കെല്‍ട്രോണ്‍ നടത്തുന്ന ടെലിവിഷന്‍ ജേണലിസം കോഴ്സിന്റെ പുതിയ ബാച്ചിലേക്ക് അപേക്ഷകള്‍ ക്ഷണിച്ചു. ഏതെങ്കിലും വിഷയത്തില്‍ ബിരുദമാണ് യോഗ്യത. പ്രായ പരിധി 30 വയസ്സ്. മാധ്യമ സ്ഥാപനങ്ങളില്‍ പരിശീലനം, ഇന്റേണ്‍ഷിപ്, പ്ലേസ്മെന്റ് സഹായം എന്നിവ പഠനസമയത്ത് നിബന്ധനകള്‍ക്ക് വിധേയമായി ലഭിക്കും. പ്രിന്റ് ജേണലിസം, ഓണ്‍ലൈന്‍ ജേണലിസം, മൊബൈല്‍ ജേണലിസം എന്നിവയിലും പരിശീലനം ലഭിക്കും. അവസാന തീയതി ഫെബ്രുവരി 28. കൂടുതല്‍ വിവരങ്ങള്‍ക്ക് 8137969292, 6238840883.

നാലാം തരം, ഏഴാം തരം തുല്യതാ കോഴ്സുകളിലേക്ക് രജിസ്ട്രേഷന്‍ ആരംഭിച്ചു.  നാലാം തരം തുല്യതയ്ക്ക് ചേരുന്നതിന് സാക്ഷരതാപരീക്ഷ ജയിച്ചവര്‍ക്കും 1,2,3,4 ക്ലാസ്സുകളില്‍ പരാജയപ്പെട്ടവര്‍ക്കും അപേക്ഷിക്കാം. ആറു മാസമാണ് കോഴ്സിന്റെ കാലയളവ്. ഏഴാം തരം തുല്യതയ്ക്ക് നാലാം തരം വിജയിച്ചിരിക്കണം. 5,6,7 ക്ലാസ്സുകളില്‍ പരാജയപ്പെട്ടവര്‍ക്കും അപേക്ഷിക്കാം. അപേക്ഷകര്‍ 15 വയസ്സ് പൂര്‍ത്തിയായവര്‍ ആയിരിക്കണം. ഉയര്‍ന്ന പ്രായപരിധിയില്ല. കൂടുതല്‍ വിവരങ്ങള്‍ക്ക് അടുത്തുള്ള തുടര്‍/വികസന വിദ്യാകേന്ദ്രങ്ങളിലെ പ്രേരക്മാരെ സമീപിക്കുക. ഫോണ്‍: 9496877913, 9495408198

എം.ബി.എ പ്രവേശനത്തിനുളള കെ-മാറ്റ്, സി-മാറ്റ് പ്രവേശന പരീക്ഷകള്‍ക്ക് വേണ്ടി തയ്യാറെടുക്കുന്ന വിദ്യാര്‍ത്ഥികള്‍ക്കായി കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റില്‍ (കിക്മ) രണ്ടാഴ്ചത്തെ സൗജന്യ പരിശീലന പരിപാടി സംഘടിപ്പിക്കുന്നു. ഓണ്‍ലൈനിലൂടെയാകും ക്ലാസ് നടക്കുക. ആദ്യം അപേക്ഷിക്കുന്ന 250 വിദ്യാര്‍ത്ഥികള്‍ക്കാണ് അവസരം. താത്പര്യമുള്ളവര്‍ http://bit.ly/kmatmockregistration എന്ന ലിങ്ക് വഴിയോ 8547618290 എന്ന ഫോണ്‍ നമ്പര്‍ വഴിയോ പേര് രജിസ്റ്റര്‍ ചെയ്യണം.

ജില്ലാ ലീഗല്‍ സര്‍വീസ് അതോറിറ്റിയില്‍ ഫ്രണ്ട് ഓഫീസ് കോ ഓര്‍ഡിനേറ്റര്‍ തസ്തികയില്‍ കരാര്‍ അടിസ്ഥാനത്തില്‍ നിയമനം നടത്തുന്നതിന് അപേക്ഷ ക്ഷണിച്ചു. അംഗീകൃത സര്‍വകലാശാലയില്‍ നിന്നും സോഷ്യല്‍ വര്‍ക്കില്‍ മാസ്റ്റേഴ്സ് ബിരുദവും കംപ്യൂട്ടര്‍ ആപ്ലിക്കേഷനില്‍ ബിരുദമോ ഡിപ്ലോമയോ ഉള്ളവര്‍ക്കും അപേക്ഷിക്കാം. തെരഞ്ഞെടുക്കപ്പെടുന്നവര്‍ക്ക് പ്രതിമാസം 23,000 രൂപ പ്രതിഫലം ലഭിക്കും. താത്പര്യമുള്ളവര്‍ വെള്ള പേപ്പറില്‍ തയ്യാറാക്കിയ അപേക്ഷ, ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പ്, ഫോട്ടോ എന്നിവ സഹിതം ഫെബ്രുവരി 28ന് മുന്‍പ് സമര്‍പ്പിക്കണം.

വര്‍ക്കല നഗരത്തിലെ ഗതാഗത കുരുക്കിന് ശ്വാശ്വത പരിഹാരമേകാന്‍, വര്‍ക്കല ബൈപാസ് ഉടന്‍ യാഥാര്‍ഥ്യമാകും.  ബൈപാസിനായി ഭൂമി അളന്നു തിരിക്കുന്നതിന്റെ കല്ലിടല്‍ കര്‍മം വി. ജോയി എം. എല്‍. എ നിര്‍വഹിച്ചു. ബൈപാസ് യാഥാര്‍ത്ഥ്യമാകുന്നതോടെ വര്‍ക്കല നിവാസികളുടെ ചിരകാല അഭിലാഷം യാഥാര്‍ത്ഥ്യമാകുമെന്ന് എം.എല്‍.എ പറഞ്ഞു.  പുതിയ അലൈന്‍മെന്റ് പ്രകാരം അഞ്ചര ഏക്കര്‍ ഭൂമിയാണ് ബൈപ്പാസിനായി നിശ്ചയിച്ചിരിക്കുന്നത്.  പൊതുമരാമത്ത് വകുപ്പ് തയ്യാറാക്കിയ സ്‌കെച്ചിന് മുന്‍സിപ്പാലിറ്റിയുടെ അംഗീകാരം ലഭിച്ചുകഴിഞ്ഞു. ബൈപ്പാസിന്റെ പ്രാഥമിക ചെലവുകള്‍ക്കായി അഞ്ചരക്കോടി രൂപ ഉടന്‍ ലഭിക്കുമെന്നും എം.എല്‍.എ പറഞ്ഞു.

സ്ത്രീകള്‍ക്ക് ഗുണനിലവാരവും സുരക്ഷിതത്വവുമുള്ള താമസസൗകര്യമൊരുക്കാന്‍ മേനംകുളത്ത് നിര്‍മിക്കുന്ന 'സ്റ്റുഡിയോ അപ്പാര്‍ട്ട്മെന്റിന്റെ ശിലാസ്ഥാപനം നാളെ (ഫെബ്രുവരി 13) ഉച്ചയ്ക്ക് 1.30 ന് തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും.  സംസ്ഥാന സര്‍ക്കാരിന്റെ തൊഴിലും നൈപുണ്യവും വകുപ്പിന്റെ കീഴില്‍ പ്രവര്‍ത്തിക്കുന്ന പൊതുമേഖലാ സ്ഥാപനമായ ഭവനം ഫൗണ്ടേഷന്‍ കേരളയ്ക്കാണ് അപ്പാര്‍ട്ട്മെന്റിന്റെ നിര്‍മാണച്ചുമതല.  കിന്‍ഫ്ര അപ്പാരല്‍ പാര്‍ക്കില്‍ നടക്കുന്ന ചടങ്ങില്‍ ഡെപ്യൂട്ടി സ്പീക്കര്‍ വി. ശശി അധ്യക്ഷത വഹിക്കും.

പാറശാല നിയോജക മണ്ഡലത്തിലെ രണ്ടു സ്മാര്‍ട്ട് വില്ലേജ് ഓഫീസ് സമുച്ചയങ്ങളുടെ ഉദ്ഘാടനം ഇന്ന് (12 ഫെബ്രുവരി ) വൈകിട്ട് റവന്യൂ വകുപ്പ് മന്ത്രി ഇ. ചന്ദ്രശേഖരന്‍ നിര്‍വഹിക്കും. സംസ്ഥാന സര്‍ക്കാരിന്റെ സ്മാര്‍ട്ട് വില്ലേജ് പദ്ധതിയിലുള്‍പ്പെടുത്തി 44 ലക്ഷം രൂപ ചെലവിട്ട് നിര്‍മിച്ച കുന്നത്തുകാല്‍ വില്ലേജ് ഓഫീസിന്റെ ഉദ്ഘാടനം വൈകിട്ട് 3.30 നും സി കെ ഹരീന്ദ്രന്‍ എം.എല്‍.എയുടെ നിയോജകമണ്ഡലം ആസ്തി വികസന ഫണ്ടില്‍ നിന്നും 55 ലക്ഷം രൂപ ചെലവിട്ട് നിര്‍മിച്ച കീഴാറൂര്‍ വില്ലേജ് ഓഫീസിന്റെ ഉദ്ഘാടനം വൈകിട്ട് 4.30 നും നടക്കും.

**മന്ത്രി ടി പി രാമകൃഷ്ണന്‍ ഉദ്ഘാടനം ചെയ്യും

*സംസ്ഥാന പോലീസ് മേധാവിയും ജില്ലാ കളക്ടറും വാക്‌സിന്‍ സ്വീകരിച്ചു

കോവിഡ് 19 മുന്‍നിര പോരാളികള്‍ക്കുള്ള വാക്‌സിന്‍ വിതരണം ജില്ലയില്‍ ആരംഭിച്ചു. സംസ്ഥാന പോലീസ് മേധാവി ലോക് നാഥ് ബെഹ്‌റ, ജില്ലാ കളക്ടര്‍ ഡോ. നവജ്യോത് ഖോസ എന്നിവര്‍ വാക്‌സിന്‍ സ്വീകരിച്ചുകൊണ്ട് വിതരണത്തിനു തുടക്കമിട്ടു. നിയമസഭാ തെരഞ്ഞെടുപ്പ് ആസന്നമായതിനാല്‍ എത്രയും വേഗം പോലീസുകാര്‍ക്കുള്ള വാക്‌സിനേഷന്‍ പൂര്‍ത്തിയാക്കുമെന്നും വാക്‌സിന്‍ എടുത്തതോടെ തന്റെ ആത്മവിശ്വാസം വര്‍ധിച്ചതായും പൊലിസ് മേധാവി പറഞ്ഞു.

തൃശൂർ മധ്യമേഖലാ ഡിഐജി ഓഫീസിലെ ഔദ്യോഗിക വാഹനങ്ങൾക്ക് പുതിയ ടയറുകൾ വിതരണം ചെയ്യാൻ താല്പര്യമുള്ള സ്ഥാപനങ്ങളിൽ നിന്നും മുദ്രവച്ച ക്വട്ടേഷനുകൾ ക്ഷണിക്കുന്നു. മാരുതി സിയസ് കാറിന് നാല് ടയറുകൾ വീതവും ബജാജ് സി ടി 100 ബൈക്കിന് രണ്ട് ടയറുകൾ വീതവുമാണ് വിതരണം ചെയ്യേണ്ടത്.

ക്വട്ടേഷനുകൾ ഫെബ്രുവരി 16ന് വൈകീട്ട് മൂന്നു മണിക്ക് മുമ്പായി നൽകണം. വൈകീട്ട് നാലുമണിക്ക് ക്വട്ടേഷനുകൾ നൽകിയവരുടെ സാന്നിധ്യത്തിൽ