെ നെന്മണിക്കര, തൃക്കൂര്‍ പഞ്ചായത്തുകളെ ബന്ധിപ്പിക്കുന്ന പുലക്കാട്ടുകര പാലം യാഥാര്‍ഥ്യമായി. പൊതുമരാമത്തു  വകുപ്പ് മന്ത്രി ജി സുധാകരന്‍ പാലം ഓൺലൈനിലൂടെ നാടിന് സമർപ്പിച്ചു.  പൊതു വിദ്യാഭ്യാസ വകുപ്പ് മന്ത്രി സി രവീന്ദ്രനാഥ് ചടങ്ങിൽ അധ്യക്ഷത വഹിച്ചു.

ലൈഫ് മിഷന്‍:  ഗുണഭോക്താക്കള്‍ക്ക് ഓണ്‍ലൈന്‍ അപേക്ഷ സമര്‍പ്പിക്കാന്‍ വീണ്ടും അവസരം

ഫെബ്രുവരി 20 വരെ അപേക്ഷ സമര്‍പ്പിക്കാം 

ലൈഫ് മിഷൻ ഭവന പദ്ധതിയിൽ ഓണ്‍ലൈനായി അപേക്ഷ സമര്‍പ്പിക്കാന്‍ കഴിയാതെ പോയ അര്‍ഹരായ ഗുണഭോക്താക്കള്‍ക്ക്  ഫെബ്രുവരി 20 വരെ അപേക്ഷ സമര്‍പ്പിക്കാന്‍ അവസരം. 2020 സെപ്റ്റംബര്‍ 23 വരെയായിരുന്നു  ഓണ്‍ലൈന്‍ അപേക്ഷ സമര്‍പ്പിക്കാന്‍ അവസരമുണ്ടായിരുന്നത്. എന്നാല്‍ അര്‍ഹരായ പലര്‍ക്കും ഇതിന് കഴിയാതെ പോയതായി സാന്ത്വന സ്പര്‍ശം അദാലത്തില്‍ മനസ്സിലായതിനെത്തുടര്‍ന്നാണ് ഓണ്‍ലൈന്‍ അപേക്ഷ നല്‍കാന്‍ ഒരവസരം കൂടി നല്‍കി സര്‍ക്കാര്‍ ഉത്തരവിട്ടത്.

വാർത്തകളും അറിയിയിപ്പുകളും ജനങ്ങളിലെത്തിക്കാൻ ഓരോ തദ്ദേശ സ്ഥാപനങ്ങളും വ്യത്യസ്തമായ രീതികളാണ് സ്വീകരിക്കുന്നത്. മൊബൈൽ ആപ്പുകളും വാട്‌സ്ആപ്പ് ഗ്രൂപ്പുകളും വഴിയാണ് മിക്ക പഞ്ചായത്തുകളും തങ്ങളുടെ വികസന വാർത്തകൾ ജനങ്ങളിലേക്കെത്തിക്കുന്നത്. ഇതിൽ നിന്ന് വ്യത്യസ്തമായി വാർത്തകൾ അതേ രൂപത്തിൽ തന്നെ പ്രചരിപ്പിക്കാൻ ഓൺലൈൻ വാർത്താ ചാനലുമായി രംഗത്തെത്തിയിരിക്കുകയാണ് തൃശൂർ ജില്ലയിലെ ശ്രീനാരായണ പുരം പഞ്ചായത്ത്. ഓൺലൈൻ വാർത്താ ചാനലിന്റെ ഉദ്ഘാടനം 
തദ്ദേശ വകുപ്പ് മന്ത്രി എ സി മൊയ്തീൻ നിർവഹിച്ചു. 

സംസ്ഥാനത്തെ സർക്കാർ സ്ഥാപനങ്ങളിൽ ഒഴിവുള്ള നിയമനങ്ങൾക്ക് സർക്കാർ ഒരു കുറവും വരുത്തിയിട്ടില്ലെന്ന് മന്ത്രി എ സി മൊയ്തീൻ. റിസര്‍ജന്‍റ് കേരള ലോണ്‍ സ്കീം (ആർ കെ എൽ എസ്) പദ്ധതി പ്രകാരം അയാൽക്കൂട്ടങ്ങൾക്കുള്ള രണ്ടാം ഗഡു വിതരണത്തിന്റെ ജില്ലാതല വിതരണോദ്ഘാടണം മതിലകം ബ്ലോക്ക് പഞ്ചായത്ത് ഹാളിൽ നിർവഹിക്കുകയായിരുന്നു അദ്ദേഹം. 

പിന്നോക്ക വിഭാഗങ്ങൾക്കും സമൂഹത്തിൽ തുല്യ പ്രാതിനിധ്യം ഉറപ്പാക്കുമെന്ന് പട്ടിക ജാതി പട്ടിക വർഗ്ഗ പിന്നോക്ക വിഭാഗ ക്ഷേമ വകുപ്പ് മന്ത്രി എ കെ ബാലൻ. എല്ലാ വിഭാഗം സമുദായങ്ങളുടെ അവകാശങ്ങളും സംരക്ഷിക്കുന്ന നടപടികളുമായിട്ടാണ് സർക്കാർ മുന്നോട്ട് പോയിട്ടുള്ളതെന്നും മന്ത്രി പറഞ്ഞു. പരമ്പരാഗത തൊഴിലാളി സമൂഹങ്ങൾക്ക് സർക്കാരിന്റെ കരുതലുമായി സംസ്ഥാനത്ത് ആദ്യമായി നവീകരിച്ച കൊടകര കുംഭാര കോളനിയിലെ വിവിധ പദ്ധതികളുടെ ഉദ്ഘാടനം  ഓൺലൈനായി നിർവഹിച്ചു സംസാരിക്കുകയായിരുന്നു മന്ത്രി.

വൈഗ 2021 സമാപന സമ്മേളനവും 2020ലെ സംസ്ഥാന കർഷക അവാർഡ്  വിതരണവും തൃശ്ശൂർ ടൗൺ ഹാളിൽ ഇന്ന് (ഫെബ്രുവരി 14) 
ഉച്ചകഴിഞ്ഞ് 2 മണിക്ക് 
കേരള ഗവർണർ ആരിഫ് മുഹമ്മദ് ഖാൻ ഓൺലൈനിൽ നിർവഹിക്കും. കൃഷിവകുപ്പ് മന്ത്രി വി എസ് സുനിൽകുമാർ അധ്യക്ഷത വഹിക്കും. 
ചടങ്ങിൽ ജില്ലയിലെ മന്ത്രിമാരായ പ്രൊഫ സി രവീന്ദ്രനാഥ്, എസി മൊയ്തീൻ, ഗവ വിപ്പ്  ചീഫ്  കെ രാജൻ,ജില്ലയിലെ എം എൽ എ മാർ, കോർപ്പറേഷൻ മേയർ എം കെ വർഗീസ്,തൃശൂർ എംപി ടി എൻ പ്രതാപൻ, ജില്ലാ പഞ്ചായത്ത് പ്രസിഡണ്ട് പി കെ ഡേവിസ്  മാസ്റ്റർ, ജില്ലാ കലക്ടർ എസ് ഷാനവാസ്‌  എന്നിവർ പങ്കെടുക്കും. 

നൂറിനം  നാട്ടുമാന്തോപ്പുകൾ  പദ്ധതിക്ക്‌ തൃശൂരിൽ തുടക്കമായി 

 ആദ്യഘട്ടം തൃശൂർ, കണ്ണൂർ ജില്ലകളിൽ 

ചാവക്കാട് ബീച്ച് നവീകരണം: ഉദ്ഘാടനം ഫെബ്രുവരി 14ന് 

ചാവക്കാട് ബീച്ച് നവീകരണ പ്രവർത്തനങ്ങൾ പൂർത്തിയായി.  ഉദ്ഘാടനം ഫെബ്രുവരി 14ന് വൈകിട്ട് മൂന്നു മണിക്ക് ടൂറിസം വകുപ്പ് മന്ത്രി കടകംപള്ളി സുരേന്ദ്രൻ നിർവഹിക്കും. ജില്ലയിലെ പ്രധാന ബീച്ച് ടൂറിസം ഡെസ്റ്റിനേഷനായ ചാവക്കാട് ബീച്ചിന്റെ  നവീകരണ പ്രവർത്തനങ്ങളാണ് പൂർത്തിയായത്. ടൂറിസം വകുപ്പ് 2.50 കോടി രൂപയാണ് നവീകരണ പ്രവർത്തനങ്ങൾക്കായി വകയിരുത്തിയത്. 

എൻ്റെ കേരളം എൻ്റെ അഭിമാനം ;  ജില്ലാ ഇൻഫർമേഷൻ ഓഫീസിൻ്റെ  ഫോട്ടോ പ്രദർശനം വടക്കാഞ്ചേരിയിൽ ആരംഭിച്ചു

പ്രദർശനം ഇന്ന് (ഫെബ്രുവരി 14) സമാപിക്കും

സർക്കാർ കഴിഞ്ഞ അഞ്ച് വർഷങ്ങളിൽ നടത്തിയ വികസന പ്രവർത്തനങ്ങളെ ആസ്പദമാക്കി ഇൻഫർമേഷൻ ആന്റ് പബ്ലിക് റിലേഷൻ വകുപ്പിന്റെ തൃശൂർ ജില്ലാ ഇൻഫർമേഷൻ ഓഫീസ് നടത്തുന്ന ഫോട്ടോ പ്രദർശനം വടക്കാഞ്ചേരിയിൽ ആരംഭിച്ചു. ഓട്ടുപാറ ബസ് സ്റ്റാന്റിന് മുന്നിൽ സംഘടിപ്പിച്ച ഫോട്ടോ പ്രദർശനത്തിൻ്റെ ഉദ്ഘാടനം വടക്കാഞ്ചേരി നഗരസഭ ചെയർമാൻ പി എൻ സുരേന്ദ്രൻ നിർവ്വഹിച്ചു.