പട്ടികജാതി വികസന വകുപ്പിൻറ അധീനതയിലുള്ള മായന്നൂർ ഐടിഐയിൽ കട്ടിംഗ് ടേബിൾ, ബെഞ്ച്, ഡസ്ക് എന്നിവ റിപ്പയർ ചെയ്യുന്നതിന് ക്വട്ടേഷൻ ക്ഷണിക്കുന്നു. ക്വട്ടേഷൻ സീൽ വെച്ച കവറുകളിൽ ട്രെയിനിങ് ഇൻസ്പെക്ടർ, ഉത്തരമേഖല, പട്ടികജാതി വികസന വകുപ്പ്, ബി ബ്ലോക്ക് ആറാം നില, കോഴിക്കോട് 20 എന്ന വിലാസത്തിൽ അയക്കുകയോ നേരിട്ട് എത്തിക്കുകയോ വേണം.

കവറിന് പുറത്ത് ക്വട്ടേഷൻ നമ്പറും 'മായന്നൂർ ഐ ടി ഐ യിലെ കട്ടിംഗ് ടേബിൾ, ബെഞ്ച്,ഡസ്ക് എന്നിവ റിപ്പയർ ചെയ്യുന്നതിന് വേണ്ടിയുള്ള ക്വട്ടേഷൻ' എന്ന് വ്യക്തമായി എഴുതുകയും വേണം. കൂടുതൽ വിവരങ്ങൾക്ക് ഫോൺ:  8281853944.

ഏറനാട് ലൈൻസ് പാക്കേജ് യാഥാർത്ഥ്യമായതോടെ വടക്കൻ ജില്ലകളിലേക്കുള്ള വൈദ്യുതി പ്രസരണം സുഗമമാകുമെന്ന് മുഖ്യമന്ത്രി പിണറായി വിജയൻ. കേരള സംസ്ഥാന ഇലക്ട്രിസിറ്റി ബോർഡ് ലിമിറ്റഡിന്റെ പ്രഥമ 400 കെ വി ട്രാൻസ്മിഷൻ ലൈൻ  മാടക്കത്തറയിൽ നിന്നും അരീക്കോട്ടേക്ക് നിർമ്മിച്ചതിൻ്റെ ഉദ്ഘാടനം ഓൺലൈനായി നിർവ്വഹിക്കുകയായിരുന്നു അദ്ദേഹം.

നിലവിലുള്ള മാടക്കത്തറ-മലാപ്പറമ്പ് 220 കെ വി ലൈൻ- 220 കെ വി ഡബിൾ സർക്യൂട്ട് ആക്കി നല്ലളം വരെ നിർമ്മിച്ചതിന്റെ ഉദ്ഘാടനവും  അദ്ദേഹം നിർവ്വഹിച്ചു. 

പഞ്ചായത്ത്‌ തലത്തിൽ

കേന്ദ്രീകൃത മാലിന്യ സംസ്കരണത്തിന് സംവിധാനം ഒരുക്കുന്നത് സംബന്ധിച്ച് യോഗം ചേർന്നു. അയ്യന്തോൾ കോസ്റ്റ് ഫോർഡ് ഹാളിൽ ജില്ലാ ശുചിത്വമിഷൻ സംഘടിപ്പിച്ച യോഗം ജില്ലാ കലക്ടർ എസ് ഷാനവാസ് ഉദ്ഘാടനം ചെയ്തു.

പഞ്ചായത്ത്‌ ജനപ്രതിനിധികളും സെക്രട്ടറിമാരും മറ്റ് ഉദ്യോഗസ്ഥരും യോഗത്തിൽ പങ്കെടുത്തു.

വൈദ്യുത വിതരണ രംഗത്ത് സ്വയം പര്യാപ്തമാവുകയാണ് കേരളത്തിന്റെ ലക്ഷ്യമെന്ന് വൈദ്യുതി വകുപ്പ് മന്ത്രി എം എം മണി. ഇതിനായി ആധുനിക രീതിയിലുള്ള വിതരണ സമ്പ്രദായം വികസിപ്പിച്ചെടുക്കേണ്ടത് അത്യാവശ്യമാണെന്നും അദ്ദേഹം പറഞ്ഞു.  ചാലക്കുടി 220 കെ വി സബ് സ്റ്റേഷന്റെയും ജോലിക്കാർക്കുള്ള പാർപ്പിട സമുച്ചയത്തിന്റെയും ഉദ്ഘാടനം നിർവഹിക്കുകയായിരുന്നു മന്ത്രി.

ജില്ലയിലെ കനിവ് 108 ആംബുലൻസ് വാർഷിക പ്രസിദ്ധീകരണത്തിന് ഭാഗമായുള്ള സോവനീർ ജില്ലാ കലക്ടർ എസ് ഷാനവാസ്  പ്രകാശനം ചെയ്തു. ഡിസ്ട്രിക്ട് എമർജൻസി മാനേജ്‍മെന്റ് എക്‌സിക്യുട്ടീവ് എം ഷഹബാസ് സുവനീർ

കലക്ടർക്ക് കൈമാറി.

എളവള്ളി പഞ്ചായത്തിൽ വൈഗ ഓൺ വീൽസ് വാഹന പ്രദർശന വിപണന യൂണിറ്റിന് സ്വീകരണം.  വൈഗയുടെ അഞ്ചാം പതിപ്പായ വൈഗ അഗ്രി ഹാക്ക് 2021ൻ്റെ ഭാഗമായാണ് വിൽപ്പനശാലയും പ്രദർശനവും ഉൾക്കൊള്ളുന്ന വാഹനം പഞ്ചായത്തിലേയ്ക്ക് എത്തിച്ചേർന്നത്. പഴം-പച്ചക്കറി വിൽപ്പനശാലയും മുല്ല്യവർദ്ധിത ഉൽപ്പന്നങ്ങളുടെ പ്രദർശനവുമാണ് ഇതിൻ്റെ ഭാഗമായി നടന്നത്. എളവള്ളി ഗ്രാമ പഞ്ചായത്തിലെ പുവ്വത്തൂർ ബസ്റ്റാൻ്റിൽ എത്തിച്ചേർന്ന വാഹന പ്രദർശന വിപണന യൂണിറ്റിനെ ഗ്രാമ പഞ്ചായത്ത് ജനപ്രതിനിധികൾ സ്വീകരിച്ചു.

വിദ്യാനഗർ കേന്ദ്രീയ വിദ്യാലയ നമ്പർ-2 ൽ അധ്യാപകരുടെ ഒഴിവുണ്ട്. പി ജി ടി വിഭാഗത്തിൽ ഹിന്ദി, ഗണിതം, കെമിസ്ട്രി, ബയോളജി, ഇക്കണോമിക്സ് വിഷയങ്ങളിലും ടിജിടി വിഭാഗത്തിൽ ഹിന്ദി, ഗണിതം, സോഷ്യൽ സയൻസ് വഭാഗത്തിലും കലാവിദ്യാഭ്യാസം, പ്രൈമറി ടീച്ചർ, കമ്പ്യൂട്ടർ ഇൻസ്ട്രക്ടർ, യോഗ ഇൻസ്ട്രക്ടർ, കൗൺസിലർ, നഴ്സ്, മലയാളഭാഷാ അധ്യാപകൻ എന്നീ വിഭാഗങ്ങളിലുമാണ് ഒഴിവുകൾ. പിജിടി, ടിജിടി വഭാഗത്തിലെ ഒഴിവുകളിലേക്കുള്ള കൂടിക്കാഴ്ച ഫെബ്രുവരി 22ന് രാവിലെ 9.30നും മറ്റു വിഭാഗങ്ങളിലേക്കുള്ള കൂടിക്കാഴ്ച ഫെബ്രുവരി 23ന് രാവിലെ 9.30നും ഓഫീസിൽ നടക്കും. ഫോൺ: 04994 256788.

അഡ്ഹോക് ജില്ലാ ആസൂത്രണ സമിതി യോഗം ഫെബ്രുവരി 15 ന് വൈകീട്ട് മൂന്നിന് ജില്ലാ ആസൂത്രണ സമിതി കോൺഫറൻസ് ഹാളിൽ നടക്കും. യോഗത്തിൽ  തദ്ദേശസ്വയംഭരണ സ്ഥാപന അധ്യക്ഷന്മാരും സെക്രട്ടറിമാരും ജില്ലാതല ഉദ്യോഗസ്ഥരും പങ്കെടുക്കണം.

കേരള കളള് വ്യവസായ തൊഴിലാളി ക്ഷേമനിധിയിൽ നിന്നും പെൻഷൻ കൈപ്പറ്റുന്ന, 2020ൽ മസ്റ്ററിംഗ് പൂർത്തിയാക്കിയവരും മസ്റ്ററിംഗ് അസാധുവായി 2020ൽ ലൈഫ് സർട്ടിഫിക്കറ്റ് ഹാജരാക്കിയവരും 2021 ജനുവരി മുതലുളള പെൻഷൻ ലഭിക്കുന്നതിന് ഫെബ്രുവരി 27നകം കാഞ്ഞങ്ങാട് വെൽഫെയർ ഫണ്ട് ഇൻസ്പെക്ടറുടെ ഓഫീസിൽ ലൈഫ് സർട്ടിഫിക്കറ്റ് ലഭ്യമാക്കണം. വില്ലേജ് ഓഫീസർ, ഗസറ്റഡ് ഓഫീസർ, ജില്ലാ വെൽഫെയർ ഫണ്ട് ഇൻസ്പെക്ടർ/, അംഗീകൃത ട്രേഡ് യൂനിയൻ സെക്രട്ടറി/ യൂനിയൻ പ്രസിഡണ്ട് എന്നിവർ നൽകുന്നത് സ്വീകരിക്കും.

കയ്യൂർ വനിതാ ഖാദി കേന്ദ്രത്തിൽ നൂൽ പിഴിയുന്ന മെഷീൻ സ്ഥാപിക്കുന്നതിനും നൂൽ പിഴിയുന്ന മെഷീൻ സ്ഥാപിക്കുന്നതിനുള്ള വൈദ്യുതീകരണ പ്രവൃത്തിക്കും പ്രത്യേകം ക്വട്ടേഷനുകൾ ക്ഷണിച്ചു.

ഫോം ഫെബ്രുവരി 16ന് വൈകീട്ട് മൂന്നു വരെ നീലേശ്വരം ബ്ലോക്ക് പഞ്ചായത്ത് വ്യവസായ വികസന ഓഫീസിൽ ലഭിക്കും. ഫെബ്രുവരി 23ന് വൈകീട്ട് മൂന്ന് വരെ ക്വട്ടേഷൻ സ്വീകരിക്കും.