ആലപ്പുഴ: സംസ്ഥാനത്തെ എല്ലാ പഞ്ചായത്തുകളിലും നഗരസഭകളിലും കയര്‍ ആന്‍ഡ് ക്രാഫ്റ്റ് സ്റ്റോറുകള്‍ സ്ഥാപിക്കുമെന്ന് ധനകാര്യ കയര്‍ വകുപ്പ് മന്ത്രി ഡോ.റ്റി.എം. തോമസ് ഐസക് പറഞ്ഞു.  
കുടുംബശ്രീയും കയര്‍ഫെഡും സംയുക്തമായി ആരംഭിച്ച ജില്ലയിലെ കയര്‍ ആന്റ് ക്രാഫ്റ്റ് സ്റ്റോറിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി. സംസ്ഥാനത്തുടനീളം ആയിരം സ്റ്റോറുകള്‍ ആരംഭിക്കും. കയര്‍ ഫെഡ് പുരോഗതിയുടെ പാതയിലാണ്. കയറിന്റെ സംഭരണം നിലിവില്‍ അഞ്ചുമടങ് വര്‍ദ്ധിച്ചിട്ടുണ്ട്. അടുത്തവര്‍ഷത്തോടെ ഇത് പത്തുമടങ്ങാകുമെന്നും മന്ത്രി പറഞ്ഞു.

ആലപ്പുഴ: ഓച്ചിറ ക്ഷീര പരിശീലന കേന്ദ്രത്തില്‍ ഫെബ്രുവരി 23ന് രാവിലെ 11 മുതല്‍ 12വരെ ഗൂഗിള്‍ മീറ്റ് മുഖേന ശുദ്ധമായ പാലുത്പാദനം എന്ന വിഷയത്തില്‍ ഓണ്‍ലൈനായി പരിശീലനം നടത്തും. ഓണ്‍ലൈന്‍ പരിശീലനത്തില്‍ പങ്കെടുക്കാന്‍ താല്‍പര്യമുള്ളവര്‍ക്ക് ഫെബ്രുവരി 22 വരെയുള്ള പ്രവൃത്തി ദിവസങ്ങളില്‍ ഫോണ്‍ വഴി രജിസ്റ്റര്‍ ചെയ്യണം. രജിസ്റ്റര്‍ ചെയ്യുമ്പോള്‍ വാട്സാപ്പുള്ള  നമ്പര്‍ കൂടി നല്‍കണം. ഫോണ്‍: 0476-2698550.

ആലപ്പുഴ: ഭൂരഹിത- ഭവന രഹിത/ ഭവന രഹിത മത്സ്യതൊഴിലാളി കുടുംബങ്ങളില്‍ ഓണ്‍ലൈന്‍ മുഖേന അപേക്ഷ സമര്‍പ്പിക്കാന്‍ കഴിയാതെ പോയ മത്സ്യതൊഴിലാളികള്‍ക്ക് ലൈഫ് മിഷന്‍ പദ്ധതിയില്‍ ഉള്‍പ്പെടുത്തുന്നതിനായി വീണ്ടും അപേക്ഷ സമര്‍പ്പിക്കാന്‍ ഫെബ്രുവരി 20 വരെ അവസരം ഉണ്ടായിരിക്കുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

സംസ്ഥാനത്തെ സർക്കാർ/എയ്ഡഡ് ഹോമിയോപ്പതിക് മെഡിക്കൽ കോളേജുകളിലെ ഒന്നാം വർഷ ബി.എച്ച്.എം.എസ് ക്ലാസുകൾ മാർച്ച് ഒന്നിന് തുടങ്ങും. കോവിഡ് നെഗറ്റീവാണെന്നുള്ള ആർ.ടി.പി.സി.ആർ സർട്ടിഫിക്കറ്റുകളുമായി പ്രവേശനം ലഭിച്ച കോളേജുകളിൽ വിദ്യാർത്ഥികൾ രാവിലെ പത്തിന് ഹാജരാകണം.
പി.എൻ.എക്സ്. 921/2021

ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആന്റ് ടാക്സേഷനിൽ സ്പ്ലിറ്റ് എയർ കണ്ടീഷണറുകൾ (10) വാങ്ങുന്നതിനായി മുദ്രവച്ച ദർഘാസുകൾ ക്ഷണിച്ചു. 26 ന് വൈകിട്ട് മൂന്നു വരെ ദർഘാസുകൾ നൽകാം. വിശദവിവരങ്ങൾക്ക്: www.gift.res.in.
പി.എൻ.എക്സ്. 920/2021