കാസര്‍കോട് ബ്ലോക്ക് പഞ്ചായത്ത് വികസന സെമിനാര്‍ ഫെബ്രുവരി 16 ന് രാവിലെ 11 നും ബഡ്ജറ്റ് യോഗം ഫെബ്രുവരി 18ന് രാവിലെ 11 നും കാസര്‍കോട് ബ്ലോക്ക് പഞ്ചായത്ത് ഹാളില്‍ നടക്കും.

മരംവെട്ടിച്ചാല്‍ - കാരപ്പുറം - നെല്ലിക്കുത്ത് - മുണ്ട റോഡില്‍ നവീകരണ പ്രവൃത്തികള്‍ നടക്കുന്നതിനാല്‍ മാര്‍ച്ച് മൂന്ന് വരെ റോഡിലൂടെയുളള  വാഹന  ഗതാഗതം പൂര്‍ണമായും   നിരോധിച്ചു. കാരപ്പുറം - നെല്ലിക്കുത്ത് - മുണ്ട - റോഡിലൂടെയുളള വാഹനങ്ങള്‍  മരംവെട്ടിച്ചാല്‍ - താളിപ്പാടം - നെല്ലിക്കുത്ത്  വഴി തിരിഞ്ഞു പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

മഞ്ചേശ്വരം മൃഗാശുപത്രിയുടെ പുതിയ കെട്ടിടത്തിന്റെ  ഉദ്ഘാടനം ഫെബ്രുവരി 17ന് ഉച്ച മൂന്നിന് മൃഗസംരക്ഷണ വകുപ്പ് മന്ത്രി അഡ്വ. കെ രാജു നിര്‍വ്വഹിക്കും. എം സി ഖമറുദ്ദീന്‍ എം എല്‍ എ അധ്യക്ഷനാകും. റവന്യു വകുപ്പ് മന്ത്രി ഇ ചന്ദ്രശേഖരന്‍, രാജ്‌മോഹന്‍ ഉണ്ണിത്താന്‍ എം പി, ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്‍ എന്നിവര്‍ മുഖ്യാതിഥികളാകും.

പെരിന്തല്‍മണ്ണ ഗവ. പോളിടെക്‌നിക്  കോളജില്‍  സിവില്‍,     ഇലക്‌ട്രോണിക്‌സ് വിഭാഗങ്ങളില്‍  ഗസ്റ്റ് ഡമോണ്‍സ്‌ട്രേറ്റര്‍മാരെ  നിയമിക്കുന്നു.  ബന്ധപ്പെട്ട എഞ്ചിനീയറിങ് ട്രേഡുകളില്‍ ഡിപ്ലോമ യോഗ്യതയുളള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും പകര്‍പ്പും സഹിതം ഫെബ്രുവരി 18ന് രാവിലെ 10ന് പോളിടെക്‌നിക്ക് കോളജില്‍ ഹാജരാകണം. ഫോണ്‍ 04933- 227253.
 

ഭിന്നശേഷിക്കാരുടെ ആശാ കേന്ദ്രമായി തിരൂരങ്ങാടി താലൂക്കാശുപത്രിയില്‍ ഡിസ്ട്രിക് എര്‍ളി ഇന്റര്‍വെന്‍ഷന്‍ സെന്റര്‍ ( ഡി.ഇ.ഐ.സി ) ആരംഭിച്ചു. സെന്ററിന്റെ ഉദ്ഘാടനം ആരോഗ്യ വകുപ്പ് മന്ത്രി കെ.കെ ശൈലജ ഓണ്‍ലൈനായി നിര്‍വഹിച്ചു. ചടങ്ങില്‍ അധ്യക്ഷനായി പി.കെ അബ്ദുറബ് എം.എല്‍.എ ശിലാഫലകം അനാച്ഛാദനം ചെയ്തു.

അരിമ്പ്ര ഗവ. വി.എച്ച്.എസ് സ്‌കൂളില്‍ സംഘടിപ്പിച്ച എന്‍.എസ്.എസ് ദ്വിദിന വെര്‍ച്വല്‍ ക്യാമ്പ് 'ഉണര്‍വ്' സമാപിച്ചു. ഓണ്‍ലൈനായി നടത്തിയ ക്യാമ്പില്‍ ഒന്നാം വര്‍ഷം വിദ്യാര്‍ഥികളും  കുടുംബാംഗങ്ങളും പങ്കെടുത്തു. കുട്ടികളുടെ വ്യക്തിത്വ വികാസത്തിനും സാമൂഹിക ബോധം വര്‍ധിപ്പിക്കുന്നതിനുമുള്ള വിവിധ സെഷനുകള്‍ ക്യാമ്പിന്റെ ഭാഗമായി നടത്തി. പാഴ് വസ്തുകള്‍ കൊണ്ടുളള കരകൗശല വസ്തുകളുടെ നിര്‍മാണ പരിശീലനം നല്‍കി. ഹെല്‍ത്ത് ഇന്‍സ്‌പെക്ടര്‍ ശാന്തിഭൂഷണ്‍ കോവിഡ് ബോധവത്കരണ ക്ലാസ് നടത്തി. സ്‌കൂള്‍ പ്രിന്‍സിപ്പല്‍ കെ.കെ ജഹ്ഫര്‍, അധ്യാപിക എം. ഐശ്വര്യ എന്നിവര്‍ സംസാരിച്ചു. വളണ്ടിയര്‍ ക്യാപ്റ്റന്‍ സി.

   രാഷ്ട്രീയ ഗ്രാമ സ്വരാജ് അഭിയാന്‍ പദ്ധതി പ്രകാരം ജില്ലാ ആസൂത്രണ സമിതി സെക്രട്ടറിയേറ്റിലേക്ക് ഐ.ടി വിദഗ്ദ്ധന്‍ (ഒരൊഴിവ്), ഡാറ്റാ എന്‍ട്രി ഓപ്പറേറ്റര്‍ (ഒരൊഴിവ്) എന്നിവരെ തെരഞ്ഞെടുക്കുന്നതതിനായുളള  കൂടിക്കാഴ്ച ഫെബ്രുവരി 20 ന് രാവിലെ 10  ന് ജില്ലാ പ്ലാനിംഗ് ഓഫീസില്‍ നടക്കും.  ഐ.ടി വിദഗ്ദ്ധന് ബി.ടെക്/ഡിപ്ലോമ ഇന്‍ ഐ.ടി/കമ്പ്യൂട്ടര്‍ സയന്‍സും രണ്ട് വര്‍ഷത്തെ പ്രവൃത്തി പരിചയവും, ഡാറ്റാ എന്‍ട്രി ഓപ്പറേറ്റര്‍ക്ക് ഡി.സി.എ (മലയാളം, ഇംഗ്ലീഷ്, ആന്റ് ഡാറ്റാ എന്‍ട്രി) യും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത.  

ഹരിത കേരളം മിഷന്റെ 'ഇനി ഞാന്‍ ഒഴുകട്ടെ' പദ്ധതിയുടെ മൂന്നാം ഘട്ടത്തിന് ജില്ലയില്‍ തുടക്കമായി. ജില്ലാതല ഉദ്ഘാടനം ഹരിത കേരളം മിഷന്‍       എക്‌സിക്യൂട്ടീവ് ചെയര്‍പേഴ്‌സണ്‍ ഡോ.ടി.എന്‍ സീമ ടീച്ചര്‍ ഓണ്‍ലൈനിലൂടെ നിര്‍വഹിച്ചു. താഴെക്കോട് പഞ്ചായത്തിലെ പള്ളിപ്പടി തോടിന്റെ ശുചീകരണത്തോടെ ആരംഭിച്ച ചടങ്ങില്‍ പഞ്ചായത്ത് പ്രസിഡന്റ് സോഫിയ ടീച്ചര്‍ അധ്യക്ഷയായി. പെരിന്തല്‍മണ്ണ ബ്ലോക്ക് പഞ്ചായത്ത് പ്രസിഡന്റ് കെ.കെ മുസ്തഫ മുഖ്യപ്രഭാഷണം നടത്തി. ഹരിതകേരളം മിഷന്‍ ജില്ലാ കോ-ഓര്‍ഡിനേറ്റര്‍ ജിതിന്‍ ടി.വി.എസ് വിഷയാവതരണം നടത്തി.