തിരുവിതാംകൂർ ദേവസ്വം ബോർഡിലെ പ്യൂൺ തസ്തികയിലേക്കുള്ള (കാറ്റഗറി നമ്പർ: 01/2019) പരീക്ഷ 28 ന്  ഉച്ചയ്ക്ക് 1.30 മുതൽ 3.15 വരെ തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂർ ജില്ലകളിലെ വിവിധ കേന്ദ്രങ്ങളിൽ നടക്കും. അഡ്മിഷൻ ടിക്കറ്റ് പ്രൊഫൈലിൽ നിന്ന് ഡൗൺലോഡ് ചെയ്യാം.

സ്റ്റാഫ് സെലക്ഷൻ കമ്മീഷൻ നടത്തുന്ന മൾട്ടി ടാസ്‌കിംഗ് (നോൺ-ടെക്നിക്കൽ) സ്റ്റാഫ് (എം.ടി.എസ്) പരീക്ഷയ്ക്ക് അപേക്ഷ ക്ഷണിച്ചു. മാർച്ച് 21 വരെ https://ssc.nic.in ൽ ഓൺലൈനായി അപേക്ഷിക്കാം. ജൂലൈ ഒന്ന് മുതൽ 20 വരെയാണ്  കമ്പ്യൂട്ടർ അധിഷ്ഠിത പരീക്ഷ നടക്കുക. വിശദവിവരങ്ങൾക്ക്: https://ssc.nic.in, www.ssckkr.kar.nic.in.
പി.എൻ.എക്സ്. 904/2021

* സമ്മേളനോദ്ഘാടനം മുഖ്യമന്ത്രി ഓൺലൈനായി നിർവഹിക്കും
 ഈ വർഷത്തെ പഞ്ചായത്ത് ദിനാഘോഷ പരിപാടികളുടെ ഉദ്ഘാടനം ഇന്ന് (19ന്) രാവിലെ പത്തിന് മുഖ്യമന്ത്രി പിണറായി വിജയൻ ഓൺലൈനായി നിർവഹിക്കും. കോവളം കേരള ആർട്സ് & ക്രാഫ്റ്റ്സ് വില്ലേജിൽ നടക്കുന്ന സമ്മേളനത്തിൽ തദ്ദേശസ്വയംഭരണ വകുപ്പ് മന്ത്രി എ.സി. മൊയ്തീൻ അധ്യക്ഷത വഹിക്കും.  പ്രതിപക്ഷ നേതാവ് രമേശ് ചെന്നിത്തല മുഖ്യ പ്രഭാഷണം നടത്തും. ധനകാര്യ വകുപ്പ് മന്ത്രി ഡോ. തോമസ് ഐസക്ക്, ഡോ. ശശി തരൂർ എം.പി, എം. വിൻസന്റ് എം.എൽ.എ.,  മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.

പൊതുവിദ്യാലയങ്ങളെ സംരക്ഷിക്കുന്ന സമീപനമാണ് സർക്കാർ സ്വീകരിച്ചതെന്ന് മുഖ്യമന്ത്രി പിണറായി വിജയൻ പറഞ്ഞു. മികവിന്റെ കേന്ദ്രങ്ങളായ 198 പൊതുവിദ്യാലയങ്ങൾ നാടിന് സമർപ്പിക്കുകയായിരുന്നു അദ്ദേഹം.
മുന്നോട്ടു പോകാൻ ബുദ്ധിമുട്ടുള്ള പത്ത് എയ്ഡഡ് സ്‌കൂളുകളാണ് സർക്കാർ കഴിഞ്ഞ ദിവസം ഏറ്റെടുക്കാൻ തീരുമാനിച്ചത്. പൂട്ടാൻ തീരുമാനിച്ചിരുന്ന നാലു സ്‌കൂളുകളാണ് ഈ സർക്കാർ അധികാരത്തിൽ വന്നപ്പോൾ ഏറ്റെടുത്തത്. എയ്ഡഡ് മേഖലയായാലും സർക്കാർ മേഖലയായാലും സ്‌കൂളുകൾ അടച്ചുപൂട്ടേണ്ടതല്ലെന്നും സംരക്ഷിക്കപ്പെടേണ്ടതാണെന്നുമുള്ള നിലപാടാണ് സർക്കാർ സ്വീകരിച്ചത്.

നാദാപുരം സബ് രജിസ്ട്രാര്‍ ഓഫീസ് പുതിയ കെട്ടിടം രജിസ്‌ട്രേഷന്‍ - പൊതുമരാമത്ത് വകുപ്പ് മന്ത്രി ജി. സുധാകരന്‍ വീഡിയോ കോണ്‍ഫറന്‍സിലൂടെ നാടിന് സമര്‍പ്പിച്ചു .
ജനങ്ങള്‍ക്ക് വേണ്ടിയാണ് സബ് രജിസ്ട്രാര്‍ ഓഫീസ് പ്രവര്‍ത്തിക്കുന്നത്. അവരുടെ ആവശ്യങ്ങള്‍ മാനുഷിക പരിഗണനയോടെ ചെയ്തു കൊടുക്കേണ്ടത് ഉദ്യോഗസ്ഥരുടെ കടമയാണ. അവരുടെ പണമുപയോഗിച്ചാണ് നാം പ്രവര്‍ത്തിക്കുന്നത. അവരുടെ സഹകരണമില്ലെങ്കില്‍ രജിസ്‌ട്രേഷന്‍ ഓഫീസുകള്‍ ഉണ്ടാവില്ലെന്നോര്‍ക്കണമെന്നും മന്ത്രി പറഞ്ഞു.

എലത്തൂര്‍ നിയോജക മണ്ഡലത്തിലെ ചേളന്നൂരില്‍ ഹോമിയോ ആശുപത്രി കെട്ടിട നിര്‍മ്മാണത്തിന്  നാല് കോടി രൂപയുടെ ഭരണാനുമതി ലഭിച്ചതായി ഗതാഗത മന്ത്രി എ. കെ ശശീന്ദ്രൻ അറിയിച്ചു. ഹോമിയോപ്പതി വകുപ്പ് സീതാലയം പ്രൊജക്ടില്‍ ഉള്‍പ്പെടുത്തിയുള്ള സമഗ്ര ചികില്‍സാ കേന്ദ്രമാക്കി ചേളന്നൂര്‍ ഹോമിയോ ആശുപത്രിയെ മാറ്റാനാണ് ഉദ്ദേശിക്കുന്നത്. ആധുനിക സൗകര്യങ്ങളോട് കൂടിയ ബഹുനില കെട്ടിടമാണ് ആശുപത്രിയ്ക്കായി നിര്‍മ്മിക്കുക. സാങ്കേതിക അനുമതി ലഭ്യമാക്കി ടെന്‍ഡര്‍ നടപടികള്‍ പൂര്‍ത്തീകരിച്ച് എത്രയും വേഗത്തില്‍ പ്രവൃത്തി ആരംഭിക്കാന്‍ ബന്ധപ്പെട്ട ഉദ്യോഗസ്ഥര്‍ക്ക് മന്ത്രി നിര്‍ദ്ദേശം നല്‍കി.

പദ്ധതി വഴി നെൽകൃഷിക്ക് വലിയതോതിൽ പ്രയോജനം ലഭിക്കും - മന്ത്രി കെ കൃഷ്ണൻ കുട്ടി 

മലമ്പുഴ എം.എല്‍.എ വി.എസ്.അച്യുതാനന്ദന്റെ ആസ്തി വികസന പദ്ധതിയില്‍ ഉള്‍പ്പെടുത്തി പുതുപ്പരിയാരം ഗ്രാമപഞ്ചായത്തിലെ മുട്ടിക്കുളങ്ങര - വള്ളിക്കോട് കനാല്‍ റോഡ് ആന്റ് സ്ലാബ് കോണ്‍ക്രിറ്റിംഗ് പ്രവൃത്തിക്കായി 50 ലക്ഷം രൂപയുടെ ഭരണാനുമതി നല്‍കി ജില്ലാ കലക്ടര്‍ മൃണ്‍മയി ജോഷി ഉത്തരവിട്ടു.