അഡ്ഹോക് ജില്ലാ ആസൂത്രണസമിതി യോഗം ഫെബ്രുവരി 18ന് വൈകീട്ട് നാലിന് ജില്ലാ ആസൂത്രണസമിതി കോൺഫറൻസ് ഹാളിൽ നടക്കും.

കേരള ബീഡി ചുരുട്ട് തൊഴിലാളി ക്ഷേമനിധി ബോർഡിൽ പേര് രജിസ്റ്റർ ചെയ്തവരുടെ മക്കൾക്കും ആശ്രിതർക്കും  കിലെയുടെ കീഴിലുള്ള സിവിൽ സർവ്വീസ് അക്കാദമിയിൽ ഒഴിവുള്ള സീറ്റുകളിലേക്ക് അപേക്ഷിക്കാം. ഫോൺ: 0471 2479966, 9497059782

നീലേശ്വരം നഗരസഭയുടെ 2021-22 വർഷത്തെ പദ്ധതി രൂപീകരണ വികസന സെമിനാർ എം.രാജഗോപാലൻ എം.എൽ.എ ഉദ്ഘാടനം ചെയ്തു. നഗരസഭാ ചെയർപേഴ്സൺ ടി.വി. ശാന്ത അധ്യക്ഷത വഹിച്ചു. വൈസ് ചെയർമാൻ പി.പി. മുഹമ്മദ്റാഫി, സ്ഥിരംസമിതി ചെയർമാൻമാരായ പി. സുഭാഷ്, ടി.പി. ലത, കെ.പി.രവീന്ദ്രൻ, ദാക്ഷായണി കുഞ്ഞിക്കണ്ണൻ, കൗൺസിലർമാരായ പി. ഭാർഗവി, റഫീക് കോട്ടപ്പുറം, ഷംസുദ്ദീൻ അരിഞ്ചിറ, ടി. അബൂബക്കർ, ആസൂത്രണസമിതി വൈസ് ചെയർമാൻ ടി.വി. ദാമോദരൻ എന്നിവർ സംസാരിച്ചു.

കാസർകോട്  റെയിഞ്ചിലെ പരപ്പ സെക്ഷനിൽ 1957 തേക്ക് പ്ലാന്റേഷനിലെ (40.62 ഹെക്ടർ) 5166 പലജാതി മൃദു മരങ്ങൾ മുറിച്ചു നീക്കം ചെയ്യുന്നതിനുള്ള അവകാശം ഫെബ്രുവരി 19ന് എം.എസ്.ടി.സി മുഖേന ഇ-ടെൻഡർ  ചെയ്ത് വിൽക്കും.  ഏതെങ്കിലും കാരണവശാൽ ഫ്രെബ്രുവരി 19ന് ലേലം നടക്കാതെ വന്നാൽ  ഫെബ്രുവരി 25ന് ലേലം നടത്തും. എം.എസ്.ടി.സിയിൽ ലേലത്തിനായി രജിസ്റ്റർ ചെയ്ത വ്യക്തികൾക്ക് ലേലത്തിൽ പങ്കെടുക്കാം.  കൂടുതൽ വിവരങ്ങൾ www.mstcecommerce.com  ൽ ലഭിക്കും. ഫോൺ: 04994 256119

മഞ്ചേശ്വരം ബ്ലോക്ക് പഞ്ചായത്ത് പരിധിയിലെ എൻമകജെ, മീഞ്ച, പുത്തിഗെ, പൈവളികെ പഞ്ചായത്തുകളിൽ  മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ ഭാഗമായി  ജി.ഐ.എസ് സർവ്വേ നടത്തുന്നതിന് എന്യൂമറേറ്ററെ നിയമിക്കുന്നു. ബിരുദം/സാങ്കേതിക വിഷയത്തിലുള്ള ഡിപ്ലോമ മറ്റു സാങ്കേതിക പരിജ്ഞാനമുള്ളവർക്ക് അപേക്ഷിക്കാം. അപേക്ഷകൾ മഞ്ചേശ്വരം ബ്ലോക്ക് പഞ്ചായത്ത് ഓഫീസിലോ എൻമകജെ, മീഞ്ച, പുത്തിഗെ, പൈവളികെ പഞ്ചായത്ത് ഓഫീസിലെ തൊഴിലുറപ്പ് വിഭാഗത്തിലോ ഫെബ്രുവരി 19നകം  ലഭിക്കണം. ഫോൺ: 9995945565, 9605805116, 9995575044, 9895410559, 8943638971

കാസർകോട് മുളിയാർ ഗ്രാമത്തിലെ ഇരിയണ്ണിയിലെ വാടക ക്വാർട്ടേഴ്സിൽ താമസിക്കുന്ന എൽ.കെ. മനീഷിനെ 2019 ജൂൺ 29 മുതൽ കാണാനില്ലെന്ന് ഭാര്യ ആദൂർ പോലീസ് സ്റ്റേഷനിൽ പരാതി നൽകി. വെളുത്തനിറം, 170 സെൻറി മീറ്റർ ഉയരം. കാണാതാവുമ്പോൾ 35 വയസ്സ് പ്രായം. വിവരം ലഭിക്കുന്നവർ ആദൂർ പോലീസിൽ 04994 260024, 9497980913, 9497987219 എന്നീ നമ്പറുകളിലോ siadhurpsksd.pol@kerala.gov.in  എന്ന ഇ-മെയിൽ വിലാസത്തിലോ അറിയിക്കുക

ആർദ്രം പദ്ധതിയുടെ ഭാഗമായി ദേലംപാടി പഞ്ചായത്തിലെ അഡൂർ പ്രാഥമികാരോഗ്യ കേന്ദ്രത്തിൽ ഡോക്ടർ, സ്റ്റാഫ് നേഴ്‌സ്, ഫാർമിസ്റ്റ് എന്നീ തസ്തികകളിൽ ജീവനക്കാരെ നിയമിക്കുന്നു. കൂടിക്കാഴ്ച ഫെബ്രുവരി 19 ന് വൈകീട്ട് മൂന്നിന് അഡൂർ പ്രാഥമീകരാരോഗ്യ കേന്ദ്രത്തിൽ നടക്കും. ഫോൺ: 04994 271266

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോർഡിൽ അംഗങ്ങളായവരുടെ മക്കൾക്ക് 2020-21 വർഷത്തെ വിദ്യാഭ്യാസ ആനുകുല്യത്തിന് അപേക്ഷിക്കാനുള്ള തീയ്യതി ഫെബ്രുവരി 28  വരെ നീട്ടി.  ഫോൺ:  0497 2970272.