പാലുല്‍പ്പാദനത്തില്‍ സംസ്ഥാനം സ്വയംപര്യാപ്തത കൈവരിച്ചതില്‍ തദ്ദേശസ്വയംഭരണ സ്ഥാപനങ്ങളുടെ പങ്ക് നിര്‍ണായകമാണെന്ന്  ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ.

കേരള നിയമസഭയുടെ ഭാഗമായ സഭാ ടിവി തയ്യാറാക്കിയ പ്രത്യേക പരിപാടി 'സഭയും സമൂഹവും' വിവിധ ചാനലുകളിൽ ഫെബ്രുവരി 14 മുതൽ 20 വരെ സംപ്രേഷണം ചെയ്യുന്ന സമയക്രമം പ്രസിദ്ധീകരിച്ചു. 14-ാംകേരള നിയമസഭയുടെ സമാപനത്തിന്റെ രണ്ടാം ഭാഗമാണ് സംപ്രേഷണം ചെയ്യുന്നത്.

സ്‌കോൾ കേരള തിരഞ്ഞെടുക്കപ്പെട്ട സ്‌കൂളുകളിൽ നടത്തുന്ന ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ  കോഴ്സിന് 27 വരെയും 60 രൂപ പിഴയോടെ മാർച്ച് ആറ് വരെ രജിസ്റ്റർ ചെയ്യാം.
പി.എൻ.എക്സ്. 776/2021

ഫെബ്രുവരിയിൽ നടക്കുന്ന ഡി.എൽ.എഡ് (അറബിക്, ഉറുദു, സംസ്‌കൃതം, ഹിന്ദി) ഒന്നാം സെമസ്റ്റർ പരീക്ഷയുടെ പുതുക്കിയ സമയക്രമം  keralapareekshabhavan.in ൽ പ്രസിദ്ധീകരിച്ചു.
പി.എൻ.എക്സ്. 775/2021

*എക്സൈസ് മന്ത്രി ഇന്ന് (ഫെബ്രുവരി 13) ഉദ്ഘാടനം ചെയ്യും
വിമുക്തി മിഷൻ വിദ്യാർത്ഥികളിലും യുവാക്കളിലും ലഹരിക്കെതിരെ നടത്തുന്ന ബോധവൽക്കരണ പ്രവർത്തനങ്ങളുടെ ഭാഗമായി എറണാകുളം എക്സൈസ് കോംപ്ലക്സിൽ 3 ഡി ഡിജിറ്റൽ തീയറ്റർ സംവിധാനം സജ്ജീകരിച്ചു. ഒരേ സമയം 75 പേർക്ക് ചലച്ചിത്രങ്ങൾ കാണാവുന്ന വിധത്തിലാണ് തീയറ്റർ ഒരുക്കിയിരിക്കുന്നത്. ലഹരിക്കെതിരായ ബോധവൽക്കരണ ചിത്രങ്ങളാണ് പ്രദർശിപ്പിക്കുക. തീയറ്ററിന്റെ ഉദ്ഘാടനം ഇന്ന് (ഫെബ്രുവരി 13) വൈകിട്ട് മൂന്നിന് എക്സൈസ് മന്ത്രി ടി.പി.രാമകൃഷ്ണൻ നിർവ്വഹിക്കും. ചടങ്ങിൽ ലഹരിക്കെതിരെയുളള സംഗീത ആൽബത്തിന്റെ  പ്രകാശനവും നടക്കും.

*ഇ-റേഷൻ കാർഡ് പൈലറ്റ് പദ്ധതി ഉദ്ഘാടനം ചെയ്തു
സംസ്ഥാനത്തെ പൊതുവിതരണ സംവിധാനം സുതാര്യമാക്കിയെന്ന് ഭക്ഷ്യ മന്ത്രി പി.തിലോത്തമൻ പറഞ്ഞു. ഇ-റേഷൻ കാർഡ് പൈലറ്റ് പദ്ധതി ഉദ്ഘാടനം ചെയ്യുകയായിരുന്നു അദ്ദേഹം. അഴിമതിയോട് വിട്ടുവീഴ്ചയില്ലാത്ത നിലപാടാണ് സർക്കാർ സ്വീകരിച്ചത്. ഭക്ഷ്യധാന്യങ്ങൾ അളവിൽ കുറയാതെ ജനങ്ങളിലെത്തിക്കാനാണ് ശ്രമിച്ചത്. കോവിഡ് കാലം മുതൽ ഇരട്ടിയിലധികം ഭക്ഷ്യ സാധനങ്ങളാണ് റേഷൻ കടകളിലൂടെ വിതരണം ചെയ്യുന്നത്. എല്ലാ റേഷൻ കടകളിലും വൈവിധ്യവത്കരണം നടപ്പാക്കുമെന്നും മന്ത്രി പറഞ്ഞു.

കാസര്‍കോട് വനം ഡിവിഷനു കീഴിലെ കാസര്‍കോട് റെയിഞ്ചിലെ കശുമാവിന്‍ തോട്ടങ്ങളില്‍ നിന്നും കശുവണ്ടി ശേഖരിക്കുന്നതിനുള്ള അവകാശം ഫെബ്രുവരി 22 ന് രാവിലെ 11.30 ന് കാസര്‍കോട് റെയിഞ്ച് ഓഫീസില്‍ ലേലം ചെയ്യും. ഫോണ്‍: 04994 225072