പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നിര്‍മാണം പൂര്‍ത്തീകരിച്ച എട്ടു സ്‌കൂള്‍ കെട്ടിടങ്ങളുടെ  ഉദ്ഘാടനവും ഒരു സ്‌കൂള്‍ കെട്ടിടത്തിന്റെ നിര്‍മാണോദ്ഘാടനവും മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സ് വഴി നിര്‍വഹിക്കും. ഫെബ്രുവരി 18 ന് രാവിലെ 10 ന് നടക്കുന്ന ചടങ്ങില്‍ വിദ്യാഭ്യാസ വകുപ്പ് മന്ത്രി പ്രൊഫ സി രവീന്ദ്രനാഥ് അധ്യക്ഷനാകും. ധനകാര്യ വകുപ്പ് മന്ത്രി ഡോ ടി എം തോമസ് ഐസക്ക് മുഖ്യപ്രഭാഷണം നടത്തും. വിവിധ ചടങ്ങുകളില്‍ അതത് മണ്ഡലത്തിലെ ജനപ്രതിനിധികള്‍ പങ്കെടുക്കും.

  പട്ടികജാതി-വര്‍ഗ വിദ്യാര്‍ഥികള്‍ക്ക് ശാസ്ത്ര ലോകത്തേക്ക് പുതിയ ചുവടുവയ്പ്പ് നടത്താന്‍ കുളത്തൂപ്പുഴ മോഡല്‍ റെസിഡന്‍ഷ്യല്‍ സ്‌കൂളിന് പുതിയ സയന്‍സ് ലാബായി. സയന്‍സ് ലാബിന്റെ പൂര്‍ത്തീകരണ ഉദ്ഘാടനം പട്ടികജാതി-വര്‍ഗ പിന്നോക്ക വികസന വകുപ്പ് മന്ത്രി എ കെ ബാലന്‍ നിര്‍വഹിച്ചു.

ട്രഷറി വകുപ്പിൽ ഡാറ്റാബേസ് അഡ്മിനിസ്‌ട്രേറ്ററുടെ ഒരൊഴിവിലേക്ക് കരാർ നിയമനം നടത്തുന്നു. ബി.ടെക് (കമ്പ്യൂട്ടർ സയൻസ്)/ എം.ടെക് (കമ്പ്യൂട്ടർ  സയൻസ്)/ എം.സി.എ/ എം.എസ്‌സി (ഐ.റ്റി) തത്തുല്യ യോഗ്യതയുള്ളവർക്ക് അപേക്ഷിക്കാം. സമാനമേഖലയിൽ മൂന്ന് വർഷത്തെ പ്രവൃത്തിപരിചയം അഭിലഷണീയം. പ്രതിമാസ ശമ്പളം 85,000 രൂപ. 22 വരെ അപേക്ഷിക്കാം. ബയോഡാറ്റ  career.treasury@kerala.gov.in  ൽ അയയ്ക്കണം. വിശദമായ വിജ്ഞാപനം www.portal.treasury.kerala.gov.in ൽ ലഭിക്കും.
പി.എൻ.എക്സ്. 765/2021

മലയോര ഹൈവേയുടെ നിര്‍മാണം പൂര്‍ത്തിയായതോടെ മലയോര മേഖലയില്‍  അത്യാധുനികമായി റോഡുകള്‍ നിര്‍മിക്കണമെന്ന സര്‍ക്കാരിന്റെ സ്വപ്നം യാഥാര്‍ത്ഥ്യമായതായി  മുഖ്യമന്ത്രി പിണറായി വിജയന്‍. പുനലൂര്‍ മുതല്‍ ചല്ലിമുക്ക് വരെയുള്ള മലയോര ഹൈവേയുടെ പൂര്‍ത്തീകരണ ഉദ്ഘാടനം ഓണ്‍ലൈനായി നിര്‍വഹിക്കുകയായിരുന്നു അദ്ദേഹം.

ഹൈഡ്രോഗ്രാഫിക് സർവ്വേ വിഭാഗത്തിനുവേണ്ടി പുതുതായി നിർമ്മിക്കുന്ന ആധുനിക സർവ്വേ ബോട്ടിന്റെ നിർമ്മാണോദ്ഘാടനം ഇന്ന് (ഫെബ്രുവരി 12) കൊച്ചിയിൽ വൈറ്റ് ഫോർട്ടിൽ ഉച്ചയ്ക്ക് 12ന് തുറമുഖം മന്ത്രി രാമചന്ദ്രൻ കടന്നപ്പള്ളി നിർവഹിക്കും. മേയർ എം. അനിൽകുമാർ, ഹൈബി ഈഡൻ. എം.പി, എം. സ്വരാജ്. എം.എൽ.എ എന്നിവർ പങ്കെടുക്കും.
പി.എൻ.എക്സ്. 764/2021
 

ക്ഷീരകര്‍ഷകരുടെ ക്ഷേമത്തില്‍ കേരളം രാജ്യത്തിന് മാതൃകയാണെന്ന് കേരള ഗവര്‍ണര്‍ ആരിഫ് മുഹമ്മദ് ഖാന്‍. പാല്‍ ഉല്‍പ്പാദനത്തില്‍ സംസ്ഥാനം സ്വയം പര്യാപ്തത നേടിയത് അഭിമാനകരമാണെന്നും അദ്ദേഹം തുടര്‍ന്ന് പറഞ്ഞു.

കേരള ചരിത്ര ഗവേഷണ കൗൺസിൽ പറവൂർ, പട്ടണം ക്യാമ്പസിൽ ആരംഭിക്കുന്ന പുരാരേഖാപഠന കേന്ദ്രത്തിന്റെ അക്കാദമിക ഉദ്ഘാടനം ഇന്ന് (ഫെബ്രുവരി 12) രാവിലെ 10.30ന് ഉന്നതവിദ്യാഭ്യാസ മന്ത്രി ഡോ. കെ.ടി. ജലീൽ ഉദ്ഘാടനം ചെയ്യും. കേരളത്തിലെ അമൂല്യ എഴുത്തോല ശേഖരങ്ങളിലെ വിവരങ്ങൾ വായിക്കുവാനുള്ള വൈദഗ്ദ്യം വികസിപ്പിക്കുക എന്ന ലക്ഷ്യത്തോടെ പ്രാചീനലിപി പഠനം സർട്ടിഫിക്കറ്റ് കോഴ്‌സാണ് കേന്ദ്രത്തിൽ ആദ്യമായി ആരംഭിക്കുന്നത്.

കേരളത്തിലെ നിയമസഭാ തിരഞ്ഞെടുപ്പിന്റെ മുന്നൊരുക്കങ്ങൾ വിലയിരുത്താൻ കേന്ദ്ര തിരഞ്ഞെടുപ്പ് കമ്മീഷൻ ഇന്ന് (ഫെബ്രുവരി 12) രാത്രി കേരളത്തിലെത്തും. മുഖ്യ തിരഞ്ഞെടുപ്പ് കമ്മീഷണർ സുനിൽ അറോറ, തിരഞ്ഞെടുപ്പ് കമ്മീഷണർമാരായ സുശീൽ ചന്ദ്ര, രാജീവ് കുമാർ എന്നിവരും മുതിർന്ന ഉദ്യോഗസ്ഥരും 15 വരെ കേരളത്തിലുണ്ടാവുമെന്ന് മുഖ്യ തിരഞ്ഞെടുപ്പ് ഓഫീസർ ടീക്കാറാം മീണ അറിയിച്ചു.

ജില്ലാ പഞ്ചായത്തിന്റെ സാധാരണ യോഗം ഫെബ്രുവരി 12 ന് രാവിലെ 11 ന് പഞ്ചായത്ത് കമ്മിറ്റി ഹാളില്‍ ചേരും.
 (പി.ആര്‍.കെ നമ്പര്‍.363/2021)