ഭാവി കേരളത്തെ സംബന്ധിച്ച സമൂഹത്തിലെ വ്യത്യസ്ത മേഖലകളിലെ യുവാക്കളുടെ അഭിപ്രായങ്ങള്‍ സമാഹരിക്കുകയും അവ ക്രോഡീകരിച്ച് സര്‍ക്കാരിന് സമര്‍പ്പിക്കുകയും ചെയ്യുക എന്ന ഉദ്ദേശ്യത്തോടെ സംസ്ഥാന  യുവജനക്ഷേമ ബോര്‍ഡ് സംഘടിപ്പിക്കുന്ന പരിപാടി സ്പീക്ക് യംഗ് - യുവത പറയുന്നു ഭാവി കേരളത്തെ കുറിച്ച് പരിപാടി സംസ്ഥാനത്തെ  140 നിയോജക മണ്ഡലങ്ങളിലും ഇന്ന്(ഫെബ്രുവരി 12) വൈകിട്ട് 4.30 ന് മുഖ്യമന്ത്രി ഓണ്‍ലൈനിലൂടെ ഉദ്ഘാടനം ചെയ്യും.  യുവജനകാര്യ വകുപ്പ് മന്ത്രി ഇ പി ജയരാജന്‍ ഓണ്‍ലൈനില്‍ അധ്യക്ഷത വഹിക്കും.  

കുളത്തൂപ്പുഴ ഹൈ ടെക് ഡയറി ഫാമിന് സമീപം നിര്‍മാണം പൂര്‍ത്തീകരിച്ച പരിശീലന കേന്ദ്രം പുതിയ കെട്ടിടത്തിന്റെ ഉദ്ഘാടനം നാളെ(ഫെബ്രുവരി 13) ഉച്ചകഴിഞ്ഞ് രണ്ടിന് മന്ത്രി കെ രാജു നിര്‍വഹിക്കും. ജില്ലാ പഞ്ചായത്ത് പ്രസിഡന്റ് സാം കെ ഡാനിയല്‍ അധ്യക്ഷനാകും. ആയൂര്‍ കളക്ടീവ് ഡയറി ഫാമിനുള്ള നാടന്‍ പശുക്കുട്ടികളുടെ വിതരണം എന്‍ കെ പ്രേമചന്ദ്രന്‍ എം പി നിര്‍വഹിക്കും.

എറണാകുളം : ഹിന്ദുസ്ഥാൻ ലിവർ കമ്പനിയുടെ പഴയ റെയിൽവേ സ്റ്റേഷൻ റോഡിലുള്ള 53.21.825 ഏക്കർ സ്ഥലം മിച്ചഭൂമിയായി സർക്കാർ ഏറ്റെടുത്തു. കണയന്നൂർ താലൂക്ക് ലാൻഡ് ബോർഡ് ചെയർമാൻ ഫോർട്ട് കൊച്ചി സബ് കളക്ടർ ഡോ. ഹാരിഷ് റഷീദിന്റെ ഉത്തരവിൻ പ്രകാരം കണയന്നൂർ തഹസീൽദാർ പി . സജി , ഭൂരേഖ തഹസിൽദാർ റാണി പി എൽദോ ഡെപ്യൂട്ടി തഹസീൽദാർമാരായ കെ എൻ ബിന്ദു , വിനോദ് , താലൂക് സർവേയർ തമ്പയ് പോൾ, എറണാകുളം  വില്ലജ് ഓഫീസർ എൽ  സിന്ധു എന്നിവരുടെ നേതൃത്വത്തിലുള്ള സംഘമാണ് ഭൂമി ഏറ്റെടുത്ത് . കേരളം ഭൂ പരിഷ്കരണ ചട്ടപ്രകാരമാണ് ഭൂമി ഏറ്റെടുത്ത്. 

എറണാകുളം : തുറമുഖ വകുപ്പിന്റെ ഹൈഡ്രോഗ്രാഫിക് സർവ്വേ വിഭാഗത്തിന്റെ അഴീക്കൽ അസിസ്റ്റന്റ് മറൈൻ സർവേയറുടെ ഓഫീസിനു അനുവദിച്ച ആധുനിക സർവ്വേ ബോട്ടിന്റെ നിർമ്മാണ ഉദ്ഘാടനം  ഫെബ്രുവരി 12 ന് 12  മണിക്ക്  തുറമുഖം മ്യുസിയം പുരാവസ്തു പുരാരേഖാ വകുപ്പ് മന്ത്രി രാമചന്ദ്രൻ കടന്നപ്പള്ളി നിർവഹിക്കും . കുണ്ടന്നൂർ വൈറ്റ് ഫോർട്ടിൽ നടക്കുന്ന പരിപാടിയിൽ എം സ്വരാജ് എം എൽ എ അധ്യക്ഷത വഹിക്കും . ഹൈബി ഈഡൻ എം പി മുഖ്യാതിഥിയായിരിക്കും .

എറണാകുളം: വിദ്യാലയങ്ങളിലൂടെ മാലിന്യങ്ങൾ തരംതിരിച്ചു ശേഖരിക്കുന്നതിന് വിദ്യാർത്ഥികളെയും സമൂഹത്തെയും പ്രോത്സാഹിപ്പിക്കുന്നതിനായി നടപ്പിലാക്കിയ കളക്ടേഴ്സ് അറ്റ് സ്കൂൾ പദ്ധതിയിൽ മികച്ച പ്രവർത്തനം കാഴ്ചവച്ച വില്ലേജ് എക്സ്ടെൻഷൻ ഉദ്യോഗസ്ഥരെ ജില്ലാ കളക്ടർ എസ്‌ സുഹാസ് ആദരിച്ചു.  ശുചിത്വമിഷന്റെ ആഭിമുഖ്യത്തിൽ കളക്ടറേറ്റ് കോൺഫറൻസ് ഹാളിൽ നടത്തിയ ചടങ്ങിൽ ഉദ്യോഗസ്ഥർക്കുള്ള അവാർഡുകൾ വിതരണം ചെയ്തു. 

കോതമംഗലം: - സർക്കാരിന്റെ ആർദ്രം പദ്ധതിയിൽ ഉൾപ്പെടുത്തി കുടുംബാരോഗ്യ കേന്ദ്രമായി ഉയർത്തിയ കീരംപാറ പഞ്ചായത്തിലെ പുന്നേക്കാട് കുടുംബാരോഗ്യ കേന്ദ്രം ഈ മാസം 17 ന് വൈകിട്ട് 3 മണിയ്ക്ക് മുഖ്യമന്ത്രി പിണറായി വിജയൻ നാടിനു സമർപ്പിക്കും. 1951 ൽ പ്രാഥമിക ആരോഗ്യ കേന്ദ്രമായി പ്രവർത്തനം ആരംഭിച്ച ഇവിടെ ദിനം പ്രതി 100 ലധികം ആളുകളാണ് ചികിത്സക്കായി എത്തുന്നത്. ആരോഗ്യ കേന്ദ്രം കുടുംബാരോഗ്യ കേന്ദ്രമായി മാറിയതോടെ അടിസ്ഥാന സൗകര്യങ്ങളിൽ വലിയ മാറ്റങ്ങളും വിപുലമായ സൗകര്യങ്ങളും ലഭ്യമാകും.നിലവിൽ 2 ഡോക്ടർ ഉള്ളിടത്ത് 3 ഡോക്ടർമാരുടെ സേവനം ലഭ്യമാകും.പുതുതായി 3 നഴ്സുമാരുടേയും സേവനം ലഭിക്കും.

എറണാകുളം: പട്ടികജാതി  വികസന  വകുപ്പിന് കീഴിൽ  ആലുവയിൽ  ആൺകുട്ടികൾക്കായി പണികഴിപ്പിച്ചിട്ടുള്ള പോസ്റ്റ്‌മെട്രിക് ഹോസ്റ്റലിന്റെ ഉദ്ഘാടനം മുഖ്യമന്ത്രി പിണറായി  വിജയൻ വീഡിയോ കോൺഫറൻസിലൂടെ നിർവഹിച്ചു. പട്ടിക ജാതി  പട്ടികവർഗ വികസന  വകുപ്പ് മന്ത്രി  എ. കെ ബാലൻ  അധ്യക്ഷനായ ചടങ്ങിൽ ധനമന്ത്രി ഡോ.തോമസ് ഐസക് മുഖ്യപ്രഭാഷണം  നടത്തി.

    കോവിഡ് മാനദണ്ഡങ്ങൾ പാലിച്ചു സംഘടിപ്പിച്ച ചടങ്ങിൽ അൻവർ സാദത്ത് എം. എൽ. എ  ശിലാഫലകം അനാച്ഛാദനം ചെയ്തു. ആലുവ മുനിസിപ്പൽ ചെയർമാൻ എം.  ഒ ജോൺ, കൗൺസിലർ സാനിയ  തോമസ്, എറണാകുളം ജില്ലാ പട്ടിക  ജാതി  വികസന  ഓഫീസർ സന്ധ്യ. കെ എന്നിവർ പ്രസംഗിച്ചു

കോതമംഗലം:- പല്ലാരിമംഗലം സ്മാർട്ട് വില്ലേജ് ഓഫീസ് ഫെബ്രുവരി 15 തിങ്കളാഴ്ച 12.30 ന് മുഖ്യമന്ത്രി പിണറായി വിജയൻ നാടിന് സമർപ്പിക്കുമെന്ന്  ആന്റണി ജോൺ എംഎൽഎ അറിയിച്ചു.

കൊച്ചി: കൊച്ചിയിലെ കായലോര ഗ്രാമങ്ങളിലെ കര്‍ഷകരില്‍ നിന്നും സംരഭിച്ച് കേരള തനിമയോടെ തയ്യാറാക്കിയ നാരന്‍ ചെമ്മീന്‍ ബിരിയാണിയും, നാടന്‍ താറാവ് മപ്പാസ്സും, കരിമീന്‍ ഫിഷ്‌മോളിയും, കക്കയിറച്ചി തോരനും നഗരവാസികള്‍ക്കിനി വീട്ടിലിരുന്ന് ആസ്വദിയ്ക്കാം. ഇതിനായി ആര്‍.റ്റി യൂണിറ്റായ ടൂറിസ്റ്റ് ഡസ്‌ക് എന്ന സ്ഥാപനം ഡിറ്റിപിസിയുടെ പ്രമോഷണല്‍ സപ്പോര്‍ട്ടോടെ  ബോട്ട്‌ജെട്ടിയുടെ കായലോരത്ത് എത്തിനിക് ഫുഡ് ടേക്ക് എവെ കൗണ്ടര്‍ ആരംഭിച്ചു.

കൊച്ചി: കേരള പ്രോസിക്യൂഷന്‍ ഡയറക്ടറേറ്റിലെ ഡെപ്യൂട്ടി ഡയറക്ടര്‍ ഓഫ് പ്രോസിക്യൂഷന്റെ ഓഫീസ് ആവശ്യത്തിനായി കരാര്‍ (ഡ്രൈവര്‍ ഉള്‍പ്പെടെ) ലഭ്യമാക്കുന്നതിന് മത്സരസ്വഭാവമുള്ള മുദ്ര വച്ച ക്വട്ടേഷനുകള്‍ ക്ഷണിക്കുന്നു