ഇന്ന് ആലപ്പുഴ ജില്ലയിൽ 251 പേർക്ക് കോവിഡ് സ്ഥിരീകരിച്ചു .4പേർ വിദേശത്തു നിന്നും  1പേർ മറ്റ് സംസ്ഥാനങ്ങളിൽ നിന്നും എത്തിയതാണ് .ആരോഗ്യപ്രവർത്തകരിൽ ഒരാൾക്ക് രോഗം സ്ഥിരീകരിച്ചിട്ടുണ്ട് . 243പേർക്ക് സമ്പർക്കത്തിലൂടെയാണ് രോഗം ബാധിച്ചത്   .2പേരുടെ  സമ്പർക്ക ഉറവിടം വ്യക്തമല്ല.429പേരുടെ പരിശോധനാഫലം നെഗറ്റീവായി. ആകെ 70701പേർ രോഗ മുക്തരായി.4499പേർ ചികിത്സയിൽ ഉണ്ട്.

ആലപ്പുഴ : കുട്ടനാട് മേഖലയിലെ നെൽകൃഷിക്ക് കരുത്തേകാൻ കുട്ടനാട് റൈസ് പാർക്കിലൂടെ സാധ്യമാകുമെന്ന് വ്യവസായ വകുപ്പ് മന്ത്രി ഇ.പി ജയരാജൻ പറഞ്ഞു. കിൻഫ്രയുടെ നേതൃത്വത്തിൽ ചെങ്ങന്നൂർ മുളക്കുഴ പ്രഭുറാം മിൽസിന്റെ ഭൂമിയിൽ നിർമ്മാണം ആരംഭിക്കുന്ന കുട്ടനാട് റൈസ് പാർക്കിന്റെ നിർമ്മാണോദ്ഘാടനവും,  പ്രഭുറാം മിൽസിൽ സ്ഥാപിച്ച പുതിയ ഓട്ടോ കോണർ മെഷീനിന്റെ  സ്വിച്ചോൺ കർമ്മവും ഓൺലൈനായി  നിർവഹിക്കുകയായിരുന്നു അദ്ദേഹം.

ആലപ്പുഴ : രണ്ടാം വിള പുഞ്ച നെല്ല് സംഭരണവുമായി ബന്ധപ്പെട്ട കർഷക രജിസ്‌ട്രേഷൻ ഈ മാസം (ഫെബ്രുവരി)  28 വൈകിട്ട് അഞ്ച് വരെ നീട്ടിയതായി സപ്ലൈക്കോ അറിയിച്ചു. രജിസ്റ്റർ ചെയ്യാത്ത കർഷകർ www.supplycopaddy.in എന്ന വെബ്സൈറ്റിൽ 28 വൈകിട്ട് അഞ്ചുമണിക്ക് മുമ്പായി രജിസ്റ്റർ ചെയ്യണം. രജിസ്റ്റർ ചെയ്യാത്ത കർഷകരുടെ നെല്ല് സംഭരിക്കുന്നതല്ലെന്ന് പാഡി മാര്‍ക്കറ്റിങ് ഓഫീസര്‍ അറിയിച്ചു. 

ആലപ്പുഴ: നൂതന സാങ്കേതിക വിദ്യയുടെ സഹായത്താൽ കയർ അനുബന്ധ മേഖലകളുടെ  സുസ്ഥിര വികസനവും വൈവിധ്യവൽക്കരണവും വേഗത്തിലാക്കുമെന്ന് ധന - കയർ വകുപ്പ് മന്ത്രി ടി എം തോമസ് ഐസക്ക്. കയർ രംഗത്തെ നൂതന സാങ്കേതിക വിദ്യകളും ഉൽപ്പന്നങ്ങളും എന്ന വിഷയത്തില്‍ കയര്‍ കേരള വേദിയില്‍ നടന്ന വെർച്വൽ സെമിനാറിൽ പങ്കെടുത്ത് സംസാരിക്കുകയായിരുന്നു മന്ത്രി.  ഉൽപന്ന വൈവിധ്യവത്കരണത്തിനു പ്രാമുഖ്യം നൽകുന്ന ഗവേഷണ പ്രവർത്തനങ്ങളാണ് നടക്കേണ്ടത്.  ഗവേഷണങ്ങൾക്ക് എല്ലാ പിന്തുണയും പ്രോത്സാഹനവും സർക്കാർ നൽകുമെന്നും അത്തരത്തിലുള്ള ഗവേഷണങ്ങൾ എൻ.സി.ആർ.എം. ഐ ഏകോപിപ്പിക്കണമെന്നും  മന്ത്രി വ്യക്തമാക്കി.

കിഫ്ബി വഴി 132 കോടി രൂപ അനുവദിച്ച പദ്ധതിയില്‍ 102 കോടി രൂപയാണു കെട്ടിട നിര്‍മാണത്തിനായി മാറ്റിവച്ചിരിക്കുന്നത്. ബാക്കി തുക ഉപകരണങ്ങള്‍ വാങ്ങുന്നതിനും മറ്റുമായി ചെലവഴിക്കും. അത്യാഹിതം, തീവ്രപരിചരണം എന്നിവയ്ക്ക് 90 കിടക്കകള്‍ ഉള്‍പ്പെടെ 325 കിടക്കകള്‍ പുതിയ ബ്ലോക്കില്‍ ഉണ്ടാകും. ആദ്യഘട്ടത്തില്‍ പകുതിയോളം കിടക്കകളില്‍ ഓക്സിജന്‍ ക്രമീകരണം ഉണ്ടാകും. രണ്ടാംഘട്ടത്തില്‍ ബാക്കിയുള്ള കിടക്കകളിലും ഓക്സിജന്‍ എത്തിക്കാവുന്ന രീതിയിലാണ് നിര്‍മാണം. 

കായംകുളം താലൂക്ക് ആശുപത്രിയുടെ വികസനത്തിനായി കിഫ്ബിയില്‍ നിന്നും അനുവദിച്ച 45.70 കോടി രൂപയുടെ പദ്ധതികളുടെ നിര്‍മ്മാണോദ്ഘാടനവും മുഖ്യമന്ത്രി നിര്‍വ്വഹിച്ചു. താലൂക്ക്  ആശുപത്രിയില്‍ നടന്ന ചടങ്ങില്‍ അഡ്വ. യു. പ്രതിഭ എം.എല്‍.എ ശിലാഫലകം അനാച്ഛാദനം ചെയ്തു. കിഫ്ബിയില്‍ നിന്നുള്ള തുക വിനിയോഗിച്ച് 1,40,000 ചതുരശ്ര അടി വിസ്തീര്‍ണ്ണത്തില്‍ അഞ്ച് നിലകളായിട്ടാണ് കെട്ടിട സമുച്ചയങ്ങള്‍ നിര്‍മ്മിക്കുന്നത്.

ആലപ്പുഴ: ആലപ്പുഴ ജനറല്‍ ആശുപത്രയിലെ 2021-22 സാമ്പത്തിക വര്‍ഷത്തേക്കുള്ള വൈറ്റ് സാന്റ വിച്ച് ബ്രഡ് (400 ഗ്രാം പാക്കറ്റ്) വിതരണം ചെയ്യുന്നതിന് ദര്‍ഘാസുകള്‍ ക്ഷണിച്ചു. ദര്‍ഘാസുകള്‍ മാര്‍ച്ച് എട്ടിന് വൈകിട്ട് മൂന്നുവരെ സ്വീകരിക്കും. അന്നേദിവസം 3.30ന്് തുറക്കും. വിശദവിവരത്തിന് ഫോണ്‍: 0477 2253324.

ആലപ്പുഴ: ഫെബ്രുവരി 20ന് കൂറ്റനാട് വട്ടേനാട് ഗവണ്‍മെന്റ് വി.എച്ച്.എസ്.എസില്‍ നമ്പര്‍ 2319 പരീക്ഷാ കേന്ദ്രത്തില്‍ ഉച്ചയ്ക്ക് 1.30 മുതല്‍ 3.15 വരെ നടത്താന്‍ നിശ്ചയിച്ച പത്താംതരം കോമണ്‍ പ്രിലിമിനറി പരീക്ഷ തൃത്താല ഡോ.കെ.ബി. മേനോന്‍ മെമ്മോറിയല്‍ ഹയര്‍സെക്കന്ററി സ്‌കൂളിലേയ്ക്ക് മാറ്റിയതായി പി.എസ്.സി ജില്ലാ ഓഫീസര്‍ അറിയിച്ചു. ഉദ്യോഗാര്‍ത്ഥികള്‍ (രജിസ്റ്റര്‍ നമ്പര്‍ 399901 മുതല്‍ 400200 വരെ) ഡൗണ്‍ലോഡ് ചെയ്ത ഹാള്‍ടിക്കറ്റും ബന്ധപ്പെട്ട രേഖകളും സഹിതം തൃത്താല ഡോ. കെ.ബി.മേനോന്‍ മെമ്മോറിയല്‍ ഹയര്‍സെക്കന്ററി സ്‌കൂളില്‍ എത്തണം. വിശദവിവരത്തിന് ഫോണ്‍: 0491 2505398.