വെസ്റ്റ് എളേരി ഗവ.(വനിത) ഐടിഐയില്‍ പ്രവേശനത്തിന് അപേക്ഷ നല്‍കാനുള്ള അവസാന തീയ്യതി നവംബര്‍ 20 വരെ നീട്ടി. അപേക്ഷാഫോമിന്  ഐ ടി ഐ ഓഫീസുമായി  ബന്ധപ്പെടണം. ഡ്രാഫ്റ്റ്‌സ്മാന്‍ (സിവില്‍) , ഡെസ്‌ക് ടോപ് പബ്ലിഷിങ് ഓപ്പറേറ്റര്‍, ഫാഷന്‍ ഡിസൈനിങ്  ആന്‍ഡ് ടെക്‌നോളജി ട്രഡുകളിലേക്കാണ് അപേക്ഷ ക്ഷണിച്ചിരിക്കുന്നത്. ഫോണ്‍ 9496335327, 04672341666,  

മഞ്ചേശ്വരം ബ്ലോക്ക്

ദേശീയ ഹരിത ട്രിബ്യൂണല്‍ നിര്‍ദ്ദേക പ്രകാരം ഗ്രീന്‍ ക്രാക്കേര്‍സ് മാത്രം വില്‍ക്കാനും ദീപാവലിയില്‍ രാത്രി എട്ടു മുതല്‍  10 വരെയും ക്രിസ്മസ്, പുതുവത്സര ദിവസങ്ങളില്‍ രാത്രി 11.55 നും പുലര്‍ച്ചെ 12.30 നുമിടയില്‍ മാത്രമേ പടക്കം പൊട്ടിക്കുവാന്‍ അനുമതിയുള്ളു.  

കോവിഡ് പരിശോധന നടത്തുന്നതിന് ജില്ലയില്‍ പലരും വിമുഖത കാണിക്കുന്നതായി റിപ്പോര്‍ട്ട് ചെയ്യപ്പെട്ടതിനാല്‍ ജില്ലാ മെഡിക്കല്‍ ഓഫീസര്‍ സജ്ജീകരിച്ച മൊബൈല്‍ സ്വാബ് കളക്ഷന്‍ യൂണിറ്റുകളെ ഉപയോഗിച്ച് കാസര്‍കോട്, കാഞ്ഞങ്ങാട് ബസ് സ്റ്റാന്റുകളില്‍ സൗജന്യ ആന്റിജന്‍ പരിശോധന നടത്തുന്നതിന് നടപടികള്‍ സ്വീകരിച്ചതായി ജില്ലാ കളക്ടര്‍ ഡോ ഡി സജിത് ബാബു അറിയിച്ചു.  ഈ രണ്ട് സ്ഥലത്തേക്കും ആവശ്യമായ പോലീസ്, റവന്യൂ, നഗരസഭാ ജീവനക്കാരെ ബന്ധപ്പെട്ട വകുപ്പുകള്‍ നിയോഗിക്കും.  കോവിഡ് പ്രവര്‍ത്തനങ്ങള്‍ വിലയിരുത്തുന്നതിനായി നടന്ന കോറോണ കോര്‍കമ്മിറ്റി യോഗത്തില്‍ സംസാരിക്കുകയായിരുന്നു കളക്ടര്‍ 

തദ്ദേശ സ്വയംഭരണ സ്ഥാപന തെരഞ്ഞെടുപ്പിന്റെ അന്തിമ വോട്ടര്‍പട്ടിക പ്രസിദ്ധീകരിച്ചപ്പോള്‍ പട്ടികയില്‍ ഇടം പിടിച്ചത് 1046226 വോട്ടര്‍മാര്‍ (പുരുഷന്മാര്‍- 501876, സത്രീകള്‍- 544344, ട്രാന്‍സ്‌ജെന്‍ഡര്‍ 6). ജില്ലയിലെ 38 ഗ്രാമ പഞ്ചായത്തുകളിലായി ആകെ 917663 വോട്ടര്‍മാരാണ് അന്തിമ വോട്ടര്‍പട്ടികയുള്‍പ്പെട്ടിട്ടുള്ളത്. ഇതില്‍ 442113 പുരുഷന്മാരും 475545 സ്ത്രീകളും അഞ്ച് ട്രാന്‍സ്‌ജെന്‍ഡേര്‍സുമാണുള്ളത്. 70 പ്രവാസി വോട്ടര്‍മാരും ഇതില്‍ ഉള്‍പ്പെടുന്നു.

ഏറ്റവും കൂടുതല്‍ വോട്ടര്‍മാര്‍ ചെങ്കള പഞ്ചായത്തില്‍, കുറവ്  ബെളളൂര്‍ പഞ്ചായത്തില്‍

തദ്ദേശ സ്വയം ഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് ആവശ്യത്തിലേക്കായി ജില്ലയിലെ വിവിധ വകുപ്പുകൾക്കു കീഴിലുള്ള ഔദ്യോഗിക വാഹനങ്ങൾ ഇന്ന് (13 നവംബർ ) വൈകിട്ടു മൂന്നിനു മുൻപായി കളക്ടറേറ്റിൽ എത്തിക്കണമെന്നു ജില്ലാ തെരഞ്ഞെടുപ്പ് ഓഫിസർകൂടിയായ കളക്ടർ ഡോ. നവ്ജ്യോത് ഖോസ അറിയിച്ചു. വാഹനങ്ങളുടെ ഡ്രൈവർമാർ ഇലക്ഷൻ ഡെപ്യൂട്ടി കളക്ടർ മുൻപാകെ റിപ്പോർട്ട് ചെയ്യണം. വകുപ്പ് മേധാവികൾ, തദ്ദേശ സ്വയംഭരണ സ്ഥാപനങ്ങളുടെ വാഹനങ്ങൾ എന്നിവ ഒഴികെയുള്ള വാഹനങ്ങളാണ് എത്തിക്കേണ്ടത്. ഇക്കാര്യത്തിൽ വീഴ്ച വരുത്തിയാൽ വാഹനങ്ങൾ പിടിച്ചെടുക്കുന്നതടക്കമുള്ള നടപടികൾ സ്വീകരിക്കുമെന്നും കളക്ടർ അറിയിച്ചു.

തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞടുപ്പിന്റെ നാമനിർദേശ പത്രികാ സമർപ്പണം തുടങ്ങി. ആദ്യ ദിനം മൂന്നു പത്രികകളാണു ലഭിച്ചത്. മൂന്നും കരിംകുളം പഞ്ചായത്തിലാണ്.

തിരുവനന്തപുരം ജില്ലയിൽ കോവിഡ് വ്യാപനം തടയുന്നതിന്റെ ഭാഗമായി ഏർപ്പെടുത്തിയ നിയന്ത്രണങ്ങൾ ലംഘിച്ചതിന് ഇന്ന് (12 നവംബർ 2020) 521 പേർക്കെതിരേ നടപടിയെടുത്തതായി ജില്ലാ കളക്ടർ ഡോ. നവ്‌ജ്യോത് ഖോസ അറിയിച്ചു. സി.ആർ.പി.സി. 144 ന്റെ ഭാഗമായി ഏർപ്പെടുത്തിയ നിയന്ത്രണങ്ങൾ കർശനമായി പാലിക്കുന്നുണ്ടെന്ന് ഉറപ്പാക്കാൻ നിയോഗിച്ച സെക്ടറൽ മജിസ്‌ട്രേറ്റുമാർ ജില്ലയുടെ വിവിധ പ്രദേശങ്ങളിൽ നടത്തിയ പരിശോധനയിലാണു നിയമ ലംഘനങ്ങൾ കണ്ടെത്തിയത്. നിയന്ത്രണങ്ങൾ ഈ മാസം 15 വരെ നീട്ടിയിട്ടുണ്ട്.

തിരുവനന്തപുരത്ത് ഇന്ന് (12 നവംബര്‍ 2020) 386 പേര്‍ക്കു കൂടി കോവിഡ് 19 സ്ഥിരീകരിച്ചു. 304 പേര്‍ രോഗമുക്തരായി. നിലവില്‍ 7321പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്. ജില്ലയില്‍ മൂന്നുപേരുടെ മരണം കോവിഡ് മൂലമാണെന്നു സ്ഥിരീകരിച്ചു. അതിയന്നൂർ സ്വദേശി രാജേന്ദ്രൻ(68), തിരുവനന്തപുരം സ്വദേശിനി നീസാമ്മ(85), കൊടുങ്ങാനൂർ സ്വദേശിനി പ്രഭ (48) എന്നിവരുടെ മരണമാണു കോവിഡ് മൂലമാണെന്നു സ്ഥിരീകരിച്ചത്.

ഇന്നു രോഗം സ്ഥിരീകരിച്ചവരില്‍ 286 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ 8 പേര്‍ ആരോഗ്യ പ്രവര്‍ത്തകരാണ്.