കേരള പുനർനിർമാണത്തിന്റെ ഭാഗമായി ലോകബാങ്ക് സഹായത്തോടെ സംസ്ഥാനത്ത് നടപ്പാക്കാനുദ്ദേശിക്കുന്ന റെസിലിയന്റ് കേരള പ്രോഗ്രാം ഫോർ റിസൽട്ട് (PfR)പരിപാടിയുടെ മുന്നൊരുക്കത്തിന്റെ ഭാഗമായി തയാറാക്കിയ പാരിസ്ഥിതിക, സാമൂഹിക സംവിധാനങ്ങളുടെ വിലയിരുത്തൽ (ESSA) സംബന്ധിച്ചകരട് റിപ്പോർട്ട് പ്രസിദ്ധപ്പെടുത്തി. കരട് റിപ്പോർട്ടിന്റെ മൂന്നു ഭാഗങ്ങളും സംക്ഷിപ്ത റിപ്പോർട്ടിന്റെ മലയാള പരിഭാഷയും www.kerala.gov.in, www.rebuild.kerala.gov.in എന്നീ വെബ് സൈറ്റുകളിൽ ലഭിക്കും.

ഗവ.കോളേജ് തലശ്ശേരി, ചൊക്ലിയിൽ കമ്പ്യൂട്ടർ സയൻസ് വിഷയത്തിൽ ഗസ്റ്റ് അധ്യാപകരെ നിയമിക്കുന്നു. എം.എസ്.സി. കമ്പ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്റലിജൻസ് കോഴ്സിലേക്കാണ് നിയമനം. ബന്ധപ്പെട്ട വിഷയത്തിൽ (എം.എസ്.സി.കമ്പ്യൂട്ടർ സയൻസ്) ബിരുദാനന്തര ബിരുദവും നെറ്റ്/പി.എച്ച്.ഡിയും ആണ് യോഗ്യത. നെറ്റ് ഉള്ളവരുടെ അഭാവത്തിൽ ബിരുദാനന്തര ബിരുദത്തിൽ 55 ശതമാനം മാർക്കുള്ളവരെയും പരിഗണിക്കും.

    കേരള വനഗവേഷണ സ്ഥാപനത്തിൽ വിവിധ സമയബന്ധിത ഗവേഷണ പദ്ധതികളിലേക്ക് പ്രോജക്ട് അസിസ്റ്റന്റ്, പ്രോജക്ട് ഫെല്ലോ, ജൂനിയർ റിസർച്ച് ഫെല്ലോ എന്നീ തസ്തികകളിൽ താൽക്കാലിക നിയമനത്തിനായി ഓൺലൈൻ അപേക്ഷ ക്ഷണിച്ചു. വിശദവിവരങ്ങൾക്ക് www.kfri.res.in സന്ദർശിക്കുക.
പി.എൻ.എക്സ്. 824/2021

*മ്യൂസിയം സജ്ജീകരണ ഉദ്ഘാടനം നാളെ (ഫെബ്രുവരി 17)നടക്കും
സംസ്ഥാന ആർക്കൈവ്സ് വകുപ്പിന്റെ അപൂർവ്വ താളിയോല ശേഖരങ്ങൾക്കായി മ്യൂസിയം ഒരുങ്ങുന്നു. രാജ്യത്തെ ആദ്യ താളിയോല രേഖ മ്യൂസിയം തലസ്ഥാനത്ത് സെൻട്രൽ ആർക്കൈവ്സ് വകുപ്പ് ആസ്ഥാനത്താണ് സജ്ജീകരിക്കുന്നത്. ആർക്കൈവ്സ് വകുപ്പിന്റെ ശേഖരത്തിലുള്ള ഒരു കോടിയിൽപ്പരം താളിയോലകളുടെ സംരക്ഷണത്തിനായാണ് മ്യൂസിയം സജ്ജമാക്കുന്നത്. 14-ാം നൂറ്റാണ്ടു മുതലുള്ള രേഖകൾ ഇതിൽ ഉൾപ്പെടുന്നു.

തിരുവനന്തപുരം യൂണിവേഴ്‌സിറ്റി എംപ്‌ളോയ്‌മെന്റ് ഇൻഫർമേഷൻ ആന്റ് ഗൈഡൻസ് ബ്യൂറോ യുജിസി നെറ്റ്/ ജെ.ആർ.എഫ് ഹ്യുമാനിറ്റീസ് വിഷയങ്ങളുടെ ജനറൽ പേപ്പറിന് ഓൺലൈൻ പരിശീലന ക്ലാസ് സംഘടിപ്പിക്കുന്നു. താത്പര്യമുള്ളവർ തിരുവനന്തപുരം പി.എം.ജി സ്റ്റുഡൻസ് സെന്ററിൽ പ്രവർത്തിക്കുന്ന ഗൈഡൻസ് ബ്യൂറോയുമായി ബന്ധപ്പെടുക. ഫോൺ: 0471-2304577.
പി.എൻ.എക്സ്. 820/2021

കേരള സർക്കാർ സ്ഥാപനമായ ഐ.എച്ച്.ആർ.ഡിയുടെ തിരുവനന്തപുരത്തെ മോഡൽ ഫിനിഷിങ് സ്‌കൂളിൽ എം.ടെക് മെക്കാനിക്കൽ ബിരുദധാരികളിൽ നിന്നും കരാറടിസ്ഥാനത്തിൽ അധ്യാപകരുടെ പാനൽ തയ്യാറാക്കുന്നതിലേക്ക് അപേക്ഷ ക്ഷണിച്ചു.
താൽപര്യമുള്ളവർ ബയോഡേറ്റ, സർട്ടിഫിക്കറ്റുകളുടെ അസൽ പകർപ്പുകൾ എന്നിവ സഹിതം ഓഫീസർ ഇൻ ചാർജ്, മോഡൽ ഫിനിഷിങ് സ്‌കൂൾ, സയൻസ് ആന്റ് ടെക്‌നോളജി മ്യൂസിയം ക്യാമ്പസ്, പി.എം.ജി ജംഗ്ഷൻ, തിരുവനന്തപുരം-695 033ന് മുൻപാകെ 20ന് രാവിലെ 10.30ന് നേരിട്ട് ഹാജരാകണം. ഫോൺ: 0471-2307733, 8547005050.
പി.എൻ.എക്സ്. 819/2021

സംസ്ഥാനത്തെ എല്ലാ സർക്കാർ ഓഫീസുകളിലും നാപ്കിൻ വെൻഡിംഗ് മെഷീനും ഇൻസിനറേറ്ററും സ്ഥാപിക്കുന്നതിനാവശ്യമായ നിർദേശം നൽകിയതായി ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു. സ്ത്രീ സൗഹൃദ തൊഴിൽ അന്തരീക്ഷം ഉറപ്പാക്കുന്നതിന്റെ ആദ്യപടിയായി പ്രധാനപ്പെട്ടതും കൂടുതൽ സ്ത്രീ ജീവനക്കാർ ജോലി ചെയ്യുന്നതുമായ വിവിധ വകുപ്പുകളുടെ കാര്യാലയങ്ങളിലാണ് സാനിറ്ററി നാപ്കിൻ വെൻഡിംഗ് മെഷീനും എല്ലാ ടോയ്‌ലെറ്റുകളിലും ഇൻസിനറേറ്ററുകളും സ്ഥാപിക്കാൻ നിർദേശം നൽകിയത്. അതത് വകുപ്പുകളുടെ ജെൻഡർ ബഡ്ജറ്റിൽ നിന്നും തുക വിനിയോഗിച്ചായിരിക്കും ഇവ സ്ഥാപിക്കുകയെന്നും മന്ത്രി വ്യക്തമാക്കി.

കെൽട്രോണിന്റെ കൊല്ലത്തുള്ള നോളജ് സെന്ററിൽ വിവിധ തൊഴിലധിഷ്ഠിത കോഴ്സുകളിലേയ്ക്കുള്ള അപേക്ഷ ക്ഷണിച്ചു. ഒരു വർഷം കാലാവധിയുള്ള അഡ്വാൻസ്ഡ് ഡിപ്ലോമ ഇൻ ഡിജിറ്റൽ മീഡിയ ഡിസൈനിംഗ് ആന്റ് ആനിമേഷൻ ഫിലിം മേക്കിംഗ്, പ്രൊഫഷണൽ ഡിപ്ലോമ ഇൻ ലോജിസ്റ്റിക്സ് ആന്റ് സപ്ലേ ചെയിൻ മാനേജ്മെന്റ്, പ്രൊഫഷണൽ ഡിപ്ലോമ ഇൻ റീടെയിൽ ആന്റ് ലോജിസ്റ്റിക്സ് മാനേജ്മെന്റ്, മൂന്ന് മാസം കാലാവധിയുള്ള സർട്ടിഫിക്കറ്റ് കോഴ്സ് ഇൻ അഡ്വാൻസ്ഡ് ഗ്രാഫിക്സ് ഡിസൈനിംഗ്, സർട്ടിഫിക്കറ്റ് കോഴ്സ് ഇൻ ഗ്രാഫിക്സ് ആന്റ് വിഷ്വൽ ഇഫക്ട്സ് എന്നിവയാണ് കോഴ്സുകൾ.