കുന്നത്തൂര്‍  മണ്ഡലത്തിലെ  മൈനാഗപ്പള്ളി, കാരാളിമുക്ക്, ശാസ്താംകോട്ട, എന്നിവിടങ്ങളിലെ മാവേലിസ്റ്റോറുകള്‍ സപ്ലൈകോ സൂപ്പര്‍മാര്‍ക്കറ്റുകളായി.  ഇതിന്റെ പ്രവര്‍ത്തനോദ്ഘാടനം ഭക്ഷ്യ  പൊതുവിതരണവകുപ്പ് മന്ത്രി പി   തിലോത്തമന്‍  ഓണ്‍ലൈനായി നിര്‍വഹിച്ചു.

  ഹൈടെക് ഡയറി ഫാം വികസനത്തിന്റെ ഭാഗമായി ക്ഷീര കര്‍ഷകര്‍ക്ക് കന്നുകാലി വളര്‍ത്തലില്‍ പരിശീലനം നല്‍കുന്നതിനായി കുളത്തൂപ്പുഴയില്‍ പുതിയ പരിശീലന കേന്ദ്രം പൂര്‍ത്തിയായി. കെട്ടിടത്തിന്റെ ഉദ്ഘാടനം വനം-വന്യജീവി, ക്ഷീര വികസന വകുപ്പ് മന്ത്രി കെ രാജു ഓണ്‍ലൈനായി നിര്‍വഹിച്ചു.

തൊഴിലില്ലാത്ത അഭ്യസ്തവിദ്യര്‍ നിരവധി കടന്നുവരുന്ന മേഖലയായി മത്സ്യകൃഷി മാറിയെന്ന് ഫിഷറീസ് ഹാര്‍ബര്‍ എഞ്ചിനീയറിംഗ് വകുപ്പ് മന്ത്രി ജെ മേഴ്‌സിക്കുട്ടിയമ്മ പറഞ്ഞു.  ബ്രൂഡ് ബാങ്ക് ആന്‍ഡ് വിത്തുല്പാദന യൂണിറ്റ് പദ്ധതി ഉദ്ഘാടനംആയിരം തെങ്ങില്‍ നിര്‍വഹിക്കുകയായിരുന്നു മന്ത്രി .ചടങ്ങില്‍ ആര്‍ രാമചന്ദ്രന്‍ എംഎല്‍എ അധ്യക്ഷത വഹിച്ചു. തദ്ദേശസ്ഥാപനങ്ങള്‍ മത്സ്യകൃഷിക്ക് പദ്ധതി യിനത്തില്‍ കൂടുതല്‍ തുക വകയിരുത്തണമെന്നും മന്ത്രി അഭ്യര്‍ത്ഥിച്ചു.

  ശുദ്ധജല മത്സ്യ വിത്തുല്‍പ്പാദനത്തില്‍ സ്വയംപര്യാപ്തമാകാന്‍ ഒരുങ്ങി ജില്ല, കുളത്തൂപ്പുഴ നെടുവണ്ണൂര്‍കടവിലെ മത്സ്യ വിത്തുല്പാദന കേന്ദ്രത്തിന്റെ രണ്ടാംഘട്ട പൂര്‍ത്തീകരണ ഉദ്ഘാടനവും നൈല്‍ തിലാപ്പിയ ഹാച്ചറിയുടെ നിര്‍മാണോദ്ഘാടനവും ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ ഓണ്‍ലൈനായി നിര്‍വഹിച്ചു.

ആര്യങ്കാവ് ഗ്രാമപഞ്ചായത്തിലെ കഴുതുരുട്ടി സപ്ലൈകോ സൂപ്പര്‍ മാര്‍ക്കറ്റ് നാടിന് സമര്‍പ്പിച്ചു. വിപുലമായ സൗകര്യങ്ങളോടെ പുതിയ കെട്ടിടത്തില്‍ ആരംഭിച്ച സൂപ്പര്‍മാര്‍ക്കറ്റിന്റെ പ്രവര്‍ത്തനോദ്ഘാടനം ഭക്ഷ്യ പൊതുവിതരണ വകുപ്പ് മന്ത്രി  പി തിലോത്തമന്‍ നിര്‍വഹിച്ചു.

ജില്ലാ ആസൂത്രണ സമിതി യോഗം  ഗൂഗിള്‍ മീറ്റ് വഴി ചേര്‍ന്നു. 12 തദ്ദേശ സ്വയംഭരണ സ്ഥാപനങ്ങളുടെ 2020-21 സാമ്പത്തിക വര്‍ഷത്തെ പദ്ധതി ഭേദഗതികള്‍ക്ക് യോഗത്തില്‍  അംഗീകാരം നല്‍കി.

ജില്ലാ ആസൂത്രണ സമിതി യോഗം  ഗൂഗിള്‍ മീറ്റ് വഴി ചേര്‍ന്നു. 12 തദ്ദേശ സ്വയംഭരണ സ്ഥാപനങ്ങളുടെ 2020-21 സാമ്പത്തിക വര്‍ഷത്തെ പദ്ധതി ഭേദഗതികള്‍ക്ക് യോഗത്തില്‍  അംഗീകാരം നല്‍കി.

ജില്ലാ ആസൂത്രണ സമിതി യോഗം  ഗൂഗിള്‍ മീറ്റ് വഴി ചേര്‍ന്നു. 12 തദ്ദേശ സ്വയംഭരണ സ്ഥാപനങ്ങളുടെ 2020-21 സാമ്പത്തിക വര്‍ഷത്തെ പദ്ധതി ഭേദഗതികള്‍ക്ക് യോഗത്തില്‍  അംഗീകാരം നല്‍കി.
ടേക്ക് എ ബ്രേക്ക് പദ്ധതിയുമായി ബന്ധപ്പെട്ട് നടപ്പാക്കുന്ന പദ്ധതികള്‍ സമയബന്ധിതമായി പൂര്‍ത്തീകരിക്കുന്നതിനുള്ള നടപടികള്‍ വേഗത്തിലാക്കാന്‍ ജില്ലാ ആസൂത്രണ കമ്മീഷന്‍ ചെയര്‍പേഴ്‌സണ്‍ സാം കെ ഡാനിയേല്‍  ഉദ്യോഗസ്ഥര്‍ക്ക് നിര്‍ദേശം നല്‍കി.

2021 വര്‍ഷത്തേക്ക് ഗ്രൂപ്പ് പേഴ്‌സണല്‍ ആക്‌സിഡന്റ് ഇന്‍ഷ്വറന്‍സ് പദ്ധതി പ്രീമിയം ഒടുക്കുന്നതിനുള്ള സമയപരിധി സര്‍ക്കാര്‍ ദീര്‍ഘിപ്പിച്ചു. 2020 നവംബര്‍ മാസത്തെ ശമ്പള ബില്ലിനോടൊപ്പം പ്രീമിയം തുക ഒടുക്കുവാന്‍ കഴിയാതിരുന്ന 2020 ഡിസംബര്‍ 31 നകം സര്‍വീസില്‍ പ്രവേശിച്ചവര്‍ക്ക് 2021 ഫെബ്രുവരി മാസത്തെ ശമ്പള ബില്ലിനോടൊപ്പം 2021 മാര്‍ച്ച് 31 വരെ പ്രീമിയം തുക ഒടുക്കി പദ്ധതിയില്‍ അംഗമാകാം. 8658-102-88-സസ്‌പെന്‍സ് അക്കൗണ്ട്-ജിപിഎഐഎസ് ഫണ്ട് എന്ന ശീര്‍ഷകത്തിലാണ് തുക ഒടുക്കേണ്ടത്. 2021 ജനുവരി മുതല്‍ സര്‍വീസില്‍ പ്രവേശിക്കുന്ന പുതിയ ജീവനക്കാരെ 2021 ലെ പദ്ധതിയില്‍ ഉള്‍പ്പെടുത്തില്ല.

കരകൗശല വിദഗ്ധരെ ആദരിക്കുന്നതിന് സര്‍ക്കാര്‍ നടപ്പിലാക്കിയിട്ടുള്ള സംസ്ഥാന കരകൗശല അവാര്‍ഡിന് അപേക്ഷിക്കാം. ദാരു, ലോഹ ശില്പങ്ങള്‍ പ്രകൃതിദത്ത നാരുകള്‍, ചൂരല്‍, മുള, ചിരട്ട തുടങ്ങിയവയിലുള്ള ശില്പ നിര്‍മാണം, ചരട്, നാട, കസവ് ഇവ ഉപയോഗിച്ചുള്ള ചിത്രത്തുന്നല്‍ എന്നിവയെല്ലാം അവാര്‍ഡിനായി പരിഗണിക്കും. മാര്‍ച്ച് 10 നകം അപേക്ഷിക്കണം. അപേക്ഷാ മാതൃകയും വിശദ വിവരങ്ങളും അതത് താലൂക്ക് വ്യവാസയ ഓഫീസുകളില്‍ ലഭിക്കും. ഫോണ്‍: 0474-2748394.
(പി.ആര്‍.കെ നമ്പര്‍.398/2021)