മങ്കട സി.എച്ച്.സിയില്‍ എം.എല്‍.എയുടെ ആസ്തി വികസന പദ്ധതിയില്‍ നിര്‍മിച്ച പുതിയ കെട്ടിടത്തിന്റെ ഉദ്ഘാടനം ഇന്ന് (ഫെബ്രുവരി 18)  ടി.എ. അഹമ്മദ് കബീര്‍ എം.എല്‍.എ നിര്‍വഹിക്കും. ബ്ലോക്ക് പഞ്ചായത്ത് പ്രസിഡന്റ് ടി.എ. കരീം അധ്യക്ഷനാകും.മങ്കട മണ്ഡലത്തില്‍ കിടത്തി ചികിത്സയുള്ള ഏക ആശുപത്രിയായ മങ്കട കമ്മ്യൂണിറ്റി ഹെല്‍ത്ത് സെന്ററില്‍ പുതിയ വികസന പദ്ധതികള്‍ നടപ്പാക്കുന്നതിന്റെ ഭാഗമായാണ് കെട്ടിടം നിര്‍മിച്ചിരിക്കുന്നത്. ടി.എ. അഹമ്മദ് കബീര്‍ എം.എല്‍.എ യുടെ ആസ്തി വികസന ഫണ്ടില്‍ നിന്നും ഒരു കോടി രൂപ ചെലവിലാണ് കെട്ടിട നിര്‍മാണം പൂര്‍ത്തീകരിച്ചത്.

ജില്ലയിലെ ആദ്യത്തെ 'നാനോ മാര്‍ക്കറ്റ്' മക്കരപ്പറമ്പ സപ്ലൈക്കോ സൂപ്പര്‍ മാര്‍ക്കറ്റില്‍ പ്രവര്‍ത്തനമാരംഭിച്ചു. കുടുംബശ്രീ യൂനിറ്റുകളില്‍ ഉത്പാദിപ്പിക്കുന്ന ഉത്പ്പന്നങ്ങള്‍ ഇനി സപ്ലൈകോയുടെ സൂപ്പര്‍മാര്‍ക്കറ്റ്, പ്യൂപ്പിള്‍സ് ബസാര്‍, ഹൈപ്പര്‍മാര്‍ക്കറ്റ് എന്നിവിടങ്ങളില്‍ ലഭ്യമാകും. നാനോ മാര്‍ക്കറ്റിന്റെ ഉദ്ഘാടനം  മക്കരപ്പറമ്പ് ഗ്രാമപഞ്ചായത്ത് പ്രസിഡന്റ് ചോലക്കല്‍ കോയ നിര്‍വഹിച്ചു.  തറയില്‍ ചെറിയ മുസ്തഫ ആദ്യ ഉപഭോക്താവായി.
 

ഒതളൂര്‍ ഗവ.യു.പി സ്‌കൂളില്‍ നിര്‍മിച്ച പുതിയ കെട്ടിടം സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു. ലോകത്തിലെവിടെയുമുള്ള വിദ്യാലയങ്ങളോട്  കിടപിടിക്കുന്ന ശേഷിയും സൗകര്യവുമുള്ള വിദ്യാലയമായി ജി.എല്‍.പി സ്‌കൂള്‍ മാറി കൊണ്ടിരിക്കുകയാണെന്നും ഘട്ടം ഘട്ടമായി വികസനം യാഥാര്‍ത്ഥ്യമാവുകയാണെന്നും സ്പീക്കര്‍ പറഞ്ഞു.

ഹാര്‍ബര്‍ എഞ്ചിനീയറിങ് വകുപ്പില്‍ നിന്ന് അനുവദിച്ച 64 ലക്ഷം രൂപ വിനിയോഗിച്ച് നിര്‍മിച്ച നിറമരുതൂര്‍ പഞ്ചായത്തിലെ പുതിയകടപ്പുറം-ഒട്ടുംപുറം-കാളാട് ജുമാമസ്ജിദ് റോഡ്  വി.അബ്ദുറഹ്‌മാന്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് പി.പി സൈതലവി അധ്യക്ഷനായി. വൈസ് പ്രസിഡന്റ് സജി മോള്‍, താനൂര്‍ ബ്ലോക്ക് പഞ്ചായത്തംഗം കെ.പ്രേമ, ആരോഗ്യ വിദ്യാഭ്യാസ സ്ഥിരം സമിതി ചെയര്‍മാന്‍ കെ.ടി ശശി, നിറമരുതൂര്‍ പഞ്ചായത്തംഗം സഹദുള്ള, ബാപ്പു എന്നിവര്‍ സംസാരിച്ചു.

സംസ്ഥാന സര്‍ക്കാര്‍ കഴിഞ്ഞ നാലര വര്‍ഷത്തിനിടെ കൈവരിച്ച നേട്ടങ്ങള്‍ അനാവരണം ചെയ്ത് ഇന്‍ഫര്‍മേഷന്‍ ആന്‍ഡ് പബ്ലിക്ക് റിലേഷന്‍ വകുപ്പ് 'മുന്നേറുന്ന മലപ്പുറം' എന്ന പേരില്‍ നടത്തുന്ന ഫോട്ടോ, വീഡിയോ പ്രദര്‍ശനം ഇന്നും നാളെയും ( ഫെബ്രുവരി 18, 19) പെരിന്തല്‍മണ്ണയില്‍ നടക്കും. പെരിന്തല്‍മണ്ണ നഗരസഭ ടൗണ്‍ സ്‌ക്വയറില്‍ നടക്കുന്ന പ്രദര്‍ശനം ഇന്ന് (ഫെബ്രുവരി 18) രാവിലെ 10ന് വൈസ് ചെയര്‍പേഴ്‌സണ്‍ എ. നസീറ ഉദ്ഘാടനം ചെയ്യും. സര്‍ക്കാരിന്റെ ജനക്ഷേമകരമായ പ്രവര്‍ത്തനങ്ങളും വികസനപദ്ധതികളും കോര്‍ത്തിണക്കിയ തെരഞ്ഞെടുത്ത 120 ചിത്രങ്ങളും 20 ലധികം ചെറുവീഡിയോകളുമാണ് പ്രദര്‍ശിപ്പിക്കുന്നത്.

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി  നിര്‍മാണം പൂര്‍ത്തിയാക്കിയ ജില്ലയിലെ ഒന്‍പത് സ്‌കൂളുകളുടെ ഹൈടെക് കെട്ടിടങ്ങള്‍ മുഖ്യമന്ത്രി പിണറായി വിജയന്‍ ഇന്ന് (ഫെബ്രുവരി 18) രാവിലെ 10ന് ഉദ്ഘാടനം ചെയ്യും. പൊതുവിദ്യാഭ്യസ വകുപ്പ് മന്ത്രി സി.രവീന്ദ്രനാഥ് അധ്യക്ഷനാകും. അഞ്ച് കോടി രൂപ ചെലവില്‍ നിര്‍മാണം പൂര്‍ത്തിയാക്കിയ പെരിന്തല്‍മണ്ണ ജി.എം.എച്ച്.എസ്.എസ്, കുഴിമണ്ണ ജി.എച്ച്.എസ്.എസ്,  പേരശ്ശന്നൂര്‍ ജി.എച്ച്.എസ്.എസ്, മൂന്നു കോടി രൂപ ചെലവില്‍ നിര്‍മാണം പൂര്‍ത്തിയാക്കിയ കരുവാരക്കുണ്ട് ജി.എച്ച്.എസ്.എസ്, തിരുവാലി        ജി. എച്ച്.എസ്.